Karen Human Rights Group

Mon, 05 Jan 2026

တၢ်ဂီၤတၢ်ကစီၣ် - ပယီၤသုး, BGF ဒီးသုးဖီၣ်စုကဝဲကရူၢ်လၢအအပာ်ဖှိၣ်မၤသကိးတၢ် သ့ၣ်တဖၣ်ခးလီၤကျိဖးဒိၣ်ဆူဒူသဝီပူၤဖဲကီၢ်ပယီၤမုၢ်ထီၣ်ကလံၤထံးအဃိဒုးအိၣ်ထီၣ်ဝဲတၢ်ဘၣ်ဒိဘၣ်ထံး (လါယနူၤအါရံၤ တုၤ လါနိၣ်ဝ့ဘၢၣ် ၂ဝ၂၅ နံၣ်)

တၢ်ဂီၤတၢ်ကစီၣ်တဘ့ၣ်အံၤပာ်ဖျါဝဲတၢ်ဂီၤတၢ်အုၣ်သးလၢပယီၤသုးဒီးသုးဖီၣ်စုကဝဲၤကရူၢ်လၢအမၤသကိးဃုၣ်တၢ်, ပၣ်ဃုာ်ဒီး သုးခီးကီၢ်ဆၢ (BGF) ဒီးပၠူၤစီထံခးလီၤဝဲကျိဖးဒိၣ်စးထီၣ်လၢလါယနူၤအါရံၤတုၤလါနိၣ်ဝ့ဘၢၣ် ၂၀၂၅ နံၣ်ဒီးဒုးအိၣ်ထီၣ် ဝဲတၢ်ဘၣ်ဒိဘၣ်ထံးလၢဒူသဝီကမျၢၢ်သ့ၣ်တဖၣ်န့ၣ်လီၤ. ဆၢကတီၢ်ဖဲအံၤ, ကညီပှၤဂ့ၢ်ဝီခွဲးယာ်ကရူၢ် (KHRG) မၤနီၣ်မၤဃါ ဝဲတၢ်အုၣ်သးသ့ၣ်တဖၣ်အါမးဘၣ်ဃးတၢ်မၤဘၣ်ဒိပှၤဟီၣ်ခိၣ်ဖိခွဲးယာ်သုးဖိသ့ၣ်တဖၣ်မၤဝဲ, အါတက့ၢ်ပယီၤသုးလၢအအိၣ် လၢကီၢ်ပယီၤသုးမီၤစိရိၤတၢ်ပၢအဖီလာ်သ့ၣ်တဖၣ်ရၤလီၤအသးဒီးခးလီၤတၢ်လၢကမျၢၢ်အိၣ်ဆိးဟီၣ်ကဝီၤအလီၢ်န့ၣ်လီၤ. စးထီၣ် လၢ ၂၀၂၁ သုးဟံးန့ၢ်ဆူၣ်တၢ်စိတၢ်ကမီၤဝံၤအလီၢ်ခံဒီးတုၤဃီလၢ ၂၀၂၅ အံၤန့ၣ် SAC ခးလီၤနါစိၤကျိဖးဒိၣ်အါထီၣ်ဒီးဘၣ် သံဒီးဘၣ်ဒိဝဲသဝီဖိသ့ၣ်တဖၣ်, ဘၣ်ဟးဂီၤဟံၣ်ဃီ, စံာ်ဧိၤပှဲၤဧိၤ, တၢ်စုလီၢ်ခီၣ်ခိၣ်ဒီးပှၤတဝၢတၢ်သူၣ်ထီၣ်သ့ၣ်တဖၣ်, ဒုးအိၣ် ထီၣ်ဝဲတၢ်ပျံၤတၢ်ဖုးလၢကျိဖးဒိၣ် (UXO) လၢအတပိၢ်ဖးထီၣ်ဘၣ်တဖၣ်, မၤတံာ်တာ်သဝီဖိသ့ၣ်တဖၣ်လၢကလဲၤထီၣ်က့ၤ လီၤဘၣ်လၢတၢ်သဘျ့အပူၤလၢတၢ်လုၢ်အီၣ်နီၢ်ခိသးသမူအဂီၢ်ဒီးဒုးအိၣ်ထီၣ်ဝဲတၢ်ဃ့ၢ်မှံးဟးဖျိးအါအါဂီၢ်ဂီၢ်န့ၣ်လီၤ. သဝီဖိသ့ၣ် တဖၣ်မ့ၢ်အိၣ်ဒီးတၢ်တၤတၢ်ထဲလဲၣ်ဘၣ်ဆၣ်အဝဲသ့ၣ်ဃုဝဲကျဲဖံးမၤဘၣ်တၢ်လၢတၢ်လုၢ်အီၣ်နီၢ်ခိသးသမူအဂီၢ်, ပၣ်ဃုာ်ဒီးတၢ်ဆှၢ ဝဲပှၤသဝီဖိလၢအဘၣ်ဒိသ့ၣ်တဖၣ်လၢကဒိးန့ၢ်ဘၣ်တၢ်ကူစါယါဘျါသးဒီးကသုးကွံာ်အသးလၢတၢ်လီၢ်လၢအပူၤဖျဲးန့ၣ်လီၤ.

Tue, 23 Dec 2025

ချၢၣ်လွံၢ်ထူၣ်ကီၢ်ရ့ၣ်တၢ်ကဲထီၣ်သးတၢ်ပာ်ဖျါ- SAC အကဘီယူၤဟဲခးလီၤတၢ်အဃိဒုး အိၣ်ထီၣ်တၢ်သံတၢ်ပှၢ်, တၢ်ဘၣ်ဒိဘၣ်ထံးပၣ်ဃုာ်ဒီးဖိသၣ်တဂၤ, ဒီးတၢ်ဟးဂူာ်ဟးဂီၤဖဲ မူကီၢ်ဆၣ်အပူၤ (လါအ့ဖြ့ၣ် ၂၀၂၅ နံၣ်)

တၢ်ကဲထီၣ်သးတၢ်ပာ်ဖျါတဘ့ၣ်အံၤပာ်ဖျါထီၣ်ဝဲတၢ်ကဲထီၣ်သးဖဲလါအ့ဖြ့ၣ် ၂၀၂၅ နံၣ်ဖဲ မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်အပူၤ န့ၣ်လီၤ. ဖဲလါအ့ဖြ့ၣ် ၂၈ သီ, ၂၀၂၅ နံၣ်အနံၤ, ကဘၣ်ဖဲဂီၤခီ ၁၀:၁၅ မံးနံးအဆၢကတီၢ် ထံကီၢ်တၢ်ပၢတၢ်ပြးကီၣ်ကးကရၢ (SAC) အကဘီယူၤဒုးသုးတဘ့ၣ်ဟဲတ့ၢ်လီၤဝဲမ့ၣ်ပိၢ် (၂) ဖျၢၣ်ဖဲ ကည့ၣ်တဲကရူၢ်, မူဟီၣ်ကဝီၤလီၤဆီ, မူ (မုန်း) ကီၢ်ဆၣ်အပူၤ န့ၣ်လီၤ. မ့ၣ်ပိၢ်အကျါတဖျၢၣ်န့ၣ်လီၤတဲာ်ပိၢ်ဖးထီၣ်ဖဲ ကက--- သဝီပူၤဒီးမ့ၣ်ပိၢ်အဂၤတဖျၢၣ်န့ၣ်လီၤတဲာ်လၢသဝီချၢဒီးတပိၢ်ဖး ထီၣ်ဘၣ်န့ၣ်လီၤ. လၢတၢ်န့ၣ်အဃိသဝီဖိ (၃) ဂၤဘၣ်သံကွံာ်ဝဲဒီးသဝီဖိ (၂) ဂၤဘၣ်ဒိဘၣ်ထံးအကျါပၣ်ဃုာ်ဒီးဖိသၣ်တနံၣ်တ ဂၤန့ၣ်လီၤ. ဟံၣ်ဘၣ်ဟးဂီၤလီၤပှီၢ်ကွံာ်ဝဲ (၂) ဖျၢၣ်ဒီးဘၣ်ဒိဝဲ (၄) ဖျၢၣ်န့ၣ်လီၤ. တၢ်ဟဲခးလီၤတၢ်ဒီးကဘီယူၤဝံၤအလီၢ်ခံသဝီဖိ လၢအအိၣ်ဖဲ ကက--- သဝီပူၤတဖၣ်မ့ၢ်နၢ်ဟူဝဲကဘီယူၤယူၤသီၣ်န့ၣ်အဝဲသ့ၣ်ပျံၤတၢ်ဖုးတၢ်ဒီးဘၣ်ယိၣ်ဘၣ်ဘှီတၢ်န့ၣ်လီၤ. အခဲ အံၤသဝီဖိတနီၤလဲၤဃ့ၢ်အိၣ်က့ၤဝဲလၢသဝီအဂၤန့ၣ်လီၤ.

Wed, 03 Dec 2025

တၢ်ဂီၤတၢ်ကစီၣ် - SAC ခးလီၤတၢ်လၢကဘီယူၤဖဲကမျၢၢ်ဟီၣ်ကဝီၤတၢ်အိၣ်တၢ်ဆိး အလီၢ်ဒီးဒုးအိၣ်ထီၣ်ဝဲတၢ်ဘၣ်ဒိဘၣ်ထံး, တၢ်ဟးဂူာ်ဟးဂီၤဒီးတၢ်ဃ့ၢ်မှံဟးဖျိး (လါယနူၤအါရံၤ တုၤ လါဒံၣ်စဲဘၢၣ် ၂ဝ၂၄ နံၣ်)

တၢ်ဂီၤတၢ်ကစီၣ်တဘ့ၣ်အံၤပာ်ဖျါထီၣ်ဝဲတၢ်ဂီၤတၢ်အုၣ်သးလၢထံကီၢ်တၢ်ပၢတၢ်ပြးကီၣ်ကးကရၢ (SAC) ကဘီယူၤခးလီၤတၢ်ဖဲ ထံဖိကီၢ်ဖိကမျၢၢ်အဟီၣ်ကဝီၤပူၤဖဲကီၢ်ပယီၤမုၢ်ထီၣ်ကလံၤထံးတကပၤ, ပၣ်ဃုာ်ဒီးဒူသဝီဒီးတၢ်ဖံးအီၣ်မၤအီၣ်လီၢ်ကျဲသ့ၣ်တ ဖၣ်စးထီၣ်လၢလါယနူၤအါရံၤတုၤလီၤလၢလါဒံၣ်စဲဘၢၣ် ၂၀၂၄ နံၣ်န့ၣ်လီၤ. ဖဲတၢ်ပာ်ဖျါထီၣ်တၢ်ဂ့ၢ်တၢ်ကျိၤအဆၢကတီၢ်န့ၣ်, KHRG ဒိးန့ၢ်ဘၣ်ဝဲတၢ်ဂ့ၢ်တၢ်ကျိၤအါမးဘၣ်ဃး SAC ပညိၣ်ဒီးခးလီၤနါစိၤတၢ်လၢဒြိဒီးကဘီယူၤဖဲသဝီဖိအဟီၣ်ကဝီၤဒီးဘၣ် ဒိဝဲဒူသဝီဖိအတၢ်အိၣ်မူအဒိၣ်ကတၢၢ်တခါလၢအဘၣ်တၢ်ပာ်ဖျါထီၣ်အီၤစးထီၣ်လၢ ၂၀၂၁ သုးမီၤစိရိၤဟံးန့ၢ်ဆူၣ်တၢ်စိတၢ်က မီၤလံၤလံၤန့ၣ်လီၤ. ကဘီယူၤခးလီၤတၢ်အံၤမၤသံဒီးမၤဘၣ်ဒိဝဲသဝီဖိသ့ၣ်တဖၣ်, မၤဟးဂူာ်ဟးဂီၤအဝဲသ့ၣ်ဟံၣ်ဃီ, ပှၤတဝၢ တၢ်သူၣ်ထီၣ်သ့ၣ်တဖၣ်, တၢ်ဖံးအီၣ်မၤအီၣ်အလီၢ်သ့ၣ်တဖၣ်ဒီးဒုးအိၣ်ထီၣ်ဝဲတၢ်ဃ့ၢ်မှံဟးဖျိးအါအါဂီၢ်ဲဂီၢ်န့ၣ်လီၤ. တၢ်ခးလီၤတၢ် အံၤဒုးအိၣ်ထီၣ်ဝဲတၢ်ပျံၤတၢ်ဖုးဒီးမၤတံာ်တာ်ဝဲတၢ်ကူၣ်ဘၣ်ကူၣ်သ့ဒီးတၢ်အိၣ်ဆူၣ်အိၣ်ချ့အတၢ်ခွဲးတၢ်ယာ်ဒီးတၢ်လီၤဘၣ်ယိၣ်လၢမ့ၣ်ပိၢ်လၢအတပိၢ်ဖးထီၣ် (UXO) သ့ၣ်တဖၣ်အါထီၣ်ဝဲလၢကမျၢၢ်သ့ၣ်တဖၣ်အဟီၣ်ကဝီၤပူၤန့ၣ်လီၤ. ခီဖျိလၢကဘီ ယူၤခးလီၤတၢ်အဃိ, သဝီဖိသ့ၣ်တဖၣ်လဲၤဖံးအီၣ်မၤအီၣ်က့ၤတၢ်လၢစံာ်ပျီပူၤဒီးတၢ်ဖံးအီၣ်မၤအီၣ်အလီၢ်လၢတၢ်လုၢ်အီၣ်နီၢ်ခိ သးသမူအဂီၢ် တဘူၣ်လၢၤဘၣ်ဒီးကဘၣ်ဟးဃ့ၢ်အိၣ်ကဒုလၢပှၢ်ပူၤဒီးလၢလ့ပူၤန့ၣ်လီၤ.

Sun, 30 Nov 2025

ကညီဂ့ၢ်ဝီခွဲးယ၁်ကရူၢ်လံ၁်တၢ်ကစီၣ်ရၤလီၤလၢ ဘၣ်တၢ်ထုးထီၣ်အီၤ ၂၅ ဝီတဝီ (လါနိၣ်ဝ့ဘၢၣ် ၂၀၂၅ နံၣ်)

Wed, 10 Dec 2025

လံာ်ဘိးဘၣ်ရၤလီၤလၢ ၂၀၂၅ နံၣ် ဟီၣ်ခိၣ်ဒီဘ့ၣ်ပှၤဟီၣ်ခိၣ်ဖိခွဲးယာ်မုၢ်နံၤ

Fri, 28 Nov 2025

ဒူပျာ်ယာ်ကီၢ်ရ့ၣ် တၢ်ကဲထီၣ်သးတၢ်ပာ်ဖျါ- SAC ခးလီၤတၢ်လၢကဘီယူၤဒီး ခးလီၤကျိဖးဒိၣ်အဃိဒုးအိၣ်ထီၣ်ဝဲတၢ်ဘၣ်ဒိဘၣ်ထံး, တၢ်ဟးဂူာ်ဟးဂီၤဒီး တၢ်ဃ့ၢ်မှံဟးဖျိးဖဲကီးတရံးကီၢ်ဆၣ် (လါမ့ၤ ၂၀၂၅ နံၣ်)

တၢ်ကဲထီၣ်သးတၢ်ပာ်ဖျါတဘ့ၣ်အံၤပာ်ဖျါထီၣ်ဝဲတၢ်ကဲထီၣ်သးဖဲကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်ဖဲလါမ့ၤ ၂၀၂၅ နံၣ်န့ၣ် လီၤ. ဖဲလါမ့ၤ ၂၅ သီ, ၂၀၂၅ နံၣ်အနံၤန့ၣ်, ထံကီၢ်တၢ်ပၢတၢ်ပြးကီၣ်ကးကရၢ (SAC) ဟဲခးလီၤတၢ်လၢကဘီယူၤဖဲအဘ---သဝီ, သ့ၣ်ဘီဘိကရူၢ်, ကီးတရံးကီၢ်ဆၣ်အပူၤဘၣ်ဆၣ်တၢ်ဘၣ်ဒိဘၣ်ထံးတအိၣ်ဘၣ်န့ၣ်လီၤ. ဖဲတၢ်တနံၤန့ၣ်ကဘီယူၤခးလီၤ တၢ်ဝံၤအ လီၢ်ခံ SAC သုးဖိခးလီၤဝဲကျိဖးဒိၣ်လၢတၢ်တသ့ၣ်ညါအနီၣ်ဂံၢ်နီၣ်ဒွးဘၣ်ဆူသဝီပူၤဒီးဘၣ်ဒိဝဲပှၤဒီပုၢ်ဝဲ (၂) ဂၤန့ၣ်လီၤ. ဒ်န့ၣ်အသိး, ဖဲလါမ့ၤ ၂၉ သီ, ၂၀၂၅ နံၣ်အနံၤန့ၣ် SAC ကဘီယူၤဒုးသုးတဘ့ၣ်ဟဲတ့ၢ်လီၤမ့ၣ်ပိၢ်ဖဲအဘ---သဝီတီၤဖုၣ်ကၠိမဲာ်ညါ ကအိၣ်လၢ (၄) ဖျၢၣ်မ့တမ့ၢ် (၅) ဖျၢၣ်ညါဒီးဘၣ်ဒိဝဲကၠိဒီးဟံၣ်ဒွဲန့ၣ်လီၤ. တနံၤဃီအတီၢ်ပူၤ, SAC ကဘီယူၤဒုးသုးတဘ့ၣ် ဟဲတ့ၢ်လီၤဝဲမ့ၣ် ပိၢ် (၁၁) ဖျၢၣ်လၢအအ---သဝီပူၤန့ၣ်လီၤ. လၢသဝီပူၤအံၤတၢ်ဒုးတၢ်ယၤဒီးသုးဖိသ့ၣ်တဖၣ်တအိၣ်ဘၣ်န့ၣ်လီၤ. လၢတၢ်တ့ၢ်လီၤ ဝဲမ့ၣ်ပိၢ်တဘျီအံၤသဝီဖိဘၣ်ဒိအိၣ်ဝဲ (၄) ဂၤပၣ်ဃုာ်ဒီးကၠိဖိ (၃) ဂၤလၢအသးနံၣ်တပှဲၤဒံးဘၣ်န့ၣ်လီၤ. ကၠိဖိအကျါတဂၤ လၢအဘၣ်ဒိနးဒီးဘၣ်ဒိဝဲဖဲအကံၣ်ဒုၣ်တဂၤဘၣ်တၢ်ဆှၢအီၤဆူကၠီၣ်တဲၣ်တၢ်ဆါဟံၣ်ဒီးမ့မ့ၢ်အဝဲ (၂) ဂၤန့ၣ် ဘၣ်တၢ်ကူစါယါဘျါအီၤဖဲတၢ်ဟ့ၣ်ကသံၣ်ဒၢးတဖျၢၣ် လၢအဘၣ်တၢ်တီခိၣ်ရိၣ်မဲအီၤလၢကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) န့ၣ်လီၤ. မ့ၣ်ပိၢ်အက့သ့ၣ်တဖၣ်ဘၣ်ဒိစ့ၢ်ကီးဝဲတၢ်သူၣ်ထီၣ်လၢအအိၣ်ဖဲသဝီပူၤပၣ်ဃုာ်ဒီးကၠိတဖျၢၣ်, သီခါဖၠၣ်တ ဖျၢၣ်ဒီးသဝီဖိအဟံၣ်သ့ၣ်တဖၣ်န့ၣ်လီၤ. မ့ၢ်လၢတၢ်ခးလီၤတၢ်လၢကဘီယူၤဒီးကျိဖးဒိၣ်အဃိ, သဝီဖိအါအါဂီၢ်ဂီၢ်ဘၣ်ဃ့ၢ်အိၣ် ကမှံဝဲလၢပှၢ်ပူၤ, လၢတၢ်ဖံးအီၣ်မၤအီၣ်အလီၢ်ဒီးလၢဒူသဝီအဂၤသ့ၣ်တဖၣ်န့ၣ်လီၤ. ပှၤလၢဃ့ၢ်အိၣ်ကမှံသ့ၣ်တဖၣ်ထံၣ်ဘၣ်ဝဲ တၢ်ကီတၢ်ခဲသ့ၣ်တဖၣ်အါမးခီဖျိအဝဲသ့ၣ်စိာ်ဃုာ်ဝဲတၢ်ဖိတၢ်လံၤလၢအဟံၣ်ပူၤတန့ၢ်အါအါဘၣ်ဒီးဒိးန့ၢ်တၢ်ဆီၣ်ထွဲမၤစၢၤထဲတ ဆံးတက့ၢ်န့ၣ်လီၤ. အါန့ၢ်အန့ၣ်ကၠိသ့ၣ်တဖၣ်ဘၣ်ပတုာ်ကွံာ်အသးခီဖျိတၢ်ဘံၣ်တၢ်ဘၢတဂ့ၤဘၣ်ဒီးကၠိဖိသ့ၣ်တဖၣ်ဘၣ်ဖံးလိ မၤဒိးတၢ်ဖဲပှၢ်ပူၤန့ၣ်လီၤ. ဒူသဝီဖိသ့ၣ်တဖၣ်ဘၣ်ကွၢ်ဆၢၣ်မဲာ်စ့ၢ်ကီးတၢ်အိၣ်ဆူၣ်အိၣ်ချ့အတၢ်ဂ့ၢ်ကီသ့ၣ်တဖၣ်ခီဖျိလၢသဝီ ပူၤတၢ်ဟ့ၣ်ကသံၣ်ဒၢးဒီးတၢ်ဆါဟံၣ်တအိၣ်ဘၣ်, ကသံၣ်ကသီတလၢပှဲၤဘၣ်ဒီးဖဲပှၤတဂၤဂၤမ့ၢ်လိၣ်ဘၣ်တၢ်ကူစါယါဘျါလၢ အဆိအချ့န့ၣ်တညီစ့ၢ်ကီးဝဲလၢတၢ်ကဆဲးကျၢဆူၣ်ချ့ပှၤမၤတၢ်ဖိဘၣ်န့ၣ်လီၤ.

Thu, 27 Nov 2025

ဘျံးဒဝဲၢ်ကီၢ်ရ့ၣ် တၢ်ကဲထီၣ်သးတၢ်ပာ်ဖျါ- သဝီဖိ (၂) ဂၤ, ပၣ်ဃုာ်ဒီးဖိသၣ် ပိာ်ခွါ(၁၇) နံၣ်တဂၤ ယီၢ်ဘၣ်ဟီၣ်လာ်မ့ၣ်ပိၢ်ဖဲ လၢၢ်ဒိၣ်စိကီၢ်ဆၣ် (လါအ့ဖြ့ၣ် ၂၀၂၅ နံၣ်)

တၢ်ကဲထီၣ်သးတၢ်ပာ်ဖျါတဘ့ၣ်အံၤပာ်ဖျါထီၣ်ဝဲတၢ်ကဲထီၣ်သးလၢ လၢၢ်ဒိာ်စိကီၢ်ဆၣ်, ဘျံးဒဝဲၢ်ကီၢ်ရ့ၣ် အပူၤဖဲ လါအ့ ဖြ့ၣ် ၂၀၂၅ နံၣ်အတီၢ်ပူၤန့ၣ်လီၤ. ဖဲလါအ့ဖြ့ၣ် ၈ သီ, ၂၀၂၅ နံၣ်န့ၣ်, ပှၤဒီပုၢ်ဝဲၢ်ခွါခံဂၤလၢအမံၤမ့ၢ် မီၤပ--- ဒီး မီၤရ--- လၢအအိၣ်ဖဲ ဆအ--- သဝီ, ကမိၤသွ့ဟီၣ်ကဝီၤ, လၢၢ်ဒိၣ်စိကီၢ်ဆၣ် အပူၤအံၤယီၢ်ဘၣ်ဟီၣ်လာ်မ့ၣ်ပိၢ် (၂) ဖျၢၣ်ဖဲအဝဲသ့ၣ်အကျီးပူၤ ဖဲအဝဲသ့ၣ်လဲၤထၢဝဲတခီးထိၣ်ကံၣ်ချံအဆၢကတီၢ်န့ၣ်လီၤ. မ့ၣ်ပိၢ်အံၤမ့ၢ်သုးဖီၣ်စုကဝဲၤဖဲလဲၣ်တဖုဒိးလီၤပာ်ဝဲလဲၣ်န့ၣ် တၢ်တသ့ၣ်ညါအီၤဘၣ်န့ၣ်လီၤ. မ့ၢ်လၢဟီၣ်လာ်မ့ၣ်ပိၢ်အတၢ်ပိၢ်ဖးထီၣ်အဃိန့ၣ်, မီၤပ--- လၢသးနံၣ်အိၣ် (၁၇) နံၣ်တဂၤအံၤ အခီၣ်ထွဲတူာ်ကွံာ်ဝဲ ဒီး မ့မ့ၢ် မီၤရ--- သးနံၣ် (၂၂) နံၣ်တဂၤန့ၣ်, အခီၣ်စ့ၣ်တူာ်ကွံာ်န့ၣ်လီၤ. မ့ၢ်လၢ တၢ်ကဲထီၣ်သးဒ်အံၤအဃိ, သဝီဖိလၢအအိၣ်ဖဲ ဆအ--- သဝီ သ့ၣ်တဖၣ် လၢအဝဲသ့ၣ်ကလဲၤဖံးမၤတၢ်လၢအဝဲသ့ၣ်အကျီးပူၤ, စံာ်ပူၤအဂီၢ် တူၢ်ဘၣ်သ့ၣ်ဝဲ လၢတၢ်ဘံၣ်တၢ်ဘၢတအိၣ်လၢအဝဲသ့ၣ်အဂီၢ်ဘၣ်န့ၣ်လီၤ. လၢဟီၣ်ကဝီၤဝဲန့ၣ်အ ပူၤသုးဖီၣ်စုကဝဲၤလၢအမ့ၢ် ထံကီၢ်တၢ်ပၢ တၢ်ပြးကီၣ်ကးကရၢ (SAC) ဒီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) ဟူးဂဲၤဝဲခံဖုလၢာ်အဃိ, ဟီၣ်လာ်မ့ၣ်ပိၢ်အံၤမ့ၢ် အဘၣ်တၢ်ဒိးလီၤအီၤလၢ သုးဖီၣ်စုကဝဲၤဖဲလဲၣ်တဖုလဲၣ်န့ၣ်, သဝီဖိသ့ၣ် တဖၣ်တသ့ၣ်ညါဝဲဘၣ်န့ၣ်လီၤ. သဝီဖိလၢအဘၣ်ဒိ (၂) ဂၤအံၤဘၣ်ကွၢ်ဆၢၣ်မဲာ်ဝဲဒီးတၢ်ဂ့ၢ်ကီလၢအဝဲသ့ၣ်တၢ်လုၢ်လီၤအီၣ်နီၢ် ခိသးသမူအပူၤန့ၣ်လီၤ.

Mon, 24 Nov 2025

ဖၣ်အၣ်ကီၢ်ရ့ၣ် တၢ်ကဲထီၣ်သးတၢ်ပာ်ဖျါ- ပယီၤသုးအဒြိဟဲခးလီၤတၢ်အဃိ ဘၣ်ဒိဝဲကၠိသရၣ်ဒီးသရၣ်မုၣ် (၂) ဂၤ, ကၠိဖိ (၁) ဂၤ ဒီးဘၣ်ဟးဂီၤဝဲကၠိတၢ်သူၣ်ထီၣ် (၁)ဖျၢၣ် ဖဲတၢ်ကြဲၢ်ကီၢ်ဆၣ် (လါစဲးပထ့ဘၢၣ် ၂၀၂၅ နံၣ်)

တၢ်ကဲထီၣ်သးတၢ်ပာ်ဖျါတဘ့ၣ်အံၤ ပာ်ဖျါထီၣ်ဝဲတၢ်ကဲထီၣ်သးဖဲ တၢ်ကြဲၢ်ကီၢ်ဆၣ်, ဖၣ်အၣ်ကီၢ်ရ့ၣ်အပူၤ ဖဲလါစဲးပထ့ဘၢၣ် ၂၀၂၅ နံၣ်န့ၣ်လီၤ. ဖဲလါစဲးပထ့ဘၢၣ် ၃ သီ, ၂၀၂၅ နံၣ်န့ၣ်, ပယီၤသုးပျၢ်ထီၣ်ဝဲအကၤမံၤကၤစ့ၤဒြိတဘ့ၣ်ဒီး လီၤတဲာ်ပိၢ်ဖးထီၣ်ဝဲ လၢတီၤခၢၣ်သးကၠိတဖျၢၣ်အဖီခိၣ် လၢအအိၣ်ဖဲ ကက--- သဝီ, ပံၢ်တခးကရူၢ်, တၢ်ကြဲၢ်ကီၢ်ဆၣ်, ဒီးဘၣ်ဒိဝဲကၠိသရၣ်,သရၣ်မုၣ် (၂) ဂၤ, ကၠိဖိ ၁၅ နံၣ်တဂၤ, ဒီးဘၣ်ဟးဂီၤဝဲကၠိအရူတဖျၢၣ်န့ၣ်လီၤ. ပှၤတူၢ်ဘၣ်တၢ်သ့ၣ်တဖၣ်အံၤ ဒိးကူစါယါဘျါဝဲအသး ဖဲ တၢ်ဆါဟံၣ်တဖျၢၣ်လၢအအိၣ်ဖဲ ပံၢ်တခးကရူၢ်ပူၤန့ၣ်လီၤ. ဖဲတၢ်ကဲထီၣ်သးဝံၤအလီၢ်ခံ, သဝီဖိတဖၣ် ပျံၤတၢ်ဖုးတၢ်အဃိ တၢ်ပာ်ပတုာ်ကွံာ်ကၠိတၢ်သိၣ်လိန့ၣ်လီၤ.

Mon, 05 Jan 2026

Tue, 23 Dec 2025

Wed, 10 Dec 2025

Wed, 03 Dec 2025

တၢ်သိၣ်လိ

ပဟ့ၣ်တၢ်သိၣ်လိဘၣ်ဃး ၦၤဂ့ၢ်ဝီခွဲးယာ် ဟီၣ်ခိၣ်ဒီဘ့ၣ်တၢ်တိစၢၤမၤစၢၤၦၤဂ့ၢ်ဝီတၢ်လိၣ်ဘၣ်သဲစးတၢ်ဘျၢ (IHL) အဂ့ၢ် ဆူလီၢ်ကဝီၤဂံၢ်ခီၣ်ထံးတၢ်ကရၢကရိဒီးသုးဖီၣ်စုကဝဲၤကရၢတဖၣ် လၢတၢ်ဆီၣ်ထွဲမၤစၢၤအဝဲသ့ၣ် လၢ ခါဆူညါအတၢ်ဒီ သဒၢဒီးမၤနီၣ်မၤဃါတၢ်မၤပယွဲၦၤဂ့ၢ်ဝီခွဲးယာ်အဂီၢ်န့ၣ်လီၤ.

တၢ်ကူၣ်လိာ်တၢၣ်ပီၣ် တဲသကိးတၢ်မၤလိ

ပတၢ်ကူၣ်လိာ်တၢၣ်ပီၣ်တဲသကိးတၢ်မၤလိလၢၦၤတဝၢအပတီၢ်တဖၣ် ဟ့ၣ်ၦၤသဝီဖိတဖၣ်တၢ်လီၢ်လၢ ကဟ့ၣ်ခီဟ့ၣ်နီၤ လီၤအတၢ်လဲၤခီ ဖျိတဖၣ်ႇ ဒိးန့ၢ်ဘၣ်တၢ်သ့ၣ်ညါနၢ်ပၢၢ်ဒီး မၤလဲၤထီၣ်လဲၤထီအဝဲသ့ၣ် အနီၢ်ကစၢ်တၢ်ဒီသဒၢလီၤသး အကျိၤအကျဲတဖၣ်န့ၣ်လီၤ.

တၢ်မၤနီၣ်မၤဃါ

ပမၤလိၦၤတဝၢဖိတဖၣ် လၢကမၤနီၣ်မၤဃါ တၢ်မၤဘၣ်ဒိၦၤဂ့ၢ်ဝီခွဲးယာ်လၢပျီပူၤဒီး ဘၣ်တၢ်ကျိာ်ထံက့ၤအီၤဒီး ရၤလီၤအီၤ လၢပလံာ်တၢ်ကစီၣ်အပူၤ ဒ်သိးပကဒုးသ့ၣ်ညါၦၤဂၤလၢ သဝီဖိတဖၣ်အတၢ်ထံၣ်အတၢ်ပာ်သး အဂီၢ်န့ၣ်လီၤ.

တၢ်တဲန့ၢ်ခဲးတၢ်

ပမၤသကိးတၢ်ဒီး လီၢ်ကဝီၤဒီးဟီၣ်ခိၣ်ဒီဘ့ၣ် ၦၤလၢအမၤတၢ်ဆၢတဲာ်သ့ဘၣ်ဃးဒီး ၦၤဟီၣ်ခိၣ်ဖိခွဲးယာ်သ့ၣ်တဖၣ် ဒီးမၤလီၤတံၢ်အီၤ ဒ်သိးၦၤသဝီဖိတဖၣ်အကလုၢ်ကတုၤဆူ ၦၤလၢအမၤတၢ်ဆၢတဲာ်လၢ အလုၢ်ဘၢအဝဲသ့ၣ်အတၢ်အိၣ်မူ သ့သ့ၣ်တဖၣ် အအိၣ်အဂီၢ်န့ၣ်လီၤ.