တၢ်ကဲထီၣ်သးအကလုာ်

[တၢ်ခးလီၤတၢ်ဒီးဒြိ.] SAC [ထံကီၢ်တၢ်ပၢတၢ်ပြးကီၣ်ကးကရၢ, လၢဘၣ်တၢ်သ့ၣ်ညါစ့ၢ်ကီး အီၤလၢကီၢ်ပယီၤသုး] ဟဲခးလီၤတၢ်ဒီးဒြိအဃိ ဘၣ်သံဝဲသဝီဖိပိာ်မုၣ် (၂) ဂၤဒီး ဘၣ်ဒိဝဲဖိ သၣ်တဂၤ.

တၢ်ကဲထီၣ်သးမုၢ်နံၤမုၢ်သီ

လါမးရှး ၃၁ သီ, ၂၀၂၆ နံၣ်အနံၤ

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အအ--- သဝီ, မဲၣ်ကသးကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်အဂ့ၢ်အကျိၤ

မံၤ

နီၢ်အ---

နီၢ်ဘ---

နီၢ်ဆ---

သးနံၣ်

၃၁ နံၣ်

၃၃ နံၣ်

၆ နံၣ်

မုၣ်/ ခွါ

မုၣ်

မုၣ်

မုၣ်

ကလုာ်

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

-

တၢ်ဖံးတၢ်မၤ

ပှၤလၢဒိးသန့ၤသး

မုၢ်ဆ့ၣ်မုၢ်ဂီၤ

ကၠိဖိ

တၢ်ဘူၣ်တၢ်ဘါ

ဘူးဒး

ခရံာ်ဖိ

-

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

အိၣ်ဆိးဒူသဝီ

အဘ--- ဝ့ၢ် [ကီးတရံး ကီၢ်ဆၣ်, ဒူပျာ်ယာ်ကီၢ် ရ့ၣ်]

အဆ--- သဝီ, အ့ၤယၤဝတံၤ ကီၢ်ခီ

အဆ--- သဝီ, အ့ၤယၤဝတံၤ ကီၢ်ခီ

ၦၤလၢအမၤအၢပယွဲတၢ်အဂ့ၢ်အကျိၤ

ကဘီယူၤအကလုာ်           

သုးဂံၢ်ထံး

အိၣ်သူၣ်လီၤသးလီၢ်ကျဲ

အခိၣ်အမံၤ

ဒြိ [စဲးလၢပှၤနီ တၢ်ဖိတ အိၣ်လၢအပူၤ]

ထံကီၢ်တၢ်ပၢတၢ်ပြးကီၣ်ကး ကရၢ (SAC) ကလံၤသုး

တသ့ၣ်ညါ

[သုးခိၣ်ဒိၣ်ထိအီၤ, ကီၢ်ပယီၤသုးကလံၤ သုး အသုးခိၣ်ကျၢၢ်]

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

လီၢ်ကဝီၤခိၣ်နၢ်လၢဒူပျာ်ယာ်ကီၢ်ရ့ၣ်ပူၤတဂၤ ဆှၢဝဲတၢ်ဂီၤတဖၣ်လၢအပၣ်ဃုာ်ဒီး တၢ်သံတၢ်ပှၢ်အဂီၤ, အမံၤအသၣ်, ဒီး သးနံၣ် သးလါတဖၣ်အဃိ ယ [KHRG ပျီပူၤပှၤမၤတၢ်ဖိတဂၤ] သ့ၣ်ညါဘၣ်ဝဲတၢ်ဂ့ၢ်အံၤန့ၣ်လီၤ. [KHRG ပျီပူၤပှၤမၤတၢ်ဖိတဂၤအံၤ လဲၤ ဆူတၢ်ကဲထီၣ်သးအလီၢ်, မၤဝဲတၢ်ထံၣ်လိာ်သံကွၢ်ဒီးပှၤတူၢ်ဘၣ်တၢ်တဖၣ်အဟံၣ်ဖိဃီဖိ, ဒီးဒိန့ၢ်ဝဲတၢ်ဘၣ်ဒိဘၣ်ထံးအဂီၤတ နီၤန့ၣ်လီၤ.]

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပှၤလၢအဟ့ၣ်ယၤ [KHRG ပျီပူၤပှၤမၤတၢ်ဖိတဂၤ] တၢ်ဂ့ၢ်တၢ်ကျိၤတဖၣ်မ့ၢ်ဝဲ သဝီဖိပိာ်မုၣ်လၢအသံတဖၣ်အဝၤန့ၣ်လီၤ. [ပှၤလၢ အတူၢ်ဘၣ်တၢ်တဖၣ်] သံကွံာ်ဝဲခီဖျိ ထံကီၢ်တၢ်ပၢတၢ်ပြးကီၣ်ကးကရၢ အဒြိဟဲတ့ၢ်လီၤမ့ၣ်ပိၢ် (၂၀၀ ပီၣ်) တဖၣ်န့ၣ်လီၤ. [KHRG ပျီပူၤပှၤမၤတၢ်ဖိတဂၤအံၤ မၤစ့ၢ်ကီးဝဲတၢ်ထံၣ်လိာ်သံကွၢ်ဒီး ပှၤလၢအတူၢ်ဘၣ်တၢ်အဝၤခံဂၤလၢာ် ဒ်သိးကမၤလီၤတံၢ်ဝဲ တၢ်ဂ့ၢ် တၢ်ကျိၤန့ၣ်လီၤ.]

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

အအ--- သဝီ, မဲၣ်ကသးကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်အံၤ အိၣ်လၢ KNU [ကညီဒီကလုာ်စၢဖှိၣ်ကရၢ] အတၢ်ပၢ ဖီလာ်န့ၣ်လီၤ. KNU ပၢဝဲကျဲမုၢ်ဖးဒိၣ်အံၤစးထီၣ်ဖဲ ပၢချၢသဝီ [ကီၢ်ကၠီၣ်တဲၣ်ကီၢ်ဆၢ, အူးဖၣ်ကီၢ်ရ့ၣ်] တုၤ ဃိၣ်သၢဖျၢၣ် [ကီၢ် ကၠီၣ်တဲၣ်ကီၢ်ဆၢ, ကၤခၠနၣ်ဘူးရံးကီၢ်ရ့ၣ်] န့ၣ်လီၤ. လၢကျဲဒီတဘိအံၤန့ၣ် အိၣ်ဝဲဒီးတၢ်ခူၣ်ဟီၣ်လာ်ပနံာ်အလီၢ်တဖၣ်အဃိ SAC တဖၣ်ဟဲခးလီၤတၢ်ဒီးကဘီယူၤခဲအံၤခဲအံၤန့ၣ်လီၤ.

ဖဲလါမးရှး ၃၁ သီ, ၂၀၂၆ နံၣ်အနံၤ, ဂီၤခီ ၁၀ နၣ်ရံၣ်အဆၢကတီၢ်, SAC ဟဲခးလီၤတၢ်ဒီးဒြိဖဲကျဲမုၢ်တဘိအံၤအကပၤဖဲ အအ--- သဝီ ပူၤန့ၣ်လီၤ. ဒြိတဘ့ၣ်အံၤဟဲတ့ၢ်လီၤဝဲမ့ၣ်ပိၢ် (၂၀၀ ပီၣ်) ခံဖျၢၣ်အဃိဘၣ်သံဝဲသဝီဖိ (၂) ဂၤ, ဘၣ်ဒိဝဲဖိသၣ်တဂၤ, ဒီး ဘၣ်ဟးဂီၤလီၤပှီၢ်ကွံာ်ဝဲ ကျးတဖျၢၣ်လၢဘၣ်တၢ်ဆါသဘျုၣ်ဒီးတၢ်ဆၢထံတဖၣ်န့ၣ်လီၤ. [မ့ၣ်ပိၢ်လၢအပိၢ်ဖးထီၣ်အက့တဖၣ် ဘၣ်ဒိဟးဂီၤစ့ၢ်ကီးထီးကပိၤတဖျၢၣ်အခိၣ်ဒုးန့ၣ်လီၤ.] နီၢ်အ--- (သးနံၣ် ၃၁ နံၣ်) အံၤမ့ၢ်ဝဲကျးကစၢ်ဒီး အဝဲဘၣ်ဒိဝဲဒီးမ့ၣ်ပိၢ် လၢအပိၢ်ဖး ထီၣ်အက့တဖၣ် လၢအမိၢ်ပှၢ်ဒီတဂၤညါန့ၣ်လီၤ. ဘၣ်တၢ်ဆှၢအီၤဆူ DKBA [ဒံၤမိၤကရ့ၤစံၤတၢ်ဘၣ်ဘျုးကညီသုးမုၢ်ဒိၣ်] ဘိၤအ့ၤဝါတၢ်ဆါဟံၣ် [ဖဲနိၣ်တကီကီၢ်ဆၣ်], ဘၣ်ဆၣ်အဝဲသံကွံာ်ဝဲလၢတခီနၣ်ရံၣ်အတီၢ်ပူၤန့ၣ်လီၤ.

လၢန့ၣ်အမဲာ်ညါမ့ၣ်ပိၢ်လၢအပိၢ်ဖးထီၣ်အက့တဖၣ် ဘၣ်ဝဲသဝီဖိတဂၤအဟံၣ် လၢအအိၣ်စီၤစုၤယံၤဒီးမ့ၣ်ပိၢ်လီၤတဲာ်အလီၢ် (၃၀၀) ချံ ဒီး ဘၣ်သံကွံာ်ဝဲဟံၣ်ကစၢ်, နီၢ်ဘ--- (သးနံၣ် ၃၃ နံၣ်), ဒီးအဖိမုၣ်, နီၢ်ဆ--- (သးနံၣ် ၆ နံၣ်) တဂၤစ့ၢ်ကီးဘၣ်ဒိဝဲ ဒၣ်န့ၣ်လီၤ. နီၢ်ဘ--- အံၤဘၣ်ဒိဝဲဖဲအဟၢဖၢန့ၣ်လီၤ. ဘၣ်တၢ်လဲၤဆှၢအီၤဆူ [DKBA] တၢ်ဆါဟံၣ်ဘၣ်ဆၣ် အဝဲသံကွံာ်ဝဲတချုး ဒံးလၢဒိးန့ၢ်ဘၣ်ဝဲတၢ်ကူစါယါဘျါဘၣ်န့ၣ်လီၤ. အဖိမုၣ်, နီၢ်ဆ---, အံၤဘၣ်ဒိဝဲဖဲအစုဒုၣ်အစ့ၣ်ဒီး အစုဒုၣ်ကၢ်ကွံာ်ဝဲန့ၣ်လီၤ. ဘၣ်တၢ်ဆှၢစ့ၢ်ကီးအီၤဆူ DKBA တၢ်ဆါဟံၣ်အံၤန့ၣ်လီၤ. အဝဲဒိးန့ၢ်ဘၣ် [ကလီ] ဝဲတၢ်ကူစါယါဘျါဒီး ဘၣ်တၢ်ထၢနုာ်လီၤန့ၢ်ဝဲ ထး (စတံ) လၢအစုဒုၣ်အပူၤန့ၣ်လီၤ. [ဖဲလါအ့ဖြ့ၣ် ၇ သီ, ၂၀၂၆ နံၣ်အနံၤန့ၣ်] အဝဲစံၣ်လီၤကွံာ်လၢတၢ်ဆါဟံၣ်လံဘၣ်ဆၣ် ဘၣ်လဲၤ ဒိးပၠးဒံးအသးလၢတၢ်ဆါဟံၣ်န့ၣ်လီၤ.

နီၢ်ဘ--- အဝၤ, စီၤဒ---, စံးဘၣ် KHRG လၢ “အဝဲ [နီၢ်ဘ---] ဂဲၤလိာ်ကွဲဒီးအဖိမုၣ် [နီၢ်ဆ---] ဖဲတၢ်ကဲထီၣ်သးအဆၢကတီၢ် လီၤ. [...] ယဘၣ်ကွၢ်ထွဲယဖိသ့ၣ်တဖၣ်အဃိ ယကွၢ်ထွဲအဝဲသ့ၣ်အမိၢ် [ဖဲအဘၣ်ဒိအဆၢကတီၢ်] တသ့ဘၣ်လီၤ. လၢအဂၤတ ဂၤ [နီၢ်ဆ---] တခီဘၣ်ဒိအစုဒုၣ်ဒီး အဝဲဟဲဃ့ၢ်ဃီၤဆူယအိၣ်ဒီးယစိာ်ထီၣ်အီၤလီၤ. ယထံၣ်အမိၢ်ဘၣ်အၢဒီးတၢ်သွံၣ်လီၤ. ယဖိ ခွါလဲၤဃ့ၢ်ဃီၤဆူအမိၢ်အအိၣ်ဘၣ်ဆၣ်ဖဲအထံအမိၢ် [ဘၣ်ဒိ] ဝံၤအဝဲဟဲက့ၤဃ့ၢ်ဃီၤလၢယအိၣ်လီၤ. ဖဲအဝဲသ့ၣ် [ယဖိခွါဒီး ယဖိမုၣ်] ဟီၣ်အဆၢကတီၢ် ယကဘၣ်တဲမနုၤလဲၣ်န့ၣ်ယတသ့ၣ်ညါလၢၤဘၣ်. ယဃ့တၢ်မၤစၢၤလၢပှၤအဂၤသ့ၣ် တဖၣ်အအိၣ် ဘၣ်ဆၣ် ပှၤအဂၤသ့ၣ်တဖၣ်စ့ၢ်ကီးဃ့ၢ်ဝဲဒၣ်လီၤ. ယဂုာ်ကျဲးစၢးဟးဃုသိလ့ၣ် [ဒ်သိးကလဲၤဆှၢပှၤတူၢ်ဘၣ်တၢ်လၢတၢ်ဆါဟံၣ် လၢတၢ်ကူစါယါဘျါအဂီၢ်] လီၤ. ကဘၣ်ဖဲ ၁၁ နၣ်ရံၣ်အဆၢကတီၢ် အဝဲသ့ၣ် [ပှၤတူၢ်ဘၣ်တၢ်တဖၣ်] ဘၣ်တၢ်လဲၤဆှၢအီၤ [ဆူတၢ်ဆါ ဟံၣ်] လီၤ.”

တၢ်ကဲထီၣ်သးအံၤဝံၤအလီၢ်ခံမုၢ်မ့ၢ်ဟါန့ၣ် ပှၤတူၢ်ဘၣ်တၢ်အဟံၣ်ဖိဃီဖိတဖၣ်မံလၢဟံၣ်ပူၤတဘူၣ်လၢၤဘၣ်ခီဖျိ အဝဲသ့ၣ်ကွၢ် ဆၢၣ်မဲာ်ဘၣ်ဝဲဒီးတၢ်ကဲထီၣ်သး လၢအဝဲသ့ၣ်တထံၣ်ဘၣ်လၢအပူၤကွံာ်နီတဘျီဘၣ်လီၤ. အဝဲသ့ၣ်မံလၢထံကျိၤပူၤ လၢအအိၣ် လၢအဝဲသ့ၣ်အဟံၣ်လီၢ်ခံ ဒ်သိးကပဒ့ၣ်ဟးဆှဲးဝဲကဘီယူၤအတၢ်လီၤဘၣ်ယိၣ်န့ၣ်လီၤ. ဒ်န့ၣ်အသိး, သဝီဖိအဂၤသ့ၣ်တဖၣ်စ့ၢ် ကီး မုၢ်မ့ၢ်ဟါန့ၣ်အဝဲသ့ၣ်ဟးဃ့ၢ်မံလၢတၢ်လီၢ်အဂၤ လၢအအိၣ်ယံၤဒီးအဝဲသ့ၣ်အဟံၣ်အဃီန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

[KHRG ပျီပူၤပှၤမၤတၢ်ဖိတဂၤအံၤ] ဃ့န့ၢ်ဝဲအခွဲးလၢပှၤတူၢ်ဘၣ်တၢ်အဟံၣ်ဖိဃီဖိတဖၣ်အအိၣ်ဒီး အဝဲသ့ၣ်ဟ့ၣ်ဝဲတၢ်ပျဲလၢ KHRG ကသူတၢ်ဂ့ၢ်တၢ်ကျိၤအံၤန့ၣ်လီၤ.