ဖဲလါယနူၤအါရံၤ ၂ဝ၁ဝ နံၣ်အဆၢကတီၢ် ကညီဂ့ၢ်ဝီခွဲးယာ်ကရူၢ်ရၤလီၤတၢ်မၤပယွဲအဒိအတဲာ်တဖၣ်လၢအမ့ၢ် လံာ်တၢ်ဂီၤ လၢအပၣ် ဃုာ်တၢ်ဂီၤလၢအအါန့ၢ် ၁၂၅ ဘ့ၣ်ဃုာ်ဒီးအလွဲၢ်တဖၣ် လၢအပာ်ဖျါထီၣ်တၢ်အိၣ်မူအိၣ်ဂဲၤလၢ ကညီကီၢ်စဲၣ် ခိခိၣ်တၢ်လီၢ်တဖၣ် စးထီၣ်လၢတၢ်ကူးဘုတုၤတၢ်ဟဲခးသဝီတဖၣ်ဒီး ဒုးကဲထီၣ်အီၤလၢၦၤဃ့ၢ်အိၣ်ကမှံဖိဒီး ၦၤဘၣ်ကီ ဘၣ်ခဲတဖၣ်အသိးန့ၣ်လီၤ. ဘၣ်တၢ်ထုးထီၣ်အီၤဂ့ၤဂ့ၤဘၣ်ဘၣ်လၢ လံာ်က့လၢအဘျ့အလိၤဒီး အိၣ်ဒီးအကုလၢအတီၣ် န့ၣ်လီၤ. တၢ်ဂီၤပာ်ဖှိၣ်တဖၣ်အံၤကဟ့ၣ်သဆၣ်ထီၣ် တၢ်တၢၣ်ပီၣ်သကိးမ့ၢ်ဂ့ၤႇ မၤအါထီၣ်တၢ်သ့ၣ်ညါဒီး တၢ်ကွၢ်ဆိကမိၣ် ကဒါက့ၤတၢ်လၢအချ့ဘၣ်ဃးဒီး ကညီဂ့ၢ်ဝီခွဲးယာ်ကရူၢ်အတၢ်ဃိ ထံသ့ၣ်ညါၦၤဟီၣ်ခိၣ်ဖိအခွဲးယာ်လၢအအါန့ၢ် ၁၇ နံၣ်အတီၢ်ပူၤန့ၣ်လီၤ.