တၢ်ကဲထီၣ်သးအကလုာ်

SAC [ထံကီၢ်တၢ်ပၢတၢ်ပြးကီၣ်ကးကရၢ, တၢ်သ့ၣ်ညါစ့ၢ်ကီးအီၤဒ်ကီၢ်ပယီၤသုး] ဖီၣ်န့ၢ်ဝဲ သဝီဖိ (၄) ဂၤ ဒီးမၤဆူးမၤဆါဝဲဖဲတၢ်သမံသမိးအလီၢ်တတီၤန့ၣ်လီၤ.

တၢ်ကဲထီၣ်သးမုၢ်နံၤမုၢ်သီ

လါမးရှး ၂၀ သီ, ၂၀၂၆ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

နိၣ်တကီ (ကြာအင်းဆိပ်ကြီး) ဝ့ၢ်, နိၣ်တကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်အဂ့ၢ်အကျိၤ

မံၤ

စီၤအ---

စီၤဘ---

စီၤဆ---

စီၤဒ---

သးနံၣ်

၂၂ နံၣ်

၁၈ နံၣ်

၁၆ နံၣ်

၁၉ နံၣ်

မုၣ်/ ခွါ

ခွါ

ခွါ

ခွါ

ခွါ

ကလုာ်

ကညီ

ကညီ

ကညီ

ကညီ

ထီၣ်ပှၢ် / သဘျ့  

သဘျ့

သဘျ့

သဘျ့

သဘျ့

တၢ်ဖံးတၢ်မၤ

ထူစံာ်

ထူစံာ်

ထူစံာ်

ထူစံာ်

တၢ်ဘူၣ်တၢ်ဘါ

ဘူးဒး

ဘူးဒး

ဘူးဒး

ဘူးဒး

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

သဝီဖိ

အိၣ်ဆိးဒူသဝီ

အအ---သဝီ, လ့ဝါခၣ်ကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

အအ---သဝီ, လ့ဝါခၣ်ကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

အအ---သဝီ, လ့ဝါခၣ်ကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

အအ---သဝီ, လ့ဝါခၣ်ကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအမၤအၢပယွဲတၢ်အဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ခလရ [ခီၣ်သုးရ့ၣ်] နီၣ်ဂံၢ် ၂၈၃, ၂၈၄, ၃၂, ဆ့းကၠံပၢၤကီၢ်ဒီးထံလီၢ်ကီၢ်ပူၤပၢၤကီၢ်

ဆ့းကၠံ [ကၠးအ့ဆ့းကၠံ] ဝ့ၢ်

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

သဝီဖိတဂၤလၢအသ့ၣ်ညါဝဲပှၤသးစၢ် (၄) ဂၤ လၢပှၤမၤဆူးမၤဆါအီၤအံၤဆဲးကျၢဝဲပျီပူၤပှၤမၤတၢ်ဖိအဃိ ယ [KHRG ပျီပူၤပှၤမၤ တၢ်ဖိ] သ့ၣ်ညါဝဲတၢ်ဂ့ၢ်တၢ်ကျိၤအံၤန့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ယ [KHRG ပျီပူၤပှၤမၤတၢ်ဖိ] မၤတၢ်ထံၣ်လိာ်သံကွၢ်ဒီးပှၤတူၢ်ဘၣ်တၢ်အကျါတဂၤ [စီၤအ---] လၢတၢ်မၤဆူးမၤဆါအီၤအံၤန့ၣ် လီၤ. ယ [KHRG ပျီပူၤပှၤမၤတၢ်ဖိ] ဒိန့ၢ်တၢ်ဂီၤဘၣ်ဃးအတၢ်ပူၤလီၢ်အံၤအဃိ တၢ်ဂ့ၢ်တၢ်ကျိၤအံၤမ့ၢ်အမ့ၢ်အတီန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဆ့းကၠံ (ကြာအင်းဆိပ်ကြီး) ဝ့ၢ်ဖဲဒူပျာ်ယာ်ကီၢ်ရ့ၣ်အပူၤအံၤဘၣ်တၢ်တီခိၣ်ရိၣ်မဲအီၤလၢ SAC [ထံကီၢ်တၢ်ပၢတၢ်ပြးကီၣ်ကး ကရၢ] န့ၣ်လီၤ. သဝီဖိလၢအအိၣ်ဘူးမ့ၢ်ဂ့ၤ ယံၤမ့ၢ်ဂ့ၤဒီးတၢ်လီၢ်ဖဲန့ၣ်သ့ၣ်တဖၣ် ဘၣ်လဲၤခီဖျိဝဲ ဆ့းကၠံဝ့ၢ်န့ၣ်လီၤ. သဝီဖိလၢ အအိၣ် စီၤစုၤဒီးတၢ်လီၢ်ဖဲန့ၣ်တနီၤနီၤ တသ့ၣ်ညါဝဲကျဲဟးဆှဲးလၢကဟးပဒ့ၣ်အသးလၢဝ့ၢ်ပူၤတကပၤဘၣ်အဃိ အဝဲသ့ၣ်လဲၤခီ ဝဲဝ့ၢ်အံၤန့ၣ်လီၤ. ပၢၤကီၢ်လၢအအိၣ်ဖဲဆ့းကၠံဝ့ၢ်ပူၤ, ဃုာ်ဒီး SAC သုးဖိဒီးထံလီၢ်ကီၢ်ပူၤပၢၤကီၢ်သ့ၣ်တဖၣ်သမံသမိးအါထီၣ်တၢ် ဖဲကျဲမုၢ်ခိၣ်ဝ့ၢ်ခိၣ်ထိးန့ၣ်လီၤ. တၢ်သမံသမိးအလီၢ်တတီၤအံၤ အိၣ်ဖဲဆ့းကၠံဝ့ၢ်, ကၠိကိတၢ်လီၢ် ဒီးမ့ၢ်ဝဲတၢ်လီၢ်တတီၤလၢ သုးဖီၣ်စုကဝဲၤကရူၢ်အါဖုပၣ်ဃုာ်လၢတၢ်သမံသမိးအပူၤန့ၣ်လီၤ.

ဖဲလါမးရှး ၂၀ သီ, ၂၀၂၆ နံၣ်အနံၤ, ဂီၤခီ ၁၀ နၣ်ရံၣ်အဆၢကတီၢ်, စီၤအ---, စီၤဘ---, စီၤဆ---ဒီးစီၤဒ--- လဲၤဆှၢဝဲအသကိး မုၣ်ခံဂၤလၢအအိၣ်ဖဲအအ---သဝီ, လ့ဝါခၣ်ကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်ဒီးအဝဲသ့ၣ်လဲၤဆူသဝီအဂၤတဖျၢၣ်ဒီး ပိာ်မုၣ်ခံဂၤန့ၣ်လီၤ. SAC သံကွၢ်အဝဲသ့ၣ်လၢပယီၤကျိာ် ဘၣ်ဆၣ်ပိာ်ခွါသးစၢ်သ့ၣ်တဖၣ်တဲဘၣ်ထဲကညီကျိာ်အဃိအဝဲသ့ၣ် တၢ်သံကွၢ်အီၤမနုၤလဲၣ်န့ၣ်တသ့ၣ်ညါဝဲဘၣ်န့ၣ်လီၤ. ဖဲအဝဲသ့ၣ် [ပယီၤသုးဖိ] သမံသမိးကွၢ် စီၤအ--- အလီတဲစိအဆၢကတီၢ်, အဝဲသ့ၣ်ထံၣ်ဝဲတၢ်ဂီၤလၢအသကိးကူကၤဝဲတၢ်ကူတၢ်ကၤကံၣ်ဃ့လီၤဂာ်သုးကူကၤတဘ့ၣ်န့ၣ်လီၤ. လၢတၢ်န့ၣ်အဃိ SAC သုး ဖိတဖၣ်ထိဝဲပှၤလွံၢ်ဂၤအံၤတဂၤအစှၤကတၢၢ်သၢထံၣ်န့ၣ်လီၤ. ဝံၤအလီၢ်ခံတၢ်ခးတံာ်ဃာ်အဝဲသ့ၣ်အစုဒီးတၢ်မၢအတီၤလီၤန့ၢ် ဆူၣ်လၢအခီၣ်လ့ၣ်ခိၣ်ဒီးယူာ်ထီၣ်ဃာ်အစုန့ၣ်လီၤ. ဝံၤအဝဲသ့ၣ်ဘၣ်တၢ်တီၢ်အီၤတဂၤအထံၣ်သၢဆံန့ၣ်လီၤ.

မ့မ့ၢ်ပိာ်မုၣ် (၂) ဂၤအံၤ SAC တကိးပတုာ်အဝဲသ့ၣ်ဘၣ်အဃိ, အဝဲသ့ၣ်လဲၤဆူအဘ---သဝီ, နိၣ်တကီကရူၢ်, နိၣ်တကီကီၢ်ဆၣ် န့ၣ်လီၤ. အဝဲသ့ၣ်တဲဘၣ်ဝဲအသကိးသ့ၣ်တဖၣ်လၢအအိၣ်ဖဲအဘ---သဝီပူၤဘၣ်ဃးတၢ်ကဲထီၣ်သးအံၤန့ၣ်လီၤ. ဝံၤအသကိး ဃ့ဝဲတၢ်မၤစၢၤလၢသုးခိးကီၢ်ဆၢ (BGF) ပှၤဘၣ်မူဘၣ်ဒါလၢအသမံသမိးတၢ်ဖဲသဝီပူၤန့ၣ်လီၤ. BGF ပှၤဘၣ်မူဘၣ်ဒါလၢအသ မံသမိးတၢ်အံၤဆဲးကျၢဝဲ SAC ဒီးတဲဘၣ်ဝဲလၢပှၤသးစၢ်အံၤမ့ၢ်ဒၣ်ပှၤကမျၢၢ်ဖိ, တမ့ၢ်ဒုၣ်ဒါ [သုးဖီၣ်စုကဝဲၤကရူၢ်] ဘၣ်န့ၣ်လီၤ. လၢတၢ်န့ၣ်အဃိ, ဖဲလါမးရှး ၂၀ သီ, ၂၀၂၆ နံၣ်အနံၤ, မုၢ်ထူၣ် ၁၁ နၣ်ရံၣ်အဆၢကတီၢ်န့ၣ်, SAC ပျၢ်လီၤက့ၤအဝဲသ့ၣ်န့ၣ်လီၤ. ဖဲတၢ်ပျၢ်လီၤအဝဲသ့ၣ်ဝံၤအလီၢ်ခံ, အဝဲသ့ၣ်တဆဲးလဲၤလၢၤတၢ်ဘၣ်ဒီးဟဲက့ၤဝဲဆူသဝီန့ၣ်လီၤ. [ပှၤသ့ၣ်တဖၣ်အံၤဖဲတၢ်ပျၢ်လီၤ အီၤဝံၤအလီၢ်ခံ တဒိးန့ၢ်ဘၣ်တၢ်ကူစါယါဘျါလၢကသံၣ်ဒၢးနီတတီၤဘၣ်.]

ဖဲလါမးရှး ၂၀၂၆ နံၣ်အပူၤ, [KHRG ပျီပူၤပှၤမၤတၢ်ဖိတဂၤမၤဝဲတၢ်ထံၣ်လိာ်သံကွၢ်ဒီးစီၤအ---ဒီး] အဝဲတဲဖျါထီၣ်ဝဲလၢ, ဖဲအဝဲဟဲက့ၤတုၤလၢဟံၣ်ဝံၤအလီၢ်ခံ, အကစၢ်မၤဟူးမၤဝးအသးတန့ၢ်ဘၣ် ဒီးမံလၢမုၢ်နၤစ့ၢ်ကီးတန့ၢ်ဘၣ်ခီဖျိအတၢ်ပူၤလီၢ် အဃိန့ၣ်လီၤ.  အဝဲလိၣ်ဘၣ်စ့ၢ်ကီးကသံၣ်ကသီ လၢကမၤလီၤစှၤအတၢ်ဆါန့ၣ်လီၤ. စီးအ--- တဲအါထီၣ်စ့ၢ်ကီးဝဲလၢ “ဖဲအဝဲသ့ၣ်တီၢ်ယၤအဆၢကတီၢ် ယကသါတန့ၢ်အါအါဘၣ် ဒီးယတူၢ်ဘၣ်ယခိၣ်မူၤ. ယတူၢ်တၢ်ဆါတန့ၢ်ဘၣ် ဒီးယဆိမိၣ် အဝဲသ့ၣ်မ့ၢ်ခးသံယၤန့ၣ် ကဂ့ၤဒိၣ်လီၤ. ဖဲမဟါတနၤယမံတန့ၢ်ဘၣ်. ယမံနီၤလၢယပျိၢ်ဃံတန့ၢ်ယံာ်ယံာ်ဘၣ်. လၢတၢ်န့ၣ်အဃိ တဘျီတခီၣ်ယဘၣ်မံနီၤလၢအီထီလာ်တကပၤလီၤ.”

စီၤအ--- အတၢ်ပူၤလီၢ်အံၤဟဲနးဒိၣ်ထီၣ် ဒီးတူၢ်ဘၣ်ဝဲနးဒိၣ်ထီၣ်ဖဲ KHRG ပျီပူၤပှၤမၤတၢ်ဖိလဲၤသံကွၢ်အီၤဘၣ်ဃးတၢ်ဘၣ်ဒိဘၣ် ထံး [လၢခံ] ဖဲလါမးရှး ၂၀၂၆ နံၣ်အပူၤန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

တၢ်ဂ့ၢ်တၢ်ကျိၤအံၤတၢ်သူအီၤသ့န့ၣ်လီၤ. [ပှၤတူၢ်ဘၣ်တၢ် စီၤအ---ဟ့ၣ် KHRG တၢ်ပျဲလၢကသူတၢ်ဂ့ၢ်တၢ်ကျိၤအံၤန့ၣ်လီၤ.