တၢ်ကဲထီၣ်သးအကလုာ်

ဟီၣ်လာ်မ့ၣ်ပိၢ်တၢ်ပိၢ်ဖးထီၣ်

တၢ်ကဲထီၣ်သးမုၢ်နံၤမုၢ်သီ

လါစဲးပထ့ဘၢၣ် ၁၁ သီ, ၂၀၂၁ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီႇ ကရူၢ်ႇ ကီၢ်ဆၣ်ႇ ကီၢ်ရ့ၣ်)

အ--- သ၀ီ, မးထီကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤ က ---

သးနံၣ်

၃၀

မုၣ်ခွါ

ခွါ

ကလုာ်

ကညီ

ဟံၣ်ဖိဃီဖိ အိၣ် / တအိၣ်

တအိၣ်

တၢ်ဘူၣ်တၢ်ဘါ

တသ့ၣ်ညါ

အိၣ်ဆိးဒူသဝီ

အ--- သ၀ီ, မးထီကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ဒိးန့ၢ်ဘၣ် တၢ်ဂ့ၢ်တၢ်ကျိၤဘၣ်ဃး ဟီၣ်လာ်မ့ၣ်ပိၢ်အံၤ လၢပှၤအါဂၤအအိၣ် ခီဖျိလၢလီတဲစိအတၢ်ဆဲးကျိး န့ၣ်လီၤ. ပှၤသ့ၣ်တဖၣ်အံၤ ပာ်ဃုာ်ဒီးပှၤလၢအထံၣ်ချုးန့ၢ်၀ဲတၢ်ကဲထီၣ်သး, ပှၤတူၢ်ဘၣ်တၢ်အမိၢ် ဒီးပှၤတဂၤ လၢအမၤတ့ၢ်တၢ်ဒ် ကညီဂ့ၢ်၀ီခွဲးယာ်ကရူၢ် (KHRG) ပျီပူၤပှၤမၤတၢ်ဖိတဂၤအသိး ဒီးမၤစၢၤစ့ၢ်ကီး ပှၤတူၢ် ဘၣ်တၢ်တဂၤအံၤလၢ တၢ်ဆှၢခီအီၤလၢတၢ်ကဲထီၣ်သးအံၤန့ၣ်လီၤ.

ပှၤဟ့ၣ်တၢ်ကစီၣ်တၢတဂၤအံၤ ထံၣ်ချုးန့ၢ်၀ဲတၢ်ကဲထီၣ်သးအံၤ ဒီးမၤစၢၤစ့ၢ်ကီး၀ဲပှၤတူၢ်ဘၣ်တၢ် ဒီးဆှၢ အီၤဆူ အ--- သ၀ီဆူ ၀--- သ၀ီန့ၣ်လီၤ. အ၀ဲမၤစၢၤစ့ၢ်ကီး ပှၤတူၢ်ဘၣ်တၢ်ဒ်သိး ကထံၣ်န့ၢ်ဘၣ်၀ဲ တၢ်ဆဲး ကျိးအကျိၤအကျဲတဖၣ်န့ၣ်လီၤ.

ပှၤဟ့ၣ်တၢ်ကစီၣ်ခံဂၤတဂၤအံၤ မ့ၢ်၀ဲအ--- သ၀ီဖိလၢ အလဲၤဆူထံကျိဖဲအနံၤ၀ဲန့ၣ် ဒီးသူ၀ဲကျဲတဘိဃီ ဒီး စီၤက--- လၢအယီၢ်ဘၣ်၀ဲဟီၣ်လာ်မ့ၣ်ပိၢ်န့ၣ်လီၤ. အ၀ဲတဲပၠး၀ဲတၢ်အိၣ်သး ဖဲဂီၤခီန့ၣ်လီၤ.

ပှၤဟ့ၣ်တၢ်ကစီၣ်သၢဂၤတဂၤမ့ၢ် ပှၤတူၢ်ဘၣ်တၢ်အမိၢ်န့ၣ်လီၤ.

ပှၤဟ့ၣ်တၢ်ကစီၣ်လွံၢ်ဂၤတဂၤန့ၣ် မ့ၢ်ပှၤဒီဘူးဒီတံၢ်ဒီး ပှၤဟ့ၣ်တၢ်ကစီၣ်တၢတဂၤ ဒီးအ၀ဲဟ့ၣ်လီၤ၀ဲ KHRG လၢတၢ်ဂီၤလၢအဘၣ်ထွဲဒီး တၢ်ကဲထီၣ်သးအံၤန့ၣ်လီၤ.

ပှၤဟ့ၣ်တၢ်ကစီၣ်ယဲၢ်ဂၤတဂၤန့ၣ် မ့ၢ် KHRG ပျီပူၤပှၤမၤတ့ၢ်တၢ်တဂၤ ဒီးအ၀ဲထံၣ်လိာ်သးဒီး ပှၤတူၢ်ဘၣ်တၢ်ဖဲ တၢ်ဆှၢဃီၤအီၤဆူ ကီၢ်ပယီၤသုးကီၣ်ကးကရၢ (နည်းဗျူဟာ) တၢ်ဆါဟံၣ် လၢအအိၣ်သူၣ်လီၤသးဖဲ ဖၣ်ပူၣ်၀့ၢ်ဒီး ဂ--- သ၀ီအဘၢၣ်စၢၤ န့ၣ်လီၤ. အ၀ဲဟ့ၣ်စ့ၢ်ကီးတၢ်ဂီၤလၢ KHRG အအိၣ်လၢတၢ်မၤနီၣ်မၤဃါအဂီၢ်န့ၣ်လီၤ.

ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပှၤဟ့ၣ်တၢ်ကစီၣ်တၢတဂၤမ့ၢ် ပှၤလၢအထံၣ်ချုးန့ၢ်တၢ်ကဲထီၣ်သးတခါအံၤန့ၣ်လီၤ. ပှၤအဂုၤဂၤတဖၣ် မ့ၢ်အ ဟံၣ်ဖိဃီဖိ မ့တမ့ၢ် လီၢ်က၀ီၤဒူဖိသ၀ီဖိတဖၣ်လၢ အသ့ၣ်ညါပှၤတူၢ်ဘၣ်တၢ် မ့တမ့ၢ် တၢ်အိၣ်သးခံခါလိာ် န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါစဲးပထ့ဘၢၣ် ၁၁ သီ, ၂၀၂၁ နံၣ်ဂီၤခီ ၈ နၣ်ရံၣ် ၁၅ မံးနံးဆၢကတီၢ် စီၤက--- လၢအသးနံၣ်အိၣ် ၃၀ အိၣ်ဖဲအ--- သ၀ီ, မးထီကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်တဂၤ ယီၢ်ဘၣ်ဟီၣ်လာ်မ့ၣ်ပိၢ် ဒီးဘၣ်ဒိ ဘၣ်ထံးလၢ တၢ်ပိၢ်ဖးထီၣ်န့ၣ်လီၤ. (အ၀ဲ အခီၣ်ခံခီလိာ်ဒီးအသးနါပှၢ်တဖၣ် ဘၣ်ဒိဘၣ်ထံး၀ဲ နးနးက လဲာ်န့ၣ်လီၤ). ဟီၣ်လာ်မ့ၣ်ပိၢ်လၢ စီၤက--- ယီၢ်ဘၣ်၀ဲအံၤ ဘၣ်တၢ်သူၣ်လီၤအီၤလၢ အ--- သ၀ီမုၢ်ထီၣ် တကပၤ လၢပှၤဘါသီခါသူအသရိာ်အမဲာ်ညါ သ၀ီကျဲလၢအလဲၤ၀ဲဒၣ်ဆူ ထံကျိတခီန့ၣ်လီၤ. ဘၣ်ဆၣ် ခီဖျိကျဲလၢတၢ်ဒါလီၤဃာ်အီၤအံၤ ဟးဂီၤ၀ဲအဃိ ကဲထီၣ်က့ၤဟီၣ်ခိၣ်က မူၣ်အကျဲန့ၣ်လီၤ. တၢ်ကဲထီၣ် သး၀ံၤအလီၢ်ခံ ကီၢ်ပယီၤသုးကီၣ်ကးကရၢ အသုးတဖၣ်လၢအအိၣ်ဖဲ သ၀ီပူၤ (တသ့ၣ်ညါ အသုးကလၢၤအနီၣ်ဂံၢ်ဘၣ်) တဖၣ် ဟဲက့ၤစိာ်က့ၤ စီၤက--- ဆူအဟံၣ် ဒီးကီၢ်ပယီၤသုးကီၣ်ကးကရၢ အသုးကသံၣ်သရၣ် ဒီၣ်တဲာ်ကွံာ်အခီၣ်စ့ၣ်တခီ ဒီးယါဘျါန့ၢ်၀ဲတၢ်ပူၤလီၢ် လၢအခီၣ်ထွဲတခီ ဒီးအသးနါပှၢ် န့ၣ်လီၤ. သ၀ီဖိလၢအ--- သ၀ီဒီးဟ--- (သ၀ီလၢအဘူးတဖျၢၣ်) ဆှၢအီၤဆူ ကညီဒီကလုာ်စၢဖှိၣ်ကရၢ KNU အကသံၣ်သရၣ်လၢ အအိၣ်ဖဲဟ--- သ၀ီ လၢတၢ်ကူစါယါဘျါအဂီၢ်န့ၣ်လီၤ. ၀ံၤအလီၢ်ခံ ဘၣ်တၢ်ဆှၢ အီၤဆူ ၀--- သ၀ီ လၢကလဲၤဒိးချံလၢအလဲၤဆူ ကမးမိၢ်၀့ၢ်န့ၣ်လီၤ. အဟံၣ်ဖိဃီဖိတဖၣ် အဲၣ်ဒိးဆှၢအီၤဆူ ဖၣ်အၣ်တၢ်ဆါ ဟံၣ်လၢတၢ်ကူစါယါဘျါအဂီၢ်န့ၣ်လီၤ. (ကမးမိၢ်န့ၣ်အိၣ်လၢ ကျဲဖဲတၢ်လဲၤဆူ ဖၣ်အၣ်န့ၣ် လီၤ). ဘၣ်ဆၣ် မုၢ်ဃ့ၢ်လီၤလံ (စဲၤခံလၢကချုးန့ၢ်ချံ) အဃိ ဘၣ်တၢ်ဆှၢအီၤဆူ ကီၢ်ပယီၤသုးကီၣ်ကးကရၢ (နည်းဗျူဟာ)တၢ်ဆါဟံၣ် တနၤန့ၣ်လီၤ. ဖဲလါစဲးပထ့ဘၢၣ် ၁၂ သီ ၂၀၂၁ နံၣ်န့ၣ် ဘၣ်တၢ်လဲၤဆှၢအီၤဒီးချံ ဆူကမးမိၢ်၀့ၢ်န့ၣ်လီၤ. အ၀ဲဒိးန့ၢ်ဘၣ်၀ဲတၢ်ကွၢ်ထွဲလၢ ကီၢ်ပယီၤသုးကီၣ်ကးကရၢတၢ်ဆါဟံၣ် ဆူၣ်ချ့ပှၤမၤ တၢ်ဖိတဖၣ် ဖဲတီၣ်ကလ့ လၢအဘူးဒီးဖၣ်အၣ် ၀ံၤဒီးအ၀ဲစံၣ်လီၤဘၣ်က့ၤတၢ်ဆါဟံၣ်လၢ လါစဲးပထ့ဘၢၣ် ၂၅ သီ, ၂၀၂၁ နံၣ်န့ၣ်လီၤ.

ဟီၣ်လာ်မ့ၣ်ပိၢ် ပိၢ်ဖးထီၣ်၀ံၤတဘျီဃီန့ၣ် ကီၢ်ပယီၤသုးကီၣ်ကးကရၢ အသုးဖိလၢအိၣ်လၢ သ၀ီတဖၣ် လဲၤဃ့ၢ်၀ဲဒၣ်ဆူတၢ်ပိၢ်ဖးထီၣ်အလီၢ် ဒီးဟဲက့ၤစိာ်က့ၤ၀ဲ ဟီၣ်လာ်မ့ၣ်ပိၢ်အက့လၢ အပိၢ်ဖးထီၣ်တဖၣ် န့ၣ်လီၤ. ၀ံၤဒီး အ၀ဲသ့ၣ်ဒုးနဲၣ်၀ဲ ဟီၣ်လာ်မ့ၣ်ပိၢ်က့တဖၣ်ဆူ သ၀ီသးပှၢ်အအိၣ်ဒီး တဲ၀ဲလၢ တမ့ၢ်အ၀ဲသ့ၣ် အဟီၣ်လာ်မ့ၣ်ပိၢ်ဘၣ်န့ၣ်လီၤ. အ--- သ၀ီသးပှၢ် တဲ၀ဲလၢ ကီၢ်ပယီၤသုးကီၣ်ကးကရၢတဖၣ် တပာ်သူၣ် ပာ်သးကနၣ်ဃုာ်၀ဲ ဟီၣ်လာ်မ့ၣ်ပိၢ် လၢပိၢ်ဖးထီၣ်တ့ၢ်လၢအပူၤကွံာ်တဖၣ်ဘၣ် (ဘၣ်ဆၣ် ခီဖျိအ၀ဲသ့ၣ် ပာ်သူၣ်ပာ်သး၀ဲ တၢ်ပိၢ်ထီၣ်တခါအံၤအဃိ အလီၤဆီဘၣ်လၢ သ၀ီဖိတဖၣ်အဂီၢ်န့ၣ်လီၤ). သ၀ီဖိတဖၣ် ထံၣ်၀ဲဒီးတနာ်န့ၢ်၀ဲ ကီၢ်ပယီၤသုးကီၣ်ကးကရၢ အသုးဖိတဖၣ် ခီဖျိဟဲစိာ်ဒုးနဲၣ်၀ဲ မ့ၣ်ပိၢ်အက့တဖၣ်လၢ သ၀ီသးပှၢ်အအိၣ် ဒီးတဲ၀ဲလၢတမ့ၢ်အ၀ဲသ့ၣ် အတၢ်ဘၣ် (ခီဖျိ သုးဖိတဖၣ်အံၤ တညီနုာ်မၤ၀ဲတၢ်အံၤလၢ မ့ၣ်ပိၢ်ပိၢ်ဖးထီၣ်၀ံၤ အလီၢ်ခံဘၣ်အဃိလီၤ).  တချုးလၢတၢ်ကဲထီၣ်သးဒံးဘၣ်န့ၣ် ကီၢ်ပယီၤသုးကီၣ်ကး ကရၢအံၤ တဲဘၣ်သ၀ီဖိတဖၣ်လၢ ကသူဒၣ်ထဲကျဲမုၢ် ဒီးသုတလဲၤလၢကျဲကပိာ်ကပၤ ဖဲအ၀ဲသ့ၣ်လဲၤလၢ သ၀ီချၢန့ၣ်လီၤ. ခီဖျိတၢ်ဂ့ၢ်အံၤအဃိဒီး သ၀ီဖိတဖၣ်တယာ်၀ဲလၢ ကမ့ၢ်ဒၣ် အ၀ဲသ့ၣ် (ကီၢ်ပယီၤသုးကီၣ် ကးကရၢ) အမ့ၣ်ပိၢ်န့ၣ်လီၤ. အါန့ၢ်အန့ၣ် ဒ်သ၀ီဖိတဖၣ်ပာ်ဖျါထီၣ်၀ဲအသိး ကညီဒီကလုာ်တၢ်ထူၣ် ဖျဲးသုးမုၢ်ဒိၣ် KNLA သုးတဖၣ် တညီနုာ်ဆီလီၤဟီၣ်လာ်မ့ၣ်ပိၢ်လၢ ကျဲလၢအလဲၤဆူ ပှဲာ်လိာ်ကျိ ဒီးအ၀ဲ သ့ၣ် ပျဲသ၀ီဖိတဖၣ် ကသူ၀ဲဒၣ်ကျဲတဘိန့ၣ် တုၤလၢတၢ်ကဲထီၣ်သးအံၤန့ၣ်လီၤ. (အဒိ KNLA သုးဖိတဖၣ် တဟ့ၣ်ပလီၢ်၀ဲ သ၀ီဖိတဖၣ် လၢအသုးတသူကျဲတဘိအံၤဘၣ်န့ၣ်လီၤ). သ၀ီဖိတဖၣ် ပာ်ဖျါ၀ဲဒၣ်လၢ ညီနုာ် KNLA သုးဖိ တဖၣ် ဟ့ၣ်ဒုးသ့ၣ်ညါ၀ဲသ၀ီဖိတဖၣ် ဖဲအ၀ဲသ့ၣ်ဆီလီၤဟီၣ်လာ်မ့ၣ်ပိၢ် ဒီးမၢ၀ဲဒ်သိးက ဟးဆှဲး၀ဲ လီၢ်က၀ီၤတဖၣ်န့ၣ်လီၤ. ဘၣ်ဆၣ် အ--- သ၀ီသးပှၢ်တဲ၀ဲလၢ အ၀ဲသ့ၣ်မၤလီၤတံၢ်၀ဲ ပှၤဖီၣ်စုက၀ဲၤ ဖဲလဲၣ်တဖု အဟီၣ်လာ်မ့ၣ်ပိၢ်လဲၣ်ဘၣ် ဒီး KHRG တဒိးန့ၢ်စ့ၢ်ကီး တၢ်အုၣ်သးလၢ သုးဖဲလဲၣ်တဖုလၢအဆီ လီၤဟီၣ်လာ်မ့ၣ်ပိၢ်လၢ စီၤက--- ယီၢ်ဘၣ် ၀ဲန့ၣ်လီၤ.

ဖဲတၢ်ကဲထီၣ်သးအခါန့ၣ် စီၤက--- လဲၤ၀ဲဒၣ်လၢ ပှဲာ်လိာ်ကျိထံကၢၢ်ခိၣ် ဒ်သိးကလဲၤဒိးချံ ဒီးလဲၤပှ့ၤ၀ဲ ကသံၣ်လၢ ကမးမိၢ်လၢသီခါအဂီၢ်န့ၣ်လီၤ. အ၀ဲညီနုာ်မၤစၢၤတၢ်လၢ သီခါဖၠၣ်န့ၣ်လီၤ. ဒ်အ--- သ၀ီဖိလၢ အသူ၀ဲကျဲတဘိလၢ တၢ်ကဲထီၣ်သးဖဲမုၢ်ဂီၤ၀ဲန့ၣ် ပာ်ဖျါ၀ဲအသိး အ--- သ၀ီဖိလၢအဂၤတဖၣ် သူစ့ၢ်ကီးကျဲ တဘိန့ၣ်လၢ ဖဲအလဲၤဆူ ပှဲာ်လိာ်ကျိထံကၢၢ်ခိၣ်အခါ ဘၣ်ဆၣ် တယီၢ်ဘၣ်၀ဲ ဟီၣ်လာ်မ့ၣ်ပိၢ်နီတဂၤဘၣ်.

စီၤက--- အိၣ်ဒီး အဒီပုၢ်၀ဲၢ်သၢဂၤဒီး အ၀ဲမ့ၢ်ပှၤသဒါလၢ အဟံၣ်ပူၤန့ၣ်လီၤ. အ၀ဲစံၣ်လီၤတၢ်ဆါဟံၣ် ဖဲလါစဲး ပထ့ဘၢၣ် ၂၅ သီ, ၂၀၂၁ နံၣ်၀ံၤအလီၢ်ခံ အ၀ဲလဲၤအိၣ်လၢ ယ--- သ၀ီန့ၣ်လီၤ. ဖဲအထီၣ်တၢ်ဆါဟံၣ်အဆၢ ကတီၢ် ဒိးန့ၢ်ဘၣ်ကျိၣ်စ့တၢ်ဆီၣ်ထွဲမၤစၢၤလၢ (DCA) အိၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါႇ ဟ့ၣ်ၦၤတၢ်ခွဲးတၢ် ယာ်လၢ ပကသူတၢ်ဂ့ၢ်အံၤလၢကျဲဒ်လဲၣ်.

ပှၤဟ့ၣ်တၢ်ကစီၣ်တဖၣ်ဟ့ၣ် KHRG အခွဲးလၢ ကသူတၢ်ဂ့ၢ်တၢ်ကျိၤအံၤန့ၣ်လီၤ.