English
ကညီကျိာ်
မြန်မာ
Print:တၢ်ဂီၤတၢ်ကစီၣ်တဘ့ၣ်အံၤပာ်ဖျါထီၣ်ဝဲတၢ်ဂီၤတၢ်အုၣ်သးလၢ ထံကီၢ်တၢ်ပၢတၢ်ပြးကီၣ်ကးကရၢ (SAC) ကဘီယူၤခးလီၤတၢ်ဖဲ ထံဖိကီၢ်ဖိကမျၢၢ်အဟီၣ်ကဝီၤပူၤဖဲကီၢ်ပယီၤမုၢ်ထီၣ်ကလံၤထံးတကပၤ, ပၣ်ဃုာ်ဒီးဒူသဝီဒီးတၢ်ဖံးအီၣ်မၤအီၣ်လီၢ်ကျဲသ့ၣ်တ ဖၣ်စးထီၣ်လၢလါယနူၤအါရံၤတုၤလီၤလၢလါဒံၣ်စဲဘၢၣ် ၂၀၂၄ နံၣ်န့ၣ်လီၤ. ဖဲတၢ်ပာ်ဖျါထီၣ်တၢ်ဂ့ၢ်တၢ်ကျိၤအဆၢကတီၢ်န့ၣ်, KHRG ဒိးန့ၢ်ဘၣ်ဝဲတၢ်ဂ့ၢ်တၢ်ကျိၤအါမးဘၣ်ဃး SAC ပညိၣ်ဒီးခးလီၤနါစိၤတၢ်လၢဒြိဒီးကဘီယူၤဖဲသဝီဖိအဟီၣ်ကဝီၤဒီးဘၣ် ဒိဝဲဒူသဝီဖိအတၢ်အိၣ်မူအဒိၣ်ကတၢၢ်တခါလၢအဘၣ်တၢ်ပာ်ဖျါထီၣ်အီၤစးထီၣ်လၢ ၂၀၂၁ သုးမီၤစိရိၤဟံးန့ၢ်ဆူၣ်တၢ်စိတၢ်က မီၤလံၤလံၤန့ၣ်လီၤ. ကဘီယူၤခးလီၤတၢ်အံၤမၤသံဒီးမၤဘၣ်ဒိဝဲသဝီဖိသ့ၣ်တဖၣ်, မၤဟးဂူာ်ဟးဂီၤအဝဲသ့ၣ်ဟံၣ်ဃီ, ပှၤတဝၢ တၢ်သူၣ်ထီၣ်သ့ၣ်တဖၣ်, တၢ်ဖံးအီၣ်မၤအီၣ်အလီၢ်သ့ၣ်တဖၣ်ဒီးဒုးအိၣ်ထီၣ်ဝဲတၢ်ဃ့ၢ်မှံဟးဖျိးအါအါဂီၢ်ဲဂီၢ်န့ၣ်လီၤ. တၢ်ခးလီၤတၢ် အံၤဒုးအိၣ်ထီၣ်ဝဲတၢ်ပျံၤတၢ်ဖုးဒီးမၤတံာ်တာ်ဝဲတၢ်ကူၣ်ဘၣ်ကူၣ်သ့ဒီးတၢ်အိၣ်ဆူၣ်အိၣ်ချ့အတၢ်ခွဲးတၢ်ယာ်ဒီးတၢ်လီၤဘၣ်ယိၣ်လၢမ့ၣ်ပိၢ်လၢအတပိၢ်ဖးထီၣ် (UXO) သ့ၣ်တဖၣ်အါထီၣ်ဝဲလၢကမျၢၢ်သ့ၣ်တဖၣ်အဟီၣ်ကဝီၤပူၤန့ၣ်လီၤ. ခီဖျိလၢကဘီ ယူၤခးလီၤတၢ်အဃိ, သဝီဖိသ့ၣ်တဖၣ်လဲၤဖံးအီၣ်မၤအီၣ်က့ၤတၢ်လၢစံာ်ပျီပူၤဒီးတၢ်ဖံးအီၣ်မၤအီၣ်အလီၢ်လၢတၢ်လုၢ်အီၣ်နီၢ်ခိ သးသမူအဂီၢ် တဘူၣ်လၢၤဘၣ်ဒီးကဘၣ်ဟးဃ့ၢ်အိၣ်ကဒုလၢပှၢ်ပူၤဒီးလၢလ့ပူၤန့ၣ်လီၤ.
တၢ်ဂီၤတၢ်ကစီၣ်- ကဘီယူၤခးလီၤတၢ်အဃိဒုးအိၣ်ထီၣ်ဝဲတၢ်သံတၢ်ပှၢ်, တၢ်ဘၣ်ဒိဘၣ်ထံး, တၢ်ဟးဂူာ်ဟးဂီၤဒီးတၢ်ဃ့ၢ်မှံဟး ဖျိးစးထီၣ်လၢလါယနူၤအါရံၤတုၤလါဒံၣ်စဲဘၢၣ် ၂၀၂၄ နံၣ်
KHRG ဒိးန့ၢ်ဘၣ်ဝဲတၢ်ဂီၤအါန့ၢ်ဒံး (၁,၁၄၂) ဘ့ၣ်ဘၣ်ဃးတၢ်ဟးဂူာ်ဟးဂီးဒီးတၢ်မၤဆူးမၤဆါလၢအကဲထီၣ်အသးလၢထံ ကီၢ်တၢ်ပၢတၢ်ပြးကီၣ်ကးကရၢ (SAC) ကဘီယူၤခးလီၤတၢ်စးထီၣ်လၢလါယနူၤအါရံၤတုၤလါဒံၣ်စဲဘၢၣ် ၂၀၂၄ နံၣ်ဖဲကီၢ်ရ့ၣ် (၇) ဘ့ၣ် လၢအဘၣ်တၢ်ပာ်ပနီၣ်အီၤလၢကညီကီၢ်စဲၣ်အပူၤန့ၣ်လီၤ. ဒူသထူၣ်, တီအူ, ချၢၣ်လွံၢ်ထူၣ်, ဘျံးဒဝဲၢ်, မုၢ်တြီၢ်, ဒူပျာ်ယာ်ဒီးဖၣ်အၣ်ကီၢ်ရ့ၣ်သ့ၣ်တဖၣ်န့ၣ်လီၤ. စးထီၣ်လၢ ၂၀၂၁ တုၤလါယူၤ ၂၀၂၄ နံၣ်န့ၣ်, KHRG မၤနီၣ်ဝဲတၢ်ကဲထီၣ်သး ဘၣ်ဃးကဘီယူၤခးလီၤတၢ်အံၤအိၣ်ဝဲ (၂၂၇) ဘျီ ဖဲကညီကီၢ်စဲၣ်ပူၤလၢအဘၣ်သံဝဲသဝီဖိအစှၤကတၢၢ် (၁၆၈) ဂၤဒီးဘၣ်ဒိ အိၣ်ဝဲ (၂၄၉) ဂၤန့ၣ်လီၤ. တၢ်ကဲထီၣ်သးအကျါ (၉၃) ခါအံၤစးထီၣ်ကဲထီၣ်သးဖဲလါယနူၤအါရံၤတုၤလါယူၤ ၂၀၂၄ နံၣ်ဧိၤန့ၣ် လီၤ.
ဖဲ ၂၀၂၄ နံၣ်န့ၣ်, SAC သုးဖိသ့ၣ်တဖၣ်ခးလီၤတၢ်လၢကဘီယူၤဖဲဟီၣ်ကဝီၤလၢအအိၣ်ဘူးဖဲအဝဲသ့ၣ်အသုးကလၢၤ, ဟီၣ်က ဝီၤလၢတၢ်ဒုးတၢ်ယၤတအိၣ်ဘၣ်, ဒီးဟီၣ်ကဝီလၢအအိၣ်ဘူးဒီးအဝဲသ့ၣ်တၢ်ပၢန့ၣ်လီၤ. အါတက့ၢ်ကဘီယူၤခးလီၤတၢ်လၢတၢ် သူၣ်ထီၣ်ဒီသဒၢသ့ၣ်တဖၣ်လၢကရၢၢ်ပူၤဒံးအမ့ၢ်တၢ်ဟ့ၣ်ကသံၣ်ဒၢး, တဘါယွၤသရိာ်, တၢ်မၤလိကၠိ, ဒီးခးလီၤစ့ၢ်ကီးဝဲ လၢသဝီဖိဟံၣ်ဃီ, စံာ်ပျီပူၤဒီးတၢ်ဖံးအီၣ်မၤအီၣ်အလီၢ်န့ၣ်လီၤ. တၢ်ဂီၢ်တၢ်ကစီၣ်တဘ့ၣ်အံၤပၣ်ဃုာ်ဒီးတၢ်ဂီၤ (၆၁) ဘ့ၣ်ဒံးတၢ် အုၣ်ကီၤသးအသိးဒီးပာ်ဖျါထီၣ်ဝဲတၢ်ဂ့ၢ်ကီဖးဒိၣ်လၢလီၢ်ကဝီၤသဝီဖိသ့ၣ်တဖၣ်ဘၣ်ကွၢ်ဆၢၣ်မဲာ်ဝဲဖဲ SAC ကဘီယူၤခးလီၤတၢ် ဖဲကီၢ်ပယီၤမုၢ်ထီၣ်ကလံၤထံးတကပၤဝံၤအလီၢ်ခံန့ၣ်လီၤ. လၢတၢ်ဃုထၢအဖီခိၣ်, တၢ်ဂီၤ (၄၂) ဘ့ၣ်ဘၣ်တၢ်ဒိန့ၢ်အီၣ်လၢလီၢ်က ဝီၤပှၤတဝၢလၢအဘၣ်တၢ်မၤလိအီၤလၢ KHRG ဒ်သိးအဝဲသ့ၣ်ကမၤနီၣ်မၤဃါဝဲပှၤဂ့ၢ်ဝီခွဲးယာ်လၢအမၤအသးလၢအဝဲသ့ၣ်ဟီၣ် ကဝီၤပူၤ, ဒီးတၢ်ဂီၤ (၁၉) ဘ့ၣ်န့ၣ်ဘၣ်တၢ်ဒိန့ၢ်အီၤလၢလီၢ်ကဝီၤသဝီဖိန့ၣ်လီၤ.
တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲလါဖ့ၤဘြူၤအါရံၤ ၂၀၂၄ နံၣ်ဖဲအအ---သဝီချၢ, ဟးတလဲ (ဟတ္တလိုက်) ကရူၢ်, ဖၣ်အၣ်ကီၢ် ဆၣ်, ဒူသထူၣ်ကီၢ်ရ့ၣ်န့ၣ်လီၤ. တၢ်ဂီၤအံၤပာ်ဖျါထီၣ်ဝဲသဝီဖိ, ပၣ်ဃုာ်ဒီးဖိသၣ်လၢအအိၣ်ဖဲအအ---သဝီသ့ၣ်တဖၣ်ဘၣ်ဃ့ၢ် အိၣ်ကဒုလၢပှၢ်ပူၤတၢ်လီၢ်လၢအဘူးဒီးသဝီဖဲထံကီၢ်တၢ်ပၢတၢ်ပြးကီၣ်ကးကရၢ (SAC) ကဘီယူၤခးလီၤတၢ်ဖဲအအ---သဝီဖဲလါ ဖ့ၤဘြူၤအါရံၤ ၁ သီ, ၂၀၂၄, နံၣ်အနံၤ, ဖဲဟါခီ ၄း၁၀ ဝံၤအလီၢ်ခံအဆၢကတီၢ်န့ၣ်လီၤ. (တၢ်ဂီၤ- KHRG)
တၢ်ဂီၤလၢတၢ်ဖီခိၣ်ခံဘ့ၣ်အံၤဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်, ဖဲ အဘ---သဝီ, ဃီဖိပျဲၢ်ကရူၢ်, ဘံလ့ကီၢ်ဆၣ်, ဒူသထူၣ်ကီၢ်ရ့ၣ်န့ၣ် လီၤ. တၢ်ဂီၤလၢတၢ်ဖီခိၣ်စုစ့ၣ်တဘ့ၣ်န့ၣ်ပာ်ဖျါထီၣ်ဝဲကၠိတၢ်သိၣ်လိ တီၤဒၢးတဖျၢၣ်လၢအဘၣ်ဟးဂီၤလၢ ကဘီ ယူၤခးလီၤတၢ်ဖဲလါမးရှး ၂၃ သီ, ၂၀၂၄ နံၣ်ဖဲမုၢ် နၤခီ ၁၀း၀၀ အဆၢကတီၢ်န့ၣ်လီၤ. ကၠိတၢ် သူၣ်ထီၣ် (၄) ဖျၢၣ်ဒီးကၠိတၢ်ပီးတၢ်လီသ့ၣ်တဖၣ်ခဲလၢာ်လၢအဘ---သဝီပူၤအံၤဘၣ်ဟးဂီၤကွံာ်ဝဲလၢကဘီယူၤခးလီၤတၢ်အဃိန့ၣ်လီၤ. ကၠိအံၤလၢအပူၤကွံာ်ဘၣ်တၢ်တီခိၣ်ရိၣ်မဲအီၤလၢကီၢ်ပယီၤပဒိၣ်ဘၣ် ဆၣ်လၢခံဘၣ်တၢ်ဘျးစဲက့ၤအီၤဒီးကညီကူၣ်သ့ဆဲးလၤဝဲၤကျိၤ ကအိၣ်လၢခံနံၣ်တချုးတၢ်ခးလီၤတၢ်ဒံးဘၣ်န့ၣ်လီၤ. တၢ်ဂီၤလၢတၢ် ဖီခိၣ်စုထွဲတဘ့ၣ်န့ၣ်ပာ်ဖျါထီၣ်ဝဲသဝီဖိဟံၣ် (၂) ဖျၢၣ်ဘၣ်ဟးဂီၤ ကွံာ်ဝဲလၢကဘီယူၤခးလီၤတၢ်အဃိန့ၣ်လီၤ. တၢ်ဂီၤလၢတၢ်ဖီလာ်စု စ့ၣ်တဘ့ၣ်န့ၣ်ဘၣ်တၢ်ဒိန့ၢ်အီၤဖဲလါအ့ဖြ့ၣ် ၂၀၂၄ နံၣ်, ဖဲတၢ်လီၢ် လၢအဘူးဒီးအဘ---သဝီဒီးပာ်ဖျါထီၣ်ဝဲမ့ၣ်ပိၢ်လၢ SAC တ့ၢ်လီၤ တပိၢ်ဖးထီၣ်ဘၣ်တဖျၢၣ်ဖဲသဝီချၢဖဲလါမးရှး ၂၃ သီ, ၂၀၂၄ နံၣ်အ နံၤန့ၣ်လီၤ. (တၢ်ဂီၤ- KHRG)
တၢ်ဂီၤသ့ၣ်တဖၣ်အံၤဘၣ်တၢ်ဒိန့ၢ်အီၤဖဲလါအ့ဖြ့ၣ် ၂၀၂၄ နံၣ်ဖဲအဆ---သီခါဖၠၣ်ကရၢၢ်ဖဲမဲသနး (မဲသန) ကရူၢ်, ဖၣ်အၣ်ကီၢ်ဆၣ်, ဒူသထူၣ် ကီၢ်ရ့ၣ်န့ၣ်လီၤ. တၢ်ဂီၤအံၤပာ်ဖျါထီၣ်ဝဲဖံသးပှၢ်လၢအသးနံၣ်အိၣ် (၈၅) နံၣ်ဒီးအလံၤမုၣ်လၢအသးနံၣ်အိၣ် (၁၂) နံၣ်ခံဂၤအံၤဘၣ်ဒိဝဲလၢ SAC ကဘီယူၤခးလီၤတၢ်ဖဲလါအ့ဖြ့ၣ် ၂၀ သီ, ၂၀၂၄ နံၣ်အနံၤဖဲဟါလီၤခီအဆၢကတီၢ်န့ၣ်လီၤ. မ့ၣ်ပိၢ်လၢအဆံးလီၤ (၂) ဖျၢၣ်ဘၣ်ဒိဝဲ သီခါဖၠၣ်လၢအအိၣ်ဖဲအဆ---သဝီဒီးဘၣ်ဒိစ့ၢ်ကီးအဝဲသ့ၣ်ဖဲအနၢ်ဟူဝဲ SAC ကဘီယူၤဟဲဒီးဃ့ၢ်အိၣ်ခူသူၣ်ဝဲဖဲသ့ၣ်ထူၣ်ဖီလာ်အဆၢက တီၢ်န့ၣ်လီၤ. အလံၤမုၣ်အံၤဘၣ်ဒိဝဲဖဲအစုဒီးမ့ မ့ၢ်အဖံတ ဂၤဘၣ်ဒိဝဲဖဲအခီၣ်ညါခိၣ်ဒီးခီၣ်နၢတူာ်ကွံာ်ဝဲ (၃) ဘိန့ၣ်လီၤ. (တၢ်ဂီၤ- KHRG)
တၢ်ဂီၤသ့ၣ်တဖၣ်အံၤဘၣ်တၢ်ဒိန့ၢ်အီၤဖဲလါမ့ၤ ၂၀၂၄ နံၣ်ဖဲအဒ---သဝီ, ဃီဖိပျဲၢ်ကရူၢ်, ဘံလ့ကီၢ်ဆၣ်, ဒူသထူၣ်ကီၢ်ရ့ၣ်န့ၣ်လီၤ. တၢ်ဂီၤ လၢစုစ့ၣ်တဘ့ၣ်န့ၣ်ပာ်ဖျါထီၣ်ဝဲတၢ်မၤလိကၠိဒီးတၢ်ဂီၤလၢစုထွဲတဘ့ၣ်န့ၣ်ပာ်ဖျါထီၣ်ဝဲဘျီၣ်ရိဖှိၣ်လၢအဘၣ်ဟးဂီၤဝဲဒီး SAC ကဘီယူၤခး လီၤတၢ်ဖဲလါအ့ဖြ့ၣ် ၂၉ သီ, ၂၀၂၄ နံၣ်အနံၤမုၢ်နၤခီအဆၢကတီၢ်န့ၣ်လီၤ. လၢတၢ်ခးလီၤတၢ်တဘျီအံၤဘၣ်ဒိစ့ၢ်ကီးတၢ်သိၣ်လိကၠိအဂၤတ ဖျၢၣ်ဒီးဟံၣ် (၂၁) ဖျၢၣ်န့ၣ်လီၤ. မ့ၣ်ပိၢ်ပိၢ် ဖးထီၣ်ဒီးဘၣ်ဒိဝဲဖိသၣ်ပိာ်မုၣ်လၢအသးနံၣ်အိၣ်ဝဲ (၁၄) နံၣ်တဂၤန့ၣ်လီၤ. ဖဲကဘီယူၤဟဲခးလီၤ တၢ်အဆၢကတီၢ်န့ၣ်တၢ်ဒုးတၢ်ယၤတအိၣ်နီတမံၤဘၣ်န့ၣ်လီၤ. သဝီဖိအါအါဂီၢ်ဂီၢ်လၢအအိၣ်ဖဲအဒ---သဝီသ့ၣ်တဖၣ်ဃ့ၢ်ကွံာ်ဝဲတချုးလၢ ကဘီယူၤဟဲခးလီၤတၢ်ဒံးဘၣ်ခီဖျိလၢ SAC ခးလီၤနါစိၤကျိဖးဒိၣ်ထီဘိဖဲတၢ်လီၢ်လၢအဘူးဒီးသဝီတုၤလၢကဘီယူၤဟဲခးလီၤတၢ်တစုန့ၣ် လီၤ. (တၢ်ဂီၤ- KHRG)
တၢ်ဂီၤလၢစုစ့ၣ်တဘ့ၣ်အံၤဘၣ်တၢ်ဒိန့ၢ်အီၤဖဲလါယနူၤအါရံၤ ၂၀၂၄ နံၣ်, ၉ နၣ်ရံၣ်အဆၢကတီၢ်ဖဲအဃ---သဝီ, ဒ့လိာ်မုၢ်နုာ်ကရူၢ်, ထီ တထူၣ်ကီၢ် ဆၣ်, တီအူကီၢ်ရ့ၣ်န့ၣ်လီၤ. တၢ်ဂီၤအံၤပာ်ဖျါထီၣ် ဝဲစီၤအ---အဟံၣ်ပူၤလၢအဘၣ်ဒိဟးဂီၤလၢ SAC ကဘီယူၤခးလီၤ တၢ်ဖဲလါယနူၤ အါရံၤ ၄ သီ, ၂၀၂၄ နံၣ်အနံၤန့ၣ်လီၤ. (တၢ်ဂီၤ- KHRG)
တၢ်ဂီၤသ့ၣ်တဖၣ်အံၤဘၣ်တၢ်ဒိးန့ၢ်အီၤဖဲလါဖ့ၤဘြူၤအါရံၤ ၄ သီ, ၂၀၂၄ နံၣ်အနံၤလၢသဝီဖိတဂၤလၢအအိၣ်ဖဲအဧ--- သဝီ, ဟၣ်သဲဖိလံၤ (ဟာသယ်ဖိုလီ) ကဝီၤ, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်န့ၣ်လီၤ. ဖဲလါဖ့ၤဘြူၤအါရံၤ ၁ သီ, ၂၀၂၄ နံၣ်အနံၤ, မုၢ်နၤခီ ၁၀း၃၀ အဆၢကတီၢ်, SAC ကဘီယူၤဒုးသုး (၃) ဘ့ၣ်ဟဲခးလီၤတၢ်ဖဲအဧ---သဝီ, ဒီးဘၣ်ဒိဟးဂီၤဝဲဟံၣ် (၁၄) ဖျၢၣ်, တၢ်ဘါယွၤသရိာ်တ ဖျၢၣ်ဒီးတၢ်သိၣ်လိကၠိတၢ်သူၣ်ထီၣ်သ့ၣ်တဖၣ်န့ၣ်လီၤ. တၢ်ဂီၤလၢစုထွဲတဘ့ၣ်ပာ်ဖျါထီၣ်ဝဲသဝီဖိအဟံၣ်တဖျၢၣ်လၢအဘၣ်ဟးဂီၤဒီးမ့မ့ၢ် တၢ်ဂီၤလၢစုထွဲတဘ့ၣ်ပာ်ဖျါထီၣ်ဝဲတၢ်ဘါယွၤသရိာ်တဖျၢၣ်လၢအဘၣ်ဟးဂီၤလၢတၢ်ခးလီၤတၢ်အဃိန့ၣ်လီၤ. တချုးလၢကဘီ ယူၤဟဲခး လီၤတၢ်ဒံးဘၣ်န့ၣ်, SAC သုးဖိလၢအအိၣ်ဖဲဘယ့နီၤ (ဘုရင်းနောင်) သုးကလၢၤလၢအအိၣ်ဖဲဒီၣ်ဖါခိၣ်ကီၢ်ဆၣ်, SAC လၢအအိၣ် ဟဲလၢခီၣ်ချ့သုးရ့ၣ် (နီၣ်ဂံၢ်-၆၀၃) လၢအအိၣ်ဖဲလ့သိၣ် (လိပ်သိုပ်) ဝ့ၢ်ဒီးသုးဖိလၢအအိၣ်ဖဲရွ့ၤနါကလ့ (ရွှေနန်းကလေး) သုးကလၢၤ လၢအဘၣ်တၢ်တီခိၣ်ရိၣ်မဲအီၤလၢသုးခိၣ်ကျၢၢ်ဟၤလ့အီၤ (ဟာ်လင်းအောင်)သ့ၣ်တဖၣ်အံၤခးလီၤဝဲကျိဖးဒိၣ်ဆူသဝီပူၤ ဒီးဘၣ်ဒိဝဲသဝီဖိ တဂၤန့ၣ်လီၤ. ဖဲ SAC ကဘီယူၤဒုးသုး (၃) ဘ့ၣ်အံၤဟဲဆှၣ်ကွၢ်တၢ်လၢအဧ---သဝီဝံၤခးလီၤတၢ်လၢသဝီပူၤန့ၣ်လီၤ. တၢ်ခးလီၤတၢ်အံၤဘၣ် ဒိဟးဂီၤစ့ၢ်ကီးတၢ်သူၣ်ထီၣ်တဖျၢၣ်လၢသဝီချၢဖဲကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) ဒီးတၢ်ဒီသဒၢကမျၢၢ်သုး (PDF) သုးသ့ၣ်တဖၣ်မၤတ့ၢ်ဝဲသုးတၢ်မၤလိအလီၢ်န့ၣ်လီၤ. (တၢ်ဂီၤ- လီၢ်ကဝီၤသဝီဖိ)
တၢ်ဂီၤ (၃) ဘ့ၣ်အံၤဘၣ်တၢ်ဒိးန့ၢ်အီၤလၢလီၢ်ကဝီၤသဝီဖိအအိၣ်ဖဲ လါ ဖ့ၤဘြူၤအါရံၤ ၂၁ သီ, ၂၀၂၄ နံၣ်အနံၤန့ၣ်လီၤ. တၢ်ဂီၤလၢတၢ် ဖီခိၣ်ခံဘ့ၣ်န့ၣ်ပာ်ဖျါထီၣ်ဝဲဖိသၣ် (၂) ဂၤလၢအဘၣ် ဒိလၢ SAC ကဘီယူၤ ခးလီၤတၢ်ဖဲလါဖ့ၤဘြူၤအါရံၤ ၂၁ သီ, ၂၀၂၄, ဖဲ ၂ နၣ်ရံၣ်အဆၢကတီၢ်ဖဲအဂ---သဝီ, ပံၣ်တီၤကိ (ပိတောက်ကုန်း) ကရူၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်န့ၣ်လီၤ. ကဘီယူၤခးလီၤ တၢ်အံၤဘၣ်ဒိဝဲဖိသၣ်သးစၢ် (၂) ဂၤဒီးဘၣ်သံဝဲဟံၣ်ဖိဃီဖိအဂၤ တဂၤန့ၣ်လီၤ. တၢ်ဂီၤလၢတၢ်ဖီလာ်စုစ့ၣ်တဘ့ၣ်ပာ်ဖျါထီၣ်ဝဲ ဟံၣ်ဖိဃီဖိအံၤအဟံၣ်ဘၣ်ဟးဂီၤဝဲလၢကဘီယူၤခး လီၤတၢ်န့ၣ်လီၤ. တၢ်ခးလီၤတၢ်အံၤဘၣ်သံဝဲဟံၣ်ဖိဃီဖိအံၤအတၢ်ဖိတၢ်လံၤလၢအ ဘုၣ်ဝဲတနီၤဒီးဘၣ်ဒိဟးဂီၤစ့ၢ်ကီးထံချီဒၢတဖျၢၣ်န့ၣ်လီၤ. ဖဲမုၢ်ဃ့ၢ် လီၤ ၂း၁၅ အဆၢကတီၢ် SAC ကဘီယူၤဒုးသုးတဘ့ၣ်ဟဲခးလီၤ တၢ်ဖဲအဂ---သဝီအသီတဘျီဒီးဘၣ်သံဝဲသဝီဖိ (၃) ဂၤဒီးဘၣ်ဒိဝဲ (၅) ဂၤန့ၣ်လီၤ. ဖဲ ၂၀၂၃ နံၣ်အတီၢ်ပူၤတၢ်ဒုးတၢ်ယၤဒီးသုးဖီၣ်စုက ဝဲၤလၢအဟူးအဂဲၤလၢအဘူးဒီးသဝီမ့ၢ်ဂ့ၤလၢသဝီပူၤမ့ၢ်ဂ့ၤတအိၣ် ဘၣ်န့ၣ်လီၤ. (တၢ်ဂီၤ- KHRG)
တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲလါမ့ၤ ၂၀၂၄ နံၣ်, ဖဲအဧ---သဝီ, ပံၣ်တီၤကိကရူၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်န့ၣ်လီၤ. တၢ်ဂီၤအံၤပာ်ဖျါထီၣ်ဝဲဟံၣ် (၂) ဖျၢၣ်လၢအဘၣ်ဒိဟးဂီၤဝဲလၢ SAC ကဘီယူၤခးလီၤတၢ်ဖဲလါမးရှး ၂၅ သီ, ၂၀၂၄ နံၣ်အနံၤ, ဖဲဂီၤခီ ၁၀း၄၀ အဆၢကတီၢ်ဖဲအဧ---သဝီပူၤန့ၣ်လီၤ. ကဘီယူၤခးလီၤတၢ်အံၤဘၣ်ဟးဂီၤစ့ၢ်ကီးကျီၢ်ကရၢၢ်တဖျၢၣ်န့ၣ်လီၤ. (တၢ်ဂီၤ-KHRG)
တၢ်ဂီၤသ့ၣ်တဖၣ်အံၤဘၣ်တၢ်ဒိန့ၢ်အီၤဖဲလါမ့ၤ ၂၀၂၄ နံၣ်ဖဲအဟ---သဝီ, ကျ့ၤဝၣ်မုၢ်ထီၣ်ကဝီၤ, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်န့ၣ်လီၤ. ဖဲလါမ့ၤ ၅ သီ, ၂၀၂၄ နံၣ်အနံၤ, ဟါခီ ၄း၀၀ နၣ်ရံၣ်အဆၢကတီၢ်, တၢ်ဒုးကဲထီၣ်လၢ SAC ဒီးKNLA သုးပာ်ဖှိၣ်ဖဲအဟ---သဝီဝံၤအလီၢ်ခံ, SAC ဟဲခးလီၤတၢ်လၢကဘီယူၤဖဲအဟ---သဝီ, ဒီးဘၣ်သံဝဲဖိသၣ် (၂) ဂၤဒီးဘၣ်ဒိဝဲ (၅) ဂၤ, ပၣ်ဃုာ်ဒီးဖိသၣ် (၂) ဂၤန့ၣ်လီၤ. ကဘီယူၤခးလီၤတၢ်အံၤဘၣ်ဒိစ့ၢ်ကီးဝဲဟံၣ်တဖျၢၣ်ဒီးတၢ်ဘါယွၤသရိာ်တဖျၢၣ်န့ၣ်လီၤ. တၢ်ဂီၤလၢစုစ့ၣ်တဘ့ၣ်ပာ်ဖျါထီၣ်ဝဲဟံၣ်ခိၣ်ဒုး ဒီးတၢ်ဂီၤလၢစုထွဲတဘ့ၣ်န့ၣ်ပာ်ဖျါထီၣ်ဝဲတၢ်ဘါယွၤသရိာ်ကပၤလၢအ ဘၣ်ဒိဝဲလၢကဘီယူၤခးလီၤတၢ်အဃိန့ၣ်လီၤ. (တၢ်ဂီၤ- KHRG)
တၢ်ဂီၤသ့ၣ်တဖၣ်အံၤဘၣ်တၢ်ဒိန့ၢ်အီၤဖဲလါယူၤလံ ၂၀၂၄ နံၣ်, ဖဲအည---သဝီ, စယးကၠံတီၤခၠါ (ဇရပ်ကြီးတောင်ခြမ်း) ကရူၢ်, ထီတထူၣ်ကီၢ်ဆၣ်, တီအူကီၢ်ရ့ၣ်န့ၣ်လီၤ. တၢ်ဂီၤသ့ၣ်တဖၣ်အံၤပာ်ဖျါထီၣ်ဝဲတၢ်ဆါဟံၣ်ပူၤဒီးပဲတြီဖိသ့ၣ်တဖၣ်ဘၣ်ဒိဟးဂီၤဝဲလၢ SAC ကဘီယူၤဒုးသုး (Mi-35) ဟဲတ့ၢ်လီၤမ့ၣ်ပိၢ်ဖဲအည---သဝီဖဲလါယူၤလံ ၆ သီ, ၂၀၂၄ နံၣ်အနံၤန့ၣ်လီၤ. (တၢ်ဂီၤ- KHRG)
တၢ်ဂီၤလၢစုစ့ၣ်တဘ့ၣ်ဘၣ်တၢ်ဒိန့ၢ်အီၤဖဲလါဖ့ၤဘြူၤအါရံၤ ၂၀၂၄ နံၣ်, ဒီးတၢ်တၢ်ဂီၤလၢစုထွဲတဘ့ၣ်ဘၣ်တၢ်ဒိးန့ၢ်အီၤဖဲလါဖ့ၤဘြူၤအါရံၤ ၂၉ သီ, ၂၀၂၄ နံၣ်အနံၤန့ၣ်လီၤ. တၢ်ဂီၤခံဘ့ၣ်လၢာ်ဘၣ်ဃးဒီးအသ---သဝီ, ခ့ၤကၠံ (ခင်ကြီး) ကရူၢ်, ဖၠူကီၢ်ဆၣ်ဟီၣ်ကဝီၤလီၤဆီ, ချၢၣ်လွံၢ် ထူၣ်ကီၢ်ရ့ၣ်န့ၣ်လီၤ. တၢ်ဂီၤခံဘ့ၣ်အံၤပာ်ဖျါထီၣ်ဝဲအသ---သဝီဖိ (၂) ဂၤအဟံၣ်လၢအဘၣ်အူအီၣ်ကွံာ်လၢ SAC ဒြိခးလီၤ တၢ်ဖဲလါဖ့ၤဘြူၤအါရံၤ ၁၇ သီ, ၂၀၂၄ နံၣ်အနံၤန့ၣ်လီၤ. (တၢ်ဂီၤ- KHRG/လီၢ်ကဝီၤသဝီဖိ)
တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲလါမ့ၤ ၂၀၂၄ နံၣ်ဖဲအမ---သဝီ, ကွံဒုၣ်ခီၣ်ကရူၢ်, မူကီၢ်ဆၣ်, ချၢၣ်လွံၢ် ထူၣ်ကီၢ်ရ့ၣ်န့ၣ်လီၤ. တၢ်ဂီၤအံၤပာ်ဖျါထီၣ်ဝဲအမ---သဝီဖိတဂၤအဟံၣ် လၢအဘၣ်ဟးဂီၤကွံာ်ဝဲ လၢ SAC ကဘီယူၤဟဲခးလီၤတၢ်ဖဲလါမ့ၤ ၁ သီ တုၤ ၂၄ သီ, ၂၀၂၄ နံၣ်အတီၢ်ပူၤန့ၣ်လီၤ. (တၢ်ဂီၤ-KHRG)
တၢ်ဂီၤသ့ၣ်တဖၣ်အံၤဘၣ်တၢ်ဒိးန့ၢ်အီၤဖဲလါအ့ဖြ့ၣ် ၂၂ သီ, ၂၀၂၄ နံၣ်, ဖဲအခ---ဒီးအဧ---သဝီ, ပဒဲကီကရူၢ်, လၢၢ်ဒိၣ်ကီၢ်ဆၣ်, ချၢၣ်လွံၢ်ထူၣ် ကီၢ်ရ့ၣ်န့ၣ်လီၤ. ဖဲလါအ့ဖြ့ၣ် ၂၂ သီ, ၂၀၂၄ နံၣ်အနံၤ, SAC ကဘီယူၤဒုးသုးတဘ့ၣ်ဒီး (helicopter) တဘ့ၣ်ဟဲတ့ၢ်လီၤဝဲမ့ၣ်ပိၢ် (၈) ဖျၢၣ်ဖဲအခ---ဒီးအဧ---သဝီဒီးဘၣ်ဒိဝဲသဝီဖိ (၇) ဂၤပၣ်ဃုာ်ဒီးဖိသၣ်ဒီးဘၣ်သံဝဲသဝီဖိ (၂) ဂၤန့ၣ်လီၤ. တၢ်ဂီၤလၢတၢ်ဖီခိၣ်ခံဘ့ၣ်ပာ် ဖျါထီၣ်ဝဲသဝီဖိခံဂၤလၢအဘၣ်ဒိလၢမ့ၣ်ပိၢ်န့ၣ်လီၤ. တၢ်ဂီၤလၢတၢ်ဖီလာ်တဘ့ၣ်ပာ်ဖျါထီၣ်ဝဲဟံၣ်တဖျၢၣ်လၢအဘၣ်အူအီၣ်ကွံာ်ဝဲလၢက ဘီယူၤတ့ၢ်လီၤမ့ၣ်ပိၢ်အဃိန့ၣ်လီၤ. (တၢ်ဂီၤ- လီၢ်ကဝီၤသဝီဖိ)
တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်န့ၣ်လီၤ. တၢ်ဂီၤအံၤပာ်ဖျါထီၣ်ဝဲသဝီဖိလၢအအိၣ်ဖဲအဝ---သဝီ, ဖီချိဟီၣ်က ဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ်တဖၣ်အိၣ်ခူသူၣ်လၢတိၤ ဖီလာ်ဖဲ SAC ကဘီယူၤဒုးသုး (K-8W) ဒီး (Mi-2) ဟဲခးလီၤ တၢ်ဖဲအဝ---သဝီဝံၤအလီၢ်ခံန့ၣ်လီၤ. ဖဲလါမးရှး ၄ သီ, ၂၀၂၄ နံၣ်အနံၤ, ဂီၤခီ ၁၀း၀၀ ဒီး ၁၁း၀၀ အဘၢၣ်စၢၤ, SAC ကဘီယူၤ ဒုးသုးဟဲတ့ၢ်လီၤဝဲမ့ၣ်ပိၢ်အါန့ၢ်ဒံး (၂၀) ဖျၢၣ်ဖဲဝ့ၢ်တၢ်အဲၣ်ဒီးဝ့ၢ်တၢ် အဲၣ်ဟီၣ်ကဝီၤပူၤဖဲကစၢၢ်ဒိၣ်ကီၢ်ဆၣ်ဒီးလၢၢ်ဒိၣ်စိကီၢ်ဆၣ်အဘၢၣ် စၢၤန့ၣ်လီၤ. ဖဲလါမးရှး ၆ သီ, ၂၀၂၄ နံၣ်အနံၤ, ကဘီယူၤခးလီၤ တၢ်ဝံၤအလီၢ်ခံ SAC ကဘီယူၤဒုးသုးဟဲဆှၣ်ကွၢ်တၢ်ဖဲဟီၣ်ကဝီၤ အံၤန့ၣ်လီၤ. ခီဖျိကဘီယူၤခးလီၤတၢ်အဃိသဝီ (၁၂) ဖျၢၣ်လၢအ အိၣ်ဖဲဝ့ၢ်တၢ်အဲၣ်အပူၤအံၤဘၣ်ဃ့ၢ်ကွံာ်ဝဲဆူဒဝဲၢ်ဝ့ၢ်ပူၤဒီးဆူယိၤ ကီၢ်ကီၢ်ဆၢန့ၣ်လီၤ. ကဘီယူၤဟဲခးလီၤစ့ၢ်ကီးတၢ်ဖဲလါမးရှး ၁၂ သီ, ၂၀၂၄ နံၣ်အနံၤဖဲကမိၤသွ့ဟီၣ်ကဝီၤ, လၢၢ်ဒိၣ်စိကီၢ်ဆၣ် န့ၣ်လီၤ. (တၢ်ဂီၤ- KHRG)
တၢ်ဂီၤသ့ၣ်တဖၣ်အံၤဘၣ်တၢ်ဒိးန့ၢ်အီၤလၢသဝီဖိတဂၤအအိၣ်ဖဲလါမ့ၤ ၂၉ သီ, ၂၀၂၄ နံၣ်အနံၤဖဲအပ---သဝီကစၢၢ်ဒိၣ်ကီၢ်ဆၣ်ဘျံးဒဝဲၢ်ကီၢ် ရ့ၣ်န့ၣ်လီၤ. တၢ်ဂီၤလၢစုစ့ၣ်တဘ့ၣ်ပာ်ဖျါထီၣ်ဝဲတၢ်သိၣ်လိကၠိတဖျၢၣ်လၢအဘၣ်ဟးဂီၤဝဲလၢ SAC ကဘီယူၤခးလီၤတၢ်ဖဲလါမ့ၤ ၈ သီ, ၂၀၂၄ နံၣ်အနံၤဖဲအပ---သဝီန့ၣ်လီၤ. တၢ်ဂီၤလၢစုထွဲတဘ့ၣ်ပာ်ဖျါထီၣ်ဝဲတၢ်ဆါဟံၣ်တဖျၢၣ်ဘၣ်ဟးဂီၤဝဲလၢကဘီယူၤခးလီၤတၢ်န့ၣ်လီဲၤ. (တၢ်ဂီၤ- လီၢ်ကဝီၤသဝီဖိ)
တၢ်ဂီၤသ့ၣ်တဖၣ်အံၤဘၣ်တၢ်ဒိးန့ၢ်အီၤလၢသဝီဖိတဂၤအအိၣ်ဖဲလါအီးကူး ၁၆ သီ, ၂၀၂၄ နံၣ်အနံၤဖဲအစ---သဝီ, တနီသရံၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ်န့ၣ်လီၤ. တၢ်ဂီၤလၢစုစ့ၣ်တဘ့ၣ်အံၤပာ်ဖျါထီၣ်ဝဲ SAC ကဘီယူၤဒုးသုးဟဲတ့ၢ်လီၤမ့ၣ်ပိၢ် (၅၀၀-ပီၣ်) တဖျၢၣ်လၢ အတပိၢ်ဖးထီၣ်ဘၣ်တဖျၢၣ်ဖဲလါအီကူး ၁၅ သီ, ၂၀၂၄ နံၣ်အနံၤဖဲအစ---သဝီန့ၣ်လီၤ. တၢ်ဂီၤလၢစုထွဲတဘ့ၣ်ပာ်ဖျါထီၣ်ဝဲဘျီၣ် ရိဖှိၣ်တဖျၢၣ်လၢအဘၣ်ဟးဂီၤဝဲလၢမ့ၣ်ပိၢ် (၅၀၀-ပီၣ်) အဂၤတဖျၢၣ်လၢ SAC ကဘီယူၤဒုးသုးဟဲတ့ၢ်လီၤဝဲဖဲတၢ်တနံၤဃီအတီၢ်ပူၤန့ၣ်လီၤ. SAC တ့ၢ်လီၤမ့ၣ်ပိၢ် (၅၀၀-ပီၣ်) ခဲလၢာ် (၄) ဖျၢၣ်ဖဲအစ---သဝီဖဲလါအီကူး ၁၆ သီ, ၂၀၂၄ နံၣ်အနံၤ, ပၣ်ဃုာ်ဒီးတပိၢ်ဘၣ်တဖျၢၣ်န့ၣ်လီၤ. (တၢ်ဂီၤ- KHRG)
တၢ်ဂီၤခံဘ့ၣ်အံၤဘၣ်တၢ်ဒိန့ၢ်အီၤဖဲလါယူၤလံ ၂၀၂၄ နံၣ်, ဖဲ အရ--- သဝီ, ကျဲမုၢ်ထံးဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲ ဖဲလါမ့ၤ ၅ သီ, ၂၀၂၄ နံၣ်အနံၤန့ၣ်, SAC ကဘီယူၤဟဲခးလီၤတၢ်အဃိ, ဒူသဝီဖိအဟံၣ်ဃီတဖၣ် ဘၣ်ဟးဂူာ်ဟးဂီၤကွံာ်ဝဲန့ၣ်လီၤ. (တၢ်ဂီၤ- KHRG)
တၢ်ဂီၤခံဘ့ၣ်အံၤဘၣ်တၢ်ဒိန့ၢ်ဘၣ်အီၤ ဖဲလါယူၤလံ ၂၀၂၄ နံၣ်, ဖဲ အခ--- သဝီ, တကဲးကရူၢ်, တနီသရံၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ် အပူၤန့ၣ်လီၤ. တၢ်ဂီၤလၢစုစ့ၣ်တဘ့ၣ်အံၤ ပာ်ဖျါထီၣ်ဝဲ SAC အကဘီယူၤ K-8W ဟဲတ့ၢ်လီၤမ့ၣ်ပိၢ်ဒီး ဘၣ်ဟးဂီၤကွံာ်ဝဲသဝီဖိအမံၤ အူဆ--- တဂၤအဟံၣ် ဖဲလါယူၤ ၂၇ သီ, ၂၀၂၄ နံၣ် အပူၤန့ၣ်လီၤ. တၢ်ဂီၤလၢ စုထွဲတဘ့ၣ်အံၤစ့ၢ်ကီးပာ်ဖျါထီၣ်ဝဲတၢ်ထူၣ်တၢ်ဘိတဖၣ်လၢ အဘၣ်ဟးဂီၤကွံာ်ဝဲ ခီဖျိ ကဘီယူၤဟဲတ့ၢ်လီၤမ့ၣ်ပိၢ်န့ၣ်လီၤ. (တၢ်ဂီၤ- KHRG)
တၢ်ဂီၤတဘ့ၣ်အံၤ ဘၣ်တၢ်ဒိးန့ၢ်ဘၣ်အီၤဖဲလါအ့ဖြ့ၣ် ၁ သီ, ၂၀၂၄ နံၣ်, လၢ သဝီဖိတဂၤလၢအအိၣ်လၢ အယ--- သဝီ, မးထီကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲ သီခါတပါလၢ အမံၤ စီၤဂ--- န့ၣ်, ဘၣ်ဒိဝဲ ခီဖျိ ကဘီယူၤဟဲတ့ၢ်လီၤမ့ၣ်ပိၢ်လၢ အယ--- သဝီပူၤ ဖဲလါမးရှး ၂၂ သီ, ၂၀၂၄ နံၣ်အနံၤန့ၣ်လီၤ. (တၢ်ဂီၤ- လီၢ်ကဝီၤသဝီဖိ)
တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်, ဖဲကဝီၤဒ့ အရှ--- , ဖၣ်ပူၣ်ဝ့ၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်အပူၤန့ၣ်လီၤ. တၢ်ဂီၤအံၤ ပာ်ဖျါထီၣ်ဝဲ သဝီဖိဟံၣ်ဃီတဖၣ်လၢအဘၣ်ဟးဂူာ်ဟးဂီၤကွံာ်ဝဲ ခဲလၢာ် ခီဖျိပယီၤသုးမီၤစိရိၤဟဲတ့ၢ်လီၤမ့ၣ်ပိၢ်လၢ ဖၣ်ပူၣ်ဟီၣ်ကဝီၤ ပူၤဖဲလါမးရှး ၂၄ သီ, ၂၀၂၄ နံၣ်အနံၤန့ၣ်လီၤ. (တၢ်ဂီၤ- KHRG)
တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်, ဖဲ ဘအ--- သဝီ, မဲၤကျီကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲ ဘအ--- သဝီဖိ လၢအမံၤမ့ၢ် စီၤဟ--- တဂၤ အဟံၣ် ဘၣ်ဟးဂီၤကွံာ်ဝဲ ခီဖျိ ပယီၤသုးမီၤစိရိၤအကဘီယူၤ ဒီးဒြိတဖၣ် ဟဲတ့ၢ်လီၤတၢ်ဖဲလါမးရှး ၂၅ သီ, ၂၀၂၄ နံၣ်အနံၤ န့ၣ်လီၤ. တၢ်သူဝဲဒြိဒီးဟဲတ့ၢ်လီၤတၢ်အဃိ ဘၣ်ဟးဂီၤကွံာ်ဝဲဒူသဝီဖိ အပနၢ်ကရၢၢ်တဖျၢၣ်, မ့ၣ်အူစဲးတဖျၢၣ်တကးဒံးဘၣ်ဘၣ်သံစ့ၢ်ကီးဝဲ သဝီဖိအတၢ်ဘုၣ်ဒၢတဖၣ် ပၣ်ဃုာ်ဒီးထိး ဒီး မဲးတလဲး သ့ၣ်တဖၣ်န့ၣ်လီၤ. (တၢ်ဂီၤ- KHRG)
တၢ်ဂီၤတဘ့ၣ်အံၤ သဝီဖိတဖၣ် ဒိန့ၢ်ဝဲဖဲလါမးရှး ၂၆ သီ, ၂၀၂၄ နံၣ်အနံၤ, လၢကသံၣ်ဒၢး တဖျၢၣ်ဖဲ ဘဘ--- သဝီပူၤ, ခီပူၤကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ် အပူၤန့ၣ်လီၤ. ဖဲလါမးရှး ၂၆ သီ, ၂၀၂၄ နံၣ်အနံၤ, ဂီၤခီ ၆း၀၀ အဆၢကတီၢ်ပယီၤသုးမီၤစိရိၤ ဟဲတ့ၢ်လီၤမ့ၣ်ပိၢ်ဖဲဘဘ---သဝီပူၤဒီးဘၣ်သံကွံာ်ဝဲသဝီဖိအပိာ်မုၣ် တဂၤလၢအသးနံၣ်အိၣ်ဝဲ(၃၇) နံၣ်ဒီးအိၣ်ဒီးအဟုး အသးန့ၣ်လီၤ. တၢ်ဂီၤအံၤပာ်ဖျါထီၣ်ဝဲအဖိမုၣ်ဖိလၢအသးနံၣ်အိၣ် (၄) နံၣ်တဂၤဘၣ်ဒိဝဲဖဲကဘီယူၤဟဲတ့ၢ်လီၤတၢ်အဆၢကတီၢ်န့ၣ် လီၤ. (တၢ်ဂီၤ- လီၢ်ကဝီၤသဝီဖိ)
တၢ်ဂီၤတဖၣ်အံၤဘၣ်တၢ်ဒိးန့ၢ်အီၤလၢသဝီဖိအအိၣ်ဖဲလါမးရှး ၃၁ သီ, ၂၀၂၄ နံၣ်အပူၤန့ၣ်လီၤ. တၢ်ဂီၤလၢ အထွဲတဘ့ၣ်အံၤပာ်ဖျါထီၣ်ဝဲ ဖဲလါမးရှး ၃၁ သီ, ၂၀၂၄ နံၣ်အနံၤန့ၣ်, SAC ကဘီယူၤဒုးသုးဟဲတ့ၢ်လီၤတၢ်လၢ ကဝီၤဒ့ အရှ ---, ဖၣ်ပူၣ်ဝ့ၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်အပူၤဒီး သဝီဖိ(၇)ဂၤအကျါ လၢအသံကွံာ်ယဲၢ်ဂၤန့ၣ်တၢ်အံးက့ၤကွၢ်က့ၤအဝဲသ့ၣ်ဒံးသိးတၢ်ကလဲၤပာ်လီၤက့ၤအဂီၢ်န့ၣ်လီၤ. တၢ်ဂီၤလၢအစ့ၣ်တဘ့ၣ်အံၤပာ်ဖျါထီၣ်ဝဲဖဲကဘီယူၤ ဟဲကွံာ်လီၤတၢ်ဝံၤအလီၢ်ခံ, ဒူသဝီဖိသ့ၣ်တဖၣ်လၢအအိၣ်လၢဖၣ်ပူၣ်ဟီၣ်ကဝီၤတဖၣ် ဟးထီၣ်ဒီးသုးကွံာ်အသးန့ၣ်လီၤ. (တၢ်ဂီၤ- လီၢ်ကဝီၤသဝီဖိ)
တၢ်ဂီၤတဖၣ်အံၤ ဘၣ်တၢ်ဒိန့ၢ်အီၤဖဲလါယူၤ ၂၀၂၄ နံၣ်, ဖဲ ဘဆ--- သဝီ, မးထီကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲ ဒူသဝီဖိဟံၣ်(၂)ဖျၢၣ်လၢ ဘၣ်ဟးဂူာ်ဟးဂီၤကွံာ်ဝဲ ခီဖျိ, SAC ကဘီယူၤဒုးသုးဟဲတ့ၢ်လီၤမ့ၣ်ပိၢ်လၢ ဘဆ--- သဝီပူၤ, ဖဲလါမ့ၤ ၂၈ သီ, ၂၀၂၄ နံၣ်အနံၤ, ဖဲမုၢ်နၤခီ ၁၁ နၣ်ရံၣ် ၃၀ မံးနံးဃၣ်ဃၣ် အဆၢကတီၢ် န့ၣ်လီၤ. တၢ်ဟဲတ့ၢ်လီၤမ့ၣ်ပိၢ်အံၤ မ့ၢ်လၢ KNLA အသုးဖိတဖၣ်သူဝဲဒြိဒီးလဲၤတ့ၢ်လီၤတၢ်လၢ SAC သုးကလၢၤလၢအမ့ၢ်ခီၣ်ချ့သုးရ့ၣ် (ခမရ) နီၢ်ဂံၢ် ၃၄၀, ၃၄၁ ဒီး ၄၃၄ အိၣ်ဆိးလီၢ်တတီၤလၢအအိၣ်ဆီလီၤအသးဘူးဒီး ဘဆ--- သဝီန့ၣ်လီၤ. (တၢ်ဂီၤ- KHRG)
တၢ်ဂီၤခံဘ့ၣ်အံၤ ဘၣ်တၢ်ဒိန့ၢ်အီၤဖဲလါအီးကထိဘၢၣ်၂၀၂၄ နံၣ်, ဖဲ ဘဒ--- သဝီ, ခီပူၤကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲဒူသဝီဖိ ဟံၣ် (၂) ဖျၢၣ်လၢအဘၣ်ဟးဂူာ်ဟးဂီၤကွံာ်ဝဲခီဖျိ, SAC ကဘီယူၤဒုးသုးဟဲတ့ၢ်လီၤတၢ် ဖဲလါအီးကထိဘၢၣ် ၂၅ သီ, ၂၀၂၄ နံၣ်, ဂီၤခီ ၁၀း၀၀ နၣ်ရံၣ်, ဖဲ ဘဒ--- သဝီပူၤန့ၣ်လီၤ. (တၢ်ဂီၤ- KHRG)
တၢ်ဂီၤလၢစုစ့ၣ်တဘ့ၣ်အံၤဘၣ်တၢ်ဒိအီၤဖဲလါနိၣ်ဝ့ဘၢၣ် ၂၀၂၄ နံၣ်, ဖဲ ဘဃ--- သဝီ, နါကိၢ်ခံကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ် ရ့ၣ်အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲ SAC ကဘီယူၤဒုးသုးတ့ၢ်လီၤဝဲမ့ၣ်ပိၢ် (၅၀၀-ပီၣ်) တဖျၢၣ်ပိၢ်ဖးထီၣ်အလီၢ်န့ၣ်လီၤ. ကဘီယူၤဟဲတ့ၢ်လီၤမ့ၣ်ပိၢ်အံၤ ဖဲလါအီးကထိဘၢၣ် ၃၀ သီ, ၂၀၂၄ နံၣ်, ဖဲဖးဖီမုၢ် ၁း၀၀ နၣ်ရံၣ်အဆၢကတီၢ်, ဖဲ ဘဃ--- သဝီပူၤန့ၣ်လီၤ. မ့ၣ်ပိၢ်န့ၣ်ဘၣ်ဟးဂူာ်ဟးဂီၤစ့ၢ်ကီးဝဲကၠိတၢ်သူၣ်ထီၣ်အဒူၣ်ကပၤဒီးအခိၣ်ဒုးတဖၣ်ဖဲ ဘဃ--- သဝီပူၤ ဒ်တၢ်ဂီၤ ပာ်ဖျါအသိးန့ၣ်လီၤ. (တၢ်ဂီၤ- KHRG)
တၢ်ဂီၤခံဘ့ၣ်အံၤ ဘၣ်တၢ်ဒိန့ၢ်အီၤဖဲလါယနူၤအါရံၤ ၂၀၂၅ နံၣ်, ဖဲ အတ--- သဝီ, ကတၢတံးကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ် အပူၤန့ၣ်လီၤ. တၢ်ဂီၤလၢစုစ့ၣ်တဘ့ၣ်အံၤပာ်ဖျါထီၣ်ဝဲ ဘျီၣ်ရိဖှိၣ်တ ဖျၢၣ်လၢအဘၣ်ဟးဂီၤကွံာ်ဒီးတၢ်ဂီၤလၢစုထွဲတဘ့ၣ်န့ၣ်ပာ်ဖျါထီၣ်ဝဲ ပဲတြီမဲာ်ကလၤကတဖၣ်လၢအဘၣ်ဟးဂီၤကွံာ်ဝဲခီဖျိ, ပယီၤသုးမီၤ စိရိၤဟဲတ့ၢ်လီၤတၢ်ဒီးကဘီယူၤ ဖဲလါဒံၣ်စဲဘၢၣ် ၃၁ သီ, ၂၀၂၄ နံၣ်အနံၤ, ဖဲဟါခီ ၄း၀၀ နၣ်ရံၣ်အဆၢကတီၢ်, ဖဲ အတ---သဝီပူၤန့ၣ်လီၤ. (တၢ်ဂီၤ- KHRG)
တၢ်ဂီၤလၢစုစ့ၣ်တဘ့ၣ်အံၤ တၢ်ဒိန့ၢ်အီၤဖဲလါယနူၤအါရံၤ ၂၀၂၅ နံၣ်, ဖဲ အပ--- သဝီ, လ့ဖိထၣ်ကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ် ရ့ၣ်အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲသဝီဖိစီၤဒ--- အတၢ်ဟး လီၢ်တဖျၢၣ်လၢအဘၣ်ဟးဂီၤကွံာ်ဝဲခီဖျိ, ပယီၤသုးမီၤစိရိၤဟဲတ့ၢ် လီၤမ့ၣ်ပိၢ်လၢအပ---သဝီပူၤ ဖဲလါဒံၣ်စဲဘၢၣ် ၃၁ သီ, ၂၀၂၄ နံၣ် အပူၤန့ၣ်လီၤ. (တၢ်ဂီၤ- KHRG)
တၢ်ဂီၤအံၤ ဘၣ်တၢ်ဒိန့ၢ်အီၤဖဲလါယနူၤအါရံၤ ၂၀၂၅ နံၣ်, ဖဲ အဖ--- တၢ်ဟ့ၣ်ကသံၣ်ဒၢးလၢအအိၣ်ဖဲကတၢတံးကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲဒူသဖိတဂၤ အမံၤလၢ စီၤဃ--- အံၤဘၣ်ဒိဝဲခီဖျိပယီၤသုးကဘီယူၤဟဲတ့ၢ်လီၤ တၢ်ဖဲလါဒံၣ်စဲဘၢၣ် ၃၁ သီ, ၂၀၂၄ နံၣ်, ဖဲဟါခီ ၈း၀၀ နၣ်ရံၣ်, ဖဲ အထ--- သဝီ, ကတၢတံးကရူၢ်န့ၣ်လီၤ. သဝီဖိအံၤဟဲက့ၤလၢတၢ် ဃ့ၢ်အိၣ်တမှံလီၢ်တတီၤဒီးဘၣ်ဒိဝဲဒၣ်ဖဲအဝဲဟဲက့ၤဒုးအီၣ်ဆၣ်ဖိ ကီၢ်ဖိလၢအဘုၣ်ဒၢဃာ်ဝဲတဖၣ်ဒီးဟဲက့ၤကွၢ်စူၣ်အဟံၣ်ဖဲအသဝီ ပူၤအဆၢကတီၢ်န့ၣ်လီၤ. သဝီဖိအံၤဘၣ်ဒိဝဲဖဲအယီၢ်ဒ့, အသးနါပှၢ် လၢအစ့ၣ်တကပၤဒီးအစုနၢခိၣ်ထိးသ့ၣ်တဖၣ်န့ၣ်လီၤ. လၢန့ၣ်အ မဲာ်ညါသဝီဖိအဂၤတဂၤအမံၤလၢစီၤဧ--- တဂၤစ့ၢ်ကီးဘၣ်သံကွံာ်ဝဲ ဖဲကဘီယူၤဟဲခးလီၤတၢ်ဖဲလါဒံၣ်စဲဘၢၣ် ၃၁ သီ, ၂၀၂၄ နံၣ်အနံၤ န့ၣ်လီၤ. (တၢ်ဂီၤ- KHRG)
တၢ်ဂီၤတဘ့ၣ်အံၤဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်, ဖဲဘခ--- သဝီ လၢအအိၣ်ဘူးဒီး အဂ--- သဝီ, ဖဲကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်န့ၣ်လီၤ. တၢ်ဂီၤအံၤပာ်ဖျါထီၣ်ဝဲ ဒူသဝီဖိ အဟံၣ်တဖၣ်လၢ အအူအီၣ်ကွံာ် ခီဖျိ SAC ကဘီယူၤဒုးသုးဟဲတ့ၢ် လီၤမ့ၣ်ပိၢ်လၢ ဘခ--- သဝီပူၤ ဖဲလါမးရှး ၅ သီ, ၂၀၂၄ နံၣ်အနံၤ န့ၣ်လီၤ. (တၢ်ဂီၤ- KHRG)
တၢ်ဂီၤခံဘ့ၣ်အံၤ ဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်, ဖဲ ဘဧ--- သဝီ, လိၣ်ရှါကရူၢ်, ဝီၢ်ရ့ၣ်ကီၢ်ဆၣ်, ဒူပျာ်ယာ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲဟံၣ်တဖျၢၣ်အခိၣ်ဒုးဒီးအမဲာ်ညါတဖၣ်ဘၣ်ဟးဂူာ်ဟးဂီၤကွံာ်ဝဲခီဖျိ SAC ကဘီယူၤဒုးသုးဟဲတ့ၢ်လီၤတၢ်ဒီးကဘီယူၤ ဖဲလါမးရှး ၁၅ သီ, ၂၀၂၄ နံၣ်အနံၤ, ဖဲ ဘဧ--- သဝီပူၤန့ၣ်လီၤ. (တၢ်ဂီၤ- KHRG)
တၢ်ဂီၤအံၤ ဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်, ဖဲ ဘသ--- သဝီ, မဲာ်တီ ကရူၢ်, ကီးတရံးကီၢ်ဆၣ်, ဒူပျာ်ယာ် ကီၢ်ရ့ၣ်အပူၤန့ၣ်လီၤ. တၢ်ဂီၤအံၤပာ်ဖျါ ထီၣ်ဝဲ ဖဲလါမးရှး ၁၆ သီ, ၂၀၂၄ နံၣ်အနံၤ, ဖဲဟါခီ ၄း၀၀ နၣ်ရံၣ် ဒီး ၆း၀၀ နၣ်ရံၣ် အဘၢၣ်စၢၤ, ပယီၤကဘီ ယူၤဒုးသုး တဘ့ၣ်ဟဲတ့ၢ်လီၤ မ့ၣ်ပိၢ်ဖဲ ဘသ--- သဝီပူၤဒီးဘၣ်ဟးဂူာ်ဟးဂီၤ ကွံာ်ဝဲကၠိအတၢ်သူၣ်ထီၣ်တဖၣ်န့ၣ်လီၤ. (တၢ်ဂီၤ- KHRG)
တၢ်ဂီၤလၢတၢ်ဖီခိၣ်ခံဘ့ၣ်အံၤဘၣ်တၢ်ဒိန့ၢ်အီၤဖဲလါမးရှး ၂၀၂၄ နံၣ်, ဖဲ ဘဟ--- သဝီ, ကၠီၢ်ခံကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲဖဲလါမးရှး ၁၈ သီ ဒီး ၁၉ သီ, ၂၀၂၄ နံၣ်အနံၤန့ၣ်, SAC ကဘီယူၤဒုးသုးတဘ့ၣ်ဟဲတ့ၢ်လီၤ ဝဲမ့ၣ်ပိၢ်ဖးဒိၣ် (၅၀၀-ပီၣ်) (၂) ဖျၢၣ်လၢ ဘဟ--- သဝီပူၤဒီးဘၣ် ဟးဂူာ်ဟးဂီၤကွံာ်ဝဲဒူသဝီဖိတဂၤအဟံၣ် (၂) ဖျၢၣ် ဒီး ဘၣ်သံစ့ၢ် ကီးဝဲသဝီဖိတဂၤန့ၣ်လီၤ. တၢ်ဂီၤလၢအဖီလာ်လၢစုစ့ၣ်တဘ့ၣ်အံၤ ဘၣ်တၢ်ဒိန့ၢ်အီၤဖဲလါမးရှး ၁၉ သီ, ၂၀၂၄ နံၣ်အနံၤ, ဖဲ တၢ်လီၢ် တတီၤဃီဒီးပာ်ဖျါထီၣ်ဝဲမ့ၣ်ပိၢ်လၢကဘီယူၤတ့ၢ်လီၤဒီးတပိၢ်ဖးထီၣ် ဘၣ်တဖျၢၣ်န့ၣ်လီၤ. (တၢ်ဂီၤ- KHRG)
တၢ်ဂီၤခံဘ့ၣ်အံၤဘၣ်တၢ်ဒိန့ၢ်အီၤဖဲလါယူလံ ၂၀၂၄ နံၣ်, ဖဲ ဘက--- သဝီ, ကၠီၤက့ၢ်ခိၣ်ကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ် အပူၤန့ၣ်လီၤ. တၢ်ဂီၤလၢစုစ့ၣ်တဘ့ၣ်အံၤ ပာ်ဖျါထီၣ်ဝဲ ဖဲလါယူၤလံ ၁၉ သီ, ၂၀၂၄ နံၣ်န့ၣ်, SAC ကဘီယူၤဒုးသုးဟဲတ့ၢ်လီၤမ့ၣ်ပိၢ် ဖဲ ဘက--- သဝီပူၤဒီးဘၣ်ဟးဂူာ်ဟးဂီၤဝဲသီခါဖၠၣ်န့ၣ်လီၤ. တၢ်ဂီၤလၢစုထွဲတဘ့ၣ်အံၤစ့ၢ်ကီးပာ်ဖျါထီၣ်ဝဲ SAC သုးကဘီယူၤတ့ၢ်လီၤမ့ၣ် ပိၢ်ပိၢ်ဖးထီၣ်အလီၢ်လၢတၢ်လီၢ်တတီၤဃီန့ၣ်လီၤ. ကဘီယူၤဟဲတ့ၢ်လီၤမ့ၣ်ပိၢ်ဝဲအံၤဘၣ်ဟးဂူာ်ဟးဂီၤစ့ၢ်ကီးဝဲသီခါဖၠၣ်တၢ်အီၣ်မ့ၤလီၢ်ဒီး ဘၣ်ဒိဘၣ်ထံးစ့ၢ်ကီးဆၣ်ဖိကီၢ်ဖိလၢသဝီဖိဘုၣ်ဒၢဃာ်ဝဲလၢအအိၣ်ဘူးဒီးတၢ်ကဲထီၣ်သးအလီၢ်န့ၣ်လီၤ. (တၢ်ဂီၤ- KHRG)
တၢ်ဂီၤခံဘ့ၣ်အံၤ ဘၣ်တၢ်ဒိးန့ၢ်အီၤလၢသဝီဖိအအိၣ်ဖဲလါမးရှး ၁၀ အသီ, ၂၀၂၄ နံၣ်, ဖဲ ဘလ--- သဝီ, ထံဝၣ်ဘျီကရူၢ်, တန့ဆါကီၢ်ဆၣ်, ဖၣ်အၣ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲ ဘလ--- သဝီလၢ SAC ကဘီယူၤဟဲခးလီၤတၢ်ဝံၤအလီၢ်ခံ ဖဲလါမးရှး ၉ သီ, ၂၀၂၄ နံၣ်အနံၤန့ၣ်လီၤ. တၢ်ဂီၤလၢစုစ့ၣ်တဘ့ၣ်အံၤပာ်ဖျါထီၣ်ဝဲသဝီဖိတဂၤအဟံၣ်ဒီး (လိထဲး) တခိၣ်အူအီၣ်ကွံာ်ဝဲခဲလၢာ်ဖဲကဘီယူၤဟဲတ့ၢ်လီၤ မ့ၣ်ပိၢ်အဆၢကတီၢ်န့ၣ်လီၤ. တၢ်ဂီၤလၢအထွဲတဘ့ၣ်အံၤစ့ၢ်ကီးပာ်ဖျါထီၣ်ဝဲဟံၣ်အဂၤတဖျၢၣ်လၢအဘၣ်အူအီၣ်ကွံာ်ဝဲန့ၣ်လီၤ. ဟံၣ်ခဲလၢာ် (၂) ဖျၢၣ်ပၣ်ဃုာ်ဒီးတၢ်အိၣ်လၢ အပူၤခဲလၢာ်ဒီး စဲးထုးသ့ၣ်တဖျၢၣ်ဘၣ်အူအီၣ်ကွံာ်န့ၣ်လီၤ. (တၢ်ဂီၤ- လီၢ်ကဝီၤသဝီဖိ)
တၢ်ဂီၤအံၤ ဘၣ်တၢ်ဒိန့ၢ်အီၤဖဲလါမ့ၤ ၂၀၂၄ နံၣ်, ဖဲ ဘမ--- သဝီ, ဝ့ၣ်ရှါကရူၢ်, တန့ဆါကီၢ်ဆၣ်, ဖၣ်အၣ်ကီၢ်ရ့ၣ် အပူၤန့ၣ်လီၤ. တၢ်ဂီၤအံၤပာ်ဖျါထီၣ်ဝဲဟံၣ်တဖျၢၣ်လၢ အအူအီၣ်ကွံာ်လၢ SAC ဘီယူၤဟဲခးလီၤတၢ်ဖဲလါမးရှး ၁၈ သီ, ၂၀၂၄ နံၣ်အနံၤ, ဖဲဟါခီ ၅း၀၀ နၣ်ရံၣ် အဆၢကတီၢ်န့ၣ်လီၤ. (တၢ်ဂီၤ- KHRG)
