တၢ်ကဲထီၣ်သးအကလုာ်

ဟီၣ်လာ်မ့ၣ်ပိၢ်တၢ်ကဲထီၣ်သး

တၢ်ကဲထီၣ်သးမုၢ်နံၤမုၢ်သီ

လါမးၡး ၁၂ သီ, ၂၀၂၅ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

နက--- တၢ်လီၢ်, ဘူးဒီး တက--- သဝီ, စတ့ၢ်ကရူၢ်, လၢၢ်ကဆီကီၢ်ဆၣ်, ဘျံးဒဝဲၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

ဒီၤတ---

သးနံၣ်

(၅၁) နံၣ်

မုၣ်/ ခွါ

မုၣ်

ကလုာ်

ပယီၤ

ထီၣ်ပှၢ် / သဘျ့  

လီၤဖး

တၢ်ဖံးတၢ်မၤ

ပှၤမၤတၢ်ဖိလၢယူၣ်စနၣ်ဃီၤသိအခီပနံာ်

တၢ်ဘူၣ်တၢ်ဘါ

ဘါသီခါ

တၢ်ဟံးမူဒါ/ လီၢ်လၤ

(ပှၤမၤတၢ်ဖိ)

အိၣ်ဆိးဒူသဝီ

စယ--- သဝီ, ကၠိပ့ၤဆ့ၣ်ကရူၢ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ခီၣ်သုးရ့ၣ် နီၣ်ဂံၢ် - ၃၅၈, ဒီး ခီၣ်ချ့သုး ရ့ၣ်နီၣ်ဂံၢ် - ၂၂၄ (ထံကီၢ်တၢ်ပၢတၢ်ပြး ကီၣ်ကးကရၢ (SAC) အစုဒုၣ်တီၤဖီလာ်)

အတွ့ဘိၣ်ပၠ့, အိၣ်ဆီလီၤသးဖဲ လ့ၤညၤသဝီ ဒီး ခၠီမိၤငါသဝီအဘၢၣ် စၢၤ, စတ့ၢ်ကရူၢ်,လၢၢ်ကဆီကီၢ်ဆၣ်

တသ့ၣ်ညါ

တသ့ၣ်ညါ

တသ့ၣ်ညါ

(SAC) ခီၣ်ချ့သုးရ့ၣ် နီၣ်ဂံၢ်- ၅၅၉ ဒီး နီၣ်ဂံၢ်- ၅၆၀

လ့ၤညၤသဝီ, စတ့ၢ်ကရူၢ်, လၢၢ်ကဆီကီၢ်ဆၣ်

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

အဆိန့ၣ်, သဝီဖိခံဂၤလၢအမံၤမ့ၢ် စီၤသ--- ဒီး စီၤၡ--- လၢအအိၣ်ဖဲ တက--- သဝီ, စတ့ၢ်ကရူၢ်, လၢၢ်ကဆီကီၢ်ဆၣ်, ဘျံးဒဝဲၢ် ကီၢ်ရ့ၣ် လၢအမ့ၢ်ပှၤထံၣ်ထွဲတၢ်ကဲထီၣ်သးအံၤ တဲဘၣ် KHRG အပှၤဃုဃိထံသ့ၣ်ညါတၢ်ဖိတဂၤလၢတၢ်ဂ့ၢ်တၢ်ကျိၤအံၤ န့ၣ်လီၤ. ဝံၤအလီၢ်ခံ, KHRG အပှၤဃုဃိထံသ့ၣ်ညါတၢ်ဖိတဂၤအံၤ လဲၤဝဲဆူ စီၤသ--- ဒီး စီၤၡ--- အဟံၣ်လၢကမၤနီၣ်မၤဃါ တၢ်ကဲထီၣ်သးတခါအံၤအဂ့ၢ်အဂီၢ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

KHRG အပှၤဃုဃိထံသ့ၣ်ညါတၢ်ဖိတဂၤအံၤ တဲသကိးတၢ်ဒီး ပှၤထံၣ်ထွဲတၢ်ဖိခံဂၤလၢလဲၤမၤစၢၤပှၤတူၢ်ဘၣ်တၢ်ဖိဖဲအ ဝဲဘၣ်ဒိ ဒီး ဟီၣ်လာ်မ့ၣ်ပိၢ်အတၢ်ပိၢ်ဖးထီၣ်ဝံၤအလီၢ်ခံန့ၣ်လီၤ. ပှၤထံၣ်ထွဲတၢ်ဖိလၢအမ့ၢ် စီၤသ--- တဂၤန့ၣ်, အဝဲလဲၤဝဲ ဖဲတၢ်ကဲထီၣ်သး အလီၢ်န့ၣ်လၢကလဲၤမၤစၢၤပှၤတူၢ်ဘၣ်တၢ်ဖိအဂီၢ်န့ၣ်လီၤ.  ပှၤထံၣ်ထွဲတၢ်ခံဂၤတဂၤလၢအမ့ၢ် ကိၤၡ--- န့ၣ်, အဝဲရဲၣ်ကျဲၤန့ၢ် တၢ်လဲၤတၢ်က့ၤလၢပှၤတူၢ်ဘၣ်တၢ်တဂၤအံၤလၢကလဲၤဆူတၢ်ဆါဟံၣ်အဂီၢ်န့ၣ်လီၤ.  ကိၤၡ--- မၤစ့ၢ် ကီးတၢ်ထံၣ်လိာ်သံကွၢ်ဒီး ပှၤတူၢ်ဘၣ်တၢ်ဖိတဂၤအံၤဘၣ်ဃးဒီးတၢ်ကဲထီၣ်သးဒီးအီၤအဂ့ၢ်န့ၣ်လီၤ. ဝံၤအဝဲဟ့ၣ်လီၤတၢ် ဂ့ၢ်တၢ်ကျိၤအံၤဆူ KHRG ပှၤဃုဃိထံသ့ၣ်ညါတၢ်ဖိတဂၤန့ၣ်အအိၣ် မ့ၢ်လၢပှၤဃုဃိထံသ့ၣ်ညါတၢ်ဖိတဂၤအံၤလၢတၢ် ဘံၣ်တၢ်ဘၢအဂီၢ်အဝဲလဲၤဘၣ်လၢ ပှၤတူၢ်ဘၣ်တၢ်ဖိတဂၤအံၤအိၣ်တန့ၢ်ဘၣ်အဃိန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါမးၡး ၁၂ သီ, ၂၀၂၅ နံၣ်, မုၢ်ထူၣ် ၁၂ နၣ်ရံၣ်အဆၢကတီၢ်, သဝီဖိသးနံၣ် (၅၁) နံၣ်လၢအမံၤမ့ၢ် ဒီၤတ--- လၢအ အိၣ်ဖဲ ဖန--- သဝီ, စတ့ၢ်ကရူၢ်, လၢၢ်ကဆီကီၢ်ဆၣ်, ဘျံးဒဝဲၢ်ကီၢ်ရ့ၣ် အပူၤတဂၤယီၢ်ဘၣ်ဟီၣ်လာ်မ့ၣ်ပိၢ်တဖျၢၣ်ဖဲ နက--- တၢ်လီၢ်လၢ အအိၣ်ဘူးဒီး တက--- သဝီ, စတ့ၢ်ကရူၢ် န့ၣ်လီၤ. ဖဲဒီၤတ--- မၤတၢ်လၢ ဃီၤသိကျီးပူၤ လၢအအိၣ်ဖဲ နက--- တၢ်လီၢ်လၢအအိၣ် ဘူးဒီး တက--- သဝီအဆၢကတီၢ် လၢတၢ်တပာ်သူၣ်ပာ်သးအပူၤအဝဲယီၢ်ဘၣ်ဟီၣ်လာ်မ့ၣ်ပိၢ်တ ဖျၢၣ်လၢ ပယီၤသုးပာ်ဖှိၣ်လၢ အမ့ၢ်ခီၣ်သုးရ့ၣ် နီၣ်ဂံၢ်- ၃၅၈, ခီၣ်သုးရ့ၣ် နီၣ်ဂံၢ်- ၂၂၄, ခီၣ်ချ့သုးရ့ၣ် နီၣ်ဂံၢ် - ၅၅၉ ဒီး ခီၣ်ချ့သုးရ့ၣ် နီၣ်ဂံၢ် - ၅၆၀ တဖၣ်ဒိး လီၤပာ်ဝဲန့ၣ်လီၤ. နက--- တၢ်လီၢ်န့ၣ် မ့ၢ်သဝီဖိလၢအအိၣ်လၢ တက--- သဝီပူၤ သ့ၣ်တဖၣ်အတၢ်ဖံးအီၣ်မၤအီၣ်အလီၢ်န့ၣ်လီၤ.  မ့ၢ်ဟးလၢခီၣ်စးထီၣ်ဖဲ နက--- တၢ်လီၢ် ဆူ တက--- သဝီန့ၣ်အဒ့ၣ်စၢၤအိၣ်ဝဲ ၁ နၣ်ရံၣ်ကျဲန့ၣ်လီၤ.

ဒီၤတ--- အခီၣ်လၢအစ့ၣ်တပၤန့ၣ်ဘၣ်တူာ်ကွံာ်လၢဟီၣ်လာ်မ့ၣ်ပိၢ်အတၢ်ပိၢ်ဖးထီၣ်အံၤအဃိန့ၣ်လီၤ. အခီၣ်လိၤဃံအဃံ တဘှံးကွံာ်အသးန့ၣ်လီၤ. ပှၤတူၢ်ဘၣ်တၢ်ဖိတဂၤအံၤမ့ၢ်ပှၤမၤတၢ်ဖိလၢ ယူၣ်စနၣ်ဃီၤသိခီပနံာ်န့ၣ်လီၤ. ခီပနံာ်အံၤထုးထီၣ်ဝဲ သိအီၣ် ဒီးအဝဲသ့ၣ်ဘၣ်ဟ့ၣ်တၢ်ခိတၢ်သွဲဆူ ကညီဒီကလုာ်စၢဖှိၣ်ကရၢ (KNU) ဒီး SAC အအိၣ်ခံဖုလၢၤန့ၣ်လီၤ. သုးဟံးန့ၢ်ဆူၣ် ထံကီၢ်တၢ်စိတၢ်ကမီၤဖဲ ၂၀၂၁ နံၣ်န့ၣ်ဝံၤအလီၢ်ခံ အဝဲသ့ၣ်တလိၣ်ဟ့ၣ်တၢ်ခိတၢ်သွဲလၢ KNU အအိၣ်လၢၤဘၣ်န့ၣ်လီၤ. မ့မ့ၢ်တ ခီ အဝဲသ့ၣ်ဘၣ်ဟ့ၣ်ဝဲတၢ်ခိတၢ်သွဲဆူသုးဖီၣ်စုကဝဲၤ (ကီၢ်သူလ့ၤသုးမုၢ်ဒိၣ် (KTLA) သုးဒ့ နီၣ်ဂံၢ်- ၁ လၢအဘၣ်တၢ်တီခိၣ်ရိၣ် မဲအီၤလၢ သုးခိၣ်စီၤစပံၣ်န့ၣ်လီၤ. ဒ်လဲၣ်ဂ့ၤန့ၣ်, အဝဲသ့ၣ်ဘၣ်ဟ့ၣ်ဒံးဒၣ်တၢ်ခိတၢ်သွဲလၢ SAC အအိၣ်န့ၣ်လီၤ.

ဟီၣ်လာ်မ့ၣ်ပိၢ်အတၢ်ပိၢ်ဖးထီၣ်အံၤအဃိ ဒီၤတ--- ဘၣ်ဒိနးနးကလဲာ် ဒီး သွံၣ်လီၤအါမးန့ၣ်လီၤ. အခီၣ်လိၤဃံဖျါထီၣ် ဘၣ်မး အသးန့ၣ်လီၤ. အဝဲဘၣ်ဒိဝံၤအလီၢ်ခံ, သဝီဖိအဂၤလၢအမၤတၢ်ဒီးအီၤဖဲန့ၣ်သ့ၣ်တဖၣ်ကိးဃီၤလီတဲစိလၢ ယူၣ်စ နၣ်ဃီၤသိ ခီပနံာ်အတၢ်မၤမူဒါခိၣ်အအိၣ်န့ၣ်လီၤ. တၢ်န့ၣ်ဝံၤအလီၢ်ခံ,  တၢ်မၤမူဒါခိၣ်တဂၤန့ၣ်ကိးဃီၤလီတဲစိဆူ ကမျၢၢ် တၢ်ဒီသဒၢသုး (PDF) အအိၣ်န့ၣ်လီၤ. PDF သ့ၣ်တဖၣ်က့ၤစိာ်အီၤဆူ PDF  သုးဒ့ နီၣ်ဂံၢ်- ၁ အတၢ်သမံသမိးတြဲၤ (ဂိတ်)  န့ၣ်လီၤ. PDF သုးဒ့နီၣ်ဂံၢ်- ၁ အံၤအိၣ်ဟဲလၢ ကီးသီကီၢ်ရ့ၣ်  (လၢအအိၣ်လၢ SAC တၢ်ပၢဟီၣ်ကဝီၤ) အပူၤန့ၣ်လီၤ. ခဲကနံၣ်အံၤအဝဲသ့ၣ် ဟူးဂဲၤဖဲ KNU တၢ်ပၢဟီၣ်ကဝီၤအပူၤ ဒီး အိၣ်ဆီလီၤအသးဖဲ ၡယ--- တၢ်လီၢ်, ဖဲ စတ--- ဟီၣ်ကဝီၤ (လၢအမ့ၢ်သဝီဖိလၢ အအိၣ်ဖဲ စတ့ၢ်ကရူၢ် ပူၤသ့ၣ်တဖၣ်အတၢ်ဖံးအီၣ်မၤအီၣ်လီၢ်ကျဲ) လၢအဘူးဒီး တက--- သဝီန့ၣ် လီၤ. တၢ်န့ၣ်ဝံၤအလီၢ်ခံ, PDF သုးဒ့နီၣ်ဂံၢ်- ၁ အကသံၣ်သရၣ်တဂၤ ကူစါယါဘျါန့ၢ်အီၤအတၢ်ပူၤလီၢ်ဒ်အကသံၣ်ကသီအိၣ်အသိး န့ၣ်လီၤ. အဝဲသ့ၣ်တဟံး အီၤတၢ်ကူစါယါဘျါသးအဘူးအလဲဘၣ်န့ၣ်လီၤ.

ဖဲန့ၣ်ဝံၤအလီၢ်ခံ, ဒီၤတ--- အံၤဘၣ်တၢ်ဆှၢကွံာ်အီၤဆူ နလ--- ကမျၢၢ်တၢ်ဆါဟံၣ်လၢအအိၣ်သူၣ်လီၤအသးဖဲ နလ--- သဝီ, ဘျံးဒဝဲၢ်ကီၢ်ရ့ၣ်ပူၤ ဒီး သိလ့ၣ်တီပှၤဆါခီဖျိ PDF အတၢ်မၤစၢၤန့ၣ်လီၤ.

ပှၤသုးဖိလၢအဟူးဂဲၤဖဲလီၢ်ကဝီၤပူၤတဂၤစံးဝဲလၢ ဖဲလၢဟီၣ်လာ်မ့ၣ်ပိၢ် ပိၢ်ဖးထီၣ်အလီၢ် ဖဲယူၣ်စနၣ်ဃီၤသိအခီပနံာ်အဃီၤသိ ကျီးပူၤန့ၣ် မ့ၢ်တၢ်လီၢ်တတီၤလၢ ထံကီၢ်တၢ်ပၢတၢ်ပြးကီၣ်ကးကရၢ (SAC) သုးသ့ၣ်တဖၣ်  ထိညီနုၢ်သုးကျိၤအ လီၢ်န့ၣ်လီၤ. အဝဲသ့ၣ်ဒိးလီၤစ့ၢ်ကီးမ့ၣ်ပိၢ်ဖဲန့ၣ် န့ၣ်လီၤ. လီၢ်ကဝီၤသဝီဖိသ့ၣ်တဖၣ်စံးဝဲလၢ တၢ်လီၢ်လၢဟီၣ်လာ်မ့ၣ်ပိၢ် ပိၢ်ဖး ထီၣ်အလီၢ်န့ၣ် အိၣ်ဘူးဒီး သဝီဖိတဂၤအစံာ်လၢအလဲၢ်အိၣ် (၃၀၀) အ့ကၢၣ် (၁.၂ ကံၤလိၤမံထၢၣ်) န့ၣ်လီၤ. ဖဲစံာ်ဝဲန့ၣ်အပူၤန့ၣ်ဟံၣ်အိၣ် တဖျၢၣ် ဒီး ဖဲလၢ SAC သုးသ့ၣ်တဖၣ်ဟဲထိဃီၤသုးကျိၤ ဒီးဟဲမၤအသုးတၢ်ဟူးတၢ်ဂဲၤဖဲဟီၣ်ကဝီၤပူၤတဘျီ လၢ်လၢ်န့ၣ်အဝဲသ့ၣ် ညီနုၢ်ဟဲအိၣ်ဝဲဖဲဟံၣ်တဖျၢၣ်န့ၣ်အပူၤလီၤ. လၢတၢ်န့ၣ်အဃိ, အဝဲသ့ၣ်ဒိးလီၤပာ်ဝဲဟီၣ်လာ်မ့ၣ်ပိၢ်သ့ၣ်တ ဖၣ်လၢစံာ်တဘ့ၣ်န့ၣ် အခိၣ်အဃၢၤဝးဝးဒ်သိးအဝဲသ့ၣ်ကဒီသဒၢလီၤအသးလၢသုးဖီၣ်စုကဝဲၤလၢအဒုးထီဒါအဝဲသ့ၣ်သ့ၣ်တဖၣ်န့ၣ်လီၤ.

တၢ်ကဲထီၣ်သးအံၤဝံၤအလီၢ်ခံန့ၣ်, သဝီဖိအါဒံအါဂၤ ဘၣ်ယိၣ်ဘၣ်ဘှီ ဒီး ပျံၤဝဲဟီၣ်လာ်မ့ၣ်ပိၢ်အတၢ်လီၤဘၣ်ယိၣ်အံၤန့ၣ် လီၤ. သဝီဖိတနီၤကလဲၤဆူအသူၣ်အီၣ်ဖျးအီၣ်အလီၢ်ဒၣ်လဲာ်လဲၤဝဲတဘူၣ်ဘၣ်န့ၣ်လီၤ. သဝီဖိတနီၤနီၤ အဝဲသ့ၣ်မ့ၢ်ပျံၤတၢ်ဘၣ်ဆၣ် လၢအဝဲသ့ၣ်တၢ်လုၢ်လီၤအီၣ်နီၢ်ခိသးသမူအဂီၢ်ဘၣ်လဲၤဝဲန့ၣ်လီၤ. သဝီဖိလၢအအိၣ်လၢ စတ့ၢ်ဟီၣ်ကဝီၤ ပူၤသ့ၣ် တဖၣ်အဲၣ်ဒိး ဃ့ထီၣ်ခိၣ်နၢ်လၢအဘၣ်ထွဲသ့ၣ်တဖၣ်လၢ ကပတုာ်သုးဖီၣ်စုကဝဲၤသ့ၣ်တဖၣ်လၢအဝဲသ့ၣ်အတၢ်ဟးဒိးလီၤမ့ၣ်ပိၢ်လၢသဝီဖိ သ့ၣ်တဖၣ်အတၢ်သူၣ်တၢ်ဖျးကျီးပူၤ ဒီး ကျဲလၢသဝီဖိသူဝဲလၢတၢ်လဲၤတၢ်က့ၤ ဒီး ဝံစိာ်တီဆှၢသ့ၣ်တဖၣ် အပူၤန့ၣ်လီၤ.

ယူၣ်စနၣ်ဃီၤသိအခီဖနံၣ် ဟ့ၣ်န့ၢ် ဒီၤတ--- အကသံၣ်ပှ့ၤန့ၣ်လီၤ. အဝဲအဖိအိၣ်ခံဂၤန့ၣ်လီၤ. အဝဲလီၤဖးဒီးအဝၤလံန့ၣ်လီၤ. အဖိခံဂၤန့ၣ်ထီၣ်ပှၢ် ဒီး အိၣ်ဒီးအနီၢ်ကစၢ်အဟံၣ်ဖိဃီဖိဒၣ်ဝဲလၢာ်လံန့ၣ်လီၤ. ဒီၤတ--- ဒီး အဟံၣ်ဖိဃီဖိသ့ၣ်တဖၣ်အံၤမ့ၢ်ပှၤ မၤအီၣ်မုၢ်ဆ့ၣ်မုၢ်ဂီၤတၢ်မၤဖဲ ယူၣ်စနၣ်ဃီၤသိအခီဖနံၣ် န့ၣ်လီၤ. လၢအဝဲသ့ၣ်တၢ်လုၢ်လီၤအီၣ်နီၢ်ခိသးသမူအဂီၢ် အဝဲသ့ၣ်မၤ တၢ်ဖဲခီဖနံၣ် အံၤန့ၣ်လီၤ. အဝဲသ့ၣ်အိၣ်ဟဲန့ၢ်ခီၣ်ထံးခီၣ်ဘိလၢ ဝ့ၢ်တကူၣ် (ရန်ကုန်) န့ၣ်လီၤ. ၂၀၂၁ နံၣ်သုးဟံးန့ၢ်ဆူၣ်ထံကီၢ် တၢ်စိတၢ်ကမီၤဝံၤအလီၢ်ခံအဝဲသ့ၣ်ဖံးအီၣ်မၤအီၣ်တၢ်တဘၣ်လီၢ်ဘၣ်စးဘၣ်အဃိ အဝဲသ့ၣ်ဟဲအိၣ်ဟဲဆိးက့ၤလၢ ဘျံးဒဝဲၢ် ကီၢ်ရ့ၣ်အပူၤ ဒီး ဖံးမၤတၢ်ဖဲ ယူၣ်စနၣ်ဃီၤသိအခီဖနံၣ် လၢအအိၣ်သူၣ်လီၤအသးဘူးဒီး တက--- သဝီန့ၣ်လီၤ.

ဖဲ လါမးၡး ၂၀၂၅ နံၣ် တၢ်ကဲထီၣ်သးအံၤဝံၤအလီၢ်ခံ, မ့ၢ်လၢတၢ်ကဲထီၣ်သးဒီး ဒီၤတ--- ဒီး အဖိ သ့ၣ်တဖၣ်ဒ်အံၤအဃိ, အ ဝဲသ့ၣ်ဘၣ်သဂၢၢ်ဒီး တၢ်ကီတၢ်ခဲလၢကမၤဒံးတၢ်ဖဲ ယူၣ်စနၣ်ဃီၤသိအခီဖနံၣ် အံၤမ့ၢ်လၢအဝဲသ့ၣ်ပျံၤဟီၣ်လာ်မ့ၣ်ပိၢ်အဃိ န့ၣ်လီၤ. ဘၣ်ဆၣ်သနာ်က့, အဝဲသ့ၣ်မၤဒံးတၢ်ဖဲ ယူၣ်စနၣ်ဃီၤသိအခီဖနံၣ် အံၤန့ၣ်လီၤ. မ့ၢ်လၢအဖိခံဂၤန့ၣ်ထီၣ်ပှၢ်လၢၤလံ အဃိ အဝဲသ့ၣ်ဘၣ်ကွၢ်ထွဲစ့ၢ်ကီးအဟံၣ်ဖိဃီဖိ ဒီး ဘၣ်ဖံးဘၣ်မၤတၢ်လၢအဟံၣ်ဖိဃီဖိတၢ်လုၢ်လီၤအီၣ်နီၢ်ခိသးသမူအဂီၢ် န့ၣ်လီၤ. လၢတၢ်န့ၣ်အဃိ, လၢဆၢကတီၢ်ဒ်အံၤအပူၤန့ၣ် အဝဲသ့ၣ်ကွၢ်ထွဲအမိၢ်တသ့ဘၣ်န့ၣ်လီၤ.

ဒီၤတ--- ဃ့ထီၣ်ဝဲလၢ, မ့ၢ်သ့မ့ၢ်ဘၣ်န့ၣ် မ်ပှၤတဂၤဂ့ၤတဂၤဂ့ၤကမၤစၢၤလၢ်ဘၣ်အီၤလၢအတၢ်လုၢ်လီၤအီၣ်နီၢ်သးသမူအဂီၢ် န့ၣ်လီၤ. ဖဲလါမးၡး ၂၀၂၅ နံၣ်အတီၢ်ပူၤ, ဖဲအဝဲဘၣ်ထီၣ်တၢ်ဆါဟံၣ်အဆၢကတီၢ်, လၢအတၢ်လုၢ်လီၤအီၣ်နီၢ်ခိသးသမူအဂီၢ် အဝဲသူဒၣ်ကျိၣ်စ့လၢ ယူၣ်စနၣ်ဃီၤသိခီဖနံၣ် အပှၤမၤတၢ်ဖိသ့ၣ်တဖၣ် ဟ့ၣ်မၤဘူၣ်အီၤန့ၣ်လီၤ. အဝဲဒိးန့ၢ်ဘၣ်စ့ၢ်ကီးတၢ်မၤ ဘူၣ်တနီၤလၢ လီၢ်ကဝီၤတၢ်မၤစၢၤတၢ်ခူၣ်လီၤပှၤသံ ဒီး တၢ်မၤစၢၤပှၤတဝၢကရူၢ် အအိၣ်န့ၣ်လီၤ. သဝီဖိသ့ၣ်တဖၣ်တသ့ၣ် ညါဝဲလၢမ့ၢ်အတၢ်ကူစါယါဘျါသးအဘူးအလဲလၢၤထဲလဲၣ် ဒီး အဝဲသ့ၣ်တသ့ၣ်ညါလီၤတံၢ်စ့ၢ်ကီးလၢမ့ၢ်အဒိးန့ၢ်ဘၣ်တၢ်မၤ ဘူၣ်ထဲလဲၣ်န့ၣ်ဘၣ်လီၤ. ဖဲအဝဲဒိးကူစါယါဘျါအသးအဆၢကတီၢ်အဝဲဘၣ်ထီၣ်တၢ်ဆါဟံၣ်တလါန့ၣ်လီၤ.

ခဲကနံၣ်အံၤ (စဲးပထ့ဘၢၣ် ၂၀၂၅ နံၣ်), ဒီၤတ--- မ့ၢ်ဟးန့ၣ် မ့ၢ်လၢအခီၣ်အိၣ်ထဲတခီဧိၤအဃိအဝဲဘၣ်စူးကါဝဲ နီၣ်ထိးတြံာ် (ဂျိုင်းထောက်) န့ၣ်လီၤ. လၢဒီၤတ--- အတၢ်လုၢ်အီၣ်နီၢ်ခိသးသမူအဂီၢ် အဝဲတဒိးန့ၢ်ဘၣ်တၢ်မၤစၢၤဆီၣ် ထွဲနီတမံၤဘၣ်, လၢပှၤအိၣ်နီတဂၤဘၣ်, ဒီးတဒိးန့ၢ်ဘၣ်စ့ၢ်ကီးတၢ်မၤစၢၤဆီၣ်ထွဲလၢတၢ်ကရၢကရိအအိၣ်နီတဖုဒံးဘၣ် န့ၣ်လီၤ. အဖိမုၣ်ဂုာ် ကျဲးစၢးကွၢ်ထွဲအီၤ ဒီး လုၢ်အီၣ်အီၤန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

သဝီဖိလၢအမံၤမ့ၢ် စီၤသ--- အိၣ်လၢ တက--- သဝီ, စတ့ၢ်ကရူၢ်, လၢၢ်ကဆီကီၢ်ဆၣ်, ဘျံးဒဝဲၢ်ကီၢ်ရ့ၣ် ဒီး ပှၤတူၢ်ဘၣ်တၢ်ဖိ အနီၢ်ကစၢ်ဒၣ်ဝဲဟ့ၣ် KHRG အခွဲးလၢကသူတၢ်ဂ့ၢ်တၢ်ကျိၤအံၤန့ၣ်လီၤ. အဝဲသ့ၣ်အဲၣ်ဒိးစ့ၢ်ကီးလၢ KHRG ကသူဝဲတၢ်ဂ့ၢ် အံၤလၢတၢ်ရၤလီၤအဂီၢ်န့ၣ်လီၤ.