တၢ်ကဲထီၣ်သးအကလုာ်

တၢ်ခးလီၤကျိဖးဒိၣ်ဆူဒူသဝီ

တၢ်ကဲထီၣ်သးမုၢ်နံၤမုၢ်သီ

လါအ့ဖြ့ၣ် ၁၅ သီ, ၂၀၂၅ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အအ--- သဝီ, နိၣ်ဖိကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

နီၢ်အ---

စီၤဘ---

သးနံၣ်

၄၁ နံၣ်

၂၁ နံၣ်

မုၣ်/ ခွါ

မုၣ်

ခွါ

ကလုာ်

ကညီ

ကညီ

ထီၣ်ပှၢ် / သဘျ့  

သဘျ့

ထီၣ်ပှၢ်

တၢ်ဖံးတၢ်မၤ

ထူစံာ်

ထူစံာ်

တၢ်ဘူၣ်တၢ်ဘါ

ဘူးဒး

ဘူးဒး

တၢ်ဟံးမူဒါ/ လီၢ်လၤ

သဝီဖိ

သဝီဖိ

အိၣ်ဆိးဒူသဝီ

အအ---သဝီ

အအ---သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ [ထံကီၢ်တၢ်ပၢ တၢ်ပြး ကီၣ်ကးကရၢ (SAC) သုးဖိ]

-

အီၤစ့ၤယၣ်

[အိၣ်ဆီလီၤသးတစိၢ်တလီၢ်ဖဲ ကစၢၢ်လၢအအိၣ်ဘူးဒီး အအ---သဝီ]

-

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

သဝီဖိလၢအအိၣ်လၢအဘ---သဝီ, [နိၣ်ဖိကရူၢ်, ကီးတရံးကီၢ်ဆၣ်] တဂၤတဲဘၣ် KHRG ပျီပူၤပှၤမၤတၢ်ဖိ [ဘၣ်ဃးဒီး တၢ်ကဲထီၣ်သးအံၤန့ၣ်လီၤ]. ဝံၤအလီၢ်ခံပျီပူၤပှၤမၤတၢ်ဖိအံၤဆဲးကျိးဒီးကီၢ်ဆၣ် [ကညီဒီကလုာ်စၢဖှိၣ်ကရၢ (KNU) ခိၣ်နၢ်လၢအ အိၣ်ဖဲကီးတရံးကီၢ်ဆၣ်န့ၣ်လီၤ]. ဝံၤအလီၢ်ခံပျီပူၤပှၤမၤတၢ်ဖိလဲၤဆူအအ---သဝီဒီးတဲသကိးတၢ်ဒီးသဝီသးပှၢ်န့ၣ်လီၤ. သဝီသး ပှၢ်အံၤတဲဒုးသ့ၣ်ညါဝဲပျီပူၤပှၤမၤတၢ်ဖိဘၣ်ဃး[တၢ်ကဲထီၣ်သးဂ့ၢ်ကျိၤ]ဒီးလဲၤဒုးနဲၣ်ဝဲ[တၢ်ကဲထီၣ်သးအလီၢ်]န့ၣ်လီၤ. ဝံၤအလီၢ် ခံသဝီသးပှၢ်အံၤရဲၣ်ကျဲၤန့ၢ်တၢ်လၢပျီပူၤပှၤမၤတၢ်ဖိအဂီၢ်ဒ်သိးကထံၣ်လိာ်သးဒီးပှၤတူၢ်ဘၣ်တၢ်အဟံၣ်ဖိဃီဖိန့ၣ်လီၤ. ဘၣ်ဆၣ် ပျီပူၤပှၤမၤတၢ်ဖိအံၤတထံၣ်လိာ်ဘၣ်သးဒီးပှၤတူၢ်ဘၣ်တၢ်ခံဂၤလၢာ်လၢအနီၢ်ကစၢ်ဘၣ်ခီဖျိအဝဲသ့ၣ်ဘၣ်တၢ်ဆှၢအီၤဆူတၢ်ကူစါ ယါဘျါသးအလီၢ်တတီၤလံန့ၣ်လီၤ. ပျီပူၤပှၤမၤတၢ်ဖိဒိန့ၢ်တၢ်ဂီၤဒီးမၤဝဲတၢ်ထံၣ်လိာ်သံကွၢ်ဒီးစီၤဘ--- လၢအမ့ၢ်ပှၤတူၢ်ဘၣ်တၢ် ဖိအံၤအဟံၣ်ဖိဃီဖိခံဂၤန့ၣ်လီၤ. ပျီပူၤပှၤမၤတၢ်ဖိတထံၣ်လိာ်ဘၣ်သးဒီးနီၢ်အ--- အဟံၣ်ဖိဃီဖိနီတဂၤဘၣ်ခီဖျိအဝဲအဟံၣ်ပဲတြီ ကးတံာ်ဃာ်အသးဒီး ဖဲန့ၣ်အဆၢကတီၢ်[အကစၢ်န့ၣ်ဘၣ်လဲၤအိၣ်လၢတၢ်ဆါဟံၣ်ထီဘိအဃိန့ၣ်လီၤ. အဟံၣ်ဖိဃီဖိစ့ၢ်ကီးအိၣ် လၢသဝီအဂၤတဖျၢၣ်န့ၣ်လီၤ]. [KHRG] ပျီပူၤပှၤမၤတၢ်ဖိတဲသကိးဘၣ်စ့ၢ်ကီးတၢ်ဒီးသဝီဖိအါဂၤဖဲတၢ်ကဲထီၣ်သးအလီၢ်န့ၣ်လီၤ].  

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

စီၤဘ--- အမါလၢအမံၤမ့ၢ်နီၢ်ဆ---, ဒီးစီၤဒ--- လၢအမ့ၢ်စီၤဘ--- အမံၤပှၢ်အံၤဟ့ၣ်ယၤ [KHRG ပျီပူၤပှၤမၤတၢ်ဖိ] တၢ်ဂ့ၢ်တၢ်ကျိၤ န့ၣ်လီၤ. သဝီသးပှၢ်တဲဘၣ်စ့ၢ်ကီးယၤ [ပျီပူၤပှၤမၤတၢ်ဖိ] ဘၣ်ဃးတၢ်ဂ့ၢ်တၢ်ကျိၤအံၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါအ့ဖြ့ၣ် ၁၅ သီ, ၂၀၂၅ နံၣ်အနံၤ, မုၢ်နၤခီ ၁၁း၀၀ အဆၢကတီၢ်, SAC အီၤစ့ၤယၣ်သုးကျိၤခးလီၤဝဲကျိဖးဒိၣ် (၂) ဖျၢၣ်ဆူ အအ---သဝီ, နိၣ်ဖိကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်ဒီးဘၣ်ဒိဝဲသဝီဖိ (၂) ဂၤလၢအအိၣ်ဖဲ အအ---သဝီန့ၣ်လီၤ. ကျိဖးဒိၣ်ဘၣ်ဒိဟးဂီၤစ့ၢ်ကီးဝဲဟံၣ် (၂) ဖျၢၣ်, တၢ်ဒူၣ်ကပၤဒီးစဲးထဲၣ်တၢ်တဖျၢၣ်န့ၣ်လီၤ. [လီၢ်ကဝီၤသဝီဖိဒီးဒူသဝီဖိသ့ၣ်တဖၣ် ပာ်ဖျါထီၣ်ဝဲလၢ] ကျိဖးဒိၣ်လၢတၢ်ခးလီၤအီၤအံၤမ့ၢ်ဝဲ (၈၁ မမ) န့ၣ်လီၤ. ကျိဖးဒိၣ်(၂)ဖျၢၣ်အံၤဘၣ်ဒိဝဲသဝီဖိ (၂) ဂၤန့ၣ်လီၤ.

• စီၤဘ--- အတၢ်ဘၣ်ဒိ

ဖဲတၢ်ခးလီၤကျိဖးဒိၣ်အဆၢကတီၢ်န့ၣ်သဝီဖိသ့ၣ်တဖၣ်မံဘၣ်သးန့ၣ်လီၤ. ဘၣ်ဆၣ်မ့မ့ၢ်စီၤဘ---တဂၤတၢ်သၣ်ဝံၤအသးအဃိအ ဝဲလဲၤဆူတၢ်ဖီအီၣ်မ့ၤလီၢ်ဒီးစးထီၣ်အီၣ်တၢ်န့ၣ်လီၤ. ကျိဖးဒိၣ်လီၤတဲာ်ဖဲအဟံၣ်လၢအထွဲတကပၤဒီးအက့ဖျိးဘၣ်အီၤန့ၣ်လီၤ. ဖဲ တၢ်ခးလီၤကျိဖးဒိၣ်ဝံၤအလီၢ်ခံပှၤကိးဂၤဒဲးပၢၢ်ထီၣ်ပာ်ဃုာ်ဒီးအဘူးအတံၢ်ဒီးဟဲကွၢ်ဝဲအီၤန့ၣ်လီၤ. အဝဲဘၣ်ဒိဖဲအခံခိၣ်အထွဲတ ကပၤန့ၣ်လီၤ.

အမံၤပှၢ်လၢအမံၤမ့ၢ်စီၤဒ---လဲၤဆှၢအီၤဆူကသံၣ်သရၣ်မုၣ်နီၢ်ဃ---အဟံၣ်န့ၣ်လီၤ. လၢခံလီၢ်ကဝီၤခိၣ်နၢ်ဆှၢအီၤဆူတၢ်ဟ့ၣ်က သံၣ်ဒၢးတဖျၢၣ်လၢအဘၣ်တၢ်တီခိၣ်ရိၣ်မဲအီၤလၢ KNLA/PDF [ကညီဒီကလုာ်တၢ်ထူၣ်ဖျဲးသုးမုၢ်ဒိၣ်ဒီးတၢ်ဒီသဒၢကမျၢၣ်သုး] ဒီးတၢ်ဟ့ၣ်ကသံၣ်ဒၢးအံၤအိၣ်သူၣ်လီၤအသးဖဲအအ---သဝီချၢန့ၣ်လီၤ. KNLA/PDF တၢ်ဟ့ၣ်ကသံၣ်ဒၢးအံၤတဃ့ဝဲစီၤဘ---အ တၢ်ကူစါယါဘျါသးတၢ်လၢာ်ဘူၣ်လၢာ်စ့ၤဘၣ်န့ၣ်လီၤ.

နီၢ်ဆ---လၢအမ့ၢ်စီၤဘ---အမါအံၤတဲဖျါထီၣ်ဝဲဆူ KHRG အအိၣ်လၢ “လၢညါန့ၣ်, ယဝၤဒီးယၤန့ၣ်ပဖံးတၢ်မၤတၢ်ဒံးသိးသိး လၢစံာ်ပျီပူၤ [ဒ်ပှၤမၤအီၣ်မုၢ်ဆ့ၣ်အီၣ်မုၢ်ဂီၤ]. တဘျီတခီၣ်အဝဲဟဲက့ၤစိာ်န့ၢ်ပှၤကျိၣ်စ့လၢဟံၣ်. ဘၣ်ဆၣ်ဆၢကတီၢ်ခဲအံၤခီဖျိအ ဘၣ်ဒိအဃိအဝဲဟဲက့ၤစိာ်န့ၢ်ပှၤကျိၣ်စ့တန့ၢ်လၢၤဘၣ်.” [လၢတၢ်န့ၣ်အဃိ] အဝဲကဘၣ်ကွၢ်ထွဲလီၤက့ၤအနီၢ်ကစၢ်အသးဃုာ်ဒီး အဖိလၢအသးနံၣ်အိၣ်ဒံးဒၣ်ထဲ (၃) နံၣ်တဂၤလၢတၢ်လုၢ်အီၣ်နီၢ်ခိသးသမူအဂီၢ်န့ၣ်လီၤ. အဝဲတဲစ့ၢ်ကီးဝဲလၢ “ယအဲၣ်ဒိးအိၣ် ဘၣ်မုာ်မုာ်ခုၣ်ခုၣ်, ဖံးမၤဘၣ်တၢ်မုာ်မုာ်ခုၣ်ခုၣ်ဒီးဟးထီၣ်က့ၤလီၤဒီးယဖိသ့ၣ်တဖၣ်မုာ်မုာ်ခုၣ်ခုၣ်လီၤ. ဘၣ်ဆၣ်ခဲအံၤယဖိမ့ၢ် လဲၤလိာ်ကွဲလၢတၢ်ချၢယကဘၣ်ကိးက့ၤအီၤလီၤ. ဒီးဖဲယမၤတၢ်အဆၢကတီၢ်န့ၣ်ယဘၣ်ကိၢ်ဘၣ်ဂီၤလၢယဖိအဂီၢ်လီၤ.”  

• နီၢ်အ--- အတၢ်သံ

ဖဲတၢ်ခးလီၤကျိဖးဒိၣ်အဆၢကတီၢ် နီၢ်အ---အိၣ်ဝဲဖဲအဟံၣ်ပူၤန့ၣ်လီၤ. ကျိဖးဒိၣ်လီၤတဲာ်ဘၣ်ဝဲအဟံၣ်ခိၣ်, ဘၣ်ဟးဂီၤဝဲဟံၣ်ခိၣ် ဒုးဒီးတၢ်ဒူၣ်ကပၤ, စဲးထဲၣ်တၢ်တဖျၢၣ်ဒီးစဲးဂံာ်ဘုတဖျၢၣ်လၢအဝဲသူဝဲလၢတၢ်မၤအီၣ်စံၣ်အဂီၢ်န့ၣ်လီၤ. အဝဲဘၣ်ဒိဖဲအဟၢဖၢန့ၣ် လီၤ. ဒူသဝီခိၣ်နၢ်ဆှၢအီၤဆူတၢ်ဟ့ၣ်ကသံၣ်ဒၢးတဖျၢၣ်ဃီလၢ KNLA/PDF န့ၣ်လီၤ.

ပှၤလၢအဘၣ်ဒိ (၂) ဂၤအံၤအိၣ်ဖဲအအ--- သဝီန့ၣ်လီၤ. တုၤလၢလါအ့ဖြ့ၣ် ၁၇ သီ, ၂၀၂၅ နံၣ်အနံၤဒၣ်လဲာ် နီၢ်အ--- အဟံၣ်ဖိဃီဖိတသ့ၣ်ညါလၢတၢ်ကဲထီၣ်သးဒီးအီၤဘၣ်ခီဖျိအဝဲမ့ၢ်ပှၤသဘျ့ဒီးအိၣ်ဒၣ်ထဲတဂၤလၢဟံၣ်န့ၣ်လီၤ. [အဟံၣ်ဖိဃီဖိ အိၣ်ဆိးဝဲလၢ သဝီအဂၤတဖျၢၣ်န့ၣ်လီၤ.]

သဝီဖိ (၂) ဂၤအံၤဘၣ်ဒိခီဖျိတၢ်ခးလီၤကျိဖးဒိၣ်ဒီးတၢ်အံၤဒုးအိၣ်ထီၣ်စ့ၢ်ကီးတၢ်ပျံၤတၢ်ဖုးလၢဒူသဝီဖိအဂီၢ်လၢတၢ်လုၢ်အီၣ်နီၢ်ခိ သးသမူအဂီၢ်န့ၣ်လီၤ. တၢ်အံၤမ့ၢ်တၢ်မၤဘၣ်ဒိပှၤဟီၣ်ခိၣ်ဖိခွဲးယာ်န့ၣ်လီၤ. သဝီဖိအါဂၤစံးဘၣ် [KHRG ပျီပူၤပှၤမၤတၢ်ဖိ] လၢအဝဲသ့ၣ်နာ်ဝဲလၢပှၤလၢအခးလီၤကျိဖးဒိၣ်အံၤမ့ၢ်ဝဲ SAC သုးဖီၣ်စုကဝဲၤန့ၣ်လီၤ. လၢ KHRG တၢ်ဖီၣ်တၢ်ကလုၢ်အပူၤစီၤဘ---အမါနီၢ်ဆ---စံးဝဲလၢ “SAC အီၤစ့ၤယၣ် သုးကျိၤအံၤအိၣ်သူၣ်လီၤအသးဖဲကစၢၢ်လၢအအိၣ်တယံၤဒီးအအ---သဝီဘၣ်ဒီးပှၤအိၣ် ဖဲန့ၣ်စ့ၢ်ကီးဘၣ်ဆၣ်တအါထဲသိးအီၤစ့ၤယၣ်သုးကျိၤအံၤဘၣ်.” [ဘၣ်ဆၣ်သဝီဖိတသ့ၣ်ညါဝဲလၢမ့ၢ်ကျိဖးဒိၣ်အံၤဟဲလိၤဖဲလဲၣ် ဘၣ်. ဒ် KHRG ပျီပူၤပှၤမၤတၢ်ဖိပာ်ဖျါထီၣ်ဝဲအသိး, သုးဖီၣ်စုကဝဲကရူၢ်လၢအဂၤသ့ၣ်တဖၣ်အိၣ်ဘူးစ့ၢ်ကီးဒီးသဝီန့ၣ်လီၤ.]

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤတူၢ်ဘၣ်တၢ်အဟံၣ်ဖိဃီဖိလၢတၢ်ထံၣ်လိာ်သံကွၢ်အကျါတဂၤတူၢ်လိာ်ဟ့ၣ်ဝဲတၢ်ပျဲလၢတၢ်ဂ့ၢ်တၢ်ကျိၤအံၤတၢ်သူအီၤလၢတၢ်ရၤလီၤအဂီၢ်ဒ်အကြၢးဝဲဘၣ်ဝဲဒီးKHRGတၢ်ဖံးတၢ်မၤအသိးသ့ဝဲန့ၣ်လီၤ. [သဝီသးပှၢ်စ့ၢ်ကီးအၢၣ်လီၤပျီပူၤပှၤမၤတၢ်ဖိလၢတၢ်ကရၤ လီၤဝဲတၢ်ဂ့ၢ်တၢ်ကျိၤအံၤန့ၣ်လီၤ.]