တၢ်ကဲထီၣ်သးအကလုာ်

SAC ခးလီၤကျိဖးဒိၣ်အဃိဒုးအိၣ်ထီၣ်ဝဲတၢ်သံတၢ်ပှၢ်ဒီးတၢ်ဘၣ်ဒိဘၣ်ထံး

တၢ်ကဲထီၣ်သးမုၢ်နံၤမုၢ်သီ

လါယူၤလံ ၁ သီ, ၂၀၂၄ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အ---သဝီ, (မုန်း) ကရူၢ်, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

အူဆ---

ဒီၤဒ---

မၣ်ဃ---

မၣ်ဂ---

မီၤဧ---

သးနံၣ်

၄၀

၃၅

၁၆

၈

၂

မုၣ်/ ခွါ

ခွါ

မုၣ်

မုၣ်

မုၣ်

ခွါ

ကလုာ်

ပယီၤ

ပယီၤ

ပယီၤ

ပယီၤ

ပယီၤ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

-

-

-

တၢ်ဖံးတၢ်မၤ

ထီရီၤ

ထီရီၤ

-

-

-

တၢ်ဘူၣ်တၢ်ဘါ

ဘူးဒး

ဘူးဒး

-

-

-

တၢ်ဟံးမူဒါ/ လီၢ်လၤ

တသ့ၣ်ညါ

တသ့ၣ်ညါ

-

-

-

အိၣ်ဆိးဒူသဝီ

အ---သဝီ, (မုန်း) ကရူၢ်)

အ---သဝီ, (မုန်း) ကရူၢ်)

အ---သဝီ, (မုန်း) ကရူၢ်)

အ---သဝီ, (မုန်း) ကရူၢ်)

အ---သဝီ, (မုန်း) ကရူၢ်)

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

ထံကီၢ်တၢ်ပၢတၢ်ပးကီၣ်ကးကရၢ (SAC)

ခီၣ်ချ့သုးရ့ၣ် (ခမရ) နီၣ်ဂံၢ် (၅၉၀) ဒီး (၅၉၉)

သၣ်စံၣ်သဝီ, တီၣ်လဲၣ်ကရူၢ်, မူကီၢ်ဆၣ်

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ဖဲတၢ်ကဲထီၣ်သးဝံၤအလီၢ်ခံလီၢ်ကဝီၤပှၤဘၣ်မူဘၣ်ဒါလၢအမ့ၢ်ပဒိၣ်က--- တဂၤလၢအအိၣ်ဖဲလ--- သဝီ, ကွံဒုၣ်ခီၣ်ကရူၢ်, မူ ကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်အံၤတဲဘၣ်ယၤ(KHRG ပျီပူၤပှၤမၤတၢ်ဖိ)ဘၣ်ဃးတၢ်ခးလီၤကျိဖးဒိၣ်ဒီးဘၣ်ဒိသဝီဖိန့ၣ်လီၤ. ပဒိၣ် က--- အံၤတဲဘၣ် ကညီဒီကလုာ်တၢ်ထူၣ်ဖျဲးသုးမုၣ်ဒိၣ် (KNLA) သုးဖိဒ်သိးကလဲၤဆှၢယၤလၢကျဲဒီးဟံးန့ၢ်စၢၤယနီၢ်က စၢ်တၢ် ဘံၣ်တၢ်ဘၢအဂီၢ်န့ၣ်လီၤ. ဝံၤအလီၢ်ခံယလဲၤဒိန့ၢ်တၢ်ဂီၤဒီးမၤတၢ်ထံၣ်လိာ်သံကွၢ်လၢယနီၢ်ကစၢ်ဒီးပှၤလၢအထံၣ်ထွဲတၢ်ဒ် အမ့ၢ် အူမ--- ဒီးပှၤတူၢ်ဘၣ်တၢ်အဟံၣ်ဖိဃီဖိအကျါတဂၤလၢအမ့ၢ် မၣ်ဟ--- ဒီးမၤနီၣ်မၤဃါက့ၤတၢ်ဂ့ၢ်တၢ်ကျိၤန့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

သဝီဖိလၢအဟ့ၣ်ယၤ(KHRG ပျီပူၤပှၤမၤတၢ်ဖိ)တၢ်ဂ့ၢ်တၢ်ကျိၤအံၤမ့ၢ်ဝဲအူမ--- လၢအအိၣ်ဖဲအ--- သဝီန့ၣ်လီၤ. ဖဲတၢ်ကဲထီၣ် သးအဆၢကတီၢ်အဝဲအိၣ်ဖဲအဟံၣ်လၢအအိၣ်ဘူးလိာ်သးဒီးထံၣ်ထွဲဝဲတၢ်ကဲထီၣ်သးအံၤလၢအနီၢ်ကစၢ်န့ၣ်လီၤ. အဝဲမၤစၢၤဘၣ် စ့ၢ်ကီးဝဲသဝီဖိလၢအဘၣ်ဒိသ့ၣ်တဖၣ်ဒီးဆှၢဝဲဆူတၢ်ဆါဟံၣ်န့ၣ်လီၤ. (မၣ်ဟ--- လၢအမ့ၢ်ပှၤတူၢ်ဘၣ်တၢ် အူဆ---အဒီပုၢ်ဝဲၢ် မုၣ်အံၤပာ်ဖျါထီၣ်စ့ၢ်ကီးတၢ်ဂ့ၢ်တၢ်ကျိၤဆူ KHRG ပျီပူၤပှၤမၤတၢ်ဖိအဂၤတဂၤအအိၣ်န့ၣ်လီၤ.)

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါယူၤလံ ၁ သီ, ၂၀၂၄ နံၣ်အနံၤ, မုၢ်ဆါခီ ၂း၃၀ အဆၢကတီၢ်, ထံကီၢ်တၢ်ပၢတၢ်ပြးကီၣ်ကးကရၢ (SAC) သုးဖိလၢအအိၣ် ဟဲလၢခီၣ်ချ့သုးရ့ၣ် (ခမရ) နီၣ်ဂံၢ် (၅၉၀) ဒီး (၅၉၉) လၢအအိၣ်ဆီလီၤအသးဖဲသၣ်စံၣ်သဝီ, တီၣ်လဲၣ်ကရူၢ်, မူကီၢ်ဆၣ်သ့ၣ် တဖၣ်နၢ်ဟူဝဲလၢသဝီဖိလၢအအိၣ်ဖဲ အ--- သဝီ, (မုန်း) ကရူၢ်, မူကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ် တဖၣ်မၤဝဲတၢ်ဘူၣ်ဖဲသီခါဖၠၣ် လၢအအိၣ်ဘူးဒီးသဝီန့ၣ်လီၤ. လၢတၢ်န့ၣ်အဃိ (SAC) သုးဖိတဖၣ်ခးလီၤဝဲကျိဖးဒိၣ် (၂) ဖျၢၣ်ဆူ အ--- သဝီပူၤန့ၣ်လီၤ. လီၢ် ကဝီၤသဝီဖိတဖၣ်နာ်ဝဲလၢကျိဖးဒိၣ်အံၤတၢ်ပညိၣ်ခးအီၤဖဲသီခါဖၠၣ်ဖဲပှၤပာ်ဖှိၣ်ထီၣ်သးအလီၢ်န့ၣ်လီၤ. ကျိဖးဒိၣ်အကျါတဖျၢၣ် လီၤတဲာ်ပိၢ်ဖးထီၣ်ဖဲသဝီပူၤဘၣ်ဆၣ်တၢ်ဘၣ်ဒိဘၣ်ထံးတအိၣ်နီတမံၤဘၣ်န့ၣ်လီၤ.

ကျိဖးဒိၣ်ခံဖျၢၣ်တဖျၢၣ်လီၤတဲာ်ဘၣ်ဖဲ အ--- သဝီဖိလၢအမံၤမ့ၢ် အူဆ--- တဂၤအဟံၣ်န့ၣ်လီၤ. ဖဲကျိဖးဒိၣ်လီၤတဲာ်ဘၣ်အ ဟံၣ်အဆၢကတီၢ်, အူဆ--- ဒီးအဟံၣ်ဖိဃီဖိသ့ၣ်တဖၣ်အိၣ်ဖဲဟံၣ်ပူၤအဃိအဝဲသ့ၣ်ခဲလၢာ်ဘၣ်ဒိဝဲလၢကျိဖးဒိၣ်အတၢ်ပိၢ်ဖး ထီၣ်အံၤန့ၣ်လီၤ. အူဆ--- အံၤအသးသမူဟးထီၣ်ကွံာ်ဝဲတဘျီဃီဖဲအဝဲဘၣ်ဒိဒီးကျိဖးဒိၣ်အတၢ်ပိၢ်ဖးထီၣ်အံၤန့ၣ်လီၤ. ဒီၤဒ---ဘၣ်ဒိဝဲနးနးကလဲာ်လၢကျိဖးဒိၣ်အတၢ်ပိၢ်ဖးထီၣ်အံၤဒီးတစိၢ်ဖိအသးသမူဟးထီၣ်ကွံာ်ဝဲဒၣ်န့ၣ်လီၤ. အဖိ (၃) ဂၤလၢအမ့ၢ် မၣ်ဃ--- တဂၤအသးနံၣ်အိၣ် (၁၆) နံၣ်, မၣ်ဂ--- သးနံၣ် (၈) နံၣ်, ဒီးမီၤဧ--- သးနံၣ် (၂) နံၣ်သ့ၣ်တဖၣ်ဘၣ်ဒိစ့ၢ်ကီးလၢ ကျိဖးဒိၣ်ပိၢ်ဖးထီၣ်အံၤအဃိန့ၣ်လီၤ. အူဆ--- အဒီပုၢ်ဝဲမုၣ် မၣ်ဟ--- စံးဝဲလၢ “ဖဲကျိဖးဒိၣ်လီၤတဲာ်အဆၢကတီၢ်ယအိၣ် ဘူးဖဲန့ၣ်လီၤ. ယနၢ်ဟူတၢ်ကလုၢ်ဒီးယလဲၤဃ့ၢ်ဆူအဝဲသ့ၣ်အအိၣ်. ယကၠီအံၤသံလံဒီးမ့မ့ၢ်ယနီမုၣ်န့ၣ်လီၤဃံၤလၢတၢ်ပျီပူၤ. ဖဲ ယဃ့တၢ်မၤစၢၤ အဆၢကတီၢ်ဘၣ်ဖဲပှၤပျံၤတၢ်ဖုးတၢ်ဒီးဃ့ၢ်ဝဲအဆၢကတီၢ်လီၤ. ယဒီပုၢ်ဝဲမုၣ်အံၤတကြၢးသံဘၣ်. ဘၣ်ဆၣ်ခီဖျိ တၢ်ဆၢကတီၢ်ယံာ်တလၢလံအဃိအဝဲအသးသမူဟးထီၣ်ကွံာ်ဝဲလီၤ”.

မၣ်ဃ--- လၢအသးနံၣ်အိၣ် (၁၆) နံၣ်တဂၤအံၤဒိးန့ၢ်ဘၣ်ဝဲတၢ်ကူစါယါဘျါသးဖဲန--- တၢ်ဟ့ၣ်ကသံၣ်ဒၢးလၢအအိၣ်သူၣ် လီၤအသးဖဲ တီအူကီၣ်ရ့ၣ် လၢအဘၣ်တၢ်ဒုးအိၣ်ထီၣ်အီၤလၢကသံၣ်သရၣ်တဂၤလၢအမၤသကိးဃုာ်တၢ်ဒီး (CDM) န့ၣ်လီၤ. မ့မ့ၢ် မၣ်ဂ--- သးနံၣ် (၈) နံၣ်တဂၤဒီး မီၤဧ--- သးနံၣ် (၂) နံၣ်တဂၤအံၤဒိးန့ၢ်ဘၣ်ဝဲတၢ်ကူစါယါဘျါဖဲတီအူတၢ်ဆါ ဟံၣ်လၢအဘၣ်တၢ်တီခိၣ်ရိၤမဲအီၤလၢ SAC န့ၣ်လီၤ. မၣ်ဂ--- အံၤတုၤလၢလါယူၤလံ ၂၀၂၄ နံၣ်အလၢာ်ဒၣ်လဲာ်တစံၣ်လီၤဘၣ် တၢ်ဆါဟံၣ်ဒ်ဘၣ်န့ၣ်လီၤ. မ့မ့ၢ်မီၤဧ--- တဂၤအိၣ်ဆူၣ်ထီၣ်က့ၤဒီးစံၣ်လီၤတၢ်ဆါဟံၣ်ဖဲလါယူၤလံ ၁၃ သီ, ၂၀၂၄ နံၣ်အနံၤန့ၣ် လီၤ. ကသံၣ်သရၣ်မုၣ်တဂၤအဲၣ်ဒိးဝဲလၢမီၤဧ--- အံၤကဟဲက့ၤဒိးကူစါဒံးအသးဖဲတၢ်ဆါဟံၣ်ဘၣ်ဆၣ်ခီဖျိလၢကလဲၤလၢတီအူ တၢ်ဆါဟံၣ်အဂီၢ်တၢ်လဲၤတၢ်က့ၤကီခဲဒိၣ်မးအဃိဖိသၣ်ပိာ်ခွါအံၤတၢ်တလဲၤဆှၢလၢၤအီၤလၢကလဲၤဒိးကူၤစါအသးအဂီၢ်လၢၤ ဘၣ်န့ၣ်လီၤ.

သဝီဖိလၢအဘၣ်ဒိ (၃) ဂၤအံၤတဒိးန့ၢ်ဘၣ်တၢ်ဆီၣ်ထွဲမၤစၢၤလၢတၢ်ကရၢကရိအအိၣ်နီတမံၤဘၣ်, ထဲဒၣ်ဒူဖိသဝီဖိဒီးအဘူး အတံၢ်သ့ၣ်တဖၣ်မၤစၢၤအီၤလၢကသံၣ်တၢ်လၢာ်ဘူၣ်လၢာ်စ့ၤလၢတၢ်ကူစါယါဘျါသးအဂီၢ်န့ၣ်လီၤ. မၣ်ဟ--- လၢအမ့ၢ်အူဆ---အဒီပုၢ်ဝဲၢ်မုၣ်ဒီးမုၢ်ဂၢ်လၢအကွၢ်ထွဲဖိသၣ်လၢအမိၢ်အပၢ်တအိၣ်လၢၤဘၣ်ခံဂၤအံၤစံးဝဲ “ဖဲအဝဲသ့ၣ်ဘၣ်ဒိအဆၢကတီၢ်န့ၣ်ယအိၣ် တဂၤလီၤ, ယကိးပှၤတၢ်မၤစၢၤဘၣ်ဆၣ်ပှၤကျဲးစၢးဃ့ၢ်ကွံာ်အဃိယကဘၣ်လဲၤဆှၢက့ၤပှၤဘၣ်ဒိသ့ၣ်တဖၣ်အံၤဆူတၢ်ဆါဟံၣ် ဖဲတီအူဒီးယဘၣ်မၢပှၤလၢအအိၣ်လၢသဝီပူၤတဖၣ်ဆှၢဆိန့ၢ်ယၤစ့ဒီးပဘၣ်ဟ့ၣ်န့ၢ်ပှၤလၢကဒိးကူစါယါဘျါသးသ့ၣ်တဖၣ်အတၢ်လၢာ်ဘူၣ်လၢာ်စ့လၢပကစၢ်ကျိၣ်စ့လီၤ”.

ခီဖျိလၢ SAC ခးလီၤကျိဖးဒိၣ်အဃိသဝီဖိသ့ၣ်တဖၣ်ဘၣ်ပျံၤဘၣ်ဖုးတၢ်ဒီးဟးထီၣ်က့ၤလီၤတဘူၣ်ဒ်သိးလၢညါလၢၤဘၣ်န့ၣ် လီၤ. ဖဲတၢ်ကဲထီၣ်သးဝံၤအလီၢ်ခံသဝီဖိသ့ၣ်တဖၣ်ဘၣ်အိၣ်ပလီၢ်သးဒီးတ့ထီၣ်န့ၢ်ဒဲဖိလၢအဝဲသ့ၣ်တၢ်ဖံးအီၣ်မၤအီၣ်အလီၢ်လၢအဘူးဒီးသဝီဒ်သိးကဟးဆှဲးဒီးဒီသဒၢလီၤအသးမ့ၢ်လၢ SAC ခးလီၤကျိဖးဒိၣ်လၢအဝဲသ့ၣ်သဝီပူၤအဃိန့ၣ်လီၤ. သဝီဖိတ နီၤနီၤအိၣ်တ့ၢ်ဒံးလၢသဝီပူၤဒီးခူၣ်န့ၢ်တၢ်ပူၤဘၣ်ဆၣ်ခီဖျိလါယူၤလံအပူၤတၢ်စူၤအဃိထံထီၣ်ဝဲဒၣ်န့ၣ်လီၤ. လၢတၢ်န့ၣ်အဃိအဝဲ သ့ၣ်ဘၣ်မၤန့ၢ် ဝဲမဲးထၢၣ်လၢကဒီသဒၢဃာ်တၢ်ဒီးဘၣ်အိၣ်မူလဲၤခီဖျိပှဲၤဒီးတၢ်ပျံၤတၢ်ဖုးန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

သဝီဖိလၢအပာ်ဖျါထီၣ်တၢ်ဂ့ၢ်တၢ်ကျိၤဃုာ်ဒီးပှၤတူၢ်ဘၣ်တၢ်အဟံၣ်ဖိဃီဖိသ့ၣ်တဖၣ်ဟ့ၣ်တၢ်ပျဲလၢ KHRG ကရၤလီၤဝဲတၢ်ဂ့ၢ် တၢ်ကျိၤသ့ၣ်တဖၣ်အံၤဒီးဒုးသ့ၣ်ညါဟီၣ်ခိၣ်ဒီဘ့ၣ်လၢကဆီၣ်သနံးဝဲ SAC ဒ်သိးကပတုာ်ကွံာ်ဝဲတၢ်မၤဘၣ်ဒိဘၣ်ထံးသဝီဖိ သ့ၣ်တဖၣ်န့ၣ်လီၤ.