တၢ်ကဲထီၣ်သးအကလုာ်

မၤတရီတပါ ဒီး တၢ်ဂုာ်ကျဲးစၢးဖီၣ်ဆူၣ်တၢ်

တၢ်ကဲထီၣ်သးမုၢ်နံၤမုၢ်သီ

လါအ့ဖြ့ၣ် ၂၃သီ,  ၂၀၂၂နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ကၠဲးဒိဝ့ၢ် (ကဝီၤဒ့ ၁), ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

မၣ်က---

သးနံၣ်

၁၉

မုၣ်/ ခွါ

မုၣ်

ကလုာ်

ကညီ

ဟံၣ်ဖိဃီဖိ အိၣ် / တအိၣ်   

အိၣ်

တၢ်ဖံးတၢ်မၤ

-

တၢ်ဘူၣ်တၢ်ဘါ

-

တၢ်ဟံမူဒါ/ လီၢ်လၤ

ပှၤသဝီဖိ

အိၣ်ဆိးဒူသဝီ

ကၠဲးဒိဝ့ၢ် (ကဝီၤဒ့ ၁), ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

တၢ်ဖံးတၢ်မၤ

အိၣ်ဆိးတၢ်လီၢ်တၢ်ကျဲ

မီၤခ---

တသ့ၣ်ညါ

ကၠဲးဒိဝ့ၢ် (ကဝီၤဒ့ ၁), ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ကညီဂ့ၢ်ဝီခွဲးယာ်ကရူၢ် (KHRG) ပျီပူၤပှၤမၤတၢ်ဖိတဂၤမၤဝဲတၢ်ထံၣ်လိာ်သံကွၢ်ဒီးပှၤတူၢ်ဘၣ်တၢ်အနီၢ်ကစၢ်ဒီးအမိန့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

တၢ်ဂ့ၢ်တၢ်ကျိၤတဖၣ်အံၤဘၣ်တၢ်ဒိးန့ၢ်အီၤလၢပှၤတူၢ်ဘၣ်တၢ်အနီၢ်ကစၢ်ဒၣ်ဝဲအအိၣ်န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါအ့ဖြ့ၣ် ၂၃သီ ၂၀၂၃နံၣ် အနၤန့ၣ်, ပိာ်မုၣ် အမံၤလၢ မၣ်က----, သးနံၣ် ၁၉နံၣ် လၢအအိၣ်ဆိးဖဲ ကဝီၤဒ့ ၁, ကၠဲးဒိ ဝ့ၢ်, ကီးတရံး ကီၢ်ဆၣ်, ဒူပျာ်ယာ်ကီၢ်ရ့ၣ်အပူၤတဂၤ ဒီးအဖိဆံး (၇) လါတဂၤမံဝဲဖဲအဟံၣ်န့ၣ်လီၤ. ဆၢကတီၢ်ဖဲန့ၣ် မၣ်က--- အဝၤတအိၣ်လၢ ဟံၣ်ဘၣ်. ဖဲဂီၤခီ ၁နၣ်ရံၣ် ဃၣ်ဃၣ်န့ၣ်, မီၤခ---, ပှၤလၢအအိၣ်ဖဲမၣ်က---အဟံၣ်ဃၢၤ တဂၤဟဲနုာ်လီၤဆူအဒၢးပူၤ အိၣ်ဒီးတၢ် ပညိၣ်လၢကဖီၣ်ဆူၣ်အီၤန့ၣ်လီၤ. ပိာ်ခွါအံၤအိးထီၣ်ပ့ၣ်ပီၤလၢ မၣ်က--- ဒီးအ ဖိမံလၢအပူၤတဖျၢၣ်န့ၣ်ဝံၤဖီၣ်တံၢ်ဝဲ မၣ်က---ဃံးဃံး ဒီး ကဲၢ်ဝဲအကိာ်ဘိဃံးဃံး ဒီးတဲအီၤလၢ အမ့ၢ်ဂုာ်ကျဲးစၢးမၤပူၤ ဖျဲးအသးန့ၣ်အကဆဲးသံအီၤန့ၣ်လီၤ. ဖဲမၣ်က--- ဂုာ်ကျဲးစၢးမၤ ထူၣ်ဖျဲးထီၣ်အသးလၢ မီၤခ---အဆၢကတီၢ် မီၤခ--- အစုလဲၤဘၣ်ဝဲ မၣ်က---အဖိဆံးဒီး ဖိသၣ်ဆံးအံၤဟီၣ်ကိးဖှးထီၣ်ဖးဒိၣ်န့ၣ်လီၤ. လၢတၢ်န့ၣ်အဃိ မီၤခ---ဆိကမိၣ် ဝဲလၢတစိၢ်ဖိပှၤကထံၣ်ချုးအီၤလီၤအဃိ အဝဲဃ့ၢ်ပူၤကွံာ်အသးန့ၣ်လီၤ.

မၣ်က--- မံဖဲအဖိဃၢၤဒီး ဒွဲၣ်ကပီၤဃာ်ဝဲပနဲထီဘိဖဲအက့ၤနုာ်မံဆၢကတီၢ်န့ၣ်လီၤ. မ့ၢ်လၢအဒၢးပူၤကပီၤဂ့ၤဂ့ၤအဃိ မၣ်က--- ထံၣ်ဝဲပှၤလၢအမၤတရီတပါအီၤတဂၤအံၤအမဲာ်ဖျါရှဲဂ့ၤဂ့ၤ ဒီးသ့ၣ်ညါဝဲလၢအမ့ၢ် မီၤခ---န့ၣ်လီၤ. တုၤမ့ၢ်မုၢ်ဂီၤ ခီဂီၤဂီၤဖဲ လါအ့ဖြ့ၣ် ၂၄သီ ၂၀၂၃နံၣ်န့ၣ် မၣ်က---လဲၤဝဲဆူကဝီၤဒ့ (၁) ခိၣ်အဟံၣ် ဒီးတီၣ်ဖျါထီၣ်ဝဲ တၢ်ဂ့ၢ်လၢအကဲ ထီၣ်တ့ၢ်အသးန့ၣ်လီၤ. ဖဲသံကွၢ်ဝဲ မီၤခ---တၢ်ကဲထီၣ်သးဂ့ၢ်ကျိၤအမ့ၢ်အတီဝံၤအလီၢ်ခံ, ကဝီၤဒ့ခိၣ် ဂ့ၢ်လိာ်ဝဲလၢကဟံး ထီၣ်တၢ်မူး, ခီဖျိလၢ မီၤခ---ဂ့ၢ်လိာ်ဝဲလၢအမ့ၢ် ပှၤမၤကမၣ်တၢ်တဂၤန့ၣ်လီၤ.

ဖဲလါမ့ၤ ၂သီ ၂၀၂၃နံၣ်, ကဝီၤဒ့ခိၣ်ကိးထံၣ် မၣ်က---ဒီးအဟံၣ်ဖိဃီဖိ ဒီးတဲအဝဲသ့ၣ်လၢကပာ်ဘၢက့ၤအတၢ်မူးန့ၣ် လီၤ. မၣ်က---တအဲၣ်ဒိးပာ်လီၤဘၢအတၢ်မူးအံၤဘၣ် အဃိအဝဲဃ့ထီၣ်ဝဲလံာ်ဟ့ၣ်ခွဲး လၢကဝီၤဒ့ခိၣ်အအိၣ်ဒ်သိး ကစိာ် ခီတၢ်မူးအံၤဆူ ကညီဒီကလုာ်စၢဖှိၣ်ကရၢ (KNU) အပှၤဘၣ်မူဘၣ်ဒါအအိၣ် [ဒ်အကီၢ်ဆၣ်အိၣ်လၢ (KNU) တၢ်ပၢဟီၣ် ကဝီၤချၢအဃိ လိၣ်ဘၣ်ဝဲ ကဝီၤဒ့ခိၣ် လံာ်တၢ်တၢ်အုၣ်ကီၤလၢကဆှၢထီၣ်တၢ်ဂ့ၢ်အဂီၢ်] န့ၣ်လီၤ. သနာ်က့, ကဝီၤဒ့ခိၣ်တ ဟ့ၣ်လီၤအီၤလံာ်အုၣ်ကီၤဘၣ်, လၢန့ၣ်အမဲာ်ညါ အဲၣ်ဒိးဝဲ လၢအကဆှၢအတၢ်မူးအံၤဆူ လီၢ်ကဝီၤ သုးခိးကီၢ်ဆၢ (BGF) အအိၣ်န့ၣ်လီၤ. အဝဲ [ကဝီၤဒ့ခိၣ်] မၤပျံၤမၤဖုးအီၤ, တဲအီၤ [ဃု ထံၣ်န့ၢ်တၢ်ကမၣ်လၢတတီတလိၤဘၣ်] လၢအမ့ၢ်တဆဲး လီၤအမံၤလၢလံာ်စိာ်ခီဆူ BGF အိၣ်ဘၣ်န့ၣ်, တၢ်ကပတုာ်ကွံာ်တၢ်မူးအံၤန့ၣ်လီၤ. လၢတၢ်န့ၣ်အဃိ အဝဲဆဲးလီၤအမံၤ လၢတၢ်တသးလီၤပလိာ်ဘၣ်အပူၤ ဒီးလံာ်တၢ်ကွဲးနီၣ်တဘ့ၣ်န့ၣ်ဘၣ်တၢ်ဆှၢထီၣ်အီၤဆူ BGF အိၣ်ဖဲလါမ့ၤ ၂၀၂၃နံၣ် အနံၤန့ၣ်လီၤ. စးထီၣ်လၢန့ၣ်လံၤလံၤ [ခဲအံၤဒ်အမ့ၢ် လါဒံၣ်စ့ဘၢၣ် ၂၀၂၃နံၣ် အသိး], BGF တဟူးဂဲၤဝဲ လၢတၢ်ဂ့ၢ်တၢ်ကျိၤ တခါအံၤအဖီခိၣ်နီတမံၤဘၣ် ဒီးတၢ်အမူးတခါအံၤတၢ်တဘှါရှဲအီၤဒံးဘၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤတူၢ်ဘၣ်တၢ်ဟ့ၣ်အခွဲးလၢ KHRG ကသူဝဲတၢ်ဂ့ၢ်တၢ်ကျိၤအံၤန့ၣ်လီၤ.