ဖဲလါဖ့ၣ်ဘြူၤအါရံၣ် ၁၅ သီ ၂၀၂၃ နံၣ်န့ၣ်, SAC အကဘီယူၤဒုးသုးခံဘ့ၣ်ဟဲခးလီၤတၢ်ဖဲ သၢသီမုၣ်တၢ်ဃ့ၢ်အိၣ် ကဒုအလီၢ်လၢအအိၣ်ဖဲဃဲဒၢကရူၢ်ဒီးလီၢ်မုၢ်သီကရူၢ်အဆၢ, လၢၢ်ဒိၣ်ကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်အပူၤန့ၣ်လီၤ. ကဘီ ယူၤဒုးသုးခံဘ့ၣ်အံၤဟဲတ့ၢ်လီၤ၀ဲမ့ၣ်ပိၢ်လွံၢ်ဖျၢၣ်န့ၣ်လီၤ. မ့ၣ်ပိၢ်လၢတၢ်တ့ၢ်လီၤအီၤခံဖျၢၣ်န့ၣ်လီၤတဲာ်၀ဲလၢပှၢ်ပူၤ ဒီး အဂၤခံဖျၢၣ်န့ၣ်လီၤတဲာ်၀ဲလၢသၢသီမုၣ်တၢ်ဃ့ၢ်အိၣ်ကဒုအလီၢ်ဒီးဘၣ်ဟးဂီၤ၀ဲတၢ်ဟ့ၣ်ကသံၣ်ဒၢးလၢတၢ်တ့ထီၣ် အီၤလၢပှၤဃ့ၢ်အိၣ်ကဒုသ့ၣ်တဖၣ်အဂီၢ်န့ၣ်လီၤ