တၢ်ကဲထီၣ်သးအကလုာ်

SAC ခးလီၤကျိဖးဒိၣ်လၢသဝီပူၤအဃိ သဝီဖိဘၣ်ဒိဝဲခံဂၤ

တၢ်ကဲထီၣ်သးမုၢ်နံၤမုၢ်သီ

လါမ့ၤ ၇ သီ ဒီး လါမ့ၤ ၂၈ သီ, ၂၀၂၃ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

က--- သဝီ, ယွၤကလ့ကရူၢ်, ကြုၢ်တုကီၢ်ဆၣ်, ဒူပျာ်ယာ်ကီၢ်ရ့ၣ်.

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤခ---

စီၤဂ---

သးနံၣ်

၅၀နံၣ်

၁၅နံၣ်

မုၣ်/ ခွါ

ပိာ်ခွါ

ပိာ်ခွါ

ကလုာ်

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

-

တၢ်ဖံးတၢ်မၤ

မၤစံာ်

-

တၢ်ဘူၣ်တၢ်ဘါ

မိၢ်လုၢ်ပၢ်လၢ်

ဘါသီခါ

တၢ်ဟံးမူဒါ/ လီၢ်လၤ

-

-

အိၣ်ဆိးဒူသဝီ

က--- သဝီ, ယွၤကလ့ကရူၢ်, ကြုၢ်တုကီၢ် ဆၣ်, ဒူပျာ်ယာ်ကီၢ်ရ့ၣ်.

က--- သဝီ, ယွၤကလ့ကရူၢ်, ကြုၢ်တုကီၢ် ဆၣ်, ဒူပျာ်ယာ်ကီၢ်ရ့ၣ်.

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ခီၣ်ချ့သုးရ့ၣ် နီၣ်ဂံၢ်-၅၄၆, အိၣ်လၢ သုးပၢ ဆှၢဝဲၤလီၢ်ခိၣ်သ့ၣ် (MOC) နီၣ်ဂံၢ်-၁၂ တၢ် ပၢဖီလာ်

ကၠိကလ့သဝီ, ကြုၢ် တုကီၢ်ဆၣ်

အိၣ်ခၣ်မ့

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

KHRG ပျီပူၤပှၤမၤတၢ်ဖိ ဒီး ကညီဒီကလုာ်စၢဖှိၣ်ကရၢ (KNU) ပှၤထၢတၢ်ကစီၣ်ဖိ လဲၤဝဲတပူၤဃီဆူ တၢ်ကဲထီၣ်သးလီၢ်ဖဲ ကြုၢ်တုကီၢ်ဆၣ် ဒ်သိးကမၤလီၤတံၢ်ဝဲတၢ်ဂ့ၢ်တၢ်ကျိၤန့ၣ်လီၤ. ဝံၤအလီၢ်ခံ, KHRG ပျီပူၤပှၤမၤတၢ်ဖိ မၤတၢ်ထံၣ်လိာ်သံကွၢ်ဒီး စီၤခ--- အမါ, လၢအမ့ၢ်ဝဲ နီၢ်ဃ---, ဒီးက---သဝီခိၣ်နၢ်တဂၤလၢအမ့ၢ်ဝဲ စီၤင---န့ၣ်လီၤ. KHRG ပျီပူၤပှၤမၤတၢ်ဖိမၤတၢ်ထံၣ် လိာ်သံကွၢ်စ့ၢ်ကီး ဒီး စီၤဂ--- အမိ လၢအမ့ၢ်ဝဲ နီၢ်စ--- န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

KHRG ပျီပူၤပှၤမၤတၢ်ဖိဆဲးကျိး ဒီးလီၢ်ကဝီၤသဝီဖိတဖၣ် ဒီး KNU ပှၤထၢတၢ်ကစီၣ်ဖိ ဘၣ်ဃးဒီးတၢ်ကဲ ထီၣ်သးအဂ့ၢ်အံၤ န့ၣ်လီၤ. ဝံၤအလီၢ်ခံဒီး KHRG ပျီပူၤပှၤမၤတၢ်ဖိမၤတၢ်ထံၣ်လိာ်သံကွၢ် ဒီး ပှၤတူၢ်ဘၣ်တၢ်ဟံၣ်ဖိဃီဖိ ဒီး ပှၤထံၣ်ထွဲတၢ်ခဲလၢာ် (၃) ဂၤန့ၣ်လီၤ. KHRG ပျီပူၤပှၤမၤတၢ်ဖိလဲၤဝဲဆူ စီၤခ--- အသဝီစ့ၢ်ကီးန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါမ့ၤ ၇သီ, ၂၀၂၃နံၣ်, မုၢ်ဟါလီၤ ၁၂နၣ်ရံၣ်ဆၢကတီၢ်န့ၣ်, ထံကီၢ်တၢ်ပၢတၢ်ပြးကီၣ်ကးကရၢ (SAC), ခီၣ်ချ့သုးရ့ၣ် နီၣ်ဂံၢ်-၅၄၆, အိၣ်လၢ သုးပၢဆှၢဝဲၤလီၢ်ခိၣ်သ့ၣ် (MOC) နီၣ်ဂံၢ်-၁၂ တၢ်ပၢဖီလာ်, လၢအဘၣ်တၢ်တီခိၣ်ရိၣ်မဲအီၤလၢ သုးရ့ၣ်ခိၣ် အိခၣ် မ့, သုးဖိတဖၣ်ခးလီၤဝဲဒၣ်ကျိဖးဒိၣ်လၢ က---သဝီပူၤ, ယွၤကလ့ကရူၢ်, ကြုၢ်တုကီၢ်ဆၣ်ပူၤန့ၣ်လီၤ. ကျိဖးဒိၣ် (၈၁ မမ) ချံတ ဖျၢၣ်လီၤတဲာ် ဝဲလၢ စီၤခ---, သဝီဖိလၢအသးနံၣ်အိၣ် ၅၀နံၣ်တဂၤအဟံၣ်ကပၤ ဒီးအခီၣ်လ့ၢ်ခိၣ် ဒီးအခီၣ်ညါသးဘၣ်ဒိဝဲဒၣ် န့ၣ်လီၤ. ဖဲတၢ်ကဲထီၣ်သးဝံၤအလီၢ်ခံန့ၣ်, သဝီခိၣ်နၢ်တဖၣ်လဲၤဆှၢအီၤ ဆူမါတလ့တၢ်ဆါဟံၣ်န့ၣ်လီၤ. ကသံၣ်သရၣ်ထၢနုာ်န့ၢ် အခီၣ်လၢစတံ ဒီး အဝဲဘၣ်အိၣ်ဘှံးဝဲလၢအဟံၣ်န့ၣ်လီၤ.

ဖဲ စီၤခ--- ဘၣ်ဒိစှၤသီဝံၤအလီၢ်ခံ, SAC သုးဖိတဖၣ် ဆဲးကျိးဝဲအဟံၣ်ဖိဃီဖိ ဒီးသံကွၢ်ဝဲတၢ်ဂ့ၢ်တၢ်ကျိၤဘၣ်ဃးဒီးအတၢ်ဘၣ်ဒိ ဘၣ်ထံးအဂ့ၢ်န့ၣ်လီၤ. SAC သုးသံကွၢ်ဝဲမ့ၢ် စီၤခ---ဘၣ်ဒိထဲလဲၣ် ဒီး အတၢ်ကူစါယါဘျါတၢ်လၢာ်ဘူး လၢာ်စ့ၤအိၣ်ထဲလဲၣ်န့ၣ် လီၤ. SAC သုးသံကွၢ်ဘၣ်ဃး စီၤခ---အတၢ်ဘၣ်ဒိဘၣ်ထံးအဂ့ၢ်ဘၣ်ဆၣ် အဝဲသ့ၣ်တဟ့ၣ်ဝဲတၢ်ဆီၣ်ထွဲမၤစၢၤနီတမံၤဘၣ်န့ၣ် လီၤ. ပှၤတူၢ်ဘၣ်တၢ်အဟံၣ်ဖိဃီဖိအံၤဘၣ်သဂၢၢ်ဒီးကျိၣ်စ့တၢ်ဂ့ၢ်ကီတဖၣ် မ့ၢ်လၢအဝဲသ့ၣ်ကဆါဝဲကျီၢ်ဖဲလၢတၢ်ဒုးတၢ်ယၤအ ဆၢကတီၢ်ကန့ၢ်အဂီၢ်ကီဝဲဒၣ်အဃိန့ၣ်လီၤ. စီၤခ---အဟံၣ်ဖိဃီဖိ ဘၣ်ဃ့လိၢ်န့ၢ်ဝဲစ့လၢသဝီဖိအဂၤတဖၣ်အအိၣ် ဒ်သိးဒီးက ဟ့ၣ်န့ၢ်ဝဲအတၢ်ကူစါယါဘျါအတၢ်လၢာ်ဘူၣ်လၢာ်စ့ၤတဖၣ်န့ၣ်လီၤ.

နီၢ်ဃ--- တဲဝဲ, “ပဖိဆှၢလီၤန့ၢ်ပှၤစ့တနီၤဘၣ်ဆၣ်ပသူအီၤလၢတၢ်အီၣ်တၢ်အီအဂီၢ်လၢာ်ဝဲလံန့ၣ်လီၤ. ပဃ့လိၢ်န့ၢ်စ့ လၢသဝီဖိအ ဂၤတဖၣ်အအိၣ် ဒ်သိးဒီးပကဟ့ၣ်န့ၢ်ဝဲ စီၤခ---အတၢ်ကူစါယါဘျါအတၢ်လၢာ်ဘူၣ်လၢာ်စ့ၤတဖၣ်န့ၣ်လီၤ. ပကက့ၤလိးက့ပက မၢ်ဖဲ လၢပဆါပကျီၢ်တဖၣ်မ့ၢ်န့ၢ်အဆၢကတီၢ်န့ၣ်လီၤ. ဆၢကတီၢ်ခဲအံၤန့ၣ်, ပဆါကျီၢ်ကန့ၢ်အဂီၢ်ကီဒိၣ်မးလီၤ.” စီၤခ---မ့ၢ်ဝဲပှၤမၤ အီၣ်စံာ်ဖိတဂၤ, အဝဲဘၣ်လုၢ်အီၣ်ဝဲအဟံၣ်ဖိဃီဖိလၢတၢ်မၤအီၣ်စံာ်န့ၣ်လီၤ. ဘၣ်ဆၣ်သနာ်က့, ဖဲအဝဲဘၣ်ဒိဒီးကျိဖးဒိၣ်က့ဝံၤ အလီၢ်ခံန့ၣ်, အဝဲဟးတသ့ဂ့ၤဂ့ၤလၢၤဘၣ်န့ၣ်လီၤ. လၢတၢ်န့ၣ်အဃိ, အဝဲကဆဲးလုၢ်အီၣ်အဟံၣ်ဖိဃိဖိလၢတၢ်မၤအီၣ်စံာ်အဂီၢ် တသ့ဒ်သိးဒီးလၢအပူၤကွံာ်လၢၤဘၣ်န့ၣ်လီၤ. ဖဲလါယူၤ ၂၀၂၃နံၣ်, အဆၢကတီၢ်န့ၣ်, ပှၤတူၢ်ဘၣ်တၢ်အဟံၣ်ဖိဃီဖိတဒိးန့ၢ် ဘၣ်တၢ်ဆီၣ်ထွဲမၤစၢၤလၢတၢ်ကရၢကရိနီတဖုအအိၣ်ဘၣ်န့ၣ်လီၤ.

တၢ်ခးလီၤကျိဖးဒိၣ် ဖဲလါမ့ၤ ၇သီ, ၂၀၂၃နံၣ် ဝံၤအလီၢ်ခံ, SAC သုးဖိတဖၣ် နုာ်လီၤဝဲလၢ က---သဝီပူၤ ဒီး အိးထီၣ်ဝဲ သဝီဖိတ ဖၣ်အဟံၣ်ပဲတရီ ဒီး ထီၣ်ဃုတၢ်လၢဟံၣ်ပူၤန့ၣ်လီၤ. သဝီခိၣ်နၢ်တဂၤလၢအမ့ၢ်ဝဲ စီၤင--- တဲဝဲ, “SAC သုးဖိတဖၣ်တဖီၣ်ဒီး မၤ ဒၢၣ်မၤလီၤသဝီဖိနီတဂၤဘၣ်. ဘၣ်ဆၣ်သနာ်က့, SAC သုးဖိတဖၣ် ဟံးန့ၢ်ဝဲသဝီဖိတဖၣ်အဆီ ဖဲလၢသဝီဖိတဖၣ်ဃ့ၢ်ထီၣ်လၢ သဝီပူၤအဆၢကတီၢ်န့ၣ်လီၤ.” စီၤင----ရှဲပၠးအါထီၣ်ဝဲလၢ, “SAC သုးဖိတဖၣ် ဟံးန့ၢ်စ့ၢ်ကီးကျိၣ်စ့တဖၣ်လၢအိၣ်တ့ၢ်လၢ ဟံၣ်ပူၤ ဖဲလၢ သဝီဖိတဖၣ်ဃ့ၢ်ကွံာ် ဒီးစိာ်ဝဲအစ့တဖၣ်တချုးဘၣ်အဆၢကတီၢ်န့ၣ်လီၤ. SAC သုးဖိတဖၣ်ဟံးန့ၢ်ယစ့ ၁,၅၀၀ ,၀၀၀ကၠး လၢအအိၣ်တ့ၢ်လၢယဟံၣ်ပူၤန့ၣ်လီၤ. SAC သုးခးဝဲကျိဖးဒိၣ်တဖၣ် ဒီးယဘၣ်ဃ့ၢ်အဃိ ယဟံးန့ၢ်က့ၤယစ့လၢယဟံၣ်ပူၤတ ဘူၣ်လၢၤဘၣ်. SAC သုးဖိတဖၣ် မၤဟးဂီၤကွံာ်ဝဲ ယဟံၣ်ပဲတရီ ဒီး ထီၣ်ဃုတၢ်လၢယဟံၣ်ပူၤလီၤ. SAC သုးတဖၣ်ဟံးန့ၢ်ကွံာ် ဝဲ တၢ်လၢအဝဲသ့ၣ်ထံၣ်ဝဲတဖၣ်န့ၣ်လီၤ. SAC သုးဖိတဖၣ် ဟံးန့ၢ်စ့ၢ်ကီးဝဲစ့ ဒီး လီတဲစိတဖျၢၣ်လၢပှၤ မုၣ်ပှၢ်တဂၤ အဟံၣ်န့ၣ် လီၤ. ယတသ့ၣ်ညါလီၤတံၢ်လၢ မ့ၢ်စ့အိၣ်လၢအစ့ဒၢပူၤထဲလဲၣ်ဘၣ်.”

ဖဲလါမ့ၤ ၂၈ သီ, ၂၀၂၃ နံၣ်, ဟါလီၤခီ ၈ နၣ်ရံၣ်အဆၢကတီၢ်,  SAC ခီၣ်ချ့သုးရ့ၣ် နီၣ်ဂံၢ်-၅၄၆, အိၣ်လၢ သုးပၢဆှၢဝဲၤလီၢ်ခိၣ် သ့ၣ် (MOC) နီၣ်ဂံၢ်-၁၂ တၢ်ပၢဖီလာ်, သုးဖိတဖၣ်ခးလီၤဝဲကျိဖးဒိၣ်ချံ ခံဖျၢၣ်ဆူ က---သဝီပူၤန့ၣ်လီၤ. ကျိဖးဒိၣ်ချံလီၤတဲာ်ဝဲ လၢဟံၣ်ခိၣ်တဖျၢၣ် ဒီး ဘၣ်ဒိဝဲ သဝီဖိ စီၤဂ---လၢအသးနံၣ်အိၣ် ၁၅နံၣ်တဂၤ အကိာ်ဘိန့ၣ်လီၤ. ပှၤလဲၤဆှၢဝဲပှၤဘၣ်ဒိအံၤ ဆူ တၢ်ဆါဟံၣ်လၢအအိၣ်ဘူးတဖျၢၣ်န့ၣ်လီၤ. တၢ်ကူစါယါဘျါလၢာ်ဝဲ ၅၆,၀၀၀ ကၠးန့ၣ်လီၤ. ပှၤတူၢ်ဘၣ်တၢ်နီၢ်ကစၢ်ဘၣ်ဟ့ၣ်ဝဲ တၢ်လၢာ်ဘူၣ်လၢာ်စ့ၤကအိၣ်လၢ ၁၀,၀၀၀ကၠး, တဘျီလၢ်လၢ်ဖဲလၢအဝဲလဲၤဒုးနဲၣ်ကဒါက့ၤအတၢ်ပူၤလီၢ်န့ၣ်လီၤ. ပှၤတူၢ်ဘၣ် တၢ်အဟံၣ်ဖိဃီဖိတဖၣ်မၤဝဲပှၤဒိးလဲအီၣ်တၢ်မၤအဃိ အဝဲသ့ၣ်ထံၣ်ဘၣ်ဝဲတၢ်ကီတၢ်ခဲလၢကဃုဖံးတၢ်မၤတၢ်ဖဲလၢ တၢ်ကိၢ်ခါ အဆၢကတီၢ်အံၤန့ၣ်လီၤ. လၢတၢ်န့ၣ်အဃိ, ပှၤတူၢ်ဘၣ်တၢ်အဟံၣ်ဖိဃီဖိ ဘၣ်သဂၢၢ်ဒီးကျိၣ်စ့တၢ်ဂ့ၢ်ကီတဖၣ်န့ၣ်လီၤ. သဝီဖိတ နီၤဟ့ၣ်ဝဲပှၤတူၢ်ဘၣ်တၢ်အဟံၣ်ဖိဃိဖိလၢကျိၣ်စ့တနီၤန့ၣ်လီၤ. ဖဲလါအ့ဖြ့ၣ် ၂၀၂၄ နံၣ်န့ၣ်, ပှၤတူၢ်ဘၣ်တၢ်အဟံၣ်ဖိဃီဖိဒိးန့ၢ် ဘၣ်ဝဲတၢ်ဆီၣ် ထွဲမၤစၢၤလၢ ဟီၣ်ခိၣ်ဒီးဖျၢၣ်ကရၢသဘျ့တဖုအအိၣ်န့ၣ်လီၤ.

လီၢ်ကဝီၤသဝီဖိတဖၣ်ပာ်ဖျါထီၣ်ဝဲ, SAC သုးဖိတဖၣ်ခးလီၤကျိးဖးဒိၣ်တဖၣ်ဖဲလၢအဝဲသ့ၣ်မ့ၢ်နၢ်ဟူဝဲတၢ်ကစီၣ်တမံၤမံၤန့ၣ်လီၤ. ခီဖျိလၢတၢ်ခးလီၤကျိဖးဒိၣ်ဒ်အံၤအဃိ, သဝီဖိတနီၤ ဖံးအီၣ်မၤအီၣ်က့ၤအစံာ်တဘူၣ်လၢၤဘၣ်န့ၣ်လီၤ. သဝီဖိတနီၤလဲၤဃ့ၢ်အိၣ် ဝဲလၢတၢ်လီၢ်အဂၤတဖၣ်, ဒီးတနီၤလဲၤဃ့ၢ်အိၣ်ဝဲလၢအဘူးအတံၢ်လၢအအိၣ်ဘူးတဖၣ်အအိၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

နီၢ်ဃ---, ဒီးက---သဝီခိၣ်နၢ်တဂၤလၢအမ့ၢ်ဝဲ စီၤင--- ဒီး စီၤဂ---အမိ လၢအမ့ၢ်ဝဲ နီၢ်စ---တဖၣ် ဟ့ၣ်ဝဲ KHRG တၢ်ပျဲလၢတၢ်က သူဝဲတၢ် ဂ့ၢ်တၢ်ကျိၤသ့ၣ်တဖၣ်အံၤန့ၣ်လီၤ.