အခင်းဖြစ်ပွားမှုအမျိုးအစား

SAC မှ လက်နက်ကြီးများပစ်ခတ်ခြင်းကြောင့် ရွာသား (၃) ဦးထိခိုက်ဒဏ်ရာရရှိ

အခင်းဖြစ်ပွားသည့်နေ့ရက်

၂၀၂၃ ခုနှစ်၊ အောက်တိုဘာလ (၂၂) ရက်

အခင်းဖြစ်ပွားသည့်နေရာ (ကျေးရွာ၊ မြို့နယ်၊ ခရိုင်)  

ဒူးသထူ(သထုံ)ခရိုင်၊  ကျိုက်ထိုမြို့နယ်၊ ငှက်ပျောတောကျေးရွာအုပ်စု၊ စ--- ကျေးရွာ

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

စောဒ---

နော်အ---

နော်လ---

အသက်

၄၁ နှစ်

၃၂ နှစ်

၄၄ နှစ်

ကျား/မ

ကျား

မ

မ

လူမျိုး

ကရင်

ကရင်

ကရင်

အိမ်ထောင် ရှိ/မရှိ   

ရှိ

ရှိ

ရှိ

အလုပ်အကိုင်

ဥယျာဉ်ခြံလုပ်ကိုင်သူ

ဥယျာဉ်ခြံလုပ်ကိုင်သူ

ဥယျာဉ်ခြံလုပ်ကိုင်သူ

ကိုးကွယ်သည့် ဘာသာ

ဗုဒ္ဓဘာသာ

ဗုဒ္ဓဘာသာ

ဗုဒ္ဓဘာသာ

ရာထူးအဆင့်

ရွာသား

ရွာသား

ရွာသား

နေရပ် ရွာအမည်

စ--- ကျေးရွာ

စ--- ကျေးရွာ

စ--- ကျေးရွာ

ပစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်          

ရာထူး

စစ်ကြောင်း၊ တပ်ရင်း၊ တပ်မ

အခြေစိုက်သည့်နေရာ ဒေသ        

အထက်အရာရှိ အမည်

မသိရှိရ

မသိရှိရ

ခြေမြန်တပ်ရင်း (ခမရ) အမှတ် (၂)

သထုံမြို့တပ်စခန်းမှ စ--- ကျေးရွာ၌ အခြေစိုက်သောလက်ပန်းပင်ယာယီတပ်စခန်း

မသိရှိရ

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

ဤအကြောင်းအရာကို ပထမဦးစွာ ဒေသခံခေါင်းဆာင်တစ်ဦးမှ (လုံခြုံရေးအရရာထူးတာဝန်ကိုတည်းဖြတ်ထားသည်) အကြောင်းကြားခဲ့ပါသည်။ ထို့နောက် KHRG ကွင်းဆင်းလုပ်သားတစ်ဦးသည် ထိခိုက်ဒဏ်ရာရရှိခဲ့သော ရွာသား၏ အိမ်ကိုသွား၍ စောဒ--- နှင့် နော်အ--- တို့နှင့် တွေ့ဆုံမေးမြန်းခြင်းပြုလုပ်ခဲ့သည်။

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြလိုပါသနည်း။ ၎င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

ဤသတင်းအချက်အလက်များကို လက်နက်ကြီးထိမှန်ဒဏ်ရာရရှိသူ (နှစ်ဦး) နှင့် ကိုယ်တိုင်တွေ့ဆုံမေးမြန်းခြင်းဖြင့် စီစစ်အတည်ပြုခဲ့ပါသည်။ 

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

၂၀၂၃ ခုနှစ်၊ အောက်တိုဘာလ (၂၂) ရက်နေ့၊ နံနက် (၇) နာရီအချိန်ခန့်တွင် သထုံမြို့တပ်စခန်း (စ--- ကျေးရွာ၌ အခြေစိုက်သောလက်ပန်းပင်ယာယီတပ်စခန်း)မှ နိုင်ငံတော်စီမံအုပ်ချုပ်ရေးကောင်စီ (SAC) ခြေမြန်တပ်ရင်း (ခမရ) အမှတ် (၂) သည် ဒေသအတွင်းသို့ ၈၁ မမ လက်နက်ကြီးများပစ်ခတ်ခဲ့သည်။ ပစ်ခတ်လိုက်သော လက်နက်ကြီးများထဲ မှ တစ်လုံးသည် ကရင်အမျိုးသားအစည်းအရုံး (KNU) အုပ်ချုပ်နယ်မြေဖြစ်သော ဒူးသထူခရိုင်၊ ကျိုက်ထိုမြို့နယ်၊ ငှက် ပျောတောကျေးရွာအုပ်စု၊ စ--- ကျေးရွာသို့ ကျရောက်ခဲ့သည်။ SAC မှလက်နက်ကြီး အလုံးပေါင်းများစွာ ပစ်ခတ်ခဲ့ သောကြောင့် စောဒ--- မှာ လက်နက်ကြီးကိုရှောင်ရှားရန် ၎င်း၏အိမ်အပေါ်ထပ်မှ အိမ်အောက်ထပ်သို့ ဆင်းလာခဲ့သည်။ ထိုအချိန်တွင် လက်နက်ကြီးတစ်လုံသည် စောဒ--- ၏အိမ်ခေါင်းရင်းသို့ ကျရောက်ခဲ့ပြီး အိမ်အောက်တွင်ပုန်းနေသော စောဒ--- နှင့် အခြားအမျိုးသမီးနှစ်ဦးတို့ထိခိုက်ဒဏ်ရာရရှိခဲ့သည်။ စုစုပေါင်း ရွာသူ၊ရွာသား (၃) ဦးထိခိုက်ဒဏ်ရာရရှိ ခဲ့သည်။ ထိခိုက်ဒဏ်ရာရရှိခဲ့သောအမျိုးသမီးနှစ်ဦး၏အမည်မှာ နော်အ--- နှင့် နော်လ---တို့ ဖြစ်ကြသည်။

နော်အ--- သည် အသုဘအခမ်းအနားအတွက် ဖိတ်စာလိုက်ကမ်းနေစဉ် လက်နက်ကြီးပစ်ခတ်သံကြားသောကြောင့် စောဒ---၏ အိမ်အောက်သို့ ပြေးဝင်ခိုလုံရာမှစောဒ--- နှင့်အတူထိခိုက်ဒဏ်ရာရှိခဲ့သည်။ ထိုနည်းတူစွာပင် နော်လ--- သည် ကျိုက်ထိုမြို့သို့သွားရန် လိုင်းကားစောင့်နေချိန်တွင် လက်နက်ကြီးပစ်ခတ်သံကြားသောကြောင့် စောဒ---၏ အိမ်အောက်သို့ ပြေးဝင်ပြီး နော်အ--- နှင့်အတူ ထိခိုက်ဒဏ်ရာရရှိခဲ့သည်။

စောဒ--- ၏ညာဘက်လက်မောင်းတွင် လက်နက်ကြီးကျည်စဝင်သွားခဲ့ပြီး အရိုးကျိုးသွားခဲ့သည်။ နော်အ--- ၏ ညာဘက်လက်မောင်းသည် လက်နက်ကြီးအစအနထိမှန်ခဲ့သော်လည်း ပြင်းထန်သောဒဏ်ရာမရရှိခဲ့ပါ။ နော်လ--- သည် ဦးခေါင်း၌ ဒဏ်ရာရရှိခဲ့ပြီး အသက်အန္တရာယ်စိုးရိမ်ရသော ဒဏ်ရာများရရှိခဲ့ပါသည်။ ထိခိုက်ဒဏ်ရာရရှိခဲ့သော ရွာသူ၊ရွာသား (၃) ဦးကို ဒေသခံရွာသားများမှ နီးစပ်ရာ (SAC စီမံခန့်ခွဲသော) ကျိုက်ထိုမြို့ဆေးရုံသို့ ပို့ဆောင်ခဲ့သည်။ သို့သော် ကျိုက်ထိုမြို့ဆေးရုံမှ စောဒ---၏ ပြင်းထန်သောဒဏ်ရာများကို ကုသပေးရန် လုံလောက်သော ဆေးဖက် ဆိုင်ရာပစ္စည်းကိရိယာများ မရှိသောကြောင့် (SAC စီမံခန့်ခွဲသော) သထုံမြို့ဆေးရုံသို့လွှဲပြောင်းခဲ့ရသည်။ ၂၀၂၄ ခုနှစ်၊ ဇန်နဝါရီလအထိ စောဒ--- ၏ဒဏ်ရာများမှာ ကောင်းမွန်စွာသက်သာခြင်းမရှိသေးပါ။

စောဒ--- မှ ဆေးရုံတွင် ကုသမှုခံယူနေစဉ် ဒေသခံလူသားချင်းစာနာထောက်ထားမှုအဖွဲ့များမှ စုစုပေါင်း‌ ၁၅၀,၀၀၀ ကျပ် ထောက်ပံ့မှုရရှိခဲ့သည်။ ဤအဖြစ်အပျက်ဖြစ်ပွားပြီးနောက် စောဒ--- မှ “သူတို့ (SAC စစ်သား) တွေ နောက်ထပ်ဒီ လိုပစ်ခတ်မှုမျိုး မလုပ်တော့ရင်ပိုကောင်းမယ်။ အဲ့လိုမှ ရွာသူ၊ရွာသားတွေက အေးအေးချမ်းချမ်းနေလို့ရမှာ။ အခုဆိုရင် ကျွန်တော်တို့က လက်နက်ကြီးဘယ်အချိန်လာပစ်မလဲမသိလို့ အိပ်တောင်မအိပ်ရဲကြဘူး။” ဟုပြောပြခဲ့ပါသည်။ ထို့အ ပြင် စောဒ--- မှ “ကျွန်တော်ဒဏ်ရာရပြီးနောက်ပိုင်း အလုပ်မလုပ်နိုင်တော့ဘူး။ ဒါကြောင့် စားဝတ်နေရေးအတွက် အခက်အခဲဖြစ်စေတယ်။” ဟုဆက်လက်ဖော်ပြခဲ့ပါသည်။

ရွာသားသို့မဟုတ် လူ့အခွင့်အရေးချိုးဖောက်ခံရသူသည် ဤသတင်းကိုအသုံးပြုရန်ခွင့်ပြုပါသလား။ မည်ကဲ့သို့သော နည်းလမ်းဖြင့် အသုံးပြုခွင့်ပေးသည်ကိုဖော်ပြပေးပါ။

အင်တာဗျူးဖြေဆိုသူများသည် လူ့အခွင့်အရေးချိုးဖောက်မှုကို ကိုယ်တိုင်ကြုံတွေ့ခဲ့ရသူများဖြစ်ပြီး ၎င်းတို့မှ ဤအချက် အလက်များကို လိုအပ်သလိုအသုံးပြုရန် ခွင့်ပြုထားသည်။