SAC ပယီၤသုး ခးလီၤတၢ်လၢကျိဖးဒိၣ်လၢ သလွဲထီၤကရူၢ်အပူၤ

စးထီၣ်ဖဲလါယူၤလံ၂ဝ၂၅ နံၣ်န့ၣ်, ထံကီၢ်တၢ်ပၢတၢ်ပြးကီၣ်ကးကရၢ [SAC] ဒီး တၢ်ပၢၢ်စၢသုးဖီၣ်စုဝဲၤတဖၣ်အဘၢၣ်စၢၤ တၢ်ဒုးကဲထီၣ် ဘူးကအိၣ်လၢကိးနံၤဒဲးဃၣ်ဃၣ် ဖဲအ့ရှၢကျဲမုၢ်ဖးဒိၣ် လၢကျဲဒီတီၤညါ [ဖဲကြၢ်တုဝ့ၢ်ဒီး ကီးတရံးဝ့ၢ်အဘၢၣ်စၢၤ] ဖဲကြုၢ်တုကီၢ်ဆၣ်, ဒူပျာ်ယာ်ကီၢ်ရ့ၣ်အပူၤန့ၣ်လီၤ. SAC ပယီၤသုး ခီၣ်ချ့သုးရ့ၣ် (ခမရ) နီၣ်ဂံၢ် (၅၄၅) လၢအအိၣ်ဆီလီၤသး ဖဲကြုၢ်တုဝ့ၢ်န့ၢ် တၢ်ဒုးကဲထီၣ်မ့ၢ်တအိၣ်ဒၣ်လဲၣ်, ခးလီၤတၢ်လၢကျိဖးဒိၣ် တနွံတဘျီ မ့တမ့ၢ် ခံဘျီ ကိးမုၢ်နွံဒဲးန့ၣ်လီၤ.

ဖဲလါယူၤလံ ၉ သီ, ၂၀၂၅ နံၣ်အနံၤပူၤ, ဖဲမုၢ်နၤခီ ၉ နၣ်ရံၣ်ဃၣ်ဃၣ်အဆၢကတီၢ်, သဝီဖိသ့ၣ်တဖၣ်နၢ်ဟူဝဲလၢ SAC ပယီၤသုး ခးလီၤတၢ်လၢကျိဖးဒိၣ် တဘျုးဝီညါန့ၣ်လီၤ. လၢတၢ်န့ၣ်အဃိ,  ကျိဖးဒိၣ်ချံ ၁၂၀ မမ တဖျၢၣ်လီၤတဲာ်ဝဲလၢ တၢ်လီၢ် အအ--- ကဝီၤအပူၤ ဖဲအဘ--- သဝီ,  သလွဲထီၤကရူၢ်, ကြုၢ်တုကီၢ်ဆၣ်, ဒူပျာ်ယာ်ကီၢ်ရ့ၣ်အပူၤန့ၣ်လီၤ. ကျိဖးဒိၣ်ချံလီၤတဲာ်ပိၢ်ဖးထီၣ် အဃိ အက့အခီတဖၣ်ဖျိးဘၣ်ဟးဂီၤဝဲ သီခါဖၠၢ်ကရၢအဒူၣ်တဖၣ် ဖဲသဝီဝီပူၤန့ၣ်လီၤ.  

တၢ်ကဲထီၣ်သးဝံၤအလီၢ်ခံ, ပှၤမုၣ်ပှၢ်တဂၤလၢအအိၣ်တဆူၣ်တချ့အါအါဘၣ်တဂၤ လၢအမ့ၢ် မအ--- (သးနံၣ်အိၣ် ၅၅ နံၣ်)န့ၢ် တၢ်ထံၣ်န့ၢ်က့ၤအီၤလၢ အသးသမူဟးထီၣ်ကွံာ်ဝဲလံ ဖဲအလီၢ်မံခိၣ်န့ၢ်ဒီး တကးဒ်ဘၣ်အမဲာ်ညါ အမဲာ်ချံ, အနၢ်ကုဒီး အနါဒ့တဖၣ် သွံၣ်လီၤဝဲန့ၣ်လီၤ. လၢတၢ်န့ၢ်အဃိ, ဖဲတနၤဃီန့ၣ် မအ--- အဒ့မုၣ်အဆံးကတၢၢ်တဂၤဒီး အလံၤမုၣ်တဂၤ လဲၤတဲဘၣ်ဝဲ တၢ်ဂ့ၢ်တၢ်ကျိၤကဲထီၣ်သးတဖၣ်လၢ အဘ--- သဝီသးပှၢ် လၢအမ့ၢ် စီၤဘ---  န့ၣ်လီၤ. စီၤဘ--- ရှဲပြးဘၣ် KHRG လၢ “ဖဲလၢအဝဲဒၣ် [မအ---] ဟဲက့ၤလၢဖၠၢ်ဝံၤအလီၢ်ခံန့ၢ်, အဝဲအီၣ်ဘၣ်ဝဲ မးမး [လၢတၢ်အီၣ်အီၤသ့တတီၢ်ဃီ] ခီၣ်စွဲ န့ၣ်လီၤ. မ့မ့ၢ်လၢအဖိမုၣ်ဒီး အလံၤမုၣ်န့ၣ် သူဝဲဒၣ်အလီတဲစိန့ၣ်လီၤ. ဝံၤဘျီ မ့မ့ၢ်အဝဲတခီ, အဘၣ်သးမံဒီး အဝဲက့ၤမံဝဲဒၣ်န့ၣ်လီၤ.  ကအိၣ်တစိၢ်ဖိဒီး တၢ်ခးလီၤဝဲ ကျိဖးဒိၣ်န့ၣ်လီၤ. တကတီၢ်ဃီဖဲတၢ်ခးလီၤကျိဖးဒိၣ်ဝံၤန့ၣ်, အဖိမုၣ်လဲၤကိးအီၤ ‘မိမိ’ [မိ] ဘၣ်ဆၣ်သနါက့ အကိးဂဲၤထၢၣ်က့ၤ အမိတန့ၢ်လၢၤဘၣ်န့ၣ်လီၤ. ဒီးအမိန့ၢ် [အနီၢ်ခိ] ချံၣ်လီၤဒီဂၤလၢၤလံန့ၣ်လီၤ.”

လီၢ်ကဝီၤခိၣ်နၢ်တဂၤဖဲ [ကြုၢ်တုကီၢ်ဆၣ်ပှၤမၤနီၣ်မၤဃါတၢ်အခိၣ်တဂၤ] [လၢအထံၣ်ထွဲပှၤအစိၣ်န့ၢ်ဒီး မၤနီၣ်မၤဃါ တၢ်ကဲထီၣ်သးတဂၤ] တဲဘၣ်သဝီသးပှၢ်လၢ အဝဲတယးကွၢ်န့ၣ် ဖဲသဝီဖိတဂၤန့ၢ်မံအဖၢမုၢ်န့ၣ်ဒီး ကျိဖးဒိၣ်လီၤတဲာ်ပိၢ်ဖးထီၣ် အဃိ သဝီဖိအံၤကသံကွံာ်ဝဲဒၣ်န့ၣ်လီၤ. [မအ--- အံၤ ကဘၣ်မ့ၢ် အသွံၣ်ကဆီၣ်ထီၣ်သနံးသဖှိအီၤ နးနးအဃိန့ၣ်လီၤ.] ကျိဖးဒိၣ်ချံ [ပိၢ်ဖးထီၣ်အသဟီၣ်] န့ၢ် [ဘၣ်သ့ၣ်သ့ၣ်] ကမၤပတုၤကွံာ်ဝဲအသး ဒီးအသး တဆဲးထူလၢၤဘၣ်ဒီး   အမဲာ်ချံ, အနၢ်ကု, ဒီး အနါဒ့တဖၣ် ကသွံၣ်လီၤဝဲဒၣ်န့ၣ်လီၤ. သဝီသးပှၢ် [စီၤ ဘ---] န့ၣ်နာ်ဝဲလၢမအ-- တဂၤအံၤသံ ခီဖျိလၢအနီၢ်ကစၢ်တၢ်ဆါ [သွံၣ်ထီၣ်ဆီၣ်သနံး] အဃိန့ၣ်လီၤ. ဒ်လဲၣ်ဂ့ၤဂ့ၤန့ၣ်, ဒိးသန့ၤထီၣ်သးလၢ မအ--- တဂၤအတၢ်ဘၣ်သံအံၤ [ဃုာ်ဒီး အနီၢ်ခိတၢ်ဒုးနဲၣ်ဖျါတဖၣ်ခဲလၢာ်]  ပှၤနီၣ်မၤဃါတၢ်ခိၣ်နၢ်ဖဲကြုၢ်တုကီၢ်ဆၣ်တဂၤန့ၢ် နာ်ဝဲလၢ ခီဖျိ SAC အတၢ်ခးလီၤကျိဖးဒိၣ်အဃိ ကဲထီၣ်အသးန့ၣ်လီၤ.

လၢညါအပူၤကွံာ်, ကျိဖးဒိၣ်လီၤဘၣ်တၢ်လၢ အဘ--- သဝီ, တၢ်လီၢ် အအ--- ကဝီၤန့ၢ် တအိၣ်ဝဲနီတဘျီဒ်ဘၣ်န့ၣ်လီၤ. တၢ်အံၤမ့ၢ်စ့ၢ်ကီး, တၢ်အဆိကတၢၢ်တဘျီလၢကျိဖးဒိၣ်လီၤဘၣ်ဘၣ်တၢ် [ဖဲန့ၢ်] န့ၣ်လီၤ. ကျိဖးဒိၣ်လီၤတဲၤဖဲ တၢ်လီၢ် အအ---ကဝီၤ, ဘၣ်ဆၣ်ဒီး [သဝီဖိတဖၣ်ပာ်ဖျါထီၣ်ဝဲလၢ] ကျိဖးဒိၣ်ချံအံၤ ပိၢ်ဖးထီၣ်သီၣ်ဝဲ ဒိၣ်ဒိၣ်ကလဲာ်ဒီး [သီၣ်ဟူတုၤလၢတၢ်လီၢ် ကိးတီၤဒဲးဃၣ်ဃၣ် ဖဲအဘ---သဝီန့ၣ်လီၤ].

တၢ်ဃ့ၢ်အိၣ်မှံဟးဖျိးတၢ်တၤတၢ်တဖၣ် ဖဲအဘ--- သဝီ

ခီဖျိလၢတၢ်ဒုး [ကဲထီၣ်သးအိၣ်] ဝဲလၢ [အ့ရှၢကျဲမုၢ် လၢကျဲဒီတတီၤညါဖဲကြုၢ်တုန့ၢ်ဒီး], သဝီဖိလၢအိၣ်လၢ အဆ--- သဝီ, ဒီး အဒ--- သဝီ, ဖဲယ့ၤပူၤကၠံ (ရေပူကြီး) ကရူၢ်, ကြုၢ်တုကီၢ်ဆၣ်ဒီး အဃ--- သဝီ, ကီးဝၣ်လဲာ် (ကော့ဝါ့လယ်)ကရူၢ်, ကြုၢ်တုကီၢ်ဆၣ်ပူၤ, ဖဲန့ၣ်တဖၣ် ဘၣ်လဲၤဃ့ၢ်အိၣ်ကဒုကွံာ်ဝဲဆူ တၢ်လီၢ် အအ--- ကဝီၤ, ဖဲအဘ--- သဝီန့ၣ်လီၤ.

ပှၤလၢအလဲၤအဃ့ၢ်အိၣ်မှံဖဲန့ၣ်တဖၣ်အကျါ ပၣ်ဃုာ်ဝဲဒီး ပှၤသးပှၢ်လၢတၢ်အိၣ်ဆူၣ်အိၣ်ချ့တဂ့ၤဘၣ်တဖၣ် ဒီး ဖိဒံဖိသၣ်သ့ၣ်တဖၣ်အဃိ အဝဲသ့ၣ်လိၣ်ဘၣ်ဝဲ တၢ်အီၣ်တၢ်အီဒီး ကသံၣ်ကသီ တၢ်ဆီၣ်ထွဲမၤစၢၤတဖၣ် လၢဂ့ၢ်ဂီၢ်အူ  [ဖဲလါယူၤလံ ၂၀၂၅ န့ၣ်အပူၤ] န့ၣ်လီၤ. အဝဲသ့ၣ်ဘၣ်ဟးဃ့ၢ်အိၣ်မှံဟးဖျိး စးထီၣ်လံလၢ လါအ့ဖြ့ၣ် ၂၀၂၅ နံၣ်အပူၤ, ဖဲတၢ်ဒုး ကဲထီၣ်လၢအဝဲသ့ၣ်ဒူသဝီဃၢၤ ဝံၤအလီၢ်ခံန့ၣ်လီၤ. သဝီဖိတနီၤလၢ အအိၣ်ဖဲတၢ်လီၢ် အအ--- ကဝီၤ (ဖဲအဘ---သဝီ) တဖၣ် စ့ၢ်ကီး အဝဲသ့ၣ်ပာ်လီၤတ့ၢ်ကွံာ်အဟံၣ်ဃီတဖၣ်ဒီး ဃ့ၢ်အိၣ်မှံကွံာ်ဝဲလၢတၢ်လီၢ်အဂၤဒီး, လၢတၢ်န့ၣ်အဃိ, ဟံၣ်ဃီလၢ အိၣ်လီၤတဲာ် တဖၣ် တၢ်ပာ်န့ၢ်က့ၤပှၤလၢ အဟဲဃ့ၢ်အိၣ်မှံဖဲန့ၢ်တဖၣ်လၢ အဒ--- သဝီ, အဃ--- သဝီ,ဒီး အဆ--- သဝီတဖၣ် အဂီၢ်န့ၣ်လီၤ. ဒ်လဲၣ်ဂ့ၤဂ့ၤ, တၢ်ကီတၢ်ခဲအိၣ်ဝဲလၢ ပှၤလၢအဘၣ်ဟဲဃ့ၢ်အိၣ်မှံဟးဖျိးဖဲန့ၢ်သ့ၣ်တဖၣ် လၢကဒိးန့ၢ်ဘၣ် တၢ်ဖံးတၢ်မၤအဂီၢ်ဒီး ခီဖျိတၢ်ဖံးတၢ်မၤ တအိၣ်ဝဲနီတမံၤဘၣ် ဖဲတၢ်လီၢ်ဖဲန့ၢ်န့ၣ်လီၤ.