တၢ်ကဲထီၣ်သးအကလုာ်

SAC (ထံကီၢ်တၢ်ပၢတၢ်ပြးကီၣ်ကးကရၢ) ခးလီၤနါစိၤကျိဖးဒိၣ်

တၢ်ကဲထီၣ်သးမုၢ်နံၤမုၢ်သီ

လါနိၣ်ဝ့ဘၢၣ် ၁၁ သီ, ၂၀၂၄ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အ--- သဝီ, ဒ့လိာ်မုၢ်နုာ်လာ်ကရူၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

နီၢ်ဘ---

စီၤဆ---

စီၤဒ---

နီၢ်ဃ---

စီၤယ---

နီၢ်ဂ---

စီၤဟ---

စီၤက---

သးနံၣ်

(၃၂) နံၣ်

(၃၆) နံၣ်

တသ့ၣ်ညါ

(၄၀) နံၣ်

တသ့ၣ်ညါ

တသ့ၣ်ညါ

တသ့ၣ်ညါ

တသ့ၣ်ညါ

မုၣ်/ ခွါ

မုၣ်

ခွါ

ခွါ

မုၣ်

ခွါ

မုၣ်

ခွါ

ခွါ

ကလုာ်

ကညီ

ကညီ

ကညီ

ကညီ

ကညီ

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

ထီၣ်ပှၢ်

-

-

ထီၣ်ပှၢ်

ထီၣ်ပှၢ်

တသ့ၣ်ညါ

တၢ်ဖံးတၢ်မၤ

မၤအီၣ်ကျီး

မၤအီၣ်ကျီး

မၤအီၣ်ကျီး

မၤအီၣ်ကျီး

မၤအီၣ်ကျီး

မၤအီၣ်ကျီး

မၤအီၣ်ကျီး

တသ့ၣ်ညါ

တၢ်ဘူၣ်တၢ်ဘါ

ခရံာ်ဖိ

ခရံာ်ဖိ

ခရံာ်ဖိ

ခရံာ်ဖိ

ခရံာ်ဖိ

ခရံာ်ဖိ

ခရံာ်ဖိ

တသ့ၣ်ညါ

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

သဝီဖိ

သဝီဖိ

သဝီဖိ

သဝီဖိ

သဝီဖိ

အိၣ်ဆိးဒူသဝီ

အ--- သဝီ

အ--- သဝီ

အ--- သဝီ

အ--- သဝီ

အ--- သဝီ

အ--- သဝီ

အ--- သဝီ

အ--- သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

SAC စုကဝဲၤဒိၣ်သုး (တသ့ၣ်ညါနီၣ်ဂံၢ်)

ဘယ့ၣ်နီၤသုးကလၢၤဖဲ သၤဒီၤကၠံဝ့ၢ်

သုးဟီၣ်ကဝီၤခိၣ် (တသ့ၣ်ညါအမံၤ)

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

စီၤဧ--- ဒီး စီၤသ---, လီၢ်ကဝီၤခိၣ်နၢ် (လီၢ်လၤဘၣ်တၢ်ပာ်ဘၢအီၤလၢတၢ်ဘံၣ်တၢ်ဘၢအဂီၢ်) ခံဂၤလၢ ဒ့လိာ်မုၢ်နုာ်လာ်ကရူၢ်, တဲဒုးသ့ၣ်ညါယၤ (KHRG ပှၤဃုဃိထံသ့ၣ်ညါတၢ်ဖိ) ဘၣ်ဃးတၢ်ကဲထီၣ်သးတခါအံၤန့ၣ်လီၤ. ဝံၤဒီး, ယ (KHRG ပှၤဃုဃိ ထံသ့ၣ်ညါတၢ်ဖိ) ဆဲးကျိး အ--- သဝီခိၣ် ဒီး ယလဲၤထံၣ်လိာ်သးဒီးအီၤန့ၣ်လီၤ. သဝီခိၣ်ကိးသဝီဖိ (တနီၤ) လၢအမ့ၢ် (နီၢ်ဘ---, စီၤက---, စီၤဆ---, ဒီး နီၢ်ဃ---) ပှၤလၢအဟံၣ် ဒီး တၢ်စုလီၢ်ခီၣ်ခိၣ် ဟးဂီၤသ့ၣ်တဖၣ်အံၤဝံၤ ဒီး ယ (KHRG ပှၤဃုဃိ ထံသ့ၣ်ညါတၢ်ဖိ) မၤတၢ်ထံၣ်လိာ်သံကွၢ်ဒီးအဝဲသ့ၣ်န့ၣ်လီၤ. 

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

တၢ်ဂ့ၢ်တၢ်ကျိၤတခါအံၤဘၣ်တၢ်မၤလီၤတံၢ်အီၤလၢ (သဝီဖိသ့ၣ်တဖၣ်လၢ KHRG ပှၤဃုဃိထံသ့ၣ်ညါတၢ်ဖိမၤတၢ်ထံၣ်လိာ်သံ ကွၢ်ဒီးအဝဲသ့ၣ်သ့ၣ်တဖၣ်) - နီၢ်ဘ---, စီၤက---, ဒီး သဝီဖိအဂၤခံဂၤ စီၤဆ--- ဒီး နီၢ်ဃ---, လၢအမ့ၢ်ပှၤသ့ၣ်တဖၣ်လၢအ ဟံၣ် (ဒီး တၢ်စုလီၢ်ခီၣ်ခိၣ်) ဟးဂီၤကွံာ်သ့ၣ်တဖၣ်န့ၣ်လီၤ. နီၢ်ဘ--- ဒီး စီၤက--- အံၤမ့ၢ် စီၤဒ--- အဖိမုၣ် ဒီး အဖိခွါန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါနိၣ်ဝ့ဘၢၣ် ၁၁ သီ, ၂၀၂၄ နံၣ်, ဟါခီလီၤ ၂ နၣ်ရံၣ်အဆၢကတီၢ်, SAC သုးလၢအမ့ၢ်စုကဝဲၤဒိၣ်သုး လၢ ဘယ့ၣ်နီၤသုးက လၢၤ, သၤဒီၤကၠံဝ့ၢ်, ဒီၣ်ဖါခိၣ်ကီၢ်ဆၣ်, တီအူကီၢ်ရ့ၣ်, ခးလီၤနါစိၤကျိဖးဒိၣ်ချံသၢဖျၢၣ်ဆူ ဒ့လိာ်မုၢ်နုာ်လာ်ကရူၢ်, ဒီၣ်ဖါခိၣ်ကီၢ် ဆၣ်, တီအူကီၢ်ရ့ၣ် န့ၣ်လီၤ. ဖဲတၢ်တနံၤန့ၣ်, တၢ်ဒုးကဲထီၣ်အသးလၢဟီၣ်ကဝီၤပူၤတအိၣ်ဘၣ်, ဘၣ်ဆၣ် SAC သုးခးလီၤတၢ် လၢဟီၣ်ကဝီၤန့ၣ် (ဒ့လိာ်မုၢ်နုာ်လာ်ကရူၢ်) အပူၤလီၤ. လီၢ်ကဝီၤသဝီဖိသ့ၣ်တဖၣ်တသ့ၣ်ညါဝဲကျိဖးဒိၣ်ချံအကလုာ်လၢ SAC သုးခးလီၤဝဲအံၤဘၣ်န့ၣ်လီၤ.  ကျိဖးဒိချံအကျါတဖျၢၣ်လီၤတဲာ်ပိၢ်ဖးထီၣ်ဖဲ အ--- သဝီ, ဒ့လိာ်မုၢ်နုာ်လာ်ကရူၢ်, ဒီး အဂၤခံဖျၢၣ် န့ၣ်လီၤတဲာ်ပိၢ်ဖးထီၣ်လၢ သဝီချၢ (ဒီးတဘၣ်ဟးဂီၤတၢ်နီတမံၤဘၣ်) န့ၣ်လီၤ.

ကျိဖးဒိၣ်ချံလၢလီၤတဲာ်ဖဲသဝီပူၤတဖျၢၣ်န့ၣ်ပိၢ်ဖးထီၣ်ဖဲ စီၤဒ--- အဟံၣ်မဲာ်ညါန့ၣ်လီၤ. ကျိဖးဒိၣ်ချံအံၤဘၣ်ဟးဂီၤဟံၣ် ဒီး ဟံၣ်အတၢ်ပီးတၢ်လီသ့ၣ်တဖၣ် ဒ်အမ့ၢ် ဟုသးဒၢ (လၢအတြီၢ်ဟုသး (၁၀) ပီၢ်), သပၢၤသ့ၣ်တဖၣ်, ဒီး ဟံၣ်ခိၣ်ဒုးအသိး, ဟံၣ်ဒါအသ့ၣ်ဘၣ် ဒီး (စီၤက---) အဖိခွါအသိလ့ၣ်ယီၢ်တခိၣ်န့ၣ်လီၤ. ကျိဖးဒိၣ်ချံအက့ဘၣ်ဟးဂီၤစ့ၢ်ကီး စီၤဒ--- အထွံၣ်တ ဒုအခီၣ်န့ၣ်လီၤ.

လၢန့ၣ်အမဲာ်ညါ, သဝီဖိအဂၤဃုဂၤလၢအမ့ၢ် နီၢ်ဘ--- , စီၤဆ--- , နီၢ်ဃ--- , စီၤယ--- , နီၢ်ဂ--- , ဒီး စီၤဟ--- သ့ၣ်တဖၣ် အဟံၣ်ဟးဂီၤစ့ၢ်ကီးတဆံးတက့ၢ်န့ၣ်လီၤ. ဘၣ်ဟးဂီၤစ့ၢ်ကီးသရိာ်အခိၣ်ဒုး ဒီး အပဲတြီဖိခံဘ့ၣ်န့ၣ်လီၤ. လၢကျိဖးဒိၣ်ချံအတၢ်လီၤတဲာ်ပိၢ်ဖးထီၣ်လၢသဝီပူၤအံၤတဘၣ်ဒိ ဒီး ဘၣ်သံလီၢ်ကဝီၤသဝီဖိနီတဂၤဘၣ်. ဘၣ်ဆၣ်သနာ်က့, ကဲထီၣ်တၢ်ပျံၤတၢ်ဖုး ဒီး တၢ်လီၤဘၣ်ယိၣ်ဘၣ်ဘှီလၢသဝီဖိသ့ၣ်တဖၣ်အဂီၢ်န့ၣ်လီၤ. ဖဲလၢ SAC သုး ခးလီၤကျိဖးဒိၣ်အဆၢက တီၢ်ဘၣ်လၢ  လီၢ်ကဝီၤဖိသၣ်သ့ၣ်တဖၣ်ထီၣ်ကၠိဖဲသဝီပူၤအဆၢကတီၢ်န့ၣ်လီၤ. ဖိသၣ်လၢအိၣ်လၢကၠိပူၤသ့ၣ်တဖၣ်ပျံၤတၢ်အဃိ အဝဲသ့ၣ်ဟီၣ်ကိးဖွးဝဲဖးဒိၣ်န့ၣ်လီၤ. အဝဲသ့ၣ်မိၢ်ပၢ်တဖၣ်သူၣ်ကိၢ်သးဂီၤလၢအဖိအဂီၢ်ဒီး ကရီလဲၤအိၣ်န့ၢ်က့ၤအဖိလၢကၠိ ဒီး ဃ့ၢ်ဆူအဝဲသ့ၣ်အတၢ်သူၣ်အီၣ်ဖျးအီၣ်အလီၢ်လၢအဘူးဒီးသဝီန့ၣ်လီၤ. သဝီဖိအဂၤသ့ၣ်တဖၣ်အိၣ်ခူသူၣ်ဖဲတၢ်အိၣ်သဒၢသး တၢ်ပူၤန့ၣ်လီၤ.  သဝီဖိတနီၤဘၣ်ပတုာ်ဖီမ့ၤဒီး အိၣ်သဒၢအသးလၢတၢ်အိၣ်သဒၢတၢ်ပူၤဖဲတၢ်ခးလီၤကျိဖးဒိၣ်ချံကဲထီၣ်အသး အဆၢကတီၢ်န့ၣ်လီၤ.

မ့ၢ်လၢ SAC သုး ခးလီၤကျိဖးဒိၣ်ချံအဃိ, သဝီဖိတနီၤပျံၤတၢ်ဒီး မံလၢအဟံၣ်ပူၤတဘူၣ်လၢၤဘၣ်အဃိမံဝဲလၢတၢ်အိၣ်သဒၢသး တၢ်ပူၤန့ၣ်လီၤ. စီၤဆ--- သဝီဖိလၢအဟံၣ်ဟးဂီၤခီဖျိ SAC သုးအတၢ်ခးလီၤကျိဖးဒိၣ်ချံတဂၤစံးဝဲ “မ့ၢ်လၢတၢ်ခးလီၤကျိဖးဒိၣ် အံၤအဃိတၢ်ဘံၣ်တၢ်ဘၢတအိၣ်လၢပဂီၢ်လၢပကအိၣ်လၢသဝီပူၤအံၤလၢၤဘၣ်. ပသူၣ်ကိၢ်သးဂီၤလၢပတၢ်ဘံၣ်တၢ်ဘၢအဂီၢ်လီၤ. ပမံလၢပဟံၣ်ပူၤတဘူၣ်ဘၣ်. လၢတၢ်န့ၣ်အဃိ, ပမံလၢတၢ်အိၣ်သဒၢသးတၢ်ပူၤလီၤ.” နီၢ်ဘ--- စံးစ့ၢ်ကီးလၢ “ဖဲလၢကျိဖးဒိၣ် ချံလီၤတဲာ်ပိၢ်ဖးထီၣ်ဖဲယပါ (စီၤဒ---) အဟံၣ်မဲာ်ညါအဆၢကတီၢ်ဘၣ်လၢယဂဲၤဆၢထၢၣ်အိၣ်ဘူးဖဲတၢ်ကဲထီၣ်သးအလီၢ်လီၤ. ယမိဒီး ယဒီပုၢ်ဝဲၢ်မုၣ်စ့ၢ်ကီးအိၣ်ဘူးဖဲတၢ်ကဲထီၣ်သးအလီၢ်လီၤ. ဘၣ်ဆၣ်လၢတၢ်ဘူၣ်ဂ့ၤတီၢ်ဘၣ်အပူၤ, ကျိဖးဒိၣ်ချံတဘၣ်ပှၤ နီတဂၤဘၣ်. ဖဲန့ၣ်အခါပပျံၤတၢ်ဒိၣ်မးလီၤ. ယဒီပုၢ်ဝဲၢ်မုၣ်အခိၣ်မူၤဘၣ်မးအသး (မ့ၢ်လၢကျိဖးဒိၣ်ချံလီၤတဲာ်ပိၢ်ဖးထီၣ်သီၣ်ဒိၣ် အဃိ) ဒီး အပျံၤတၢ်ဖုးတၢ်ဒိၣ်မးလီၤ.”

လီၢ်ကဝီၤသဝီဖိသ့ၣ်တဖၣ်တသ့ၣ်ညါဝဲလၢဘၣ်မနုၤအဃိ SAC သုးခးလီၤကျိဖးဒိၣ်လၢ ဒ့လိာ်မုၢ်နုာ်လာ်ကရူၢ် အပူၤအံၤလဲၣ် ဘၣ်န့ၣ်လီၤ. ဒ်စီၤဆ--- ပာ်ဖျါထီၣ်အသိး “ဘၣ်မနုၤအဃိအဝဲသ့ၣ် (SAC သုး) ခးလီၤတၢ်လၢပသဝီပူၤလဲၣ်န့ၣ်ယတသ့ၣ်ညါ ဘၣ်. (...) တၢ်ဒုးတၢ်ယာ်တကဲထီၣ်သးလၢပဟီၣ်ကဝီၤပူၤကၠ့ၢ်ဘၣ်. ယဆိမိၣ်အဝဲသ့ၣ်ဘၣ်သးခးသးကျိဖးဒိၣ်ဒၣ်လီၤ. ပှၤက ညီသုး (ကညီဒီကလုာ်တၢ်ထူၣ်ဖျဲးသုးမုၢ်ဒိၣ်) တအိၣ်ဖဲပဟီၣ်ကဝီၤပူၤနီတဖုကၠ့ၢ်ဘၣ်.” စံးစ့ၢ်ကီးကဒီးဝဲလၢ “လၢအဝဲသ့ၣ်အ တၢ်မၤတခါအံၤအဖီခိၣ်အဝဲသ့ၣ် (SAC သုး) တဃ့ကညးဒၣ်လဲာ်ပှၤသဝီဖိသ့ၣ်တဖၣ်ဘၣ်ဒီး တလီးက့ၤတၢ်အဘူးအလဲ (လၢ တၢ်ဟးဂီၤ) သ့ၣ်တဖၣ်အဂီၢ်နီတမံၤဘၣ်.”

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

သဝီဖိလၢယ(KHRG ပှၤဃုဃိထံသ့ၣ်ညါတၢ်ဖိ) မၤတၢ်ထံၣ်လိာ်သံကွၢ်တဖၣ် ဒီး ဟီၣ်ကဝီၤပှၤဘၣ်မူဘၣ်ဒါလၢ အ--- သဝီ  သ့ၣ်တဖၣ်ဟ့ၣ် KHRG အခွဲးလၢကရၤလီၤတၢ်ဂ့ၢ်အံၤန့ၣ်လီၤ.