ဟီၣ်ကဝီၤတၢ်ပာ်ဖျါတဘ့ၣ်အံၤပာ်ဖျါဝဲ ထံကီၢ်တၢ်ပၢတၢ်ပြးကီၣ်ကးကရၢ (SAC) ပယီၤသုးကဘီယူၤဟဲခးလီၤတၢ်ဖဲ ကီၢ်ဆၣ် (၃) ဘ့ၣ်အပူၤလၢအမ့ၢ်တနီသရံၣ် ကီၢ်ဆၣ်, လၢၢ်ဒိၣ်စိကီၢ်ဆၣ်, ဒီး ကစၢၢ်ဒိၣ်ကီၢ်ဆၣ်, လၢအအိၣ်ဖဲ ဘျံးဒဝဲၢ်ကီၢ်ရ့ၣ်ပူၤန့ၣ်လီၤ. ပမ့ၢ်ကွၢ်က့ၤစးထီၣ်ဖဲ ကီၢ်ပယီၤ SAC သုး ဟံးန့ၢ်ဆူၣ်ထံကီၢ်တၢ်စိတၢ်ကမီၤဝံၤအလီၢ်ခံ နံၣ်လၢအပူၤကွံာ်တဖၣ် SAC ပယီၤသုးကဘီယူၤ အတၢ်ဟဲတ့ၢ် လီၤမ့ၣ်ပိၢ်လၢ ဘျံးဒဝဲၢ်ကီၢ်ရ့ၣ် ပူၤမ့ၢ်တအိၣ်ဘၣ်ဆၣ် ဖဲ ၂၀၂၄ နံၣ်အတီၢ်ပူၤအံၤလၢ ကညီဂ့ၢ်ဝီခွဲးယာ်ကရူၢ် (KHRG) မၤနီၣ်မၤ ဃါန့ၢ်အိၣ်ဝဲ လၢတၢ်လီၢ် (၁၂) တီၤန့ၣ်လီၤ. တၢ်လီၢ်လၢပယီၤသုးဟဲတ့ၢ်လီၤမ့ၣ်ပိၢ်န့ၣ် မ့ၢ်ဝဲ ဧက--- သဝီ, ဧခ--- တၢ်လီၢ်, ဝ့ၢ်တၢ်အဲၣ်, ဧဃ--- သဝီ, ဧင--- သဝီ, ဧစ--- သဝီ, ဧဆ--- သဝီ, ဧရှ--- သဝီ, ဧည---သဝီ, ဧတ--- သဝီ, ဧထ--- သဝီ, ဧဒ--- သဝီဒီး ဧည--- သဝီဃၢၤသ့ၣ်တဖၣ်န့ၣ်လီၤ. ဒီးလၢ SAC ပယီၤသုးကဘီယူၤ အတၢ်ဟဲတ့ၢ်လီၤမ့ၣ်ပိၢ်အံၤ ဘၣ်သံဝဲသဝီဖိ (၇) ဂၤအကျါပၣ်ဃုာ်ဒီး ပှၤလိၣ်ဘီဘိထီၣ် (၃) ဂၤ (အကျါ ပိာ်မုၣ်ပၣ် (၁) ဂၤ) ပိာ်မုၣ် (၃) ဂၤ ဒီး ပိာ်မုၣ်သးပှၢ်တဂၤန့ၣ်လီၤ. ဘၣ်ဒိစ့ၢ်ကီးသဝီဖိ (၈) ဂၤအကျါပၣ်ဃုၣ်ဒီးပှၤသးပှၢ် (၁) ဂၤ, ဒီးဘၣ်ဟးဂီၤဟံၣ် (၇) ဖျၢၣ်, ဒီး ဘၣ်ဟးဂူာ်ဟးဂီၤစ့ၢ်ကီး ဒူသဝီတၢ်သူၣ်ထီၣ်အဂၤဒ်အမ့ၢ် ကၠိ, တၢ်ဆါဟံၣ်, တၢ်ဘူၣ်တၢ်ဘါလီၢ် ဒီး သဝီဖိတၢ် သူၣ်အီၣ်ဖျးအီၣ်လီၢ်ကျဲသ့ၣ်တဖၣ်န့ၣ်လီၤ. ဒီး SAC ပယီၤသုးကဘီယူၤ အတၢ်ဟဲတ့ၢ်လီၤမ့ၣ်ပိၢ်အံၤလၢအလီၤတဲာ်ဒီးတပိၢ်ဖး ထီၣ်ဒံးဘၣ်အိၣ် (၂) ဖျၢၣ်န့ၣ်လီၤ. ခီဖျိလၢ SAC ပယီၤသုးကဘီယူၤ အတၢ်ဟဲတ့ၢ်လီၤမ့ၣ်ပိၢ်အံၤအဃိသဝီဖိလၢအိၣ်လၢ လီၢ်ကဝီၤပူၤသ့ၣ်တဖၣ် ဒ်သိးအဝဲသ့ၣ်ကပူၤဖျဲးဒီး နီၢ်ခိသးသမူတၢ်လီၤဘၣ်ယိၣ်အဂီၢ်, တနီၤဃ့ၢ်ပူၤဖျဲးအသးဆူတၢ်လီၢ်အယံၤဒီး တၢ်ကဲထီၣ်သးအလီၢ်န့ၣ်လီၤ. သဝီဖိတနီၤလၢတၢ်ဃ့ၢ်မှံဟးဖျိးပူၤ ဘၣ်ကွၢ်ဆၢၣ်မဲာ်ဝဲဒီးသးသမူအတၢ်တၤတၢ် ဒ်အမ့ၢ်တၢ်အီၣ် တကူတလၢ, ကသံၣ်ကသီတအိၣ်လၢကကူစါယါဘျါသးအဂီၢ်, ဒီး တၢ်ဒုးခိၣ် (သလးပၣ်) လၢကတ့ထီၣ်အလီၢ်အိၣ်ကဒုအဂီၢ် န့ၣ်လီၤ.[1]
ဖဲလါဖ့ၤဘြူၤအါရံၤ ၁ သီ, ၂၀၂၄ နံၣ်န့ၣ်, SAC အသုးလၢအဟဲထိဃီၤသုးကျိၤသ့ၣ်တဖၣ် ဘၣ်သဂၢၢ်လိာ်အသးဒီး သုးဖီၣ်စု ကဝဲၤပာ်ဖှိၣ်သ့ၣ်တဖၣ် အဃိ တၢ်ဒုးကဲထီၣ်ဝဲဒၣ်လၢသုးခံဖုအံၤအဘၢၣ်စၢၤန့ၣ်လီၤ. လၢတၢ်န့ၣ်အဃိ, ဖဲလါဖ့ၤဘြူၤအါရံၤ ၂ သီ, ၂၀၂၄ နံၣ်အနံၤဖဲတၢ်ဒုးလၢသုးခံဖုအံၤအဘၢၣ်စၢၤဝံၤအလီၢ်ခံ SAC ပယီၤသုးတကပၤလၢတၢ်ကဟဲဟံးန့ၢ်က့ၤအသုးခိၣ် အစိၣ်အဂီၢ်ဟဲကွံာ်လီၤဝဲမ့ၣ်ပိၢ်ဒီးအကဘီယူၤဒုးသုး လၢအမ့ၢ် Mi2 လၢအအိၣ်ဟဲလၢ ဘျံးဝ့ၢ်တခိၣ် ဆူ ဧက--- သဝီ, တကဲးကရူၢ် , တနီသရံၣ်ကီၢ်ဆၣ် အပူၤန့ၣ်လီၤ. ပယီၤသုးအကဘီယူၤဒုးသုးအတၢ်ဟဲကွံာ်လီၤတၢ်ဒီး မ့ၣ်ပိၢ်အံၤန့ၣ်ယံာ်ဝဲ ၂ နၣ်ရံၣ်ဃၣ်ဃၣ်န့ၣ်လီၤ. ဒ်န့ၣ်အသိး, ဖဲလါဖ့ၤဘြူၤအါရံၤ ၅ သီ, ၂၀၂၄ နံၣ်န့ၣ်, SAC သုးဟဲကွံာ်လီၤကဒီးတၢ်ဒီး အကဘီယူၤဒုးသုးလၢအမ့ၢ် Mi2 အံၤ ဖဲ ဧက--- တၢ်လီၢ်, ကၠ့ၤခၠီဟီၣ်ကဝီၤ (ကြိမ်ချောင်းအုပ်စု), တနီသရံၣ်ကီၢ်ဆၣ်န့ၣ်လီၤ. ဖဲလါဖ့ၤဘြူၤအါရံၤ ၂၅ သီ ဒီး ၂၆ သီ, ၂၀၂၄ နံၣ်အနံၤစ့ၢ်ကီး မ့ၢ်လၢတၢ်ဒုးကဲထီၣ်လၢ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) သုးရ့ၣ် (နီၣ်ဂံၢ် - ၂၇), (နီၣ်ဂံၢ် - ၁၂) ဒီး အသုးပာ်ဖှိၣ်တဖၣ် ဒီး SAC ပယီၤ သုးသ့ၣ်တဖၣ်အဘၢၣ်စၢၤအဃိ ကဘီယူၤဟဲခးလီၤတၢ်ဖဲ ဧဒ--- သဝီ (ဧဒ--- သဝီအိၣ်သူၣ်လီၤအသးလၢ ကစၢၢ်ဒိၣ် ဒီး လၢၢ်ဒိၣ်စိအခၢၣ်သးန့ၣ်လီၤ) အဃိ ဘၣ်သံသဝီဖိ (၁) ဂၤ, အူအီၣ်ဝဲသဝီဖိအဟံၣ် (၁) ဖျၢၣ် ဒီး ဘၣ်ဟးဂီၤ စ့ၢ်ကီး သဝီဖိသ့ၣ်တဖၣ်အတၢ်ဖံးအီၣ်မၤအီၣ် အလီၢ်န့ၣ်လီၤ.
ဖဲလါမးရှး ၄ သီ, ၂၀၂၄ နံၣ်, ၁၀ နၣ်ရံၣ် ဒီး ၁၁ နၣ်ရံၣ် အဘၢၣ်စၢၤ တၢ်ဒုးတၢ်ယၤတအိၣ်ဘၣ်ဆၣ် ပယီၤကဘီယူၤဒုးသုး လၢအမ့ၢ် K-8W ဒီး MI-2 ဟဲခးလီၤတၢ်ဖဲဝ့ၢ်တၢ်အဲၣ်, ဒီး ဧဃ--- သဝီ ကအိၣ်ဝဲအဖျၢၣ် (၂၀) ဘျဲၣ်န့ၣ်လီၤ. ဒ်န့ၣ်အသိး ဖဲလါမးရှး ၆ သီ, ၂၀၂၄ နံၣ်န့ၣ် ကဘီယူၤ MI-2 ဟဲယူၤဆှၣ်ကွၢ်တၢ်ဖဲဟီၣ်ကဝီၤဖဲန့ၣ်အပူၤလီၤ. ခီဖျိလၢတၢ်ဒုးတၢ်ယၤဒီး ကဘီယူၤဟဲခးလီၤတၢ်အဃိ သဝီလၢအမ့ၢ် ဧန---, ဧပ---, ဧဖ---, ဧဘ---, ဧမ---, ဧယ---, ဧရ---, ဧလ---, ဧဝ---, ဧဃ---, ဧသ---, ဝ့ၢ်တၢ်အဲၣ်, ဒီး ဧဂ--- သဝီတဖၣ် သဝီဖိတနီၤဃ့ၢ်ဝဲဒၣ်လၢဒဝဲၢ်ဝ့ၢ် ဒီး တနီၤဃ့ၢ်ဝဲဒၣ်လၢထံဆၢကီၢ်ဆၢသ့ၣ်တဖၣ်န့ၣ်လီၤ.
ဖဲလါမးရှး ၁၂ သီ, ၂၀၂၄ နံၣ်, ဂီၤ ၁၀ နၣ်ရံၣ် ဒီး ၁၁ နၣ်ရံၣ်အဘၢၣ်စၢၤန့ၣ် ပယီၤသုးကဘီယူၤဒုးသုး (၂) ဘ့ၣ်ဟဲခးလီၤတၢ် (၁) ဘျီ ဖဲ ဧင--- သဝီ, ကမိၤသွ့ဟီၣ်ကဝီၤ, လၢၢ်ဒိၣ်စိကီၢ်ဆၣ်န့ၣ်လီၤ. ကဘီယူၤတၢ်တ့ၢ်လီၤမ့ၣ်ပိၢ်အံၤ ဘၣ်ဟးဂီၤဝဲသဝီဖိ တၢ်ဖံးအီၣ်မၤအီၣ်အလီၢ်သ့ၣ်တဖၣ်န့ၣ်လီၤ. တနံၤဃီ ဖဲ ဟါ ၃ နၣ်ရံၣ် ဒီး ၄ နၣ်ရံၣ်အဘၢၣ်စၢၤန့ၣ် SAC ပယီၤသုးကဘီယူၤဒုး သုး ဟဲတ့ၢ်လီၤကဒီးမ့ၣ်ပိၢ်ဖဲ ဧစ--- သဝီ, ကမီၤသွ့ဟီၣ်ကဝီၤ, လၢၢ်ဒိၣ်စိကီၢ်ဆၣ် စ့ၢ်ကီးန့ၣ်လီၤ. ဒီးမ့ၣ်ပိၢ်အက့ဘၣ်တပျာ်စ့ၢ် ကီးသဝီဖိ (၁) ဂၤ အခံကိၢ်ဒီး ဘၣ်ဟးဂီၤသဝီဖိအဟံၣ် (၃) ဖျၢၣ်န့ၣ်လီၤ. သဝီဖိတဂၤစံးစ့ၢ်ကီးဝဲ “ခီဖျိလၢကဘီယူၤ ဟဲကွံာ်လီၤနါစိၤတၢ်လၢတၢ်ဒုးတၢ်ယၤတအိၣ်ဘၣ်အဆၢကတီၢ်ဒ်အံၤအဃိ ပဝဲလၢအမ့ၢ်သဝီဖိလၢ ကမိၤသွ့ဟီၣ်ကဝီၤ တဖၣ်, ဘၣ်ပျံၤဘၣ်ဖုး ဒီး ဘၣ်ယိၣ်ဘၣ်ဘှီတၢ်အဃိ ပဃ့ၢ်အိၣ်က့ၤဆူ တၢ်ဖံးအီၣ်မၤအီၣ်အလီၢ်လၢတဘူးဒီး သဝီပူၤဘၣ်န့ၣ်လီၤ. ဟဲက့ၤအိၣ်လၢသဝီပူၤတဘူၣ်အါအါလၢၤဘၣ်. မ့ၢ်လၢအပျံၤဝဲဒၣ်လၢကဘီယူၤကဟဲခးလီၤတၢ်န့ၣ်လီၤ.”
ဖဲလါမ့ၤ ၅ သီ, ၂၀၂၄ နံၣ်န့ၣ်, KNLA သုးက့ (နီၣ်ဂံၢ်-၄), သုးရ့ၣ် (နီၣ်ဂံၢ်-၁၂, ၂၇) ဒီး ကမျၢၢ်တၢ်ဒီသဒၢသုး (PDF) သုးပာ်ဖှိၣ်တဖၣ်ထီၣ်ခးဝဲ ပယီၤသုး လၢအဟဲဆီလီၤအသးဖဲ သီခါဖၠၢ်, ဧဟ--- သဝီ, ကျဲမုၢ်ထံးဟီၣ်ကဝီၤ, ကစၢၢ်ဒိၣ်ကီၢ်ဆၣ် လၢအမ့ၢ် ခီၣ်သုးရ့ၣ် (ခလရ-၄၀၃), (ခလရ-၂၈၀), (ခလရ-၄၀၃) လၢအအိၣ်သူၣ်လီၤသးဖဲ သယဲၣ်ခၠီ (သရက်ချောင်း အခြေစိုက်) ဒီး ကမျၢၢ်သုး (ပြည်သူ့စစ်) တၢ်လီၢ်သ့ၣ်တဖၣ် လၢအအိၣ်ဖဲ ဧဧ--- သဝီ န့ၣ်လီၤ. တၢ်ဒုးလၢတၢ်လီၢ် (၂) တီၤအံၤယံာ်ဝဲ (၃) သီ ဒီး ဖဲ ဂီၤ ၇ နၣ်ရံၣ် ဒီး ၈ နၣ်ရံၣ် အဘၢၣ်စၢၤန့ၣ် ပယီၤသုး အကဘီယူၤ (၂) ဘ့ၣ် လၢအမ့ၢ် ဟဲၣ်လံၣ်ခီးပတၢၣ် ဒီး ကဘီယူၤဒုးသုး ဟဲကွံာ်လီၤနါစိၤမ့ၣ်ပိၢ် တဘျီဝံၤအလီၢ်ခံခးလီၤထီရီၤဝဲတၢ်ဝံၤအိၣ်ပတုာ်ဝဲန့ၣ်လီၤ. ဒီးတုၤ ဂီၤ ၁၀ နၣ်ရံၣ်န့ၣ်ခးလီၤကဒီးဝဲ တၢ်တုၤ ဟါ ၅ နၣ်ရံၣ် န့ၣ်လီၤ. ကဘီယူၤခံဘ့ၣ်အံၤပၣ်ဃုာ်ဒီး ကဘီယူၤဒုးသုးတဘ့ၣ် န့ၣ်လီၤ. ကဘီယူၤဟဲခးလီၤတၢ်ဖဲသဝီဝဲ အံၤ ဒီး အကပိၤကပၤ န့ၣ်ယံာ်ဝဲ (၄) သီန့ၣ်လီၤ. ကဘီယူၤအတၢ်ဟဲကွံာ်လီၤ ဒီး ခးလီၤနါစိၤတၢ်အံၤ ဘၣ်ဟးဂီၤဝဲသဝီဖိလၢ အမံၤ မ့ၢ် မၣ်က--- , သးနံၣ် (၃၆) နံၣ်တဂၤအဟံၣ်န့ၣ်လီၤ. မၣ်က---, စံးစ့ၢ်ကီးဝဲ “လၢယတၢ်ဆိကမိၣ်န့ၣ်, အဝဲသ့ၣ်ဟဲခးလီၤ တၢ်အံၤ တမ့ၢ်အဟဲခးလီၤ PDF ဒီး သုးပာ်ဖှိၣ်တဖၣ်ဘၣ်. အဝဲသ့ၣ်ဟဲခးလီၤနါစိၤ တၢ်လၢ သဝီဖိဟံၣ်ဃီအိၣ်အလီၢ် ဒီး တၢ်ဖံးအီၣ်မၤအီၣ်လီၢ်သ့ၣ်တဖၣ်လီၤ. ဖဲကဘီယူၤဟဲကွံာ်လီၤတၢ်အဆၢကတီၢ် ယၤ, ယမိ ဒီး ယဖိဆံး ပဃ့ၢ်နုာ်လီၤအိၣ် လၢတၢ်ပူၤလၢပဟံၣ်ဖီလာ်န့ၣ်လီၤ. ယဖိမုၣ်သးနံၣ်အိၣ်ဒံးဒၣ်ထဲ (၂) နံၣ်ဧိၤန့ၣ်လီၤ. ဖဲပနၢ်ဟူ ကဘီယူၤဟဲကွံာ်လီၤတၢ် (၁) တဘျီန့ၣ်ယကွၢ်စိဃီၤတၢ်ဒီးယထံၣ်လၢ ယဟံၣ်လီၢ်ခံ ပဲတြီလီၤပှီၢ် ဒီး ယဟံၣ်ပူၤတခီအိၣ်ပ့းပူး မးန့ၣ်လီၤ. ကဘီ ယူၤဟဲကွံာ်လီၤတၢ်ဝံၤတဘျီဃီယဟးထီၣ်လၢတၢ်ပူၤလၢကက့ၤဟံးန့ၢ်တၢ်ကူတၢ်သိး အဂီၢ် ဒီး ဖဲသဝီဖိအဂၤ ကွၢ်စိဃီၤတၢ်လၢ ပဟံၣ်အဆၢကတီၢ်ထံၣ်ဝဲထဲမ့ၣ်အူလုၢ်အဃိအဝဲသ့ၣ်သူၣ်ကိၢ်သးဂီၤတၢ်လၢပဂီၢ်န့ၣ်လီၤ. ဒီးတၢ်အံၤဝံၤကဘီ ယူၤခးတၢ်ဘှ့ၣ်တဘျီဃီ ပပာ်ဖှိၣ်ထီၣ်ပသးခံဟံၣ်သၢဟံၣ် ဒီးပဃ့ၢ်ထီၣ်န့ၣ်လီၤ. လၢကဘီယူၤဟဲကွံာ် လီၤမ့ၣ်ပိၢ်ဖဲယဟံၣ်ကပိၤ ကပၤအဃိ ဘၣ်ဟးဂီၤဝဲယဟံၣ်ဒီးယတူၢ်ဘၣ်နးဒိၣ်မးလီၤ. ခဲအံၤပှၤဂၤဟဲက့ၤအိၣ်က့ၤလၢအဟံၣ်လံ ဘၣ်ဆၣ်ပတအိၣ်ဘၣ် က့ၤလၢပဟံၣ်လၢၤဘၣ်. မ့ၢ်လၢပဟံၣ်တအိၣ်လၢၤဘၣ်အဃိလီၤ. ပယီၤသုးအတၢ်မၤဝဲအံၤလီၤသးဆါဒိၣ် မးလီၤ. ဖဲကဘီယူၤဟဲ ကွံာ်လီၤတၢ်အခါယဖိမုၣ်ပျံၤတၢ်ဟီၣ် ဒီး တဲယၤ, “မိမိဧၢ...ပကသံလီၤဧါသၢၣ်” ယသးတမုာ်ဘၣ်. ဘၣ်ဆၣ်ယမၤတၢ်တဘၣ် နီတမံၤဘၣ်. တၢ်ကဲထီၣ်သးဒ်အံၤအဃိပတအိၣ်ဘၣ်လၢတၢ်သဘျ့အပူၤဘၣ်. ပအဲၣ်ဒိးအိၣ်စ့ၢ်ကီး လၢပသဝီပူၤ ဒီး ပမုၢ်လၢ်လၢတၢ်ကမုာ်ကခုၣ်ထီၣ်က့ၤလီၤ.”
ဖဲလါမ့ၤ ၅ သီ, ၂၀၂၄ နံၣ်, ၅ နၣ်ရံၣ် ဒီး ၆ နၣ်ရံၣ် အဘၢၣ်ကဝီၤန့ၣ်, ပယီၤသုးကဘီယူၤ K8W ဒီး Mi-2 တဖၣ်လဲၤခးလီၤတၢ် လၢ ဧရှ--- သဝီ, ကျဲမုၢ်ထံးဟီၣ်ကဝီၤ, ကစၢၢ်ဒိၣ်ကီၢ်ဆၣ် န့ၣ်လီၤ. ဖဲလါမ့ၤ ၈ သီ, ၂၀၂၄ နံၣ်န့ၣ်, ပယီၤသုးကဘီယူၤ ဟဲခးလီၤကဒီးတၢ်ဖဲ ဧရှ--- သဝီ ဒီး မ့ၣ်ပိၢ်န့ၣ်လီၤတဲာ်ဝဲဖဲ ဖျၢၣ်ထူပျီကပၤန့ၣ်လီၤ. မ့ၢ်လၢအဘၣ်ဖဲ ဖိသၣ်တဖၣ်ထူဖျၢၣ်ထူ အဃိ ဘၣ်သံဝဲဖိသၣ် (၂) ဂၤလၢအမံၤမ့ၢ် မီၤခ--- သးနံၣ် (၁၆) နံၣ် ဒီး မီၤဂ--- သးနံၣ် (၁၆) နံၣ်န့ၣ်လီၤ. ဒီး မ့ၣ်ပိၢ်အက့ ဘၣ်ဒိစ့ၢ်ကီးဖိသၣ်အဂၤ (လၢတၢ်တသ့ၣ်ညါလီၤတံၢ်နီၣ်ဂံၢ်နီၣ်ဒွးဘၣ်) တဖၣ်န့ၣ်လီၤ. ဖဲ လါမ့ၤ ၁၀ သီ, ၂၀၂၄ နံၣ်စ့ၢ်ကီးပယီၤ သုးကဘီယူၤဟဲခးလီၤကဒီးတၢ်အသီတဘျီန့ၣ်လီၤ. ပယီၤသုးဟဲခးလီၤတၢ်ဒီးကဘီယူၤအံၤ ဘၣ်ဝဲကမျၢၢ်အဟံၣ်, တၢ်ဘူၣ် တၢ်ဘါအလီၢ်, ကၠိတၢ်မၤလိ ဒီး တၢ်ဖံးအီၣ်မၤအီၣ်အလီၢ်တဖၣ်ဟးဂီၤဝဲဒၣ်န့ၣ်လီၤ. ဒ်န့ၣ်အသိး ဖဲလါမ့ၤ ၈ သီ, ၂၀၂၄ နံၣ်အနံၤန့ၣ်, SAC ပယီၤသုး ကဘီယူၤ ဟဲတ့ၢ်လီၤစ့ၢ်ကီးမ့ၣ်ပိၢ်ဖဲ ဧအ--- သဝီ, ကစၢၢ်ဒိၣ်ကီၢ်ဆၣ် အပူၤ ဒီး ဘၣ်ဟးဂီၤ ဝဲတၢ်သူၣ်ထီၣ် ဒ်အမ့ၢ် တၢ်ဆါဟံၣ်, ဒီး ကၠိ သ့ၣ်တဖၣ်န့ၣ်လီၤ. ဒီး ဖဲဟါခီ ၅ နၣ်ရံၣ် ဒီး ၆ နၣ်ရံၣ် အဘၢၣ်စၢၤန့ၣ် SAC ပယီၤသုး ကဘီယူၤ K8W ဒီး Mi-2 ခံဘ့ၣ်အံၤလဲၤခးလီၤတၢ်လၢ ဧရှ--- သဝီ, ကျဲမုၢ်ထံးဟီၣ်ကဝီၤ, ကစၢၢ်ဒိၣ် ကီၢ်ဆၣ်, ဘျံးဒဝဲၢ်ကီၢ်ရ့ၣ်န့ၣ်လီၤ. ဒီး ဖဲလါမ့ၤထီၣ် ၁၀ သီန့ၣ်, အဝဲသ့ၣ်ဟဲခးလီၤကဒီးတၢ်လၢကဘီယူၤအသီတဘျီန့ၣ်လီၤ. ဒီးလၢ SAC ပယီၤသုး ကဘီယူၤအတၢ်ဟဲတ့ၢ်လီၤမ့ၣ်ပိၢ်အံၤ ဘၣ်ဟးဂီၤဝဲ ကမျၢၢ်အဟံၣ်, တၢ်ဘူၣ်တၢ်ဘါအလီၢ်, ကၠိ ဒီး တၢ်ဖံးအီၣ်မၤအီၣ်အလီၢ်တဖၣ်စ့ၢ်ကီးန့ၣ်လီၤ.
ဖဲလါယူၤ ၂၇ သီ, ၂၀၂၄ နံၣ်ဂီၤ ၁၀ နၣ်ရံၣ်ဆၢကတီၢ် ပယီၤသုးကဘီယူၤလၢအအိၣ်ဟဲန့ၣ်လၢ ဘျံးဝ့ၢ် လၢအမ့ၢ် ကဘီယူၤဒုးသုး K8W (၂) ဘ့ၣ်ဟဲတ့ၢ်လီၤဝဲမ့ၣ်ပိၢ်ဆူ ဧည--- သဝီ, တကဲးကရူၢ်, တနီသရံၣ်ကီၢ်ဆၣ်, ဘျံး-ဒဝဲၣ်ကီၢ်ရ့ၣ် ပူၤန့ၣ်လီၤ. ဒီး လၢတၢ်တ့ၢ်လီၤမ့ၣ်ပိၢ်အံၤဘၣ်ဟးဂီၤဝဲ သဝီဖိအဟံၣ် (၁) ဖျၢၣ်န့ၣ်လီၤ. ဒီးဖဲမ့ၣ်ပိၢ်လီၤတဲာ်ဘၣ်ဟံၣ်အဆၢ ကတီၢ် ဘၣ်လၢဟံၣ်ကစၢ်လဲၤပိာ်စိၢ်အဖိလၢကၠိအဃိသတးဒီးတဘၣ်ဒိဘၣ်ထံးအဝဲသ့ၣ်နီတဂၤဘၣ်န့ၣ်လီၤ. မ့မ့ၢ် ကဘီယူၤခံ ဘ့ၣ်တဘ့ၣ်တခီ လဲၤခးလီၤဝဲတၢ်ဖဲ မံၤကၤဝ့ၣ် (မီကာဝေ့) ခီဖနံၣ် အဆၢကတီၢ် စံၤအိ (ဆီအုန်း) ပှၤမၤတၢ်ဖိ ဘၣ်ဒိ (၂) ဂၤန့ၣ်လၢအမ့ၢ် မီၤဃ--- သးနံၣ် (၂၀) နံၣ် ဒီး အူင--- သးနံၣ် (၄၃) နံၣ် မ့ၣ်ပိၢ်အက့ဘၣ်အဝဲသ့ၣ်ဖဲအပျိၢ်ခိၣ်န့ၣ်လီၤ. မ့ၣ်ပိၢ်လၢအတပိၢ်ဖးထီၣ်ဘၣ်အိၣ်စ့ၢ်ကီး (၁) ဖျၢၣ်န့ၣ်လီၤ.
ဖဲလါအီကူး ၈ သီ, ၂၀၂၄ နံၣ်, မုၢ်ဃ့ၢ်လီၤ ၁း၄၅ မံးနံးအဆၢကတီၢ် ပယီၤကဘီယူၤဒုးသုးလၢ ဘျံး (မြိတ်) ဝ့ၢ်တဘ့ၣ် ဟဲကွံာ်လီၤမ့ၣ်ပိၢ် (၆) ဖျၢၣ် ဖဲ ဧတ--- သဝီပူၤ, တကဲး (သကျက်) ကရူၢ်, တနီသရံၣ်ကီၢ်ဆၣ်, ဘျံး-ဒဝဲၢ်ကီၢ်ရ့ၣ် ဖဲ ကညီဒီကလုာ်စၢဖှိၣ်ကရၢ (KNU) ကီၢ်ဆၣ်ရူအိၣ်သူၣ်လီၤသးအလီၢ်န့ၣ်လီၤ. လၢကဘီယူၤတၢ်ဟဲခးလီၤတၢ်ဘျီဝဲအံၤ ဘၣ်ဟးဂီၤသဝီ ဖိအဟံၣ် (၁) ဖျၢၣ် ဒီး ဘၣ်ဒိသဝီဖိ (၂) ဂၤလၢအမ့ၢ် စီၤစ---, သးနံၣ် (၂၄) နံၣ် ဒီး စီၤဆ---, သးနံၣ် (၇၂) နံၣ်န့ၣ်လီၤ. ဖဲ ၂း၀၉ မံးနံးအဆၢကတီၢ် မ့ၣ်ပိၢ်လီၤတဲာ်ပိၢ်ဖးထီၣ်ဖဲကၠိ ဒီးတၢ်ဂဲၤလိာ်ကွဲဖျၢၣ်ထူပျီလၢအအိၣ်ဖဲ အစ--- သဝီအပူၤအဃိ ကၠိ ဒီး တၢ်ဂဲၤလိာ်ကွဲဖျၢၣ်ထူပျီ အံၤဟးဂီၤကွံာ်ဝဲန့ၣ်လီၤ.
ဒ်န့ၣ်အသိး ဖဲလါအီကူး ၁၅ သီ, ၂၀၂၄ နံၣ်, ဟါ ၁း၃၃ မံးနံးအဆၢကတီၢ်န့ၣ်, ပယီၤကဘီယူၤဟဲတ့ၢ်လီၤမ့ၣ်ပိၢ်ဖဲ ဧတ---သဝီ ဒီး ဧထ--- သဝီ, တကဲးကရူၢ်, တနီသရံၣ်ကီၢ်ဆၣ်, ဘျံး-ဒဝဲၢ်ကီၢ်ရ့ၣ် တၢ်လီၢ် (၂) တီၤအံၤန့ၣ်လီၤ. ကဘီယူၤခးလီၤဝဲကျိဖးဒိၣ် (၄) ဖျၢၣ်, ပိၢ်ဖးထီၣ် (၃) ဖျၢၣ် ဒီး တပိၢ်ဖးထီၣ်ဘၣ် (၅၀၀ ပီၢ်) မ့ၣ်ပိၢ် (၁) ဖျၢၣ်န့ၣ်လီၤ. လၢကဘီယူၤတၢ်ခးလီၤတၢ်အံၤအဃိ အက--- သဝီ, အခ--- သဝီ, ဒီး အဂ--- သဝီသ့ၣ်တဖၣ်ဘၣ်ဃ့ၢ်အိၣ်ကမှံဝဲန့ၣ်လီၤ.
ဒူသဝီသ့ၣ်တဖၣ်လၢအအိၣ်ဖဲ တကဲးဟီၣ်ကဝီၤပူၤ, တနီသရံၣ်ကီၢ်ဆၣ် ပူၤလၢဘၣ်ဃ့ၢ်မှံဟးဖျိးသ့ၣ်တဖၣ်နီၣ်ဂံၢ်စရီ
|
ဟံၣ်ခိၣ် |
ဟံၣ်ခိၣ် |
|
သဝီမံၤ |
သဝီမံၤ |
|
(၁) နံၣ် တုၤ (၁၅) နံၣ် |
(၁) နံၣ် တုၤ (၁၅) နံၣ် |
|
(၁၆) နံၣ်ဆူအဖီခိၣ် |
(၁၆) နံၣ်ဆူအဖီခိၣ် |
|
ခဲလၢာ်ပာ်ဖှိၣ် |
ခဲလၢာ်ပာ်ဖှိၣ် |
|
ဟံၣ်ခိၣ် |
မုၣ် |
|
သဝီမံၤ |
ခွါ |
|
(၁) နံၣ် တုၤ (၁၅) နံၣ် |
မုၣ် |
|
(၁၆) နံၣ်ဆူအဖီခိၣ် |
ခွါ |
|
ခဲလၢာ်ပာ်ဖှိၣ် |
မုၣ် |
|
ခွါ |
|
ဟံၣ်ခိၣ် |
၁၅၈ |
|
သဝီမံၤ |
အက--- သဝီ |
|
(၁) နံၣ် တုၤ (၁၅) နံၣ် |
၁၃၂ |
|
(၁၆) နံၣ်ဆူအဖီခိၣ် |
၁၄၅ |
|
ခဲလၢာ်ပာ်ဖှိၣ် |
၂၂၉ |
|
၂၅၆ | |
|
၃၆၇ | |
|
၄၀၁ |
|
ဟံၣ်ခိၣ် |
၂၂၂ |
|
သဝီမံၤ |
အခ--- သဝီ |
|
(၁) နံၣ် တုၤ (၁၅) နံၣ် |
၁၈၁ |
|
(၁၆) နံၣ်ဆူအဖီခိၣ် |
၁၈၁ |
|
ခဲလၢာ်ပာ်ဖှိၣ် |
၃၂၅ |
|
၃၇၅ | |
|
၅၀၆ | |
|
၅၅၆ |
|
ဟံၣ်ခိၣ် |
၁၂၀ |
|
သဝီမံၤ |
အဂ--- သဝီ |
|
(၁) နံၣ် တုၤ (၁၅) နံၣ် |
၇၂ |
|
(၁၆) နံၣ်ဆူအဖီခိၣ် |
၇၂ |
|
ခဲလၢာ်ပာ်ဖှိၣ် |
၂၂၀ |
|
၂၀၈ | |
|
၂၉၂ | |
|
၂၈၀ |
|
ဟံၣ်ခိၣ် |
သဝီမံၤ |
(၁) နံၣ် တုၤ (၁၅) နံၣ် |
(၁၆) နံၣ်ဆူအဖီခိၣ် |
ခဲလၢာ်ပာ်ဖှိၣ် |
|||
|
မုၣ် |
ခွါ |
မုၣ် |
ခွါ |
မုၣ် |
ခွါ |
||
|
၁၅၈ |
အက--- သဝီ |
၁၃၂ |
၁၄၅ |
၂၂၉ |
၂၅၆ |
၃၆၇ |
၄၀၁ |
|
၂၂၂ |
အခ--- သဝီ |
၁၈၁ |
၁၈၁ |
၃၂၅ |
၃၇၅ |
၅၀၆ |
၅၅၆ |
|
၁၂၀ |
အဂ--- သဝီ |
၇၂ |
၇၂ |
၂၂၀ |
၂၀၈ |
၂၉၂ |
၂၈၀ |
ဖဲလါစဲးပထ့ဘၢၣ် ၁၁ သီ, ၂၀၂၄ နံၣ်, ဖဲ ၁၀း၃၀ မံးနံးအဆၢကတီၢ်န့ၣ်ပယီၤသုးခီၣ်သုးရ့ၣ် (ခလရ-၅၆၁) သ့ၣ်တဖၣ် ကွံာ်လီၤတၢ်ဒီးဒြိ (drone) ဖဲသဝီလၢအဘူးဒီး ဧည--- သဝီတဖၣ်န့ၣ်လီၤ.လၢပယီၤသုးအတၢ်ဟဲကွံာ်လီၤတၢ်ဒီးဒြိအံၤအဃိ ဘၣ်သံဝဲ ပှၤသဝီဖိ (၄) ဂၤလၢအမံၤမ့ၢ် ဒီၤရှ--- , သးနံၣ် (၅၇) နံၣ်, ဒီၤည--- , သးနံၣ် (၇၀) နံၣ်, မၣ်တ--- , သးနံၣ် (၁၈) နံၣ် ဒီး မီၤထ--- , သးနံၣ် (၂၁) နံၣ် န့ၣ်လီၤ. ပှၤလၢအသံ (၄) ဂၤအံၤ သံဝဲတဘျီဃီဖဲတၢ်ကဲထီၣ်သးအလီၢ်န့ၣ်တဂၤ ဒီး ဒ်ဒူသဝီ ပှၤမၤတၢ်ကသံၣ်သရၣ်မုၣ်ဒီး KDHW ပှၤမၤတၢ်ဖိကသံၣ်သရၣ်တဂၤ ပာ်ဖျါထီၣ်ဝဲအသိး အဝဲတဂၤန့ၣ်သံဖဲ ၁၁ နၣ်ရံၣ် ဒီးလၢအဝဲခံဂၤ န့ၣ်သံဝဲဖဲမုၢ်ဃ့ၢ်လီၤ ၂ နၣ်ရံၣ်အဆၢကတီၢ်န့ၣ်လီၤ. ဒီးဘၣ်ဒိစ့ၢ်ကီးသဝီဖိလၢတၢ်တသ့ၣ်ညါအမံၤ (၃) ဂၤန့ၣ်လီၤ. ဒ်ပှၤလၢ ဘၣ်သံဒီးဒြိတဂၤလၢအမံၤမ့ၢ် မီၤထ--- အပၢ်လၢအမံၤမ့ၢ်အူန---, သးနံၣ် (၄၅) နံၣ် တဂၤပာ်ဖျါထီၣ်အသး တၢ်တူၢ်ဘၣ်အသိး “ပဟံၣ်ဖိဃီဖိသ့ၣ်တဖၣ်ဘၣ်လၢပမၤတၢ်မၤလၢကျီးပူၤအဆၢကတီၢ်ဒီး အဝဲတဲပှၤလၢအကလဲၤတံာ်ခိၣ်ဆူၣ် အဃိအဝဲလဲၤထီၣ်တၢ်ချၢလီၤ. ဘၣ်ဖဲ ၁၀း၃၀ မံးနံးဃၣ်ဃၣ်န့ၣ်ပနၢ်ဟူ မ့ၣ်ပိၢ်ပိၢ်ဖးထီၣ်ဒီး ယံာ်ဝဲ ၂၀ မံးနံးဝံၤအလီၢ်ခံ ပသကိးဖိတဂၤဟဲတဲဘၣ်ယၤလၢ “နဖိခွါဘၣ်ဒိဒီးမ့ၣ်ပိၢ်လံ” ယနၢ်ဟူတဘျီဃီယမဲာ်ထံလီၤဒီး ဖဲလၢယကိးအမိဝံၤပလဲၤ ဃီၤဆူအအိၣ်ဆၢကတီၢ် ဘၣ်တၢ်ဆှၢအီၤဆူ အရှ---တၢ်ဟ့ၣ်ကသံၣ်ဒၢးန့ၣ်လီၤ. ပနၢ်ဟူဘၣ်လၢအဘၣ်ဒိဖဲ အခီၣ်နးနးကျံးကျံး အဃိဘၣ်တၢ်လဲၤဆှၢ အီၤဆူ KDHW တၢ်ဆါဟံၣ်လၢအအိၣ်ဖဲ အဃ--- သဝီ န့ၣ်ဒီးဖဲအလဲၤလၢကျဲဆၢကတီၢ် အသးဟး ထီၣ်လီၤ. ခီဖျိလၢအမ့ၢ် ယဖိခွါဒိၣ်တ ဂၤအဃိယသးဆံးဒိၣ်မးလီၤ. ဘၣ်မနုၤဃိလဲၣ်န့ၣ်ဖဲလၢအအိၣ်မူဒံးဆၢကတီၢ် အမၤစၢၤ ပှၤတၢ်လၢကျီးပူၤအဃိ ပတၢ်မၤလဲၤသးဘၣ်ဂ့ၢ်ဘၣ်ဝီဒိၣ်မး... ဘၣ်ဆၣ်ခဲအံၤမ့ၢ်လၢအတအိၣ်လၢၤဘၣ်အဃိ ကဲထီၣ်တၢ်လီၤဘှံး လီၤတီၤဒိၣ်မးလီၤ. လၢန့ၣ်အမဲာ်ညါ, ယဖိခွါလၢအတၢ်ကမၣ်တအိၣ်နီတမံၤဘၣ်တဂၤအံၤ ဘၣ်သံခီလီကွံာ် လၢ SAC အစုအတၢ်မၤအဃိမ့ၢ်တၢ်လၢ အလီၤသးဘၣ်ဒိလၢပဂီၢ်ဒိၣ်မးလီၤ. မ့မ့ၢ်အမိန့ၣ်တူၢ်ဘၣ်ဝဲနး တုာ်ဒၣ်လဲာ်ဘူးကသံ ဘၣ်မးအသး ဒီးအီၣ်မ့ၤဒၣ်လဲာ်တနုာ်လၢၤ ဘၣ်. ပတၢ်မုၢ်လၢ်ကွၢ်စိစ့ၢ်ကီးဘၣ်လီၤမၢ်ကွံာ်ဝဲ...ဒီးပစ့အိၣ်ဒၣ်ထဲပဘူးတံၢ်လၢ အင--- သဝီတဖၣ်ဟ့ၣ်မၤစၢၤ ပှၤ ၂၀၀,၀၀၀ ကၠးန့ၣ်လီၤ.”
မ့မ့ၢ်လၢမၣ်တ--- အပါလၢအမံၤမ့ၢ် အူပ--- သးနံၣ် (၄၂) နံၣ်တဂၤစံးဝဲ “ဖဲဒြိဟဲကွံာ်လီၤတၢ်အဆၢကတီၢ် ယဖိမုၣ်က့ၤထီၣ်စံၣ် လၢဟံၣ်ဖီခိၣ်အဃိမ့ၣ်ပိၢ်အက့ ဘၣ်ဖဲအနၢ်ကုဒီးကိာ်ဘိကဆူးအဃိ အဝဲလီၤဃံၢ်ဝဲလီၤ. ဖဲဒြိဟဲကွံာ်လီၤတၢ်ဆၢကတီၢ် ဘၣ်လၢပဆ့ၣ်နီၤတဲသကိးတၢ်ဒီး ယဖိမုၣ်ဂဲၤထၢၣ်ဃ့ၢ်ဆၢကတီၢ် ပတနီၣ်ပာ်သူၣ်ပာ်သးနီတဂၤဘၣ်. ပဆိကမိၣ်စ့ၢ်ကီးလၢ တဘၣ်တၢ်နီတမံၤဘၣ်ဘၣ်ဆၣ်ဖဲယထံၣ်လၢယဖိမုၣ်လီၤဃံၢ်အခါယကိးအီၤ ‘ဖိမုၣ်... ဖိမုၣ်...’ အဝဲတကိးဆၢယၤဘၣ်အဃိ ပလဲၤဆှၢအီၤလၢအဆ--- တၢ်ဟ့ၣ်ကသံၣ်ဒၢး ဒီးဖဲပလဲၤတုၤတၢ်ဆါဟံၣ်န့ၣ် အသးဟးထီၣ်ကွံာ်ဖဲန့ၣ်လီၤ.”
မၣ်တ--- တဲအါထီၣ်ဝဲလၢ “ဖဲပှၤမ့သံကွၢ်ပှၤလၢနတူၢ်ဘၣ်ဒ်လဲၣ်န့ၣ် ခီဖျိလၢယဖိမုၣ်အံၤမ့ၢ်ပှၤကၠိဖိတဂၤအဃိ ပသးဘၣ်ဒိဒိၣ်မး လီၤ. တၢ်ဆိကမိၣ်ဟဲနုာ်လီၤစ့ၢ်ကီးလၢယခိၣ်နူာ်ပူၤလၢ ယမ့ၢ်လဲၤပာ်ယဖိမုၣ်ကၠိလၢအယံၤဒု တမ့ၢ်အကဘၣ်သံဒ်အံၤဘၣ်. ယကမၣ်တ့ၢ်ဒိၣ်မးလီၤ. ယကြၢးလဲၤပာ်ယဖိမုၣ်လၢအယံၤလီၤ. ခဲအံၤမ့ၢ်လၢယတလဲၤပာ်ဘၣ်အီၤလၢအယံၤဘၣ်အဃိ အဝဲဘၣ် သံကလီကွံာ်ဒ်အံၤလီၤ. လၢတၢ်န့ၣ်အဃိ, ယအဲၣ်ဒိးဃ့ကညးဘၣ်ပှၤဘၣ်မူဘၣ်ဒါလၢထံဂုာ်ကီၢ်ဂၤသ့ၣ်တဖၣ်အအိၣ်လၢ ကစံၣ်ညီၣ်န့ၢ်ပှၤ SAC ခီၣ်သုးရ့ၣ် (နီၣ်ဂံၢ်- ၅၆၁), လၢအဟဲကွံာ်လီၤမ့ၣ်ပိၢ်လၢဒြိတဖုအံၤ ဒ်တၢ်စံၣ်ညီၣ်လၢအကြၢးဝဲဘၣ်ဝဲဒီး အဝဲသ့ၣ်အသိးလီၤ. အခဲအံၤန့ၣ်, ပဘၣ်လီၤမၢ်ကွံာ်ပဖိမုၣ်လၢအအိၣ်ထဲတဂၤဧိၤအံၤအဃိ ယသးအိၣ်ဃ့ထီၣ်တၢ်မၤစၢၤဒ်အံၤလီၤ.”
ဒ်န့ၣ်အသိး အူဖ--- လၢအမါ ဒီၤည--- သံကွံာ်ခီဖျိတၢ်ကွံာ်လီၤတၢ်လၢဒြိတဂၤအံၤ ပာ်ဖျါထီၣ်စ့ၢ်ကီးဝဲလၢ “ဖဲဒြိဟဲကွံာ် လီၤတၢ် အဆၢကတီၢ်ဘၣ်လၢယမါဆ့ၣ်နီၤဖဲကျးပူၤ ဒီးဟးထီၣ်လၢတၢ်ချၢအခါဘၣ်န့ၢ်အတီၤလၢတၢ်ပိၢ်ဖးထီၣ်အဃိအဝဲ ဘၣ်ဒိဒီးသံဝဲ ဖဲတၢ်ကဲထီၣ်သးအလီၢ်တဘျီဃီန့ၣ်လီၤ. ခီဖျိလၢယမါသံကွံာ်အဃိယတူၢ်ဘၣ်တုာ်ဒၣ်လဲာ်ယသးကသ့ၣ်ဖး ဘၣ်မးအသးလီၤ. ပမ့ၢ်တၢၣ်ပီၣ်တၢၣ်ပီသကိးလိာ်သးတၢ်န့ၣ်အိၣ်ဒၣ်ပဒီမါဝၤခံဂၤအံၤလီၤ. ခဲအံၤဒုယတၢ်မုၢ်လၢ်လၢခါဆူ ညါအဂီၢ်ဟါမၢ်ကွံာ်လၢၤ လံ. တၢ်အိၣ်သးဒ်အံၤတခါအံၤယအဲၣ်ဒိးလၢကဝံၤလံ. ဘၣ်မနုၤဃိလဲၣ်န့ၣ်ယတအဲၣ်ဒိးထံၣ်ဘၣ် ဟံၣ်ဖိဃီဖိအဂၤသ့ၣ်တဖၣ် ကတူၢ်ဘၣ်တၢ်လီၤမၢ်ဒ်ယတူၢ်ဘၣ်အံၤအသိးဘၣ်. ယအဲၣ်ဒိးလၢအဝဲသ့ၣ်ဟံၣ်ဖိဃီဖိကအိၣ်ဘၣ်လၢတၢ်အဲၣ်တၢ်ကွံအပူၤ မုာ်မုာ်ခုၣ်ခုၣ်လီၤ. ဝံၤဒီးယတအဲၣ်ဒိးလၢအဝဲသ့ၣ်မုၢ် ကျိၤဝဲၤကွာ်ကလီၤမၢ်ဘၣ် ဒီး ယတအဲၣ်ဒိးစ့ၢ်ကီးလၢ အဝဲသ့ၣ်အတၢ်အိၣ်မူ ခွဲးယာ်ကလီၤမၢ်ကွံာ်ဘၣ်. အခဲအံၤယကဘၣ် ကဟုကယာ်က့ၤယဖိလၢအအိၣ်တ့ၢ်က့ၤလီၢ်ခံဒီးယၤတဖၣ်အံၤလီၤ. ယပျံၤထဲလၢ အဝဲသ့ၣ်ကသံကွၢ်ယၤအမိၢ် ဒီး ယကဘၣ်တဲဆၢက့ၤအဝဲသ့ၣ်ဒ်လဲၣ်လီၤ.” တၢ်ကစီၣ်တခါအံၤဘၣ်ဃးဝဲဒၣ်ဒီး ခီၣ်သုးရ့ၣ် (နီၣ်ဂံၢ်- ၅၆၁) အတၢ်ကွံာ်လီၤဒြိအဃိ ဘၣ်ဟးဂီၤဝဲသဝီဖိအဟံၣ်ဒီး ဘၣ်သံဝဲသဝီဖိတဖၣ်န့ၣ်လီၤ. လၢအဝဲသ့ၣ်ဟဲကွံာ်လီၤ တၢ်လၢဒြိအံၤမ့ၢ်လၢ (PDF, KTLA, KNU) သုးသ့ၣ်တဖၣ်ဟဲတုၤဖဲ သဝီအလီၢ်ခံအဃိန့ၣ်လီၤ. အဝဲသ့ၣ်ခးလီၤတၢ်အံၤကြၢးလၢ ကဘၣ်ခးလီၤ အဒုၣ်အဒါဘၣ်ဆၣ်ခးလီၤတၢ်အံၤဘၣ်ဒိက့ၤလၢပှၤသဝီဖိန့ၣ်လီၤ.
လၢ SAC ပယီၤသုးအကဘီယူၤဒီး ဒြိ ဟဲတ့ၢ်လီၤမ့ၣ်ပိၢ်ဒ်အံၤအဃိ, သဝီဖိလၢအအိၣ်ဖဲ တၢ်ကဲထီၣ်သးအလီၢ်ဒီး လၢအအိၣ်ဆိး ဘူးဒီးတၢ်ကဲထီၣ်သးအလီၢ်သ့ၣ်တဖၣ် ဘၣ်ပျံၤဘၣ်ဖုးဝဲလၢပယီၤသုးကဘီယူၤဒုးသုးက ဟဲကွံာ်လီၤ ကဒီးတၢ်အသီတဘျီ ကဒီးအဃိ လၢသးသမူၤတၢ်ပူၤဖျဲးအဂီၢ် တနီၤခူၣ်ပာ်ဝဲတၢ်ပူၤလၢကအိၣ်သဒၢအသးအဂီၢ်, တနီၤဃ့ၢ်ဆူသဝီလၢအယံၤဒီး အတၢ်အိၣ်တၢ်ဆိးလီၢ်, တနီၤဃ့ၢ်ဆူပှၢ်ပူၤ ဒီး တနီၤဃ့ၢ်ဆူဝ့ၢ်ပူၤန့ၣ်လီၤ. သဝီဖိတနီၤ ဖဲအဝဲသ့ၣ်ဃ့ၢ်အဆၢကတီၢ် စိာ်တၢ်တချုး နီတမံၤ ဒီး တၢ်အီၣ်တၢ်အီ ဒီး တၢ်ကူတၢ်သိးစ့ၢ်ကီးတပၣ်ဘၣ်အိၣ်ဝဲန့ၣ်လီၤ.
တၢ်ဂီၤတဖၣ်အံၤ ဘၣ်တၢ်ဒိန့ၢ်အီၤ ဖဲလါမးရှး ၂၀၂၄ နံၣ် န့ၣ်လီၤ. တၢ်ဂီၤအံၤပာ်ဖျါထီၣ်ဝဲ ဖဲလါဖ့ၤဘြူၤအါရံၤ ၂၅ သီ ဒီး ၂၆ သီ, ၂၀၂၄ နံၣ်အနံၤန့ၣ်, မ့ၢ်လၢတၢ်ဒုးကဲထီၣ်လၢ KNLA သုးရ့ၣ် (နီၣ်ဂံၢ်-၂၇, ၁၂) ဒီး အသုးပာ်ဖှိၣ်တဖၣ် ဒီး SAC ပယီၤသုးအဃိ, SAC ပယီၤသုး အကဘီယူၤဟဲခးလီၤတၢ်ဖဲ ဧဒ--- သဝီန့ၣ်လီၤ. တၢ်ဂီၤလၢအဖီခိၣ်အစ့ၣ်တဘ့ၣ်န့ၣ်ပာ်ဖျါထီၣ်ဝဲ သဝီဖိအဟံၣ်အူအီၣ်ထီၣ်ကွံာ်တဖျၢၣ်န့ၣ်အလီၢ်, အထွဲတဘ့ၣ်န့ၣ်တခီပာ်ဖျါ ထီၣ်သဝီဖိအတၢ်ဖံးအီၣ်မၤအီၣ်လီၢ်ဟးဂီၤ ခီဖျိ SAC ပယီၤသုးအကဘီယူၤဟဲခးလီၤတၢ်အံၤ အဃိန့ၣ်လီၤ. (တၢ်ဂီၤ- KHRG)
တၢ်ဂီၤတဖၣ်အံၤ ဘၣ်တၢ်ဒိန့ၢ်အီၤ ဖဲလါယူၤလံ ၂၀၂၄ နံၣ်န့ၣ်လီၤ. တၢ်ဂီၤအံၤပာ်ဖျါထီၣ်ဝဲ ဒူသဝီတၢ်သူၣ်ထီၣ်လၢအမ့ၢ်ကၠိ ဒီး တၢ်ဆါဟံၣ် ဟးဂီၤခီဖျိ SAC ပယီၤသုးကဘီ ယူၤလၢအမ့ၢ် K8W ဒီး Mi-2 ခံဘ့ၣ်ဟဲခးလီၤတၢ်ဖဲ ဧရှ--- သဝီ, ကျဲမုၢ်ထံးဟီၣ်ကဝီၤ, ကစၢၢ်ဒိၣ်ကီၢ်ဆၣ်, ဘျံးဒဝဲၢ်ကီၢ်ရ့ၣ်ပူၤ ဖဲလါမ့ၤ ၈ သီ, ၂၀၂၄ နံၣ် အနံၤအဃိန့ၣ်လီၤ. (တၢ်ဂီၤ- KHRG)
Footnotes:
[1] တၢ်ဂ့ၢ်တၢ်ကျိၤလၢ လံာ်ပာ်ဖျါတဘ့ၣ်အံၤအပူၤန့ၣ် တၢ်ဒိးန့ၢ်ဘၣ်အီၤဖဲ လါဖ့ၤဘြူၤအါရံၤ တုၤ လါနိၣ်ဝ့ဘၢၣ် အဘၢၣ်စၢၤန့ၣ်လီၤ. ဘၣ်တၢ်ဆှၢဟ့ၣ်ထီၣ်အီၤ လၢလီၢ်ကဝီၤၦၤမၤသကိးတၢ်တဖၣ် ဖဲ ဘျံးဒဝဲၢ်ကီၢ်ရ့ၣ်အပူၤ လၢအဘၣ်တၢ်သိၣ်လိအီၤ လၢကညီဂ့ၢ်ဝီခွဲးယာ်ကရူၢ် (KHRG) လၢကမၤနီၣ်မၤဃါတၢ်မၤ ဘၣ်ဒိၦၤဟီၣ်ခိၣ်ဖိခွဲးယာ်အတၢ်အိၣ်သးတဖၣ်ဖဲလီၢ်ကဝီၤပူၤန့ၣ်လီၤ. ၦၤတူၢ်ဘၣ်တၢ်တဖၣ်အမံၤ, တၢ်ဂီၤဒီး အိၣ်ဆိးလီၢ်ကျဲ လီၤတံၢ်လီၤဆဲးတဖၣ်န့ၣ် တၢ်မၤလီၤဘၢအီၤလၢအဝဲနီၢ်ကစၢ်တၢ်ဘံၣ်တၢ်ဘၢအဂီၢ်န့ၣ်လီၤ. တၢ်ဂ့ၢ်တၢ်ကျိၤလၢ တၢ်ကွဲးၡဲပၠးအါထီၣ်အီၤ ဖဲပနိကဝီၤအပူၤန့ၣ် မ့ၢ်ဝဲဒၣ် KHRG အတၢ်ကွဲးၡဲ ထီၣ်တၢ်ဂ့ၢ်တၢ်ကျိၤန့ၣ်လီၤ.
Print:Print:
