တၢ်ကဲထီၣ်သးအကလုာ်

ဟီၣ်လာ်မ့ၣ်ပိၢ်တၢ်ဘၣ်ဒိဘၣ်ထံးကဲထီၣ်သး

တၢ်ကဲထီၣ်သးမုၢ်နံၤမုၢ်သီ

လါဖ့ၤဘြူၤအါရံၤ ၁၆သီ, ၂၀၂၃နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ဟ---သဝီ, မဲၢ်ကျီကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤ ယ---

နီၢ်ဝ---

သးနံၣ်

၅၅

၃၂

မုၣ်/ ခွါ

ခွါ

မုၣ်

ကလုာ်

ကညီ

ကညီ

ဟံၣ်ဖိဃီဖိ အိၣ် / တအိၣ်   

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

မၤအီၣ်ကျီး

ဒိးလဲဆှုၣ်တၢ်

တၢ်ဘူၣ်တၢ်ဘါ

ဘူးဒး

ဘူးဒး

တၢ်ဟံမူဒါ/ လီၢ်လၤ

သဝီဖိ

သဝီဖိ

အိၣ်ဆိးဒူသဝီ

ဟ---သဝီ, မဲၢ်ကျီကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်

ဟ---သဝီ, မဲၢ်ကျီကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/သုးရ့ၣ်/သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) သုးရ့ၣ် (၁၅)

ဒွဲၣ်လိ ဒီးလူၢ်သီ ကီၢ်ဆၣ်

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ပျီပူၤပှၤမၤနီၣ်မၤဃါတၢ်မၤဘၣ်ဒိပှၤဂ့ၢ်ဝီခွဲးယာ် သ့ၣ်ညါဘၣ်တၢ်ကဲထီၣ်သးတခါအံၤလၢ ဟ---သဝီဖိတဂၤအအိၣ် ဒီးသဝီဖိ တဂၤအံၤ မ့ၢ်ပှၤလၢအလဲၤအိၣ်သကိးဘၣ်ဝဲပှၤတူၢ်ဘၣ်တၢ် (၂) ဂၤအံၤလၢတၢ်ဆါဟံၣ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

တၢ်ဂ့ၢ်အခီၣ်ထံးခီၣ်ဘိ (သဝီဖိလၢတၢ်မၤတၢ်ထံၣ်လိာ်သံကွၢ်တၢ်ဒီးအီၤတဂၤအံၤ) မၤလီၤတံၢ်ဝဲတၢ်ဂ့ၢ်တၢ်ကျိၤသ့ၣ်တဖၣ်အံၤ ခီဖျိအတၢ်လဲၤထံၣ်လိာ်အိၣ်သကိးဘၣ်ဝဲဒီး ဟီၣ်လာ်မ့ၣ်ပိၢ်ပှၤတူၢ်ဘၣ်တၢ် (၂)ဂၤအံၤလၢတၢ်ဆါဟံၣ်အဃိ ဒိးန့ၢ်ဘၣ်ဝဲ တၢ်အုၣ် သးတၢ်ပာ်ဖျါလၢ ပှၤတူၢ်ဘၣ်တၢ်သ့ၣ်တဖၣ်အံၤအနီၢ်ကစၢ်အိၣ်လိၤလိၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါဖ့ၤဘြူၤအါရံၤ ၁၆သီ, ၂၀၂၃နံၣ် ဂီၤခီ ၉း၀၀ နၣ်ရံၣ်အဆၢကတီၢ်န့ၣ် သဝီဖိ ဒီဖိပၢ် (၂)ဂၤလၢအအိၣ်ဖဲ ဟ---သဝီ, မဲၢ်ကျီကရူၢ်, ဘုသိၣ်ကီၢ်ဆၣ်, မုၢ်တြီၢ်ကီၢ်ရ့ၣ်အပူၤအံၤ လဲၤကျီဝၣ်လၢ ကကရၢၢ်ထီၣ်က့ၤ အတၢ်ဖံးအီၣ်မၤအီၣ်လီၢ်အဂီၢ်န့ၣ်လီၤ. ဖဲလၢအဝဲသ့ၣ်လဲၤဃီၤလၢတၢ်လီၢ်တတီၤ လၢကကျီဝၣ်ဂီၢ်အခါ စီၤယ--- (သးနံၣ် ၅၅နံၣ်) ယီၢ်ဘၣ်ဟီၣ်လာ်မ့ၣ်ပိၢ်တဖျၢၣ် အဃိ အခီၣ်ဘၣ်ဒိ (ဒီးဘၣ်ဒီၣ်တဲာ်ကွံာ်ဝဲဒၣ်) န့ၣ်လီၤ. တၢ်ကဲထီၣ်သးဝံၤတဘျီဃီ ဖဲစီၤ ယ--- အဖိမုၣ် နီၢ်ဝ--- (သးနံၣ် ၃၂ နံၣ်) ကလဲၤမၤစၢၤအီၤအခါ အဖိမုၣ်ယီၢ်ဘၣ်စ့ၢ်ကီး ဟီၣ်လာ်မ့ၣ်ပိၢ်တဖျၢၣ်အဃိ အခီၣ်ခံကပၤလၢၤ ဘၣ်ဒိနးနးကလဲာ် တုၤဒၣ် လဲာ်သီၣ်တဲာ်ကွံာ်ခံကပၤလၢာ်န့ၣ်လီၤ.

ဟ---သဝီဖိသ့ၣ်တဖၣ် သ့ၣ်ညါထွဲဝဲတၢ်ကဲထီၣ်သးအံၤ မ့ၢ်လၢအဝဲသ့ၣ် နၢ်ဟူဟီၣ်လာ်မ့ၣ်ပိၢ် ပိၢ်ဖးထီၣ်သီၣ်အဃိ ဒီးအဝဲ သ့ၣ် လူၤဆဲးကျိးဝဲသဝီဖိအဂၤလၢအအိၣ်ဘူးဒီးတၢ်ကဲထီၣ်သးလီၢ်သ့ၣ်တဖၣ် ဃုာ်ဒီးလီၢ်ကဝီၤ ကညီဒီကလုာ်စၢဖှိၣ်ကရၢ (KNU) ခိၣ်နၢ်သ့ၣ်တဖၣ်န့ၣ်လီၤ. တၢ်သ့ၣ်ညါထွဲတၢ်ကဲထီၣ်သးဒ်အံၤဝံၤအလီၢ်ခံ လီၢ်ကဝီၤ KNU ခိၣ်နၢ်သ့ၣ်တဖၣ်  ဒီး ဟ---သဝီဖိတနီၤ လဲၤဆူတၢ်ကဲထီၣ်သးလီၢ် လၢအဘူးဒီးသဝီတတီၤအံၤ ဒီးဟဲက့ၤစိာ်က့ၤ ပှၤတူၢ်ဘၣ်တၢ်သဝီဖိလၢအဘၣ်ဒိ (၂) ဂၤအံၤ ဆူသဝီပူၤန့ၣ်လီၤ.  ဝံၤအလီၢ်ခံ သဝီဖိသ့ၣ်တဖၣ် လဲၤဆှၢပှၤတူၢ်ဘၣ်တၢ် (၂) ဂၤအံၤဆူ တၢ်ဆါဟံၣ် လၢဖၣ်ပူၣ်ဝ့ၢ်ပူၤ ဒီး မ့ၢ်တၢ်ဆါဟံၣ်လၢအအိၣ်လၢ ပယီၤသုး ထံကီၢ်တၢ်ပၢတၢ်ပြးကီၢ်ကးကရၢ (SAC) တၢ်ပၢဆှၢရဲၣ်ကျဲၤအဖီလာ်န့ၣ်လီၤ. ပှၤတူၢ် ဘၣ်တၢ်အကျါတဂၤ ပာ်ဖျါထီၣ်အတၢ်တူၢ်ဘၣ်လၢ ပယီၤသုးဆူၣ်ချ့ပှၤမၤတၢ်ဖိသ့ၣ်တဖၣ် တအဲၣ်ဒိးကွၢ်ထွဲအဝဲသ့ၣ်ဂ့ၤဂ့ၤဘၣ် မ့ၢ်လၢအဝဲသ့ၣ်ယီၢ်ဘၣ်ဟီၣ်လာ်မ့ၣ်ပိၢ်အံၤ တမ့ၢ်ပယီၤသုးဟီၣ်လာ်မ့ၣ်ပိၢ်ဘၣ်အဃိန့ၣ်လီၤ. ဒ်သိးဒီးသဝီဖိ (၂) ဂၤအံၤ ကဒိးန့ၢ် ဘၣ် တၢ်ကူဆါယါဘျါဂ့ၤဂ့ၤဘၣ်ဘၣ်အဂီၢ် ဟ---သဝီဖိသ့ၣ်တဖၣ်တဲသကိးတၢ် ဒီးအၢၣ်လီၤတူၢ်လိာ်သကိးဝဲလၢ ကလဲၤဒုး အီၣ်ဒုးအီ ပယီၤသုးဆူၣ်ချ့ပှၤမၤတၢ်ဖိသ့ၣ်တဖၣ် ဒ်အမ့ၢ် ဆီ ဒီးတၢ်အီၣ်အဂၤသ့ၣ်တဖၣ်န့ၣ်လီၤ.

လီၢ်ကဝီၤသဝီဖိသ့ၣ်တဖၣ် နာ်ဝဲလၢ ဟီၣ်လာ်မ့ၣ်ပိၢ်လၢ စီၤ ယ--- ဒီး နီၢ် ဝ--- ယီၢ်ဘၣ်ဝဲအံၤ ဘၣ်တၢ်ဒိးလီၤအီၤလၢ  ကညီ ဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) သုးရ့ၣ် (၁၅) သုးဖိတဖၣ် မ့ၢ်လၢ KNLA ဒုးသ့ၣ်ညါဆိပာ်လီၢ်ကဝီၤသဝီဖိတဖၣ်လၢ အဝဲသ့ၣ်ဒိးလီၤဟီၣ်လာ်မ့ၣ်ပိၢ်ဖဲဟီၣ်ကဝီၤဝဲအံၤအပူၤအိၣ်အဃိန့ၣ်လီၤ. KNLA သုးဖိတဖၣ် ဒုးသ့ၣ်ညါဆိ လီၢ်ကဝီၤသဝီဖိတ ဖၣ်တနွံလၢ အဝဲသ့ၣ်ဒိးလီၤဟီၣ်လာ်မ့ၣ်ပိၢ်ဖဲ စီၤယ--- ဒီး နီၢ် ဝ--- ယီၢ်ဘၣ်ဟီၣ်လာ်မ့ၣ်ပိၢ်ဟီၣ် ကဝီၤတဖၣ်အပူၤန့ၣ်လီၤ. KNLA မၢ က---သဝီဖိတဖၣ် လၢအအိၣ်ဖဲ မးထီကရူၢ်, ဒွဲၣ်လိကီၢ်ဆၣ်ပူၤအံၤ ကဒုးသ့ၣ်ညါစ့ၢ်ကီး တၢ်ဒိးလီၤဟီၣ်လာ်မ့ၣ်ပိၢ် အဂ့ၢ်အံၤ ဆူသဝီအဂၤလၢအအိၣ်ဘူးဒီး ဟီၣ်လာ်မ့ၣ်ပိၢ်အိၣ်အလီၢ်သ့ၣ်တဖၣ်န့ၣ်လီၤ. သဝီဖိယီၢ် ဘၣ်ဟီၣ်လာ်မ့ၣ်ပိၢ်အလီၢ်အံၤ အိၣ်ဘူးဒီး ပယီၤသုး ခီၣ်သုးရ့ၣ် (ခလရ-၁၉) ဒီး (ခလရ-၆၄၂) သုးကလၢၤန့ၣ်လီၤ.  ဟ---သဝီဖိတဖၣ် ဃုာ်ဒီးပှၤတူၢ်ဘၣ် တၢ်အနီၢ်ကစၢ် (၂)ဂၤအံၤ တထီၣ်ဘၣ် ဟီၣ်လာ်မ့ၣ်ပိၢ်တၢ်လီၤဘၣ်ယိၣ်တၢ်မၤလိနီတဘျီဘၣ်န့ၣ်လီၤ. (ကညီပှၤလီၢ်အိၣ်ကမှံ ကမံတံး CIDKP မ့ၢ်ပှၤသ့ၣ်တဖၣ်လၢ အဟူးဂဲၤတီခိၣ်ရိၣ်မဲဘၣ်ဃး မ့ၣ်ပိၢ်တၢ်လီၤဘၣ်ယိၣ်တၢ်မၤလိတၢ်ရဲၣ်တၢ်ကျဲၤတဖၣ်အံၤ န့ၣ်လီၤ.)

သဝီဖိ စီၤ ယ--- ဒီး နီၢ် ဝ--- (၂)ဂၤလၢၤအံၤန့ၣ် စးထီၣ်လၢအဝဲၣ်သ့ၣ်ဘၣ်ဒိးဒီး ဟီၣ်လာ်မ့ၣ်ပိၢ်ဝံၤအလီၢ်ခံန့ၣ် တဒိးန့ၢ်ဘၣ် တၢ်ဆီၣ်ထွဲမၤစၢၤလၢ တၢ်ကရၢကရိနီတဖုအအိၣ်ဘၣ်န့ၣ်လီၤ. ဖဲသဝီဖိ (၂)ဂၤအံၤ ထီၣ်တၢ်ဆါဟံၣ်ဖဲ ပယီၤသုးတီခိၣ်ရိၣ်မဲ တၢ် ဆါဟံၣ်တဖျၢၣ်အံၤဖဲ ဖၣ်ပူၤဝ့ၢ်ပူၤတနွံဝံၤအလီၢ်ခံ ကဘၣ်ဖဲလါဖ့ၤဘြူၤအါရံၤ လွံၢ်နွံတနွံန့ၣ် ပှၤလဲၤဆှၢကဒါအီၤဆူ တၢ်ဆါ ဟံၣ်အဂၤတဖျၢၣ် (တသ့ၣ်ညါအမံၤဘၣ်) န့ၣ်လီၤ. စးထီၣ်လၢ တၢ်လဲၤအိၣ်သကိးဒီးမၤတၢ် ထံၣ်လိာ်သံကွၢ်တၢ် ဖဲတၢ်ဆါဟံၣ် တၢတဖျၢၣ်ဝံၤအလီၢ်ခံ ဆဲးကျိးဆဲးကျၢက့ၤပှၤတူၢ်ဘၣ်တၢ် (၂)ဂၤအံၤတန့ၢ်လၢၤဘၣ်န့ၣ်လီၤ.

သဝီဖိ စီၤ ယ--- ဒီး နီၢ် ဝ--- (၂) ဂၤလၢၤအံၤန့ၣ် ဟဲက့ၤလီၤလၢတၢ်ဆါဟံၣ်ဝံၤအလီၢ်ခံ အဝဲၣ်သ့ၣ်တဒိးန့ၢ်ဘၣ်ဒံးစ့ၢ်ကီးတၢ် မၤစၢၤနီတမံၤဘၣ်န့ၣ်လီၤ. လၢအပူၤကွံာ်တချုးဒံးလၢ ပယီၤသုးမီၤစိရိၤဟံးန့ၢ်ဆူၣ်ထံကီၢ်တၢ်စိတၢ်ကမီၤဒံးဘၣ်အခါန့ၣ် စီၤယ --- ဖံးအီၣ်မၤအီၣ်တၢ်ဒိးလဲသးလၢတနံၤဘၣ်တနံၤဂီၢ်တၢ်မၤလၢ အဟံၣ်ဖိဃီဖိ တၢ်လုၢ်အီၣ်နီၢ်ခိသးသမူအဂီၢ် ဒီးမ့မ့ၢ် နီၢ် ဝ--- တခီ ဒိးလဲဆှုၣ်တၢ်လၢပှၤဟံၣ် ဒီးတၢ်ဆါဟံၣ်န့ၣ်လီၤ. အဝဲသ့ၣ်တူၢ်ဘၣ်ဟီၣ်လာ်မ့ၣ်ပိၢ်တၢ်ဘၣ်ဒိဘၣ်ထံး ဒ်အံၤအဃိ ကွၢ် ဆၢၣ်မဲာ်ဘၣ်ဝဲဒီးတၢ်လုၢ်အီၣ်နီၢ်ခိသးသမူတၢ်ဂ့ၢ်ကီမ့ၢ်လၢအဝဲသ့ၣ်ခီၣ်တူာ်အဃိ ဒီးဖံးတၢ်မၤတၢ်ဒ်လၢအပူၤကွံာ်တသ့လၢၤဘၣ် န့ၣ်လီၤ.

ဟ---သဝီဖိသ့ၣ်တဖၣ် လဲၤဖံးလဲၤမၤအီၣ်က့ၤတၢ်လၢအတၢ်ဖံးအီၣ်မၤအီၣ်လီၢ်တဘူၣ်လၢၤဘၣ် မ့ၢ်လၢဟီၣ်လာ်မ့ၣ်ပိၢ်သ့ၣ်တ ဖၣ်အိၣ်ဝးတရံးလၢဟီၣ်ကဝီၤသ့ၣ်တဖၣ်အပူၤဃိ ဒီး သဝီဖိ (၂) ဂၤယီၢ်ဘၣ်ဟီၣ်လာ်မ့ၣ်ပိၢ်တၢ်ကဲထီၣ်သးအံၤ ဘၣ်ဒိဘၣ် ထံးဝဲနးနးကလဲာ်အဃိ မ့ၢ်တၢ်လၢအဒုးအိၣ်အါထီၣ်တၢ်ပျံၤတၢ်ဖုးသ့ၣ်တဖၣ်လၢသဝီဖိသ့ၣ်တဖၣ်အဂီၢ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူတၢ် ဂ့ၢ်အံၤလၢကျဲဒ်လဲၣ်.

ပှၤတူၢ်တၢ်အနီၢ်ကစၢ်ဟ့ၣ်တၢ်ပျဲလၢရၤလီၤတၢ်ဂ့ၢ်တၢ်ကျိၤသ့ၣ်တဖၣ်အံၤအဂီၢ် ဟ့ၣ်ခီဖျိဝဲဆူ သဝီဖိလၢအလဲၤထံၣ်လိာ်သး ဒီးအ ဝဲသ့ၣ် ဖဲတၢ်ဆါဟံၣ်တဂၤအံၤ ဒီးမ့ၢ်အမ့ၢ်သဝီဖိတဂၤလၢ ပျီပူၤပှၤမၤတၢ်ဖိမၤတၢ်ထံၣ်လိာ်သံကွၢ်တၢ်ဒီးအီၤန့ၣ်လီၤ.