တၢ်ကဲထီၣ်သးအကလုာ်

တၢ်ဘၣ်ဒိဘၣ်ထံး ဒီးတၢ်သံတၢ်ပှၢ်အိၣ်ထီၣ်ခီဖျိတၢ်ခးကျိဖးဒိၣ်

တၢ်ကဲထီၣ်သးမုၢ်နံၤမုၢ်သီ

လါယနူၤအါရံၣ် ၈သီ, ၂၀၂၂နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

က---သဝီ, ဃ---ကရူၢ်, ဖၣ်အၣ်ကီၢ်ဆၣ်, ဒူသထူၣ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

နီၢ်ခ---

စီၤဂ---

သးနံၣ်

၈၈နံၣ်

၇နံၣ်

မုၣ်/ ခွါ

မုၣ်

ခွါ

ကလုာ်

ကညီ

ကညီ

ဟံၣ်ဖိဃီဖိ အိၣ် / တအိၣ်   

ထီၣ်ပှၢ်

သဘျ့

တၢ်ဖံးတၢ်မၤ

အိၣ်ဘှံးလၢတၢ်မၤ

ကၠိဖိ

တၢ်ဘူၣ်တၢ်ဘါ

ဘူးဒး

ဘူးဒး

တၢ်ဟံမူဒါ/ လီၢ်လၤ

သဝီဖိ

သဝီဖိ

အိၣ်ဆိးဒူသဝီ

က--- သဝီ

က--- သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ §သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ထံကီၢ်တၢ်ပၢတၢ်ပြးကီၣ်ကးကရၢ (SAC) သုးဟူးဂဲၤဟ့ၣ်တၢ်ကလုၢ် နီၣ်ဂံၢ် (၈), ကျိဖးဒိၣ်သုးမုၢ်

ပ့နဲတီသုးကလၢၤလၢအိၣ် လၢပ့နဲတီသဝီ, သထူၣ် ကီၢ်ဆၣ်, ဒူသထူၣ်ကီၢ်ရ့ၣ်

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

တၢ်ကဲထီၣ်သး၀ံၤအလီၢ်ခံ ဃ---ကရူၢ်ခိၣ်, လၢအမံၤမ့ၢ် စီၤင---တဂၤလဲၤမၤတၢ်ထံၣ်လိာ်သံကွၢ်ဒီးသဝီဖိလၢအဘၣ်ဒိတဖၣ် ဒီးမၤစ့ၢ်ကီးတၢ်ထံၣ်လိာ်သံကွၢ်ဒီးအဝဲသ့ၣ်အဟံၣ်ဖိဃီဖိဖဲတၢ်ဆါဟံၣ်န့ၣ်လီၤ. ဝံၤအလီၢ်ခံ KHRG ပျီပူၤပှၤထၢတၢ်ကစီၣ်ဆဲးကျိးဒီးသဝီသးပှၢ်လၢလီတဲစိ ဒီးဟံးန့ၢ်တၢ်ဂ့ၢ်တၢ်ကျိၤဒီးတၢ်ဂီၤသ့ၣ်တဖၣ်လၢသဝီသးပှၢ်အိၣ်န့ၣ်လီၤ. လၢခံ KHRG ပှၤထၢတၢ်ကစီၣ်ဖိတဂၤ ဆဲးကျိးဒီးဟံၣ်ဖိဃီဖိအကျါတဂၤ လၢအမ့ၢ်ဖိသၣ်ပိာ်ခွါ (၇) နံၣ်တဂၤအပၢ် လၢကမၤလီၤ တံၢ်တၢ်ဂ့ၢ်တၢ်ကျိၤအဂီၢ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

တၢ်ဂ့ၢ်တၢ်ကျိၤလၢ ဃ--- သဝီသးပှၢ်ဟ့ၣ်ဝဲသ့ၣ်တဖၣ် KHRG ပျီပူၤပှၤထၢတၢ်ကစီၣ် မၤလီၤတံၢ်တၢ်ဂ့ၢ်တၢ်ကျိၤဒီးစီၤဆ---လၢအမ့ၢ်စီၤဂ--- အပၢ် ဒီးနီၢ်ခ--- အမာ်န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၤပှဲၤပှဲၤတက့ၢ်.

ဖဲလါယနူၤအါရံၤ ၈သီ, ၂၀၂၂နံၣ် မုၢ်ဟါလီၤ ၇နၣ်ရံၣ် ၁၀မံးနံးအဆၢကတီၢ် MOC နီၣ်ဂံၢ် (၈) လၢအမ့ၢ် SAC အပှၤသုးဖိလၢ အအိၣ်ပ့နဲတီသုးကလၢၤ, ပ့နဲတီသဝီ, မီလ့ကရူၢ်, သထူၣ်ကီၢ်ဆၣ်, ဒူသထူၣ်ကီၢ်ရ့ၣ်သ့ၣ်တဖၣ် ခးနါစိၤမီထးတထံၣ်ဒီးလီၤ ဘၣ်ဝဲလၢ က--- သဝီ, ဃ--- ကရူၢ်, ဖၣ်အၣ်ကီၢ်ဆၣ်, ဒူသထူၣ်ကီၢ်ရ့ၣ်န့ၣ်လီၤ. နီၢ်ခ--- လၢအသးနံၣ်အိၣ်၈၈နံၣ်လၢအ အိၣ်လၢ ခ--- သဝီတဂၤ ဒီးအလံၤခွါလၢအသးနံၣ်အိၣ် (၇) နံၣ် လၢအမ့ၢ် စီၤဂ--- တဂၤဘၣ်ဒိၣ်ဝဲဒီးမီထးက့သ့ၣ်တဖၣ် ဖဲမီးထးလီၤတဲာ်ဘူးဒီးအဟံၣ်အဆၢကတီၢ်န့ၣ်လီၤ. ခီဖျိလၢတၢ်ဆၢကတီၢ်တလၢဘၣ်အဃိ တချုးလၢမီထးလီၤတဲာ်ပိၢ်ဖး ထီၣ်ဒံးဘၣ်န့ၣ် ပှၤတူၢ်ဘၣ်တၢ်တဖၣ်လဲၤဃ့ၢ်အိၣ်လၢတၢ်ပူၤတချုးဘၣ်န့ၣ်လီၤ. ဖံသးပှၢ်တဂၤအံၤဘၣ်ဒိဝဲဖဲအဟၢဖၢဖီလာ်ဒီး အလံၤခွါတခီဘၣ်ဒိဝဲဖဲအဟိးဃံလၢအထွဲတကပၤန့ၣ်လီၤ. ဖဲဖံဒီးအလံၤခွါဘၣ်ဒိ၀ံၤအလီၢ်ခံ သဝီဆူၣ်ချ့ပှၤမၤတၢ်ဖိတဖၣ် မၤကဆှီန့ၢ်အတၢ်ပူၤလီၢ် ဒီးဟ့ၣ်အီအဝဲသ့ၣ်ကသံၣ်မၤကဆှါလီၤတၢ်ဆါ တချုးလၢတၢ်ဆှၢအီၤဆူဖှၣ်ဂီၤတၢ်ဆါဟံၣ် (ပလၤ တီၤတၣ်နဲၤတၢ်ဆါဟံၣ်) လၢအအိၣ်လၢဖှၣ်ဂီၤသဝီ, ဟးတရဲၤ(ဟးတလဲၤ)ကရူၢ်, ဖၣ်အၣ်ကီၢ်ဆၣ်န့ၣ်လီၤ.

တချုးလါယနူၤအါရံၤ ၉သီ, ၂၀၂၂နံၣ်အဆၢကတီၢ်, သဝီဖိလၢအဘၣ်ဒိတဖၣ် ဃ့ဒိးလဲဝဲ က--- သဝီဖိတဂၤအသိလ့ၣ် ဒီးသိလ့ၣ်ကစၢ်လဲၤနီဆှၢအီၤလၢ ဖှၣ်ဂီၤတၢ်ဆါဟံၣ် လၢအမံၤမ့ၢ် ၁၆လီၢ်မံတၢ်ဆါဟံၣ် လၢအဒ့ၣ်စၢၤယံၤဝဲသိလ့ၣ်ကျဲ ၁နၣ်ရံၣ် န့ၣ်လီၤ. နီၢ်ခ--- ဒိးန့ၢ်တၢ်ကူဆါယါဘျါယံာ်ဝဲတနွံဘျဲၣ်(တနွံဒီး၂သီ)ဘၣ်ဆၣ်လၢခံအ၀ဲစူးကွံာ်အသးခီဖျိလၢအဝဲ ဘၣ်ဒိနး တလၢအဃိၣ်န့ၣ်လီၤ. စီၤဂ---ထီၣ်တၢ်ဆါဟံၣ်ယံာ်ဝဲ၃သီန့ၣ်လီၤ.  မီထးက့သ့ၣ်တဖၣ်ဘၣ်တၢ်ထုးထီၣ်ကွံာ်အီၤ လၢအလံၤ ခွါဟိးဃံး ဒီးအဝဲဘျါက့ၤဝဲဂ့ၤဂ့ၤန့ၣ်လီၤ. SAC အသုးသ့ၣ်တဖၣ် မ့ၢ်ပှၤခးလီၤမီထးဒီးမ့ၢ်စ့ၢ်ကိးပှၤမၤကမၣ်တၢ် ဘၣ်ဆၣ် အဝဲသ့ၣ်တဟ့ၣ်မၤစၢၤပှၤတူၢ်ဘၣ်တၢ် လၢတၢ်နီတမံၤဘၣ်န့ၣ်လီၤ. ပှၤတူၢ်ဘၣ်တၢ်အဟံၣ်ဖိဃီဖိလၢ အဒိးသန့ၤ ထီၣ်အတၢ် လုၢ်အီၣ်သးသမူလၢ တၢ်ထူစံာ်မၤဃုးအံၤ ဘၣ်ထုးထီၣ်တၢ်ကူဆါယါဘျါအတၢ်လၢာ်ဘူၣ်လၢာ်စ့ၤလၢ အနီၢ်ကစၢ် ခဲလၢာ်န့ၣ်လီၤ. တၢ်လၢာ်ဘူၣ်လၢာ်စ့ၤလၢတၢ်ကူဆါယါဘျါအဂီၢ်ခဲလၢာ်ဝဲ ၄၇၀,၀၀၀ကၠၣ် ဒီးတၢ်လဲၤတၢ်က့ၤပှ့ၤလၢ တၢ်လဲၤ ထီၣ်တၢ်ဆါ ဟံၣ်အဂီၢ်စ့ၢ်ကိးလၢာ်ဝဲ ၃၀,၀၀၀ ကၠးန့ၣ်လီၤ. ဖဲလါအီကူး ၂၀၂၂နံၣ်အဆၢကတီၢ် ဟံၣ်ဖိဃီဖိဟ့ၣ်တူာ်ဝဲ တၢ်ကူဆါယါဘျါ အတၢ်လၢာ်ဘူၣ်လၢာ်စ့ၤခဲလၢာ်လံန့ၣ်လီၤ.

ခီဖျိလၢ SAC သုးခးနါစိၤမီထးလၢ က--- ကရူၢ်, ဖၣ်အၣ်ကီၢ်ဆၣ်, ဒူသထူၣ်ကီၢ်ရ့ၣ်ပူၤခဲအံၤခဲအံၤအဃိ သဝီဖိတနီၤဘၣ် ခူၣ်တၢ်ပူၤလၢအဟံၣ်ဖီလာ်န့ၣ်လီၤ. KHRG ပှၤထၢတၢ်ကစီၣ်ပာ်ဖျါထီၣ်ဝဲလၢ စးထီၣ်လၢတၢ်ကဲထီၣ်သး၀ံၤအလီၢ်ခံ တၢ်ခးလီၤ ကျိဖးဒိၣ်လၢ က--- သဝီ တအိၣ်ဒံးနီတဘျီဘၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢပက သူတၢ်ဂ့ၢ်အံၤလၢကျဲဒ်လဲၣ်.

ပှၤတူၢ်ဘၣ်တၢ်အဟံၣ်ဖိဃီဖိအကျါတဂၤ ဟ့ၣ်တၢ်ပျဲလၢ KHRG ကသူဒီးရၤလီၤတၢ်ဂ့ၢ်တၢ်ကျိၤလီၤ.