ဖဲလါမ့ၤ ၂၃ သီ ၂၀၂၃ နံၣ်, မုၢ်နၤခီဖးဖီမုၢ်အဆၢကတီၢ်န့ၣ် SAC အကဘီယူၤဒုသုးခံဘ့ၣ်ဟဲခးလီၤတၢ်ဖဲပနွဲၢ်ဖိကျိသ၀ီ, မီခံကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်အပူၤန့ၣ်လီၤ. ကဘီယူၤအတၢ်ဟဲခးလီၤတၢ်အံၤ ဘၣ်ဒိဟးဂီၤ၀ဲသ၀ီအ တၢ်ဘါယွၤသရိာ်,ပိာ်ခွါဟံၣ်ဒွဲတဖျၢၣ်, ဒီးသ၀ီဖိအဟံၣ်ခံဖျၢၣ်န့ၣ်လီၤ. သ၀ီဖိအတၢ်ဘၣ်ဒိဘၣ်ထံးဒီးတၢ်သံတၢ်ပှၢ်မ့ၢ် တအိၣ်ဘၣ်ဆၣ်သနာ်က့ အ၀ဲသ့ၣ်ဘၣ်ဃ့ၢ်အိၣ်ကဒုဆူတၢ်လီၢ်အဂၤ ဒီးလိၣ်ဘၣ်၀ဲတၢ်မၤစၢၤဒ်အမ့ၢ်တၢ်အီၣ်တၢ်အီ ဒီးတၢ်ပီးတၢ်လီလၢအ၀ဲသ့ၣ်ကတ့ထီၣ်တၢ်အိၣ်ကဒုအလီၢ်အဂီၢ်န့ၣ်လီၤ.