English
ကညီကျိာ်
မြန်မာကညီဂ့ၢ်ဝီခွဲးယာ်ကရူၢ် မ့ၢ်တၢ်ကရၢကရိအဆံးတဖုလၢအအိၣ်ဒီးကျိၣ်စ့လၢ တၢ်ပာ်ပနီၣ်အီၤ ဘၣ်ဆၣ်ပမၤအါထီၣ်တၢ် ကွ့ၢ်ကွ့ၢ်ဒ်သိး ပကမၤစၢၤဘၣ် သဝီဖိအတၢ်ထဲးဂံၢ်ထဲးဘါလၢကမၤန့ၢ်က့ၤအတၢ်ခွဲးတၢ်ယာ်လၢအနီၢ်ကစၢ်ဒၣ်ဝဲအဂီၢ်မ့ၢ်ဂ့ၤႇ အဟံၣ်ဖိဃီဖိဒီး အၦၤတဝၢအဂီၢ်မ့ၢ်ဂ့ၤန့ၣ်လီၤ. တၢ်မၤစၢၤမၤဘူၣ်လၢအဘၣ်တၢ်ဟ့ၣ်အီၤလၢၦၤနီၢ်တဂၤမ့ၢ်ဂ့ၤႇ ၦၤကရူၢ်တ ဖၣ်မ့ၢ်ဂ့ၤတၢ်လိၣ်ဘၣ်အီၤ ဒီးတၢ်ပာ်လုၢ်ပာ် ပှ့ၤအီၤဒိၣ်ဒိၣ်ကလဲာ်ဒီး တၢ်တပာ်ပနီၣ်ဆံးအါလဲၣ်န့ၣ်ဘၣ်.
ကညီဂ့ၢ်ဝီခွဲးယာ်ကရူၢ်အပျီပူၤကရူၢ်မၤသကိးတၢ်လိၤလိၤဒီးသဝီဖိလၢကီၢ်ပယီၤမုၢ်ထီၣ်ကလံၤထံး ဒ်သိးကမၤနီၣ်မၤဃါ အဝဲသ့ၣ်အတၢ်အုၣ်သးဘၣ်ဃးဒီး တၢ်မၤဘၣ်ဒိၦၤဂ့ၢ်ဝီခွဲးယာ်တဖၣ် ဒီးဒ်သိးကမၤဝဲတၢ်ထံၣ်လိာ်တၢၣ်ပီၣ်သကိး ဒ်သိး ကမၤဆူၣ်ထီၣ်ဒီး နီၤလီၤလိာ်သးဘၣ်ဃး လီၢ်ကဝီၤဒၣ်ဝဲမၤအိၣ်ထီၣ်ဝဲ တၢ်မၤရဲၣ်ကျဲၤတဖၣ်လၢ သဝီဖိတဖၣ်သူဝဲဒ်သိး ကမၤန့ၢ်က့ၤအတၢ်ခွဲးတၢ်ယာ်ႇ ကတီၤဝဲအတၢ်လုၢ်အီၣ်နီၢ်ခိသးသမူဒီး ဆၢထၢၣ်လၢတၢ်မၤဘၣ်ဒိၦၤဂ့ၢ်ဝီခွဲးယာ်ဃုာ်ဒီး အသူးသ့ၣ်လၤကပီၤန့ၣ်လီၤ.
တၢ်မၤဘူၣ်လၢ ကညီဂ့ၢ်ဝီခွဲးယာ်ကရူၢ်ဒိးန့ၢ်အီၤတဖၣ် လဲၤလိၤလိၤဆူတၢ်မၤစၢၤၦၤပိာ်မုၣ်မ့ၢ်ဂ့ၤ ပိာ်ခွါမ့ၢ်ဂ့ၤလၢအသူၣ် ဒူသးဒူဒီး အတၢ်ဟူးတၢ်ဂဲၤတဖၣ် လၢစိာ်ခီဝဲပျီပူၤအတၢ်ဖံးတၢ်မၤ ဒီးၦၤလၢအမၤသကိးတၢ်ဒီးဒူသဝီဖိတဖၣ် ဒ်သိးကမၤ ဆူၣ်ထီၣ်လီၢ်ကဝီၤ အတၢ်ထဲးဂံၢ်ထဲးဘါလၢ ကမၤန့ၢ်က့ၤအတၢ်ခွဲးတၢ်ယာ်အဂီၢ်န့ၣ်လီၤ. ဝံသးစူၤဟဲအိၣ်သကိးဘၣ် တၢ်မၤဘူၣ်အလံာ်ကဘျံးပၤဒ်သိး နကမၤဘူၣ်မၤစၢၤဘၣ်အီၤလိၤလိၤ မ့တမ့ၢ်အိၣ်သကိးဘၣ် ပတၢ်ဖိတၢ်လံၤလၢပဆါအီၤ တဖၣ်အကဘျံးပၤ ဒ်သိးနကမၤစၢၤဘၣ်ၦၤ ခီဖျိတၢ်ပှ့ၤတၢ်ပီးတၢ်လီ ဒီးတၢ်ဖိတၢ်လံၤလၢ ကညီဂ့ၢ်ဝီခွဲးယာ်ကရူၢ် အိၣ်န့ၣ်တက့ၢ်.