ဖဲလါဒံၤစဲဘၢၣ် ၂၄ သီ, ၂၀၂၂ နံၣ် ဟါခီ ၉း၀၀ နၣ်ရံၣ်အခိၣ်အဃၢၤန့ၣ် SAC သုးလၢအအိၣ်ဆီလီၤအသးဖဲက ဟံကၠိသုးကလၢၤန့ၣ်ခးလီၤ၀ဲကျိဖးဒိၣ်သၢဖျၢၣ် ဒီးတဖျၢၣ်န့ၣ်လီၤတဲာ်နုာ်၀ဲဆူမဲာ်တလၢသ၀ီ, ထၢ၀ာ်လီၤကရူၢ်, ကီးတ ရံးကီၢ်ဆၣ်, ဒူပျာ်ယာ်ကီၢ်ရ့ၣ်အပူၤန့ၣ်လီၤ. ခီဖျိလၢတၢ်ခးလီၤကျိဖးဒိၣ်အဃိ မဲာ်တလၢသ၀ီဖိပိာ်ခွါလၢအသးနံၣ်အိၣ်၀ဲ ၅၀ နံၣ်တဂၤအခိၣ်ဘၣ်ဒိ၀ဲဒီးကျိချံအက့န့ၣ်လီၤ. ဟံၣ်ဃီဒီးတၢ်ထူၣ်တၢ်ဘိတနီၤဘၣ်ဒိစ့ၢ်ကီး၀ဲန့ၣ်လီၤ. ခီဖျိလၢ SAC သုးအတၢ်ခးလီၤနါစိၤကျိဖးဒိၣ်အဃိ သ၀ီဖိလၢအအိၣ်လၢသ၀ီဘူးဒီးကဟံကၠိသုးကလၢၤသ့ၣ်တဖၣ်ဘၣ်အိၣ်၀ဲလၢ တၢ်ပျံၤတၢ်ဖုးအပူၤထီဘိန့ၣ်လီၤ.