ထီးဒေးကျေးရွာအုပ်စု၊ က---ကျေးရွာတွင်ဖြစ်ပွားခဲ့သော လေကြောင်းတိုက်ခိုက်မှု

၂၀၂၄ ခုနှစ်၊ ဖေဖော်ဝါရီလ ၂၁ ရက်နေ့ နေ့လယ်(၂)နာရီအချိန်တွင် တောင်ငူလေတပ်စခန်းဌာနချုပ်မှ နိုင်ငံတော်စီမံ အုပ်ချုပ်ရေးကောင်စီ (SAC) ရဟတ်ယာဉ်တစ်စီးသည် တောအူး (တောင်ငူ)ခရိုင်၊ ဒေါ်ဖားခို (သံတောင်ကြီး)မြို့နယ်၊ ထီးဒေး (ပိတောက်ကုန်း) ကျေးရွာအုပ်စု၊ က---ကျေးရွာ၊ ရပ်ကွက် (၃)ကို ဗုံးကြဲတိုက်ခိုက်ခဲ့သည်။ တောင်ငူလေတပ် စခန်းဌာနချုပ်သည် တောင်ငူမြို့ရှိ တောင်ပိုင်းတိုင်းစစ်ဌာနချုပ် (တပခ)တွင် တည်ရှိသည်။ (ယခင်က) ၂၀၂၃ ခုနှစ်၊ အစောပိုင်းကာလမှစ၍ က---ကျေးရွာအတွင်း သို့မဟုတ် ကျေးရွာအနီးပတ်ဝန်းကျင်တွင် တိုက်ပွဲဖြစ်ပွားခြင်းနှင့် စစ်ရေး လှုပ်ရှားမှုများ မရှိခဲ့ပေ။ အဆိုပါလေကြောင်းတိုက်ခိုက်မှုကြောင့် က--- ကျေးရွာမှ ရွာသား (၄)ဦးအား ဗုံးကျည်စထိမှန်၍ ဒဏ်ရာရရှိခဲ့သည်။ ထို့အပြင် က---ကျေးရွာ၊ ရပ်ကွက် (၃)တွင် နေထိုင်သော အသက်(၈၅)နှစ်အရွယ်ရှိသည့် ဒေါ်လ---ကိုလည်း ထိမှန်၍ သူမ၏ဦးခေါင်း၊ ဝမ်းဗိုက်နှင့်ရင်ဘတ်တွင် ဒဏ်ရာပြင်းထန်စွာရရှိခဲ့ပြီး သေဆုံးခဲ့သည်။ ဒေါ်လ---၏ ဦးခေါင်း ကွဲထွက်သွားပြီး သူမ၏ဝမ်းဗိုက်ကို ဗုံးကျည်စထိမှန်၍ အူချောင်းများထွက်လာကာ သေဆုံးခဲ့ခြင်းဖြစ်သည်။ အသက်(၃၅)နှစ်အရွယ်ရှိသော အမျိုးသမီးဖြစ်သူ ဒေါ်စ---သည် သူမ၏ခြေထောက်တွင် ထိမှန်ဒဏ်ရာရ၍ ခြေထောက် ကို ဖြတ်တောက်ရန် လိုအပ်ခဲ့သည်။ ထိမှန်ဒဏ်ရာရသောအခြားရွာသား(၃)ဦးမှာ ဒေါ်တ--- (၃၅နှစ်)၊ မဆ--- (၁၂ နှစ်) နှင့် (အမည်မသိရသည့်)ကလေးတစ်ဦး (၁ နှစ်ခွဲ) တို့ဖြစ်ကြသည်။ သူတို့အားလုံးသည် ဗမာလူမျိုးများဖြစ်ကြပြီး ဗုဒ္ဓဘာ သာကိုးကွယ်သူများဖြစ်သည်။ ဒဏ်ရာရရှိသည့်ရွာသား(၄)ဦးကို ပဲခူးတိုင်း၊ ရေတာရှည်မြို့ရှိ ပြည်သူ့ဆေးရုံသို့ ကားဖြင့် ပို့ဆောင်ခဲ့သည်။ ရေတာရှည်မြို့၊ ပြည်သူ့ဆေးရုံတွင် နော်စ---၏ခြေထောက်ဒဏ်ရာကို ဆေးကုသပေးရန်နှင့်ဖြတ် တောက်ရန်အတွက် လိုအပ်သောဆေးဝါးကိရိယာများမရှိသောကြောင့် သူမကို နေပြည်တော်ဆေးရုံသို့ လွှဲပြောင်းပို့ ဆောင်ခဲ့သည်။ နေပြည်တော်ဆေးရုံသို့ ရောက်ရှိရန် (၄)နာရီခန့်ကြာမြင့်သည်။ (ဒဏ်ရာရရှိသည့်ရွာသားများအားလုံး သည် ဆေးကုသမှုကုန်ကျစရိတ်အတွက် မည်သည့်လူသားချင်းစာနာထောက်ထားမှုအဖွဲ့အစည်းထံမှ ကူညီထောက်ပံ့မှု များ မရရှိခဲ့ပေ။)

ထို့အပြင် ဦးဝ---နှင့်ဦးည---တို့၏နေအိမ်(၂)လုံးကိုလည်း ဗုံးကျည်စများထိမှန်၍ ပျက်စီးသွားခဲ့သည်။ ပျက်စီးသွားသည့် အိမ်များ၏ပိုင်ရှင်(၂)ဦးသည် ဗမာလူမျိုးဖြစ်ပြီး ဗုဒ္ဓဘာသာဝင်များဖြစ်ကြသည်။ ၎င်းတို့၏အသက်ကို မသိရှိရပေ။ တစ်ချို့အိမ်မွေးတိရိစ္ဆာန်များလည်း သေဆုံးပြီး တစ်ချို့လည်းဒဏ်ရာရရှိခဲ့သည်။ နွားအလတ်တစ်ကောင်၊ ခွေးတစ် ကောင်နှင့် တစ်ချို့ကြက်များ သေဆုံးခဲ့သည်။ နွား (၃)ကောင်မှာ ဒဏ်ရာရရှိခဲ့ပြီး ခွေး(၂)ကောင်မှာ ၎င်းတို့၏ခြေ ထောက်များပြတ်ထွက်သွားခဲ့သည်။ စိုက်ပျိုးထားသောအပင်များလည်း ဗုံးကျည်စထိမှန်၍ ပျက်စီးသွားခဲ့သည်။ (ဤ ဖြစ်စဉ်နှင့်ပတ်သတ်၍ ဒေသခံရွာသားများမှ ၎င်းတို့၏ခံစားချက်များကို KHRG ကွင်းဆင်းလုပ်သားတစ်ဦးအား ပြောပြခဲ့ သည်။) လေကြောင်းတိုက်ခိုက်မှုဖြစ်ပွားပြီးနောက် ရွာသားများသည် ဝမ်းနည်းကြေကွဲမှုများ၊ ဒေါသပေါက်ကွဲမှုများနှင့် စိတ်ဒဏ်ရာများကို ခံစားနေရပါသည်။

ထီးဒေးကျေးရွာအုပ်စု၊ မ---ကျေးရွာတွင်ဖြစ်ပွားခဲ့သော လေကြောင်းတိုက်ခိုက်မှု

၂၀၂၄ ခုနှစ်၊ ဖေဖော်ဝါရီလ ၂၁ ရက်နေ့ နေ့လယ် (၂း၁၅)မိနစ်တွင် တောင်ငူမြို့ရှိ တောင်ပိုင်းတိုင်းစစ်ဌာနချုပ် (တပခ) တွင် အခြေစိုက်သော တောင်ငူလေတပ်စခန်းဌာနချုပ်မှ SAC ရဟတ်ယာဉ်တစ်စီးသည် ဒေါ်ဖားခိုမြို့နယ်၊ ထီးဒေး ကျေးရွာအုပ်စု၊ မ---ကျေးရွာကို ဗုံးကြဲတိုက်ခိုက်ခဲ့ပြန်သည်။ ဗုံးကျည်ဆံတစ်လုံးသည် မိသားဝင်(၈)ဦးနေထိုင်သော ရွာ သားတစ်ဦး၏ အိမ်ပေါ်သို့ကျရောက်ပေါက်ကွဲခဲ့သည်။ (မိသားဝင်ရှစ်ဦးအနက်) သုံးဦးမှာ ဗုံးကျည်စထိမှန်ပြီး သေဆုံး ခဲ့သည်။ ကျန်ရှိသည့်ငါးဦးမှာ ထိခိုက်ဒဏ်ရာရရှိခဲ့သည်။ (ဒဏ်ရာရရှိသောရွာသား (၅)ဦးကို ပဲခူးတိုင်း၊ ရေတာရှည်မြို့ရှိ ပြည်သူ့ဆေးရုံသို့ပို့ဆောင်၍ ဆေးကုသမှုခံယူခဲ့သည်။ ၎င်းတို့သည် ဆေးကုသမှုကုန်ကျစရိတ်အတွက် မည်သည့်လူ သားချင်းစာနာထောက်ထားမှုအဖွဲ့အစည်းထံမှ ကူညီထောက်ပံ့မှုများ မရရှိခဲ့ပေ။) ထို့အပြင် ရွာသားများပိုင်ဆိုင်သော နွား (၃)ကောင်လည်း ဗုံးကျည်စထိမှန်၍ သေဆုံးခဲ့သည်။ အဆိုပါလေကြောင်းတိုက်ခိုက်မှုဖြစ်ပွားပြီးနောက်တွင် မ---ရွာသားများသည် များစွာစိတ်ထိခိုက်၍ စိတ်ဒဏ်ရာများခံစားနေရကြောင်း တင်ပြခဲ့သည်။

လေကြောင်းတိုက်ခိုက်မှုကြောင့် သေကြေဒဏ်ရာရရှိသည့် မ---ကျေးရွာမှ ရွာသားများ၏ကိုယ်ရေးအကြောင်းအရာများ