တၢ်ကဲထီၣ်သးအကလုာ်

သွံၣ်ထံးမုၣ်ခွါတၢ်မၤပယွဲ

တၢ်ကဲထီၣ်သးမုၢ်နံၤမုၢ်သီ

လါစဲးပထ့ဘၢၣ် ၂၆ သီႇ ၂ဝ၂ဝ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီႇ ကရူၢ်ႇ ကီၢ်ဆၣ်ႇ ကီၢ်ရ့ၣ်)

ဒ---သဝီႇ နိၣ်တၤဃီၤကရူၢ်ႇ နိၣ်တကီကီၢ်ဆၣ်ႇ ဒူပျာ်ယာ်ကီၢ် ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

နီၢ်ဂ---

သးနံၣ်

၂၁

မုၣ်ခွါ 

မုၣ်

ကလုာ်

ကညီ

ဟံၣ်ဖိဃီဖိ အိၣ် / တအိၣ်

အိၣ်

 တၢ်ဖံးတၢ်မၤ

တၢ်သူၣ်တၢ်ဖျး

တၢ်ဘူၣ်တၢ်ဘါ

ခရံာ်ဖိ

တၢ်ဟံမူဒါ / လီၢ်လၤ

သ၀ီဖိ

အိၣ်ဆိးဒူသဝီ 

ဒ--- 

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ        

တၢ်ဖံးတၢ်မၤ

ဒူသ၀ီ

အူမီၤည့

---

ဒ----

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

နိၣ်တၤဃီၤသဝီဖိတဲဘၣ်ယၤလၢတၢ်ကဲထီၣ်သးအံၤန့ၣ်လီၤ. ယသ့ၣ်ညါတၢ်ဂ့ၢ်အံၤဝံၤအလီၢ်ခံ ယလဲၤထံၣ် လိာ်သးဒီး နိၣ်တၤဃီၤသဝီခိၣ်နၢ်တဖၣ်ဒီး ၦၤတူၢ်ဘၣ်တၢ်တဂၤန့ၣ်လီၤ.

ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ၦၤလၢဟ့ၣ်ယၤတၢ်ဂ့ၢ်အံၤဒီး ၦၤလၢအသ့ၣ်ညါထွဲတၢ်ဂ့ၢ်အံၤတဖၣ်မ့ၢ် လီၢ်ကဝီၤသဝီခိၣ်နၢ်ဒီး ဒူသဝီကမံး တံာ်တဖၣ်န့ၣ်လီၤ. တၢ်ကဲထီၣ်သးဝံၤအလီၢ်ခံႇ ၦၤတူၢ်ဘၣ်တၢ် နီၢ်ဂ---အနီၢ်ကစၢ်ဒၣ်ဝဲ တီၣ်ဖျါထီၣ်တၢ်ကဲ ထီၣ်သးဒီးအီၤဆူ လီၢ်ကဝီၤခိၣ်နၢ်တဖၣ်အအိၣ်န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

တၢ်ကဲထီၣ်သးအဂ့ၢ်လီၤတံၢ်လီၤဆဲးန့ၣ် နီၢ်ဂ---တဲဖျါထီၣ်အီၤဒ်အံၤန့ၣ်လီၤ. ဖဲလါစဲးပထ့ဘၢၣ် ၂၆ သီႇ ၂ဝ၂ဝ နံၣ် ဖဲဟါခီ ၆း၃ဝ အဆၢကတီၢ် နီၢ်ဂ---လဲၤဟးဃၢ (တၢ်ဟးလီၢ်တအိၣ်အဃိ အဝဲဘၣ်လဲၤဝဲ ဆူတၦီာ်ကျါ) န့ၣ်လီၤ. ဖဲအဝဲလဲၤတုၤဖဲ သ့ၣ်ထူၣ်လၢအဟံၣ်ကပၤအခါ အဝဲနၢ်ဟူသ့ၣ်ဒ့သီၣ်လၢအလီၢ်ခံ (ဖဲအဟးဃၢအဆၢကတီၢ်)န့ၣ်လီၤ. ဖဲအဝဲကွၢ်လီၤအလီၢ်ခံအခါ အဝဲထံၣ် အူမီၤည့ဟဲဃီၤဆူအအိၣ်န့ၣ်လီၤ. ဖဲန့ၣ်အဆၢကတီၢ် အူမီၤည့ဆီၣ်ဝဲပိာ်မုၣ်အံၤဆူ သ့ၣ်ထူၣ်ကပၤန့ၣ်လီၤ. ဖဲအဝဲကကိးပသူဒီးဃ့တၢ် မၤစၢၤအခါ အူမီၤည့ဖီၣ်တံၢ်ဃာ်အကိာ်ဘိဃံးဃံးဒီး တဲအီၤလၢ “ကိးပသူတဂ့ၤ. နမ့ၢ်ကိးပသူဒု ယကမၤ သံနၤ”. ဒ်ပျံၤတၤဆှုၣ်တီၤအိၣ်ဘူးဒီးသ့ၣ်တထူၣ်န့ၣ်ဒီး နီၢ်ဂ---ဘၣ်ယိၣ်လၢအူမီၤည့ကမၤသံအီၤအဃိ အဝဲကိးပသူဝဲတဘူၣ်ဘၣ်န့ၣ်လီၤ. (ဒ်နီၢ်ဂ--- ပာ်ဖျါဝဲအသိး) အူမီၤည့ဖီၣ်ဆူၣ်အီၤဝံၤဘၣ်ဆၣ် တပျဲက့ၤ အီၤဒံးဘၣ်. အဝဲဟးဃုကွၢ်တၢ်တခါခါလၢ ကမၤဆါနီၢ်ဂ---န့ၣ်လီၤ. ဖဲန့ၣ်အဆၢကတီၢ် နီၢ်ဂ---ဆီၣ်ဖျိး အီၤဒီး က့ၤဃ့ၢ်ဆူအဟံၣ်န့ၣ်လီၤ.

ဖဲနီၢ်ဂ---တဲဘၣ်အဝၤလၢတၢ်ကဲထီၣ်အသးအံၤဒီး အဝၤအသးဒိၣ်ထီၣ်တၢ်ဒီး မၤဒၢၣ်အီၤခံထံၣ် (လၢအ မဲာ်သၣ်)န့ၣ်လီၤ. ဖဲဟါလီၤခီဝဲန့ၣ်န့ၣ် နီၢ်ဂ---ပာ်ဖျါထီၣ်တၢ်ဂ့ၢ်အံၤဆူ လီၢ်ကဝီၤသဝီခိၣ်နၢ်တဖၣ် ဒီးလၢခံ တၢ်ဖီၣ်ဝဲအူမီၤည့န့ၣ်လီၤ. ဒ်လဲၣ်ဂ့ၤဒ်လဲၣ်ဂ့ၤ အူမီၤည့တအၢၣ်လီၤတူၢ်လိာ်ဝဲလၢ အမၤကမၣ်တၢ်န့ၣ်ဘၣ်. လၢခံတနံၤန့ၣ် တၢ်ဆှၢလီၤအူမီၤည့ဆူ ကညီဒီကလုာ်ပၢၤကီၢ်သုး (KNPF) ရူလၢ နိၣ်တကီကီၢ်ဆၣ်န့ၣ်လီၤ. ဖဲ လါအီးကထိဘၢၣ် ၂ သီ ၂ဝ၂ဝနံၣ်အနံၤန့ၣ် ပၢၤကီၢ်တဖၣ်သမံသမိးတၢ်ဂ့ၢ်အံၤဒီး ၦၤတူၢ်ဘၣ်တၢ်ဖိ (ခီဖျိ ထံၣ်လိာ်သံကွၢ်အီၤ) ဒီးဆဲးမၤဝဲတၢ်သမံသမိးအံၤဖဲ လါအီးကထိဘၢၣ် ၁၅ သီႇ ၂ဝ၂ဝ နံၣ်အနံၤတဘျီ ကဒီး (ခီဖျိတၢ်ဂ့ၢ်တဘၣ်လီၢ်ဘၣ်စးဘၣ်အဃိ) န့ၣ်လီၤ. ဖဲတၢ်သမံသမိးတၢ်အဆၢကတီၢ်ႇ အူမီၤည့ တအၢၣ်လီၤတူၢ်လိာ်ဝဲလၢ အဝဲဖီၣ်ဆူၣ်နီၢ်ဂ---ဘၣ်န့ၣ်လီၤ. လၢန့ၣ်အမဲာ်ညါ အဝဲတဲဝဲလၢ နီၢ်ဂ--- အသးလီၤပလိာ်ဒီးအီၤ (လၢကမံဃုာ်အီၤ)ဒီး အဝဲသ့ၣ်အဘၢၣ်စၢၤအိၣ်ဒီး တၢ်ဘၣ်ထွဲတနီၤလံအဃိ နီၢ်ဂ--- အသးလီၤပလိာ်လၢ ကမံဃုာ်ဒီးအီၤဒီး ဃ့ထံၣ်အီၤ (လၢတၢ်တဟါန့ၣ်)န့ၣ်လီၤ. အဝဲတဲစ့ၢ်ကီး ဝဲလၢ အဝဲမံဃုာ်ဘၣ်ဒီး နီၢ်ဂ--- သၢဘျီလံဒီး ခီဖျိနီၢ်ဂ--- တူၢ်လိာ်အီၤအဃိန့ၣ်လီၤ. 

ဘၣ်ဃးဒီးတၢ်ဂ့ၢ်အံၤ နီၢ်ဂ---တဲဝဲလၢ “ယတဘၣ်ထွဲ (မံဃုာ်) ဒီးနၤနီတဘျီဘၣ်. တၢ်အံၤမ့ၢ်တၢ်ထဲတဘျီ လၢနဖီၣ်ဆူၣ်ယၤလီၤ.” ခီဖျိတၢ်ဂ့ၢ်တဖိးမံလိာ်သး(ၦၤမၤကမၣ်တၢ်ဒီး ၦၤတူၢ်ဘၣ်တၢ်အတၢ်ကတိၤလီၤဆီ လိာ်သး) အဃိ တၢ်တဆၢတဲာ်ဘၣ်တၢ်ဂ့ၢ်ဒံးဘၣ်န့ၣ်လီၤ. ဖဲ လါအီးကထိဘၢၣ် ၁၆ သီႇ ၂ဝ၂ဝ နံၣ်အနံၤ န့ၣ် ဒူသဝီခိၣ်နၢ်ဒီး လီၢ်ကဝီၤကညီပိာ်မုၣ်ကရၢ(KWO) ၦၤဘၣ်မူဘၣ်ဒါတဖၣ် ဆှၢဝဲ နီၢ်ဂ---ဆူ (KWO) တၢ်အိၣ်ကဒုအလီၢ်လၢကီၢ်ရ့ၣ်အပူၤ မ့ၢ်လၢအဝဲတဲလၢ တူၢ်ဘၣ်ဝဲတၢ်ပဲာ်အၢပဲာ်သီဒီးတၢ်ကွၢ်တလီၤ (လၢလီၢ်ကဝီၤသဝီဖိတဖၣ်အအိၣ်) တမုာ်ဘၣ်အဃိန့ၣ်လီၤ. တၢ်ဂ့ၢ်အံၤတၢ်ဘှါၡဲအီၤတဝံၤဝဲဒံးဘၣ်န့ၣ်လီၤ. မ့မ့ၢ် KNPF ပာ်ဖျါဝဲတခီ တၢ်ကမၤတၢ်ဆၢတဲာ်လၢခံ (ဆဲးမၤတၢ်သမံသမိးဝံၤအလီၢ်ခံ)န့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါႇ ဟ့ၣ်ၦၤတၢ်ခွဲး တၢ်ယာ်လၢပကသူတၢ် ဂ့ၢ်အံၤလၢကျဲဒ်လဲၣ်.

ၦၤတူၢ်ဘၣ်တၢ်ဟ့ၣ်အခွဲးလၢတၢ်ကသူအီၤလၢ တၢ်ရၤလီၤအဂီၢ်န့ၣ်လီၤ.