တၢ်ကဲထီၣ်သးအကလုာ်

နီၢ်ခိတၢ်မၤပယွဲမၤဒၢၣ်မၤလိာ်

တၢ်ကဲထီၣ်သးမုၢ်နံၤမုၢ်သီ

လါအ့ဖြ့ၣ် ၃ သီႇ ၂ဝ၁၉ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီႇ ကရူၢ်ႇ ကီၢ်ဆၣ်ႇ ကီၢ်ရ့ၣ်)

ထ---ကဝီၤဒ့ႇ ကမးမိၢ်ဝ့ၢ်ႇ ဘုသိၣ်ကီၢ်ဆၣ်ႇ မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤတ---

သးနံၣ်

၂၀ နံၣ် 

မုၣ်ခွါ 

ခွါ

ကလုာ်

ကညီ

ဟံၣ်ဖိဃီဖိ အိၣ် / တအိၣ်

တအိၣ်

တၢ်ဖံးတၢ်မၤ

ခီလ့ၣ်ကၠိဖိ

တၢ်ဘူၣ်တၢ်ဘါ

ဘူးဒါ

အိၣ်ဆိးဒူသဝီ 

ထ--- က၀ီၤဒ့, ကမးမိၢ်၀့ၢ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ        

လီၢ်လၤ

သုးကျိၤ/ သုးရ့ၣ်/ သုးတြိၤ

အိၣ်သူၣ်လီၤသးလီၢ်ကျဲ / သုးကလၢၤ 

အခိၣ်အမံၤဒီးလီၢ်လၤ

ဆီဖါဂီၤ

သုးဖိ

သုးခိးကီၢ်ဆၢ BGF သုးရ့ၣ်နီၣ်ဂံၢ် - ၁ဝ၁၄

တဒါအူ BGF သုးရ့ၣ်နီၢ်ဂံၢ် - ၁ဝ၁၄ႇ လ့ဖိထၣ်ကရူၢ်ႇ ဒွဲၣ်လိကီၢ်ဆၣ်

BGF သုးရ့ၣ်နီၣ်ဂံၢ် - ၁ဝ၁၄ သုးရ့ၣ်ခိၣ် ဘိၤမီၤခၠ့ၣ်

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ယနၢ်ဟူဘၣ်တၢ်ကစီၣ်အံၤလၢသဝီဖိတဂၤအအိၣ်ဒီးယလဲၤမၤတၢ်ထံၣ်လိာ်သံကွၢ်ဒီးၦၤတူၢ်ဘၣ်တၢ်အမိၢ်အိၣ်န့ၣ်လီၤ.

ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ၦၤဟ့ၣ်တၢ်ဂ့ၢ်အံၤ မ့ၢ်ဝဲၦၤတူၢ်ဘၣ်တၢ်တဂၤအနီၢ်ကစၢ်အမိၢ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ဖဲလါအ့ဖြ့ၣ် ၃ သီႇ ၂ဝ၁၉ နံၣ်န့ၣ်ႇ သုးခိးကီၢ်ဆၢ သုးရ့ၣ် ၁ဝ၁၄ အသုးဖိတဂၤလၢအမ့ၢ် ဆီဖါဂီၤႇ သးနံၣ် ၄ဝႇ မၤဒၢၣ်မၤလိာ်ဝဲခီလ့ၣ်ကၠိဖိတဂၤလၢအမ့ၢ် စီၤတ---ႇ သးနံၣ် ၂ဝ နံၣ်န့ၣ်လီၤ. သုးဖိ တဂၤအံၤ ပာ်ဒ့ၣ်ပာ်ကမၢ်ခီလ့ၣ်ကၠိဖိအံၤလၢ အနီသိလ့ၣ်ယီၢ် (ဆိုင်ကယ်) ဖဲအမူၤသံးအခါအဃိ မၤ ဒၢၣ်မၤလိာ်ဝဲနၣ်လီၤ. တၢ်အံၤကဲထီၣ်သးဖဲ တ---ကဝီၤဒ့ႇ ကမးမိၢ်ဝ့ၢ်ႇ ဘုသိၣ်ကီၢ်ဆၣ်ႇ မုၢ်တြီၢ်ကီၢ် ရ့ၣ်အပူၤန့ၣ်လီၤ. ခီလ့ၣ်ကၠိဖိတဂၤလၢဘၣ်တၢ်မၤဒၢၣ်မၤလိာ်အီၤန့ၣ် လဲၤအိၣ်ကၠိလၢဝ့ၢ်ဖၣ်အၣ် ဒီးဖဲ တါလီၤအဆၢကတီၢ်ဟဲက့ၤဟးဝဲဆူအဟံၣ်အဃီလၢသဝီပူၤန့ၣ်လီၤ.

လၢတၢ်မၤဒၢၣ်မၤလိာ်အီၤအဃိ စီၤတ--- အမဲာ်သၣ်ဒီးအခိၣ်ဘၣ်ဒိဝဲ ဒီးဘၣ်တၢ်ဆှၢအီၤဆူ ကမးမိၢ် ပဒိၣ်တၢ်ဆါဟံၣ်လၢတၢ်ကူစါယါဘျါအဂီၢ်န့ၣ်လီၤ. အဝဲဘၣ်ဆးအခိၣ်သၣ်ဃံဖဲတၢ်ဆါဟံၣ်ဝံၤဒီး တၢ် ဆှၢက့ၤအီၤလၢအဟံၣ်တနံၤဃီန့ၣ်လီၤ. တၢ်ကူစါဒီး ကသံၣ်ကသီအဘူးအလဲဖဲတၢ်ဆါဟံၣ်လၢာ်ဝဲ ၅ႇဝဝဝ ကၠး ဒီးအမိၢ်ဘၣ်ဟ့ၣ်တၢ်လၢာ်ဘူၣ်လၢာ်စ့ၤအံၤခဲလၢာ်န့ၣ်လီၤ. 

စီၤတ---အံၤ ပျံၤတၢ်ဒိၣ်မးလၢ ကတီၣ်ဖျါထီၣ်တၢ်ဂ့ၢ်အံၤဆူ ဟီၣ်ကဝီၤခိၣ်နၢ်ၦၤန့ၢ်စိန့ၢ်ကမီၤတဖၣ် အအိၣ်ႇ ဒီးအမိၢ်အပၢ်စ့ၢ်ကီး သူၣ်ပျံၤသးဖုးတၢ်ဒိၣ်မးလီၤ. မုၢ်ဂၢ် မ---လၢအမ့ၢ်ခီလ့ၣ်ကၠိဖိဘၣ်ဒိ တဂၤအံၤအမိၢ်န့ၣ် တဲဘၣ်ကညီဂ့ၢ်ဝီခွဲးယာ်ကရူၢ်လၢ “ၦၤဘၣ်တၢ်မၤဒၢၣ်မၤလိာ်တဖၣ်လဲၤထီၣ် တၢ်ဆါဟံၣ်ဒီးဘၣ်ဟ့ၣ်ကသံၣ်ကသီပှ့ၤလၢအကစၢ်လီၤ. ၦၤမၤဒၢၣ်တၢ်တခီမ့ၢ် BGF သုးဖိဆီဖါဂီၤ အဃိ မတၤကအိၣ်ဟ့ၣ်န့ၢ်ယဖိခွါကသံၣ်ပှ့ၤဒီး တၢ်လၢာ်ဘူၣ်လၢာ်စ့ၤဝဲလဲၣ်.”

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါႇ ဟ့ၣ်ၦၤတၢ်ခွဲး တၢ်ယာ်လၢပကသူတၢ် ဂ့ၢ်အံၤလၢကျဲဒ်လဲၣ်.

ၦၤတူၢ်ဘၣ်တၢ်အံၤအမိၢ်ဒၣ်ဝဲ ဟ့ၣ်အခွဲးလၢပကရၤလီၤတၢ်ကစီၣ်အံၤလီၤ.