တၢ်ကဲထီၣ်သးအကလုာ်

တၢ်မၤဒၢၣ်မၤလီၤဒီး တၢ်ဟံးန့ၢ်ဆူၣ်တၢ်စုလီၢ်ခီၣ်ခိၣ်

တၢ်ကဲထီၣ်သးမုၢ်နံၤမုၢ်သီ

လါမ့ၤ ၇ သီႇ ၂ဝ၁၉ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီႇ ကရူၢ်ႇ ကီၢ်ဆၣ်ႇ ကီၢ်ရ့ၣ်)

ဝ---- သဝီႇ လ့ဖိထၣ်ကရူၢ်ႇ ဒွဲၣ်လိကီၢ်ဆၣ်ႇ မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

တသ့ၣ်ညါ

သးနံၣ်

၁၆ 

မုၣ်ခွါ 

ခွါ

ကလုာ်

ကညီ

ဟံၣ်ဖိဃီဖိ အိၣ် / တအိၣ်

သဘျ့

တၢ်ကရၢကရိ

စ--- သီခါဖၠၣ်

တၢ်ဘူၣ်တၢ်ဘါ

ဘါသီခါ

တၢ်ဟံမူဒါ / လီၢ်လၤ

တပွဲ

အိၣ်ဆိးဒူသဝီ 

ခ--- သ၀ီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ        

လီၢ်လၤ

သုးကျိၤ/ သုးရ့ၣ်/ သုးတြိၤ

အိၣ်သူၣ်လီၤသးလီၢ်ကျဲ / သုးကလၢၤ 

အခိၣ်အမံၤဒီးလီၢ်လၤ

စီၤမိဟ့

သုးစကီၤ

သုးခိးကီၢ်ဆၢ သုးရ့ၣ်နီၣ်ဂံၢ် (၁ဝ၁၄)

တဒါအူသဝီႇ လ့ဖိထၣ်က ရူၢ်, ဒွဲၣ်လိကီၢ်ဆၣ်

သုးခိးကီၢ်ဆၢ အသုးရ့ၣ်သုးခိၣ်ယီၤ ဘိၣ်စီၤမီၤခၠံၢ်

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

တၢ်ကစီၣ်တခါအံၤန့ၣ် ဘၣ်တၢ်ဟ့ၣ်ယၤလၢ လီၢ်ကဝီၤဖိတဂၤလၢအအိၣ်ဖဲ ကမးမိၢ်ဝ့ၢ်န့ၣ်လီၤ.

ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

တၢ်ဂံၢ်ခီၣ်ထံးဘၣ်ဃး တၢ်ဂ့ၢ်တခါအံၤန့ၣ် ဒိးန့ၢ်ဘၣ်ဝဲလၢ အဘူးအတံၢ်တဂၤလၢ အထံၣ်ဘၣ်ဝဲတၢ်ကဲထီၣ်သးတခါအံၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

တၢ်မၤဘၣ်ဒိ ၦၤကညီဂ့ၢ်ဝီခွဲးယာ်တခါအံၤန့ၣ်  အကဲထီၣ်တ့ၢ်အသးဖဲ လါမ့ၤ ၇ သီ ၂ဝ၁၉ နံၣ် လၢအဘူးဒီး ဝ---သဝီႇ လ့ဖိထၣ်ကရူၢ်ႇ ဒွဲၣ်လိကီၢ်ဆၣ်ႇ မုၢ်တြီၢ်ကီၢ်ရ့ၣ်အပူၤန့ၣ်လီၤ. တပွဲဖိလၢ အသးနံၣ်အိၣ် ၁၆ နံၣ်တဂၤအံၤအလဲၤဝဲဒၣ်လၢ ကမးမိၢ်ဝ့ၢ် ဒီးသိလ့ၣ် ဃုာ်ဒီး တပွဲအဂၤခံဂၤ လၢအမ့ၢ် ၦၤပၢဆှၢသီခါဖၠၣ်တဂၤ ဒီးၦၤနီသီခါဖၠၣ်သိလ့ၣ်တဂၤစ့ၢ်ကီးနၣ်လီၤ. ဖဲဟါခီ ၃ နၣ်ရံၣ်န့ၣ်ႇ သုးခိးကီၢ် ဆၢသုးစကီၤစီၤမိဟ့ ဖဲသုးရ့ၣ် (၁ဝ၁၄)တဂၤအံၤ အပတုာ်ဝဲသီခါသိလ့ၣ်တခိၣ်န့ၣ် ဖဲသုးခိးကီၢ်ဆၢ သမံသမိးတၢ်တၢ်လီၢ် လၢအအိၣ်ဖဲသိလ့ၣ်ကျဲလၢ အလဲၤလၢဝ---သဝီဒီးခ---သဝီန့ၣ်လီၤ. 

သုးစကီၤ စီၤမိဟ့အံၤ အတီၢ်ဝဲ တပွဲဖိတဂၤလၢ အသးနံၣ်အိၣ် ၁၆ နံၣ်တဂၤအံၤအခိၣ်ဒီးအကျိဖုၣ်အခံအဃိ အဝဲ (တပွဲ)ဖိတဂၤန့ၣ် အခိၣ်ဘၣ်ဒိဒီးတဲာ်ဝဲဖးလဲၢ်န့ၣ်လီၤ. အဝဲတီၢ်ထီၣ်တၢ်ကမၣ်လၢ တပွဲဖိတဂၤန့ၣ် အလိၤ  ဒီးအတဲဝဲလၢ တပွဲဖိတဂၤအံၤအဂုာ်န့ၢ်ဝဲအကျိအဃိ အတီၢ်ဝဲတပွဲဖိတဂၤန့ၣ်လီၤ. စီၤမိဟ့အံၤ ဟံးန့ၢ်ဆူၣ်စ့ၢ်ကီးသိလ့ၣ်တခိၣ်န့ၣ် ဒီးဘၣ်တၢ်သူအီၤလၢ သုးခိးကီၢ်ဆၢခဲအံၤန့ၣ်လီၤ. 

လီၢ်ကဝီၤသဝီဖိတဖၣ် အတၢ်မၤစၢၤအဃိ တပွဲဖိလၢ အဘၣ်ဒိတဂၤအံၤ ဘၣ်တၢ်ဆှၢအီၤလၢ ကမးမိၢ်တၢ်ဆါဟံၣ် ဖဲအဝဲဒိးန့ၢ်ဝဲ တၢ်ယါဘျါသၢသီဖဲန့ၣ်လီၤ. သုးခိးကီၢ်ဆၢမ့ၢ်ဂ့ၤ တၢ်ကရၢကရိအဂုၤအဂၤလၢ ကမၤစၢၤအီၤလၢ အတၢ်ကူစါယါဘျါ နီတဖုဘၣ်န့ၣ်လီၤ. သဝီဖိလၢ အအိၣ်ဘူးဒီး တၢ်ဆါဟံၣ်သ့ၣ်တဖၣ်အံၤ အဟ့ၣ်ဒုးအီၣ်ဝဲတၢ်အီၣ်သ့ၣ်တဖၣ် လၢၦၤတူၢ် ဘၣ်တၢ် (တပွဲ)ဖိတဂၤန့ၣ် ဖဲအဝဲအိၣ်လၢတၢ်ဆါဟံၣ်ဒီးဟံးန့ၢ်တၢ်ကူစါယါဘျါအခါန့ၣ်လီၤ. လီၢ်ကဝီၤသဝီဖိတဖၣ် အပျံၤတၢ်လၢကတဲဘၣ်ဃးတၢ်ဂ့ၢ်အံၤ မ့တမ့ၢ်ကတီၣ်ဖျါထီၣ်တၢ်ကဲထီၣ်သးအံၤ ခီဖျိတၢ်ဂ့ၢ်အံၤ အပာ်ဃုာ်ဒီး သုးခိးကီၢ်ဆၢ အသုးစကီၤတဂၤအဃိန့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါႇ ဟ့ၣ်ၦၤတၢ်ခွဲး တၢ်ယာ်လၢပကသူတၢ် ဂ့ၢ်အံၤလၢကျဲဒ်လဲၣ်.

ကညီဂ့ၢ်ဝီခွဲးယာ်ကရူၢ်အံၤ အလဲၤသံကွၢ်သံဒိးဒီးပာ်ဖျါထီၣ်သးလၢ ၦၤတူၢ်ဘၣ်တၢ်တဂၤအံၤ အအိၣ်တသ့ဘၣ် ခီဖျိတၢ်ဘံၣ်တၢ်ဘၢ တၢ်ဂ့ၢ်ကီသ့ၣ်တဖၣ်အဃိန့ၣ်လီၤ. မံၤႇ သးနံၣ်ႇ မုၣ်ခွါဒီးတၢ်လီၢ်တၢ်ကျဲလၢ ပဒိးန့ၢ်ဘၣ်တၢ်ဂ့ၢ်ဂံၢ်ခီၣ်ထံးအံၤ ဘၣ် တၢ်ပဲာ်ထံတြူၢ်သံကွံာ်အီၤလၢတၢ် ဘံၣ်တၢ်ဘၢအဂီၢ်န့ၣ်လီၤ.