အခင်းဖြစ်ပွားမှုအမျိုးအစား

ရွာသားတစ်ဦးအား အဓမ္မဖမ်းဆီး၍ သတ်ဖြတ်မှု

အခင်းဖြစ်ပွားသည့်နေ့ရက်

၂၀၂၃ ခုနှစ်၊ အောက်တိုဘာလ ၂၅ရက်နေ့

အခင်းဖြစ်ပွားသည့်နေရာ (ကျေးရွာ၊ မြို့နယ်၊ ခရိုင်)  

ဘိတ်-ထားဝယ်ခရိုင်၊ ကစယ်ဒို (သရက်ချောင်း) မြို့နယ်၊ ကစယ်ခလယ်ဒေသ၊ ဘ---ကျေးရွာနှင့် စ---ကျေးရွာ

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

ကိုက---

အသက်

၃၁ နှစ်

ကျား/မ

ကျား

လူမျိုး

ဗမာလူမျိုး

အိမ်ထောင် ရှိ/မရှိ   

အိမ်ထောင်မရှိ

အလုပ်အကိုင်

လယ်သမား

ကိုးကွယ်သည့် ဘာသာ

ဗုဒ္ဓဘာသာ

ရာထူးအဆင့်

မသိရှိရ

နေရပ် ရွာအမည်

ဘိတ်-ထားဝယ်ခရိုင်၊ ကစယ်ဒိုမြို့နယ်၊ ကစယ်ခလယ်ဒေသ၊ ဘ---ကျေးရွာ

ပစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်

ရာထူး

စစ်ကြောင်း၊ တပ်ရင်း၊ တပ်မ

အခြေစိုက်သည့်နေရာ ဒေသ   

အထက်အရာရှိ အမည်

မသိရှိရ

မသိရှိရ

ခြေလျင်တပ်ရင်း (ခလရ) အမှတ် (၄၀၃)

သရက်ချောင်းတပ်စခန်း

မသိရှိရ

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

KHRG ကွင်းဆင်းလုပ်သားတစ်ဦးသည် ဤဖြစ်စဉ်ကို လူမှုကွန်ယက်စာမျက်နှာတွင် ဖတ်ရှုခဲ့ရပြီးနောက် သတင်းအ ချက်အလက်အသေးစိတ်များသိရှိရန်အတွက် ဒေသခံအာဏာပိုင်များကို ဆက်သွယ်မေးမြန်းခဲ့သည်။ ထို့အပြင် ကိုက---၏ရုပ်အလောင်းကို ကူညီသယ်ဆောင်ပေးခဲ့သည့် ရွာသားတစ်ဦးဖြစ်သူ ကိုခ---ကိုလည်း အင်တာဗျူးခဲ့ပါသည်။

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြလိုပါသနည်း။ ၎င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

KHRG ကွင်းဆင်းလုပ်သားမှ အင်တာဗျူးခဲ့သော ကိုခ---သည် ဤဖြစ်စဉ်ကို မျက်မြင်တွေ့ခဲ့သူဖြစ်ပြီး ကိုက--- ၏ရုပ် အလောင်းကို ကိုယ်တိုင်တူးဖော်ပေးခဲ့သူဖြစ်သည့်အတွက်ကြောင့် ဤသတင်းအကြောင်းအရာသည် မှန်ကန်ပါသည်။

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

၂၀၂၃ ခုနှစ်၊ အောက်တိုဘာလ ၂၅ရက်နေ့၌ ကစယ်ဒို (သရက်ချောင်း)မြို့တွင် အခြေစိုက်သည့် နိုင်ငံတော်စီမံအုပ်ချုပ် ရေးကောင်စီ (SAC) ခြေလျင်တပ်ရင်း (ခလရ) အမှတ် (၄၀၃) သည် ဘိတ်-ထားဝယ်ခရိုင်၊ ကစယ်ဒိုမြို့နယ်၊ ကစယ်ခ လယ်ဒေသရှိ အ---ကျေးရွာသို့ လာရောက်စစ်ကြောင်းထိုးခဲ့သည်။ စစ်ကြောင်းထိုးလာသည့်လမ်းတွင် SAC စစ်သားများ သည် ကစယ်ခလယ်ဒေသရှိ ဘ---ကျေးရွာကိုဖြတ်သန်းလာသည့်အချိန်တွင် အသက် (၃၁)နှစ်အရွယ်ရှိသော ရွာသား တစ်ဦးဖြစ်သူ ကိုက---အား ဖမ်းဆီးခဲ့သည်။ ကိုက---အား မည်သည့်အတွက်ကြောင့် ဖမ်းဆီးရသည်ကို မသိရှိရပေ။

ထိုနေ့နောက်ပိုင်းတွင် SAC စစ်သားများသည် ထိုကျေးရွာမှ ထွက်ခွာသွားခဲ့သည်။ ထို့နောက် ဒေသခံရွာသားများသည် ကိုက---အား လိုက်လံရှာဖွေခဲ့သည်။ ရွာသားများသည် SAC စစ်သားများမှ ကိုက---အား ဖမ်းဆီးခဲ့သည်ကို မြင်တွေ့ခဲ့ ခြင်းဖြစ်သည်။ ရွာသားများသည် (၅)ယောက်တစ်ဖွဲ့ဖြစ်စေ၊ (၇)ယောက်တစ်ဖွဲ့ဖြစ်စေ လူစုခွဲပြီး ကိုက---အား ရှာဖွေခဲ့ သည်။ ရွာသားများသည် ကိုက---အား ကျေးရွာအနီးဒေသများနှင့် ကျေးရွာရှိနေရာတိုင်းတွင် လိုက်ရှာခဲ့သည်။ ရွာသား များသည် လိုက်ရှာရင်း ကစယ်ခလယ်ဒေသရှိ စ---ကျေးရွာသို့ရောက်ရှိသောအခါ မကြာမီက တူးထားသည့်မြေကြီး များကို တွေ့ရှိခဲ့ပြီး လူသေအနံ့ကို ခံစားမိကြသည်။ ထို့နောက် ရွာသားများသည် မြေကြီးထဲတွင်မြှုပ်နှံထားသည့်ကိုက---၏ရုပ်အလောင်းကို တွေ့ရှိခဲ့သည်။ ကိုက---၏လက်ကိုကြိုးနှင့် နောက်ပြန်တုတ်ထားပြီး ၎င်း၏လည်ပင်းကိုလည်း ကြိုးနှင့်ချည်ထားကြောင်း တွေ့ရှိခဲ့သည်။ ရွာသားများသည် ကိုက---၏ရုပ်အလောင်းကို တူးဖော်ခဲ့ပြီး အသုဘအခမ်း အနားပြုလုပ်ပေးခဲ့သည်။

SAC မှ ကိုက---အား ဖမ်းဆီးပြီးသတ်ဖြတ်ခဲ့သည့်ဖြစ်စဉ်ကြောင့် ရွာသားများသည် ကြောက်ရွံ့ထိတ်လန့်နေကြသည်။ ရွာသားများအနေဖြင့် ၎င်းတို့ကျေးရွာအနီးတွင် SAC မှ စစ်ကြောင်းထိုးလာသည့်အကြောင်းကို ကြားသိရှိရလျှင် နီးစပ် ရာကျေးရွာများ သို့မဟုတ် မြို့များသို့တိမ်းရှောင်၍ ခိုလှုံနေထိုင်လေ့ရှိသည်။       

ရွာသားသို့မဟုတ် လူ့အခွင့်အရေးချိုးဖောက်ခံရသူသည် ဤသတင်းကိုအသုံးပြုရန်ခွင့်ပြုပါသလား။ မည်ကဲ့သို့သော နည်းလမ်းဖြင့် အသုံးပြုခွင့်ပေးသည်ကိုဖော်ပြပေးပါ။

အင်တာဗျူးခံရသော ရွာသားတစ်ဦးသည် ဤသတင်းအချက်အလက်များအား ရေးသားဖြန့်ဝေရန်အတွက် ခွင့်ပြုချက် ပေးထားပါသည်။