အခင်းဖြစ်ပွားမှုအမျိုးအစား

အခင်းဖြစ်ပွားသည့်နေ့ရက်

အခင်းဖြစ်ပွားသည့်နေရာ (ကျေးရွာ၊ မြို့နယ်၊ ခရိုင်)

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

အသက်

၅၇

ကျား/မ

ကျား

လူမျိုး

ကရင်

မိသားစုရှိ/မရှိ

ရှိ

အလုပ်အကိုင်

တောင်ယာ

ကိုးကွယ်သည့် ဘာသာ

ဗုဒ္ဓ

ရာထူးအဆင့်

ရွာသား

နေရပ် ရွာအမည်

ခ---

ပြစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်

ရာထူး

စစ်ကြောင်း၊တပ်ရင်း၊တပ်မ

အခြေစိုက်သည့်နေရာဒေသ

အထက်အရာရှိ အမည်

မသိ

ဗိုလ်မှူး

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

[ကရင်လူ့အခွင့်အရေးအဖွဲ့ (KHRG) မှ ထိခိုက်နစ်နာသူနှစ်ဦးအနက်တစ်ဦးအား တွေ့ဆုံမေးမြန်းခဲ့ပါသည်။ တပ်မတော် ခြေမြန်တပ်ရင်းအမှတ် (၄၀၅) တပ်ရင်းမှူး၏ အမည်အား KNLA မှ ပြောပြခဲ့ပါသည်။] 

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြ လိုပါသနည်း။ ၄င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

သတင်းပေးသူမှ လက်တွေ့ခံစားခဲ့ပါသည်။

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

၂၀၂၀ ခုနှစ်၊ ဇွန်လ ၂ ရက်နေ့ အင်္ဂါနေ့ ညနေ ၃ နာရီအချိန်တွင် ဖခင်တစ်ဦးနှင့် ၎င်း၏သမီးဖြစ်သူအား [တပ်မတော်မှ လက်နက်ကြီးပစ်ခတ်မှုကြောင့်] မူတရော်ခရိုင်၊ ဒွယ်လိုးမြို့နယ်၊ လေးဖိုးထအုပ်စု၊ ခ---ရွာ တွင် ဒဏ်ရာရရှိခဲ့ပါသည်။

ထိုနေ့တွင် KNLA တပ်ရင်းအမှတ် (၁၀၂)၊ တပ်ခွဲအမှတ် (၃)မှ စစ်သားများနှင့် တပ်မတော် စစ်ကွပ်ကဲ အခြေစိုက် (စကခ) အမှတ်(၈)၊ ခြေမြန်တပ်ရင်း အမှတ် (၄၀၅) မှ စစ်သားများသည် မောလိုကလိုးစခန်း အနီးတစ်ဝိုက်တွင် တိုက်ခိုက်မှုဖြစ်ပွားခဲ့ပါသည်။ တပ်မတော်မှ ခ---ရွာသို့ လက်နက်ကြီးပစ်ခတ်ရာတွင် ၅၇ နှစ်ရှိသော စောလ---နှင့် ၎င်း၏ ၁၃ နှစ်ရှိသောသမီးဖြစ်သူ နော်စ---အား [စောလ--- သည် ၎င်း၏ ဘယ်ဖက်ပေါင် အားထိခိုက်၍ နော်စ---အား ၎င်း၏ညာဖက်ဝမ်းဗိုက်အားထိခိုက်] ဒဏ်ရာရစေခဲ့ပါသည်။

[မောလိုကလိုးစခန်းသည် တပ်ရင်းမှူးလှိုင်ထွန်း၏ စီမံခန့်ခွဲမှုအောက်တွင် တည်ရှိပါသည်။] ထိုစခန်းကို သူဦးဆောင်ပြီး သူ၏စစ်သားများမှာမူ စစ်ပွဲဇုန်နှင့် လေ့ကျင့်သောနေရာတို့တွင်သာ ပစ်ခတ်မှုများ ပြုလုပ် နိုင်ပါသည်။ ၎င်းတို့မှ ရွာသို့ လက်နက်ကြီးပစ်ခတ်ခြင်းသည် ရွာသားများ၏ အခွင့်အရေးအား ချိုးဖောက် ခြင်းဖြစ်သည်။

၎င်းတို့ [တပ်မတော်] မှ [ပစ်ခတ်မှုကြောင့်] ဖြစ်ပေါ်ခဲ့သော နောက်ဆက်တွဲပြဿနာများအတွက် တာဝန် မယူသည့်အပြင် ဆေးကုသခအားလည်း မပေးခဲ့ပါ။ ထိုဖခင်နှင့် သမီးတို့ ဒဏ်ရာရပြီးနောက် ရွာသူကြီးမှ ၎င်းတို့အား ကမမောင်းဆေးရုံသို့ ပို့ဆောင်လိုသော်လည်း ၎င်းတို့မှ ငြင်းဆိုခဲ့သည်မှာ ဆေးကုသမှုခံယူရန် ငွေကြေးမရှိသောကြောင့်ဖြစ်သည်။ ထို့ကြောင့် ရွာသူကြီးမှ ဗိုလ်မောင်ချစ်၏အမျိုးသမီးထံမှ ငွေ ၃၀၀၀၀ ကျပ် [၂၁.၆၅ ဒေါ်လာ] ချေးခဲ့ပြီး ထိခိုက်နစ်နာသူနှစ်ဦးအား [ဆေးရုံသို့] ပို့ပေးခဲ့ပါသည်။ ၎င်းတို့အား ဇွန်လ ၂ ရက်နေ့တွင် ဆေးရုံသို့ ပို့ဆောင်ခဲ့ပြီး ဇွန်လ ၈ ရက်နေ့တွင် အိမ်ပြန်လာခဲ့ပါသည်။ [ယခုချိန်တွင်] ၎င်းတို့သည် တစ်ပတ်တစ်ခါ ကျန်းမာရေး စစ်ဆေးမှု ခံယူနေရပါသည်။

ဤကဲ့သို့ မှုခင်းဖြစ်ပျက်ခြင်းသည် တပ်မတော်မှ NCA တွင်လိုက်နာရမည့်ကတိကဝတ်အား လိုက်နာမှု မရှိ ၍ [KNU အုပ်ချုပ်သောနေရာဒေသ] သတ်မှတ်နယ်မြေများသို့ အကြိမ်ပေါင်းများစွာ [ကြိုတင်အသိပေးမှု မရှိပဲ၊ NCA ကတိကဝတ် အပိုဒ် ၁၀ (ခ) အား ချိုးဖောက်ခြင်း] ကျူးကျော်ခဲ့ပါသည်။ ထိုအချိန်တွင် KNU မှ မူတရော်ခရိုင်တွင် COVID-19 အားကာကွယ်ရန် လုပ်ကိုင်ဆောင်ရွက်နေသောအချိန်ဖြစ်သည်။ ထို့ကြောင့် ထို [ကျူးကျော်ခဲ့သော ဖြစ်ပျက်မှုများစွာ] မှ လက်နက်ကိုင်နှစ်ဖွဲ့ [တပ်မတော်နှင့် KNLA] အကြား တင်းမာ မှုများ ဖြစ်ပေါ်စေခဲ့ပါသည်။ တပ်မတော်မှလည်း ကရင် [KNU] ကျန်းမာရေးလုပ်သားများနှင့် ကရင်အမျိုး သားရဲတပ်ဖွဲ့ [KNPF] များကို [COVID-19] ကျန်းမာရေး စစ်ဆေးရေးဂိတ်မှ ထွက်ခွာရန် အတင်းအဓမ္မ စေခိုင်းခြင်းသည် [တပ်မတော်နှင့် KNLA အကြား] လက်နက်ကိုင် ပဋ္ဋိပက္ခများဖြစ်ပွားစေပါသည်။

ဤကဲ့သို့သော ဖြစ်ပျက်မှုများအတွက် ရွာသားများသည် မိမိတို့ကိုယ်ကို ကာကွယ်ရန်အတွက် နည်းဗျူဟာ တစ်စုံတစ်ခုမျှမရှိပါ။ အဖွဲ့နှစ်ဖွဲ့ [တပ်မတော်နှင့် KNLA] ကြား တင်းမာမှုနှင့် မကျေမနပ်မှုများရှိခဲ့ပြီး ၎င်းတို့ အချင်းချင်း ပစ်ခတ်မှုများ စတင်ဖြစ်ပွားခဲ့ပါသည်။ ရွာသားများမှ ထိုကိစ္စအား မသိရှိခြင်း သို့မဟုတ် နားမ လည်သောကြောင့် ဤကဲ့သို့အခြေအနေအား ဘယ်လိုတုန့်ပြန်ရမည်ကို မသိကြပေ။