တၢ်ကဲထီၣ်သးအကလုာ်

တၢ်သူပှၤကညီဒ်တၢ်ဒီသဒၢစုကဝဲၤအသိး

တၢ်ကဲထီၣ်သးမုၢ်နံၤမုၢ်သီ

လါအီးကထိဘၢၣ် ၈သီ, ၂၀၂၃နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

က---သဝီ, တခးကျိကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စ---

ဆ---

ည---

သးနံၣ်

၆၀ နံၣ်

၅၉ နံၣ်

-

မုၣ်/ ခွါ

ပိာ်ခွါ

ပိာ်ခွါ

ပိာ်ခွါ

ကလုာ်

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

သဘျ့

တၢ်ဖံးတၢ်မၤ

ကွၢ်ကျီၢ်

မၤအီၣ်ကျီး

မၤအီၣ်ကျီး

တၢ်ဘူၣ်တၢ်ဘါ

ခရံာ်ဖိ

ခရံာ်ဖိ

ခရံာ်ဖိ

တၢ်ဟံးမူဒါ/ လီၢ်လၤ

-

-

-

အိၣ်ဆိးဒူသဝီ

က---သဝီ

က---သဝီ

က---သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

LID ခီၣ်ချ့သုးတြိၤ နီၣ်ဂံၢ်-၄၄, လီၢ်ကဝီၤခီၣ် သုးရ့ၣ် နီၣ်ဂံၢ်- ၂၈၄ ဒီး ၃၂

သုးတမှံၤ

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

အဆိကတၢၢ်န့ၣ် KHRG ပျီပူၤပှၤမၤတၢ်ဖိတဂၤနၢ်ဟူဝဲတၢ်ကဲထီၣ်သးအံၤလၢလီၢ်ကဝီၤကမျၢၢ်ဖိတဖၣ်အအိၣ်န့ၣ်လီၤ. KHRG ပျီ ပူၤပှၤမၤတၢ်ဖိတဲသကိးတၢ်ဒီးဒူသဝီခိၣ်နၢ် ဝံၤဒီးမၤဝဲတၢ်ထံၣ်လိာ်သံကွၢ်ဒီးပှၤတူၢ်ဘၣ်တၢ်အကျါတဂၤန့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

KHRG ပျီပူၤပှၤမၤတၢ်ဖိမၤဝဲတၢ်ထံၣ်လိာ်သံကွၢ်ဒီးပှၤတူၢ်ဘၣ်တၢ်တဂၤလၢကမၤလီၤတံၢ်ဝဲတၢ်ဂ့ၢ်တၢ်ကျိၤအံၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါအီးကထိဘၢၣ် ၈သီ, ၂၀၂၃နံၣ်န့ၣ်, ပယီၤသုး ခီၣ်ချ့သုးတြိၤ နီၣ်ဂံၢ်-၄၄ ဒီး လီၢ်ကဝီၤ ခီၣ်သုးရ့ၣ် နီၣ်ဂံၢ်- ၂၈၄ ဒီး ၃၂ အ သုးဖိတဖၣ်ဟူးဂဲၤဝဲဖဲ နိၣ်တကီကီၢ်ဆၣ်ပူၤ ဒီးဖီၣ်န့ၢ်ဝဲသဝီဖိတဖၣ်လၢအဝဲသ့ၣ်ထံၣ်ဝဲလၢကျဲ ဖဲ က---သဝီ, တခးကျိကရူၢ်, နိၣ်တကီကီၢ်ဆၣ်, ဒူပျာ် ယာ်ကီၢ်ရ့ၣ်ပူၤဒ် သိးကသူအဝဲသ့ၣ်ဒ်တၢ်ဒီသဒၢစုကဝဲၤအသိးန့ၣ်လီၤ. တၢ်ဖီၣ်န့ၢ်ဝဲသဝီဖိတဂၤလၢအ မံၤမ့ၢ်ဝဲ စ---ဖဲအဝဲကွၢ် ကျီၢ်အဆၢကတီၢ်, ဒီးတၢ်ဖီၣ်န့ၢ်ဝဲသဝီဖိအဂၤခံဂၤ လၢအမ့ၢ်ဝဲ ဆ--- ဒီး ည---ဖဲလၢအဝဲသ့ၣ်လဲၤမၤ တၢ်လၢကျီး ပူၤအဆၢက တီၢ်န့ၣ်လီၤ. သဝီဖိလၢတၢ်ဖီၣ်အီၤတဂၤအကျါ ည---အံၤမ့ၢ်ဝဲပှၤတဂၤလၢအသးတဘၣ်လီၢ်ဘၣ်ဆး ဒီး ကတိၤတၢ်တသ့ဘၣ်န့ၣ် လီၤ. ညီနုၢ်န့ၣ်, ပယီၤသုးတဖၣ်မၢဆူၣ်ဝဲသဝီဖိတဖၣ်ကဟးလၢအဝဲသ့ၣ်ကျါ ဒ်သိးဒီးပှၤဖီၣ်စုကဝဲၤ ပၢၢ်ဆၢတၢ်ကရူၢ်တဖၣ်သုတခး အဝဲသ့ၣ်တဂ့ၤအဂီၢ်န့ၣ်လီၤ.

ပှၤတူၢ်ဘၣ်တၢ်အကျါတဂၤ စ---တဲဖျါထီၣ်ဝဲလၢ, “တၢတၢန့ၣ်ယဆိကမိၣ်လၢပှၤမၤတၢ်တမံၤမံၤအဃိ, ယလဲၤကွၢ်န့ၣ်လီၤ. ဖဲ ယလဲၤတုၤဃီၤန့ၣ် ဘၣ်လၢပယီၤသုးသ့ၣ်တဖၣ်န့ၣ်လီၤ. ပယီၤသုးတဖၣ်န့ၣ်ဟဲဃီၤလၢယအိၣ်ဒီး ယတဲအဝဲသ့ၣ်လၢယမ့ၢ် ပှၤကွၢ်ကျီၢ်ဖိတဂၤလီၤ. ဝံၤဘျီ, ပယီၤသုးဖိတဖၣ် တဲယၤလၢပကမၢနလဲၤပိာ်ပခံတစိၢ်ဖိန့ၣ်လီၤ. မ့ၢ်လၢယစၢဃာ်ယကျီၢ်တဖၣ် အဃိ, ကျီၢ်ဖိတဖၣ်စံၣ်ပြံပြါဝဲဒၣ်ဒီးယတဲပယီၤသုးလၢ ယကပျၢ်လီၤကွံာ်ယကျီၢ် ဘၣ်ဆၣ်အဝဲသ့ၣ်တဒုးပျၢ်လီၤယၤဘၣ်. ပယီၤသုးတဖၣ်သံကွၢ်ယၤကျဲတဘိအံၤန့ၣ်အလဲၤဖဲလဲၣ်. ယတဲအဝဲသ့ၣ်လၢကျဲတဘိအံၤတလဲၤတၢ်လီၢ်နီတပူၤဘၣ်, ကျဲအံၤမ့ၢ် ဒၣ်ကျီၢ်အကျဲလီၤ.” ပယီၤသုးတ ဖၣ်မၢယလဲၤပိာ်အဝဲသ့ၣ်အခံ ဒီးဒုးနဲၣ်ကျဲလၢတၢ်မဲာ်ညါန့ၣ်လီၤ.

သဝီဖိလၢတၢ်ဖီၣ်အီၤအကျါတဂၤ တၢ်မၢဆူၣ်အီၤလၢကဝံဝဲ ထၢၣ်တဖျၢၣ်လၢအတယၢၢ်ဃၢကအိၣ်ဝဲယဲၢ်ပီၢ်န့ၣ်လီၤ. သဝီဖိလၢ ပှၤဖီၣ်န့ၢ်အီၤတဖၣ်အံၤ ပှၤဟ့ၣ်ဒုးအီၣ်အဝဲသ့ၣ် မၣ်မၣ်ထဲတဂၤသၢဘိၣ်လၢသၢသီအတီၢ်ပူၤန့ၣ်လီၤ. ပယီၤသုးဟ့ၣ်ဒုးအီၣ်ဝဲ စီၤ စ---မ့ၤဘိၣ်တဘိၣ် ဘၣ်ဆၣ် စီၤစ---အီၣ်ဝဲတဘူၣ်ဘၣ် ခီဖျိလၢမ့ၤတဘိၣ်န့ၣ် အနၢလီၤဂာ်လၢကသံၣ်ပၣ်ဃုာ်ဝဲန့ၣ်လီၤ.

တၢ်ပျၢ်ကွံာ်ဝဲသဝီဖိသ့ၣ်တဖၣ်အံၤ ဖဲလါ အီးကထိဘၢၣ် ၁၀သီ, ၂၀၂၃နံၣ်န့ၣ်လီၤ. ပယီၤသုးစံးဘျုးအဝဲသ့ၣ်ဒီး ဟ့ၣ်အဝဲသ့ၣ် စ့ ၁၀,၀၀၀ကၠၣ်န့ၣ်လီၤ. စီၤ စ---တဲဝဲလၢ အဝဲသ့ၣ်ဟ့ၣ်ပှၤစ့သနာ်က့, တၢ်မၢဆူၣ်သဝီဖိလၢကမၤ တၢ်မၤအံၤန့ၣ် တမ့ၢ်တၢ် လၢအဘၣ်ဘၣ်န့ၣ်လီၤ. ဆၢကတီၢ်ခဲအံၤ စီၤစ---လဲၤကွၢ်က့ၤကျီၢ်လၢအယံၤဒီးသဝီတဘူၣ်လၢာ်ဘၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤတူၢ်ဘၣ်တၢ်လၢတၢ်မၤတၢ်ထံၣ်လိာ်သံကွၢ်ဒီအီၤတဂၤအံၤ ဟ့ၣ် KHRG တၢ်ပျဲလၢကသူဝဲတၢ်ဂ့ၢ်တၢ်ကျိၤအံၤန့ၣ်လီၤ.