တၢ်ကဲထီၣ်သးအကလုာ်

ဟီၣ်လာ်မ့ၣ်ပိၢ်တၢ်ပိၢ်ဖး

တၢ်ကဲထီၣ်သးမုၢ်နံၤမုၢ်သီ

လါအီးကထိဘၢၣ် ၂၀သီ, ၂၀၂၂နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အ---သ၀ီ, မီခံကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

ဘ---

သးနံၣ်

၄၆နံၣ်

မုၣ်/ ခွါ

ခွါ

ကလုာ်

ကညီဒီးပယီၤ

ဟံၣ်ဖိဃီဖိ အိၣ် / တအိၣ်   

တအိၣ်

တၢ်ဖံးတၢ်မၤ

တၢ်မၤဒိးလဲ

တၢ်ဘူၣ်တၢ်ဘါ

ဘူးဒး

တၢ်ဟံမူဒါ/ လီၢ်လၤ

သ၀ီဖိ

အိၣ်ဆိးဒူသဝီ

အ---သ၀ီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                   

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ §သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

SAC သုးလၢတသ့ၣ်ညါ သုးရ့ၣ်သုးထံး

အီၤမ့ၤကလၤသုးကလၢၤ

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

KHRG ၀ဲၤဒၢးပှၤမၤတၢ်ဖိ မၤလီတဲစိတၢ်ထံၣ်လိာ်သံကွၢ်ဒီး လီၢ်က၀ီၤခိၣ်နၢ်တဂၤဖဲ လါအီးကထိဘၢၣ် ၂၆သီ, ၂၀၂၂နံၣ် ဒီး ပှၤတူၢ်ဘၣ်တၢ်အနီၢ်ကစၢ်ဖဲ လါနိၣ်၀့ဘၢၣ် ၃သီ, ၂၀၂၂နံၣ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

လီၢ်က၀ီၤခိၣ်နၢ်တဂၤလၢ အဟ့ၣ်လီၤ တၢ်ဂ့ၢ်တၢ်ကျိၤသ့ၣ်တဖၣ်အံၤ သ့ၣ်ညါဘၣ်ဃး မ့ၣ်ပိၢ်ထုးပျံၤတၢ်ကဲထီၣ်သးအံၤ ခီဖျိပှၤတူၢ်ဘၣ်တၢ်အနီၢ်ကစၢ်ဒုးသ့ၣ်ညါအီၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ဖဲလါအီးကထိဘၢၣ် ၂၀သီ, ၂၀၂၂နံၣ်န့ၣ်, လၢတၢ်သတူၢ်ကလာ်အပူၤ သ၀ီဖိတဂၤလၢအမံၤမ့ၢ် ဘ---, အိၣ်လၢအ---သ၀ီ, မီခံကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်န့ၣ် ယီၢ်ဘၣ်၀ဲမ့ၣ်ပိၢ်ထုးပျံၤတဖျၢၣ် လၢသ၀ီဖိတယး၀ဲလၢ ထံကီၢ်တၢ်ပၢ တၢ်ပြးကီၣ်ကးကရၢ (SAC) သုးလၢ အအိၣ်ဖဲ အီၤမ့ၤကလၤသုးကလၢၤ လၢတၢ်တသ့ၣ်ညါအသုးထံးတဖု ဆီလီၤဃာ်၀ဲ (မ့ၢ်လၢအအိၣ်ဘူးဖဲန့ၣ်) န့ၣ်လီၤ. တၢ်အံၤကဲထီၣ်အသးဖဲ ပှၤတူၢ်ဘၣ်တၢ်တဂၤအံၤ လဲၤကုၢ်သွဲၣ်လးဖဲ သုးကလၢၤအဃၢၤ အခါ (ဖဲအ၀ဲလဲၤထၢဖှိၣ်န့ၢ်သ့ၣ် လၢပှၢ်ပူၤ၀ံၤ ဟဲက့ၤစိာ်၀ဲဆူတၢ်ကုၢ်သွဲၣ်လး အလီၢ်လၢအဘူးဒီး သုးကလၢၤ) န့ၣ်လီၤ. ဘ---တဲ၀ဲလၢ “ယမၤတၢ်ဒ် ပှၤကုၢ်သွဲၣ်လးဖိတဂၤလီၤ. တၢ်ကဲထီၣ်သးန့ၣ် မ့ၢ်၀ဲဖဲ ယလဲၤထၢဖှိၣ်သ့ၣ်၀ံၤဒီး ယဟဲက့ၤလၢကျဲ ဘူးဒီး SAC သုးကလၢၤအခါန့ၣ်လီၤ. အခီၣ်ထံးန့ၣ်, ယဆိမိၣ်လၢ တၢ်ဒုးကဲထီၣ်တခီ. ယတသ့ၣ်ညါလၢ ယဘၣ်ဒီးမ့ၣ်ပိၢ် ထုးပျံၤဒံးဘၣ်. ယဘၣ်ဒိ၀ံၤန့ၣ် ယက့ၤဃ့ၢ်ဆူသ၀ီပူၤဒံးလီၤ. ယဘၣ်ဒိဖဲ ယခီၣ်ဒုၣ်သၣ်အစ့ၣ်တကပၤ, ယနၢ်ကုအစ့ၣ်တ ကပၤ ဒီးယချၢဃံန့ၣ်လီၤ. ယချၢဃံန့ၣ် ဘၣ်ဒိလီၢ်အိၣ်တဘျုးခါညါလီၤ.” ဖဲ ဘ--- ယီၢ်ဘၣ်မ့ၣ်ပိၢ်ထုးပျံၤအကတီၢ် ပှၤလဲၤ ဃုာ်ဒီး အီၤတအိၣ်နီတဂၤဘၣ်.

ဖဲအ၀ဲဘၣ်ဒိဒီး က့ၤဆူသ၀ီပူၤန့ၣ်, ပှၤဟံၣ်ခိၣ်ဟံၣ်ဃၢၤတဖၣ် လဲၤစိာ်ဆှၢအီၤဒီးသိလ့ၣ် ဆူဂီၤလ့ၤတၢ်ဆါဟံၣ်လၢ အအိၣ် ဖဲဂီၤလ့ၤ၀့ၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်န့ၣ်လီၤ. တၢ်ဆါဟံၣ်တဖျၢၣ်အံၤ ဘၣ်တၢ်ပၢဆှၢအီၤလၢ ကညီဘူးဒး တၢ်လဲၤထီၣ်လဲၤထီသုးမုၢ်ဒိၣ် (DKBA) (ဒီးအိၣ်စီၤစုာ်၀ဲဒီး အီၤမ့ၤကလၤသ၀ီ လၢသိလ့ၣ်ယီၢ်ကျဲ ၁၅မံးနံးဃၣ်ဃၣ်) န့ၣ်လီၤ. ပှၤတူၢ်ဘၣ်တၢ်အံၤ ဘၣ်ကူစါယါဘျါအသးဖဲတၢ်ဆါဟံၣ် လွံၢ်သီန့ၣ်လီၤ. အ၀ဲတဘၣ်ဟ့ၣ်တၢ်ဘူးတၢ်လဲ လၢတၢ် ကူစါယါဘျါသးအဂီၢ်ဘၣ်. အ၀ဲဘၣ်ဟ့ၣ်ဒၣ်ထဲအနီၢ်ကစၢ်တၢ်အီၣ်တၢ်အီအပှ့ၤန့ၣ်လီၤ. ဘ---တဲ၀ဲလၢ “ဖဲတၢ်ကူစါယါ ဘျါအကတီၢ်န့ၣ်, ယတံၤသကိးတဖၣ်ဟ့ၣ်မၤစၢၤယၤ စ့တနီၤလၢယကပှ့ၤတၢ်အီၣ်တၢ်အီဒီးကိၣ်ဖိနီဖိအဂီၢ်န့ၣ်လီၤ.”

လၢအပူၤကွံာ်န့ၣ်, တၢ်ကဲထီၣ်သးဟီၣ်က၀ီၤအံၤအပူၤ (ဘူးဒီးအ---သ၀ီ) န့ၣ် ဟီၣ်လာ်မ့ၣ်ပိၢ်တအိၣ်ဘၣ် ဒီး တၢ်တဟ့ၣ် တၢ်သ့ၣ်ညါဘၣ်ဃး ဟီၣ်လာ်မ့ၣ်ပိၢ်တၢ်လီၤဘၣ်ယိၣ်အဂ့ၢ် ဖဲသ၀ီပူၤနီတဘျီဘၣ်. လၢအပူၤကွံာ်န့ၣ် ထွံၣ်ယီၢ်ဘၣ် ဟီၣ် လာ်မ့ၣ်ပိၢ် အိၣ်တဘျီ, ဘၣ်ဆၣ်အခဲအံၤ မ့ၢ်အဆိကတၢၢ်တဘျီ လၢပှၤကညီယီၢ်ဘၣ်အီၤန့ၣ်လီၤ. မ့ၣ်ပိၢ်ထုးပျံၤတဖျၢၣ် အံၤန့ၣ် တၢ်တယး၀ဲလၢ အမ့ၢ် SAC သုးလၢအအိၣ်ဖဲ အီၤမ့ၤကလၤသုးကလၢၤတဖု ဆီလီၤဃာ်အီၤ မ့ၢ်လၢအအိၣ်ဘူး ဒီးသုးကလၢၤဖဲန့ၣ်အဃိ ဒီးသုးဖီၣ်စုက၀ဲၤအဂၤတလဲၤဖဲလီၢ်က၀ီၤန့ၣ်နီတဘျီဘၣ်အဃိန့ၣ်လီၤ. ပှၤတူၢ်ဘၣ်တၢ်တဂၤ အံၤ အဟံၣ်ဖိဃီဖိတအိၣ်ဘၣ်, အဃိပှၤအိၣ်ခိၣ်ဃၢၤတဖၣ် ဒီးသ၀ီဖိအဂၤတဖၣ် ကွၢ်ထွဲအီၤဒီးမၤစၢၤအီၤန့ၣ်လီၤ. တၢ်က ရၢကရိ လၢကမၤစၢၤအီၤလၢ ကျိၣ်စ့တကပၤတအိၣ်နီတဖုဘၣ် (ဖဲလါဒံၣ်စ့ဘၢၣ် ၂၀၂၂နံၣ်အခါ) န့ၣ်လီၤ. ပှၤတူၢ်ဘၣ်တၢ် စံၣ်လီၤ ဘၣ်လၢတၢ်ဆါဟံၣ်ဒီး အတၢ်ဘၣ်ဒိဘၣ်ထံးတဖၣ် ဘျါက့ၤ၀ဲလံန့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပက သူတၢ်ဂ့ၢ်အံၤလၢကျဲဒ်လဲၣ်.

ပှၤတူၢ်ဘၣ်တၢ်ဟ့ၣ်အခွဲးလၢ ကမၤနီၣ်မၤဃါတၢ်ကစီၣ်အံၤဒီး ရၤလီၤအီၤန့ၣ်လီၤ.