ထိုင်းနိုင်ငံဘက်ကို ထွက်ပြေးခိုလှုံလာတဲ့ ကရင်ကျောင်းသူကျောင်းသား ၁၀၀ ကျော်ကို ထိုင်းအာဏာပိုင်တွေက မြန်မာနိုင်ငံဘက်ပြန်ပို့

တိုက်ပွဲတွေကြောင့် ထွက်ပြေးလာတဲ့ ဒီလူငယ်တွေကို ရေကြီးနေတဲ့သောင်ရင်းမြစ်ကိုဖြတ်ပြီး ထိုင်းအာဏာပိုင်တွေက စက်တင်ဘာလ ၃၀ ရက်နေ့က မြန်မာဘက်ခြမ်းဆီကို ပြန်ပို့လိုက်တာလို့ ကရင်လူ့အခွင့်အရေးအဖွဲ့ က ပြောပါတယ်။

အဲဒီလိုပြန်ပို့ချိန်အတွင်း လှေတစ်စီးက နောက်ထပ်လှေတစ်စီးကို တိုက်မိခဲ့တာကြောင့် ရေစီးသန်တဲ့ မြစ်ထဲ လှေနစ်မြုပ်မယ့်အခြေအနေကြုံခဲ့ရတယ်လို့ KHRG က သူတို့ရဲ့ လူမှုကွန်ရက်မှာ ရေးသားထားပါတယ်။