တၢ်ကဲထီၣ်သးအကလုာ်

နီၢ်ခိတၢ်မၤပယွဲ

တၢ်ကဲထီၣ်သးမုၢ်နံၤမုၢ်သီ

လါမးရှး ၂၆ သီ, ၂ဝ၂၁ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အ---သ၀ီ, ရ---ကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

ကိၤအ---

မယ---

အူ၀---

သးနံၣ်

၃၂

၃၅

၆၅

မုၣ်/ ခွါ

ပိာ်ခွါ

ပိာ်မုၣ်

ပိာ်ခွါ

ကလုာ်

ပယီၤ

ပယီၤ

ပယီၤ

ဟံၣ်ဖိဃီဖိ အိၣ် / တအိၣ်   

တအိၣ်

အိၣ်

အိၣ်

တၢ်ဖံးတၢ်မၤ

ပှၤဆှၢတၢ်ဒီးသိၣ်လ့

ပှၤဆါတၢ်ဖိ

ပှၤဆါတၢ်ဖိ

တၢ်ဘူၣ်တၢ်ဘါ

ဘါသီခါ

ဘါသီခါ

ဘါသီခါ

တၢ်ဟံမူဒါ/ လီၢ်လၤ

သ၀ီဖိ

သ၀ီဖိ

သ၀ီဖိ

အိၣ်ဆိးဒူသဝီ

အ---သ၀ီ, ရ--- ကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

အ---သ၀ီ, ရ--- ကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

အ---သ၀ီ, ရ--- ကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                   

လီၢ်လၤ

သုးကျိၤ§ သုးရ့ၣ် § သုးတြိၤ

အိၣ်သူၣ်လီၤသးလီၢ်ကျဲ §သုးကလၢၤ

အခိၣ်အမံၤဒီးလီၢ်လၤ

ကၠီၤကၠီၤ

သုးဖိ

သုးခိၣ်ကီၢ်ဆၢ (BGF) သုးရ့ၣ် (၁၀၁၃)

ကတၢတံးသ၀ီ,  ကတၢတံးကရူၢ်, ဒွဲၣ်လိကီၢ်ဆၣ်,မုၢ်တြီၢ်ကီၢ်ရ့ၣ်

သုးခိၣ်ဒိၣ်ဂီၢ်ဂ့ၢ် စီၤကၠီၤ၀့

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ကိၤက---လၢအမ့ၢ်၀ဲရ---အကရူၢ်ခိၣ်ဒီး အိၣ်၀ဲလၢအ---သ၀ီန့ၣ် သ့ၣ်ညါ၀ဲဘၣ်ဃးဒီး တၢ်ကဲထီၣ်သးအ၀ဲအံၤ မ့ၢ်လၢ သုး ခိးကီၢ်ဆၢ (BGF) တၢ်သမံသမိးအလီၢ်န့ၣ် အိၣ်ဘူး၀ဲဒီးတၢ်လီၢ်လၢ အအိၣ်ဆိး၀ဲအလီၢ်အဃိန့ၣ်လီၤ. ကညီဂ့ၢ်၀ီခွဲးယာ် ကရူၢ် (KHRG) ပျီပူၤပှၤမၤတၢ်ဖိတဂၤလဲၤထံၣ်လိာ်၀ဲအသးဒီးကိၤက--- ဖဲအ---သ၀ီ ဒ်သိးကထၢဖှိၣ်၀ဲ တၢ်ဂ့ၢ်တၢ်ကျိၤအ ဂီၢ်န့ၣ်လီၤ. ကိၤက---တဲဘၣ်၀ဲ KHRG ပျီပူၤပှၤမၤတၢ်ဖိ၀ဲန့ၣ် ဘၣ်ဃးဒီးတၢ်ကဲထီၣ်သးအဂ့ၢ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပှၤလၢအနီၤဟ့ၣ်၀ဲတၢ်ဂ့ၢ်တၢ်ကျိၤအံၤအိၣ်၀ဲလၢအ---သ၀ီ, ဖဲတၢ်ကဲထီၣ်သးအလီၢ် ဒီးမ့ၢ်၀ဲကရူၢ်ခိၣ်န့ၣ်လီၤ. တချုးလၢ အဘၣ်တၢ်ထံၣ်လိာ်သံကွၢ်အီၤလၢ KHRG ပျီပူၤပှၤမၤတၢ်ဖိန့ၣ် အ၀ဲထံၣ်လိာ်စ့ၢ်ကီး၀ဲဒီး ပှၤလၢအတူၢ်ဘၣ်တၢ်တဖၣ်ဒီး သံ ကွၢ်၀ဲဘၣ်ဃးဒီးတၢ်ကဲထီၣ်အသးအဂ့ၢ်န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ဖဲလါမးရှး ၂၆ သီ,  ၂၀၂၁ နံၣ် ဟါလီၤခီအဆၢကတီၢ်န့ၣ် ကိၤအ--- လၢအသးနံၣ်အိၣ်၀ဲ ၃၂ နံၣ်ဒီးအိၣ်၀ဲလၢ အ---သ၀ီ, ရ---ကရူၢ်, ဒွဲၣ်လိကီၢ်ဆၣ်, မုာ်တြီၢ်ကီၢ်ရ့ၣ်အပူၤန့ၣ် တူၢ်ဘၣ် BGF သုးရ့ၣ် (၁၀၁၃) အသုးဖိလၢအမံၤမ့ၢ်၀ဲ ကၠီၤကၠီၤ အတၢ်မၤပယွဲ ဖဲ BGF တၢ်သမံသမိးအလီၢ်လၢအအိၣ်ဘူး၀ဲဒီးအဟံၣ်ဖိဃီဖိအကျးလၢအအိၣ်၀ဲလၢအ---သ၀ီပူၤန့ၣ်လီၤ. BGF သုးရ့ၣ်၀ဲအံၤ ဘၣ်တၢ်တီခိၣ်ရိၣ်မဲအီၤလၢ သုးခိၣ်ဒိၣ်ဂီၢ်ဂ့ၢ်စီၤကၠီၤ၀့န့ၣ်လီၤ. 

တၢ်ကဲထီၣ်သးအံၤ ကဲထီၣ်သးဖဲကိၤအ---အသိၣ်လ့ၣ်ဘၣ်တၢ်ပတုာ်၀ဲအီၤဖဲ BGF တၢ်သမံသမိးအလီၢ်ဖဲအလဲၤ ဆူကမး မိၣ်၀့ၢ် ဒ်သိးကလဲၤပှ့ၤ၀ဲတၢ်အီၣ်တၢ်အီလၢ အဘၣ်တၢ်မၣ်လိာ်အီၤလၢ ပှၤသ၀ီဖိအဂၤလၢအအိၣ်လၢအ---သ၀ီတဖၣ်န့ၣ် လီၤ. ဖဲအ၀ဲလဲၤ တုၤလၢတၢ်သမံသမိးလီၢ်အခါန့ၣ် BGF အသုးကိးပတုာ်အီၤဒီး မၢ၀ဲအဟ့ၣ်တၢ်ခိတၢ်သွဲလၢ ကျဲအဂီၢ် န့ၣ်လီၤ. ဘၣ်ဆၣ်သနာ်က့န့ၣ် BGF သုးမၢအဟ့ၣ်၀ဲတၢ်ခိတၢ်သွဲအါန့ၢ်ဒံး တၢ်ဃ့ညီနုၢ်၀ဲအသိးန့ၣ်လီၤ. ၀ံၤအလီၢ်ခံ, အ၀ဲ သ့ၣ်ခံဂၤ တဲအါလိာ်သးတၢ်ဘၣ်ဃးဒီး တၢ်ခိတၢ်သွဲအပှ့ၤန့ၣ်လီၤ. ဖဲအ၀ဲသ့ၣ်တဲအါလိာ်သးတၢ်အဆၢကတီၢ်န့ၣ် BGF အသုး ကၠီၤကၠီၤ ထိကိၤအ---အမဲာ်သၣ်ဒီး အမဲာ်သၣ်ညိးထီၣ်၀ဲန့ၣ်လီၤ.

ဖဲလၢကိၤအ---အပါ အူ၀---ဒီးအနီမးယ---လၢအအိၣ်ဒီးတၢ်ဆါတၢ်ပှ့ၤကျးလၢအဘူးဖဲ BGF တၢ်သမံသမိးအလီၢ်န့ၣ် နၢ်ဟူ၀ဲလၢ BGF အသုး ထိ၀ဲကိၤအ---ဒီး အ၀ဲသ့ၣ်လဲၤ၀ဲလၢ ကမၤစၢၤအီၤအဂီၢ်န့ၣ်လီၤ. ဖဲအ၀ဲသ့ၣ်လဲၤတုၤအခါ ကိၤအ---အိၣ်ဒံး၀ဲဖဲ တၢ်သမံသမိးအလီၢ်န့ၣ်လီၤ. ဖဲန့ၣ်အခါန့ၣ် BGF အသုးဖိတဂၤဃီလီၢ်လီၢ်လၢ အမ့ၢ်ကၠီၤကၠီၤ ထိ၀ဲအူ၀---ဒီးမးယ---အမဲာ် ဒီးအ၀ဲသ့ၣ် အမဲာ်ညိးထီၣ်၀ဲခံဂၤလၢာ်န့ၣ်လီၤ. အန့ၣ်တဘျီန့ၣ် ကိၤအ---တတဲအါထီၣ်လၢၤတၢ် နီၤတမံၤဘၣ်ဒီး ဟ့ၣ်၀ဲဒၣ်တၢ်ခိတၢ်သွဲ ဒီးဆဲးလဲၤ၀ဲဆူကမးမိၣ်၀့ၢ်န့ၣ်လီၤ. အူ၀---ဒီးမးယ---စ့ၢ်ကီးက့ၤကဒါ၀ဲဆူ အ၀ဲသ့ၣ် တၢ်ဆါတၢ်ပှ့ၤကျးဒီး မၤတၢ်န့ၣ်လီၤ.

သ၀ီသးပှၢ်သ့ၣ်ညါ၀ဲဘၣ်ဃးဒီး တၢ်ကဲထီၣ်သးအ၀ဲအံၤသနာ်က့ အ၀ဲနုာ်လီၤဘှါရှဲ၀ဲတၢ်ဂ့ၢ်အံၤတဘူၣ်ဘၣ် ခီဖျိလၢအပျံၤ၀ဲ BGF အတၢ်က့ၤမၤဆၢတၢ်အဃိန့ၣ်လီၤ. သ၀ီဖိသၢဂၤအံၤအမဲာ်ညိးဘျါ၀ဲလံ ဘၣ်ဆၣ်သနာ်က့ တၢ်ဂ့ၢ်အ၀ဲအံၤန့ၣ် လီၢ်က ၀ီၤခိၣ်နၢ် ပှၤဘၣ်မူဘၣ်ဒါသ့ၣ်တဖၣ် တဘှါရှဲန့ၢ်ဒံး၀ဲဘၣ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပက သူတၢ်ဂ့ၢ်အံၤလၢကျဲဒ်လဲၣ်.

ပှၤဟ့ၣ်တၢ်ဂ့ၢ်တၢ်ကျိၤဒီး ပှၤတူၢ်ဘၣ်တၢ်သ့ၣ်တဖၣ်ဟ့ၣ်၀ဲ KHRG တၢ်ပျဲလၢကသူ၀ဲတၢ်ဂ့ၢ်တၢ်ကျိၤလၢ တၢ်ဟ့ၣ်ထီၣ်အီၤ တဖၣ်အံၤန့ၣ်လီၤ