တၢ်ကဲထီၣ်သးအကလုာ်

[တၢ်ခးလီၤကျိဖးဒိၣ်] ကီၢ်ပယီၤသုးခးလီၤကျိဖးဒိၣ်အဃိဘၣ်ဒိဝဲသဝီဖိတဂၤ.

တၢ်ကဲထီၣ်သးမုၢ်နံၤမုၢ်သီ

လါဒံၣ်စဲဘၢၣ် ၅ သီ, ၂၀၂၅ နံၣ်အနံၤ.

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

အအ--- သဝီ, တခးကျိကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်.

ၦၤလၢအတူၢ်ဘၣ်တၢ်တဖၣ်အဂ့ၢ်အကျိၤ

မံၤ

မီၤအ ---

သးနံၣ်

၄၅ နံၣ်

မုၣ်/ ခွါ

ခွါ

ကလုာ်

ပယီၤ

ဟံၣ်ဖိဃီဖိ အိၣ် / တအိၣ်   

ထီၣ်ပှၢ်

တၢ်ဖံးတၢ်မၤ

တၢ်သူၣ်တၢ်ဖျး

တၢ်ဘူၣ်တၢ်ဘါ

ခရံာ်ဖိ

တၢ်ဟံမူဒါ/ လီၢ်လၤ

သဝီဖိ

အိၣ်ဆိးဒူသဝီ

အအ --- သဝီ, တခးကျိကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်.

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                   

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ / သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

[ကီၢ်ပယီၤသုး] ခီၣ်သုး ရ့ၣ် (ခလရ) နီၣ်ဂံၢ် - ၂၈၃

အိၣ်သူၣ်လီၤအသးဖဲ သၢတၢၣ် (သုံးတိုင်) သ ဝီဒီးစွ့ၤဒိသဝီအဘၢၣ်စၢၤ [သဝီခံ တဖျၢၣ်လၢာ် အံၤအိၣ်ဖဲနိၣ်တကီ ကီၢ်ကရူၢ်, နိၣ်တကီကီၢ် ဆၣ်, ဒူ ပျာ်ယာ်ကီၢ်ရ့ၣ် အပူၤန့ၣ် လီၤ.]

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ယၤ [KHRG ပျီပူၤပှၤမၤတၢ်ဖိ] မ့ၢ်ပှၤလၢအမၤပှဲၤတၢ်ဂ့ၢ်တၢ်ကျိၤအံၤလၢယနီၢ်ကစၢ်ဒၣ်ဝဲတဂၤအိၣ်ခူသူၣ်လၢတၢ်ပူၤ [ဖဲလၢ အိၣ်ဖဲ အအ --- သဝီပူၤ] လၢတၢ်ဘံၣ်တၢ်ဘၢအဂီၢ်ဖဲတၢ်ခးလီၤကျိဖးဒိၣ်အံၤအဆၢကတီၢ်န့ၣ်လီၤ. တၢ်လီၢ်လၢယအိၣ်အလီၢ်ဒီး တၢ်လီၢ်လၢပိာ်ခွါတဂၤအံၤဘၣ်ဒိအလီၢ်န့ၣ်အိၣ်စီၤစုၤယံၤဒၣ်ထဲအပျၢ် ၃၀၀ ဧိၤန့ၣ်လီၤ. [ပျီပူၤပှၤမၤတၢ်ဖိတဂၤအံၤမၤစ့ၢ်ကီးဝဲတၢ် ထံၣ်လိာ်သံကွၢ်ဒီးပှၤတူၢ်ဘၣ်တၢ်တဂၤအံၤအမါလၢအအိၣ်ဖဲန့ၣ်ဖဲတၢ်ကဲထီၣ်သးအဆၢကတီၢ်န့ၣ်လီၤ.]

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ယၤ [ပျီပူၤပှၤမၤတၢ်ဖိ] ဒိန့ၢ်ဝဲပှၤတူၢ်ဘၣ်တၢ်တဂၤအံၤအတၢ်ဘၣ်ဒိဘၣ်ထံးအဂီၤဒီးမၤတၢ်ထံၣ်လိာ်သံကွၢ်ဒီးအမါအဃိတၢ်ဂ့ၢ် တၢ်ကျိၤအံၤမ့ၢ်ဝဲတၢ်ဂ့ၢ်တၢ်ကျိၤလၢအမ့ၢ်အတီန့ၣ်လီၤ. [ဖဲတၢ်ခးလီၤကျိဖးဒိၣ်အဆၢကတီၢ် ပျီပူၤပှၤမၤတၢ်ဖိတဂၤအံၤအိၣ်စ့ၢ်ကီး ဝဲဖဲတၢ်ကဲထီၣ်သးအလီၢ်န့ၣ်လီၤ.]

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢၦဲၤၦဲၤတက့ၢ်.

ကၠၤအ့စ့ၣ်ကၠံဝ့ၢ် [လီၢ်ကဝီၤပူၤဘၣ်တၢ်သ့ၣ်ညါအီၤလၢစ့ၣ်ကၠံဝ့ၢ်လၢအအိၣ်သူၣ်လီၤအသးဖဲနိၣ်တကီကီၢ်ဆၣ်, ဒူပျာ်ယာ်ကီၢ် ရ့ၣ်ပူၤ] တဖျၢၣ်အံၤအိၣ်ဝဲလၢ (SAC) အတၢ်ပၢအဖီလာ်န့ၣ်လီၤ. သုးရ့ၣ်အိၣ်ဝဲ (၃) ရ့ၣ်လၢအမ့ၢ် ခလရ နီၣ်ဂံၢ် - ၂၈၃, ခလရ နီၣ်ဂံၢ် - ၂၈၄, ခလရ နီၣ်ဂံၢ် - ၃၂ ဒီး လၢဝ့ၢ်တဖျၢၣ်အံၤအဃၢၤန့ၣ်ဒုးယၤဂ့ၢ်ဝီသုးကလၢၤအိၣ်ဆီလီၤအသးတဖျၢၣ်န့ၣ်လီၤ. [သုး ကလၢၤသ့ၣ်တဖၣ်အံၤခးလီၤဝဲကျိဖးဒိၣ်ဒီးခးလီၤတၢ်ဒီးဒြိဖဲဟီၣ်ကဝီၤလၢအအိၣ်ဘူးသ့ၣ်တဖၣ်အပူၤခဲအံၤခဲအံၤန့ၣ်လီၤ.]

ဖဲလါဒံၣ်စဲဘၢၣ် ၅ သီ, ၂၀၂၅ နံၣ်အနံၤကဘၣ်ဖဲမုၢ်ထူၣ် ၁၂း၀၀ အဆၢကတီၢ်တၢ်ပၢၢ်ဆၢသုးပာ်ဖှိၣ် [ကမျၢၢ်တၢ်ဒီသဒၢသုး (PDF) ဒီး] ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) သ့ၣ်တဖၣ်လဲၤခးဝဲ SAC လၢအအိၣ်ဆီလီၤအသးသ့ၣ်တဖၣ်အံၤဒီးဒြိ န့ၣ်လီၤ. လၢတၢ်မၤဆၢက့ၤတၢ်အဂီၢ် SAC သ့ၣ်တဖၣ်အံၤခးလီၤနါစိၤဝဲကျိဖးဒိၣ်ချံ ၈၁ မမ သ့ၣ်တဖၣ်ဆူဟီၣ်ကဝီၤသ့ၣ်တဖၣ် လၢအအိၣ်ဘူးဒီးကျဲမုၢ်ဖးဒိၣ်ဖဲ အအ--- သဝီ, တခးကျိကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်အပူၤန့ၣ်လီၤ. 

ဝံၤအလီၢ်ခံဖဲတနံၤဃီအတီၢ်ပူၤကဘၣ်ဖဲမုၢ်နၤခီ ၇း၀၀ အဆၢကတီၢ် SAC တဖၣ်အံၤခးလီၤဝဲကျိဖးဒိၣ်ချံ ၈၁ မမ ဒီး ၆၀ မမ တပယူာ်ဃီဆူ အအ--- သဝီပူၤန့ၣ်လီၤ. ကျိဖးဒိၣ်ချံအကျါခံဖျၢၣ်လီၤတဲာ်ဖဲရီဘၢၣ်ကျီးတဘ့ၣ်လၢအအိၣ်ဖဲသဝီဖိတဂၤအဒဲက ပၤ [လၢအအိၣ်ဘူးဒီး] အအ --- သဝီန့ၣ်လီၤ. ခီဖျိကျိဖးဒိၣ်ချံပိၢ်ဖးထီၣ်အဃိဘၣ်ဒိဝဲသဝီဖိတဂၤလၢအမံၤမ့ၢ် မီၤအ--- (လၢအ သးနံၣ်အိၣ် ၄၅ နံၣ်) ဒီး ဘၣ်ဒိဟးဂီၤစ့ၢ်ကီးရီဘၢၣ်ထူၣ်တနီၤန့ၣ်လီၤ. ဒ်တၢ်တယာ်ကွၢ်ဝဲအသိးကျိဖးဒိၣ်ချံခံဖျၢၣ်တဖျၢၣ်အံၤပိၢ် ဖးထီၣ်ဝဲဖဲကျိဖးဒိၣ်အဆိကတၢၢ်တဖျၢၣ်ပိၢ်ဖးထီၣ်ဝံၤ ၄ စဲးကး အလီၢ်ခံအဃိကျိဖးဒိၣ်ချံခံဖျၢၣ်အံၤဖျါလီၤဂာ်လၢဘၣ်တၢ်ခး လီၤအီၤတကတီၢ်ဃီန့ၣ်လီၤ. တချုးဒံးလၢတၢ်ခးလီၤကျိဖးဒိၣ်ဒံးဘၣ်န့ၣ်ပိာ်ခွါတဂၤအံၤကွၢ်ဝဲတၢ်ဂီၤမူဒီးအဟံၣ်ဖိဃီဖိလၢဒဲပူၤ န့ၣ်လီၤ. ဖဲကျိဖးဒိချံအဆိကတၢၢ်တဖျၢၣ်ပိၢ်ဖးထီၣ်အဆၢကတီၢ်န့ၣ်အမါဒီးအဖိသ့ၣ်တဖၣ်ဃ့ၢ်နုာ်ဝဲဆူတၢ်ပူၤလၢအအိၣ်ဖဲဒဲဖီ လာ်န့ၣ်လီၤ. ခီဖျိလၢ မီၤအ--- အံၤကွၢ်န့ၣ်ဆိဝဲတၢ်လၢအမါဒီးအဖိသ့ၣ်တဖၣ်အတၢ်ဘံၣ်တၢ်ဘၢအဂီၢ်ဒီးမၤလီၤတံၢ်ဝဲတၢ်ဒ်သိးအ ဝဲသ့ၣ်ကလဲၤတုၤဆိဝဲလၢတၢ်အိၣ်သဒၢအလီၢ်အဃိဖဲကျိဖးဒိၣ်ချံခံတဖျၢၣ်တဖျၢၣ်လီၤတဲာ် [အဆၢကတီၢ်အဝဲအိၣ်ဒံးဒၣ်လၢဒဲ ပူၤ] အဃိကျိဖးဒိၣ်အက့ဘၣ်ဝဲအဟၢဖၢန့ၣ်လီၤ. အဝဲဘၣ်ဒိဘၣ်ထံးသနာ်က့လၢကလဲၤဝဲဆူတၢ်ဆါဟံၣ်အဂီၢ်လဲၤဝဲတဘျီ ဃီတဘူၣ်ဘၣ်န့ၣ်လီၤ. လၢတၢ်န့ၣ်အဃိအဝဲမၤဘၢဝဲအတၢ်ပူၤလီၢ်ဒီးဟီၣ်ခိၣ်န့ၣ်လီၤ. လၢန့ၣ်ဝံၤအလီၢ်ခံအမါဖူန့ၢ်အတၢ်ပူၤလီၢ် ဒီးတၢ်ဖီဆၢဆၢကမူၣ် (အခၠိၤမိၣ်) ဝံၤအိၣ်တတီၤဖိဒီးအသွံၣ်ပတုာ်ကွံဝဲဒၣ်န့ၣ်လီၤ.

မၣ်ဘ--- [ပှၤတူၢ်ဘၣ်တၢ်တဂၤအံၤအမါ] စံးဘၣ် KHRG ဒ်အံၤ, “ဖဲကျိဖးဒိၣ်အဆိကတၢၢ်တဖျၢၣ်လီၤတဲာ်ဝံၤအလီၢ်ခံယၤဒီးယဖိ တဖၣ်ပဃ့ၢ်နုာ်ဆူတၢ်ပူၤလီၤ. ခီဖျိလၢတၢ်ပိၢ်ဖးထီၣ်အံၤအဃိယတနၢ်ဟူလၢၤတၢ်ဘၣ်ကအိၣ်တစိၢ်ဖိညါလီၤ. ကျိဖးဒိၣ်ချံလီၤ တဲာ်လၢကရၢၢ်ပူၤခံဖျၢၣ်ဒီးမ့မ့ၢ်လၢအဂၤတဖၣ်တခီလီၤတဲာ်ယံၤဝဲဒၣ်လီၤ. အဝဲသ့ၣ်အပၢ် [မီၤအ---] ဘၣ်ဒိဝဲဖဲအဟၢဖၢဒီးအတၢ် ပူၤလီၢ်အသွံၣ်လီၤအါမးလီၤ. ခီဖျိလၢအဟၢဖၢဘၣ်ဒိအဃိပကဘၣ်လဲၤဆှၢအီၤဆူတၢ်ဆါဟံၣ်လၢအအိၣ်ဖဲကၠၤအ့စ့ၣ်ကၠံဝ့ၢ်လၢ ကလဲၤဒိးပၠးသးအဂီၢ်လီၤ. အခဲအံၤပကျိၣ်စ့တအိၣ်ဘၣ်ဒီးပကဘၣ်လဲၤတဲတၢ်ဒီးပသ့ၣ်ခိၣ်ဘၣ်ဃးဒီးကျိၣ်ဖိစ့ဖိတၢ်မၤစၢၤတ ချုးဒံးလၢပလဲၤဒံးဆူတၢ်ဆါဟံၣ်ဘၣ်လီၤ. ယတမုၢ်လၢ်လၢတၢ်ဒ်အံၤကကဲထီၣ်ကဒီးအသးအသီတဘျီဘၣ်. ပဘၣ်ယိၣ်တၢ်လၢ ပဖိပလံၤအဂီၢ်ဒိၣ်မးလီၤ.”

မီၤအ--- အံၤအဖိအိၣ်ဝဲလွံၢ်ဂၤန့ၣ်လီၤ. အဟံၣ်ဖိဃီဖိအံၤအထူအထံးအိၣ်လၢအ့ၤယၤဝတံၤကီၢ်ခီန့ၣ်လီၤ. အဝဲသ့ၣ်ဟဲသုးလီၢ် သုးကျဲဒီးဟဲအိၣ်ဟဲဆိးဖဲ အအ--- သဝီအံၤဖဲ ၂၀၂၄ နံၣ်အပူၤဒီးမၤတၢ်လၢရီဘၢၣ်ကျီးပူၤဒ်ပှၤမၤတၢ်ဖိအသိးန့ၣ်လီၤ.

ခီဖျိလၢ SAC ခးလီၤဝဲကျိဖးဒိၣ်ခဲအံၤခဲအံၤအဃိသဝီဖိသ့ၣ်တဖၣ်ပျံၤတၢ်ဖုးတၢ်လၢကဟးထီၣ်က့ၤလီၤအဂီၢ်န့ၣ်လီၤ. မုၢ်နၤခီအ ဆၢကတီၢ် [ကီၢ်ပယီၤသုးသ့ၣ်တဖၣ်] တြီတံာ်ဃာ်ဝဲသဝီဖိသ့ၣ်တဖၣ်အတၢ်ဟးထီၣ်ဟးလီၤ ဖဲ SAC သ့ၣ်တဖၣ်ခးလီၤကျိဖး ဒိၣ်အဆၢကတီၢ်မ့ၢ်ဂ့ၤတခးလီၤကျိဖးဒိၣ်အဆၢကတီၢ်မ့ၢ်ဂ့ၤန့ၣ်လီၤ. တၢ်တြီတံာ်ဃာ်တၢ်အံၤဒုးအိၣ်ထီၣ်ဝဲတၢ်ကီတၢ်ခဲလၢပိာ်မုၣ် မိၢ်ဒၢသ့ၣ်တဖၣ်ဒီးပှၤဆူးပှၤဆါလၢအတၢ်အိၣ်သးလီၤဘၣ်ယိၣ်တဖၣ်အဂီၢ် [လၢကလဲၤဒိးကူစါယါဘျါအသးလၢကၠၤအ့စ့ၣ်ကၠံဝ့ၢ် ပူၤအဂီၢ်န့ၣ်လီၤ].

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပက သူတၢ်ဂ့ၢ်အံၤလၢကျဲဒ်လဲၣ်.

တၢ်ဂ့ၢ်တၢ်ကျိၤအံၤတၢ်သူအီၤသ့န့ၣ်လီၤ. [ပှၤတူၢ်ဘၣ်တၢ်ဒီးပှၤတူၢ်ဘၣ်တၢ်အမါဟ့ၣ် KHRG အခွဲးလၢကသူတၢ်ဂ့ၢ်တၢ်ကျိၤအံၤ န့ၣ်လီၤ.]