SAC ခးလီၤနါစိၤကျိဖးဒိၣ် ဒီးကဲထီၣ်ဝဲတၢ်ဂ့ၢ်ကီၢ်လၢပှၤတဝၢပူၤ

ပှၤသဝီဖိတဖၣ်ပာ်ဖျါဝဲ ဖဲလါ ယနူၤအါရံၤ ၁၆သီ, ၂၀၂၃နံၣ်, ဂီၤခီန့ၣ် ထံကီၢ်တၢ်ပၢတၢ်ပြးကီၣ်ကးကရၢ (SAC) ခီၣ်ချ့သုးရ့ၣ် နီၣ်ဂံၢ် ၅၉၈ သုးဖိသ့ၣ်တဖၣ် ဟးဆှၣ်ဝဲဒၣ်တၢ်ဖဲ က---သီ, ဝ့ကးကရူၢ်, ကၠဲးထိၣ်ကီၢ်ဆၣ်, ဒူသထူၣ်ကီၢ်ရ့ၣ်ပူၤန့ၣ်လီၤ. SAC ခီၣ်ချ့သုးရ့ၣ်နီၣ်ဂံၢ် ၅၉၈ သုးဖိတဖၣ်အံၤ အိၣ်ဝဲဖဲ ဆ့ၣ်ကၠံဝ့ၢ်, ဆီထံးကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်ပူၤန့ၣ်လီၤ. က---သဝီ အံၤအိၣ် သူၣ်လီၤသးဖဲ ကညီဒီကလုာ်ဆၢဖှိၣ်ကရၢ (KNU) တၢ်ပၢအဖီလာ်န့ၣ်လီၤ. ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) တၢ်သမံသမိးအတြဲၤ အိၣ်ဘူးဒီးသဝီခံဖျၢၣ်န့ၣ်လီၤ. SAC သုးတဖၣ်စ့ၢ်ကီးဟူးဂဲၤလၢသဝီပူၤ ဒီး SAC အတၢ်သူၣ်ထီၣ် အိၣ်တဘျုးဖျၢၣ်လၢသဝီအဃၢၤန့ၣ်လီၤ.

ဖဲ လါယနူၤအါရံၤ ၁၆သီ, ၂၀၂၃နံၣ်, ကဘၣ်ဖဲ ဂီၤခီ ၈း၀၀နၣ်ရံၣ်, SAC ခီၣ်ချ့သုးရ့ၣ် နီၣ်ဂံၢ် ၅၉၈ ထီၣ်ခးဝဲ KNLA တၢ်ဘံၣ် တၢ်ဘၢတၢ်သမံသမိးအတြဲၤတဖျၢၣ်အိၣ်ဘူးဖဲ က---သဝီန့ၣ်လီၤ. ဝံၤအလီၢ်ခံ တၢ်ဒုးကဲထီၣ်အယံၤကအိၣ်လၢ တနၣ်ရံၣ်ဃၣ် ဃၣ်န့ၣ်လီၤ. တၢ်ဒုး ၅ မံးနံးဝံၤအလီၢ်ခံ, ကဘၣ်ဖဲ ဂီၤခီ ၉း၀၀နၣ်ရံၣ်, SAC ခီၣ်ချ့သုးရ့ၣ် နီၣ်ဂံၢ် ၅၉၈ ခးလီၤနါစိၤဝဲကျိဖးဒိၣ် (၄၀ မမ) ၅ ထံၣ် ၆ ထံၣ်ဆူ က---သဝီပူၤန့ၣ်လီၤ. ကျိဖးဒိၣ်ချံသ့ၣ်တဖၣ်လီၤ တဲၤလၢသဝီပူၤဒီးပိၢ်ဖးထီၣ်ဝဲဒၣ်န့ၣ်လီၤ. လၢ တၢ်န့ၣ်အဃိ, ဟံၣ်ဟးဂီၤဝဲဒၣ် သၢဖျၢၣ်န့ၣ်လီၤ. ဟံၣ်လၢအဟးဂီၤ သၢဖျၢၣ်အံၤ မ့ၢ်ဝဲသဝီဖိ လၢအမ့ၢ်, မၣ် င---, အူ ဒ--- ဒီးအူ အ---သ့ၣ်တဖၣ်အဟံၣ်န့ၣ်လီၤ. ဘၣ်ဆၣ်သနာ်က့ သဝီဖိသ့ၣ်တဖၣ် တဘၣ်ဒိဘၣ်ထံးလၢကျိဖးဒိၣ်နီတဂၤဘၣ် မ့ၢ်လၢအ ဝဲသ့ၣ်ဃ့ၢ်ပာ်စၢၤကွံာ်ဝဲလံ ဖဲလၢအဝဲသ့ၣ်နၢ်ဟူကျိသီၣ်တၢတၢတဘျီ ဖဲတၢ်ဒုးကဲထီၣ်အဆၢတီၢ်န့ၣ်လီၤ.

သဝီဖိလၢအဃ့ၢ်မှံဟးဖျိးသ့ၣ်တဖၣ် ဃ့ၢ်ဝဲဆူ သဝီလၢအဘူးဒ် အမ့ၢ် န---သဝီ, ပ---သဝီ, ဖ---သဝီ ဒီး လ---သဝီ ဖဲကၠဲးထိၣ် ကီၢ်ဆၣ်ပူၤန့ၣ်လီၤ. သဝီဖိတနီၤနီၤလဲၤဃ့ၢ်ဝဲဆူ အဝဲသ့ၣ်တၢ်သူၣ်အီၣ်ဖျးအီၣ်အလီၢ်လၢကစၢၢ်ခိၣ်န့ၣ်လီၤ. ပှၤသဝီဖိအိၣ်အါန့ၢ်ဒံး ၁၃၅၀ဂၤ လၢ က---သဝီပူၤန့ၣ်လီၤ. သဝီဖိကအိၣ်လၢ ၁၃၀၀ဂၤ ဃ့ၢ်ထီၣ်ကွံာ်ဝဲလၢအသဝီပူၤန့ၣ်လီၤ. အိၣ်ဒၣ်ထဲလၢသဝီဖိ လၢ အသးပှၢ်စှၤကီးဂၤ အိၣ်တ့ၢ်ဝဲလၢသဝီပူၤန့ၣ်လီၤ. သဝီဖိလၢအဃ့ၢ်မှံဟးဖျိးသ့ၣ်တဖၣ် ဘၣ်သဂၢၢ်ဒီးတၢ်အီၣ်တၢ်အီတလၢ တလီၣ် ဖဲအဝဲသ့ၣ်ဃ့ၢ်မှံဟးဖျိးအဆၢကတီၢ်န့ၣ်လီၤ.  သဝီဖိလၢအဃ့ၢ်မှံဟးဖျိးသ့ၣ်တဖၣ် ဘၣ်သဂၢၢ်ဒီးတၢ်ကီတၢ်ခဲလၢကဒိး န့ၣ်ဘၣ်တၢ်ကူဆါယါဘျါန့ၣ်လီၤ. ဒီၤည---, သဝီဖိပိာ်မုၣ်လၢအဃ့ၢ်မှံဟးဖျိးတဂၤ အိၣ်လၢ က---သဝီ, ပာ်ဖျါထီၣ်ဝဲဒၣ် “လၢ သ့ၣ်ဆယၣ်ဝ့ၢ်ပူၤန့ၣ် တၢ်ဆါဟံၣ်တဖၣ်အိၣ်ဝဲ ဘၣ်ဆၣ်သနာ်က့ အိၣ်ယံာ်ဝဲဒၣ်ဒီးပသဝီန့ၣ်လီၤ. ပကလဲၤဆူဝ့ၣ်ပူၤလၢမုၢ်နၤ လၢ ကကူဆါယါဘျါသးအဂီၢ်န့ၣ်တညီဘၣ် မ့ၢ်လၢတၢ်လဲၤထီၣ်က့ၤလီၤတၢ်ဘံၣ်တၢ်ဘၢတအိၣ်ဘၣ်န့ၣ်လီၤ. ပကသံၣ်ကသီ သ့ၣ်တဖၣ်တအိၣ်ဘၣ်အဃိ ပမၤတၢ်တသ့နီတမံၤဘၣ်လၢကယါဘျါတၢ်ဆါအဂီၢ်န့ၣ်လီၤ. ပဘၣ်တူၢ်တၢ်ဆါဒံးအံၤန့ၣ်လီၤ.”

တၢ်ခးလီၤကျိဖးဒိၣ်စ့ၢ်ကီး ကဲထီၣ်ဝဲတၢ်ဘၣ်ဒိဘၣ်ထံးလၢသဝီဖိသ့ၣ်တဖၣ်အတၢ်လုၢ်အီၣ်နီၢ်ခိသးသမူန့ၣ်လီၤ. စီၤ စ---တဲအါ ထီၣ်ဝဲလၢ “SAC သုးဖိတဖၣ် ခးလီၤကျိဖးဒိၣ်လၢဟီၣ်ကဝီၤပူၤအံၤ ကဲထီၣ်ဝဲတၢ်လီၤပျံၤဖးဒိၣ်လၢသဝီဖိတဖၣ်အဂီၢ်န့ၣ်လီၤ. ခီ ဖျိလၢ SAC သုးတဖၣ်ခးလီၤကျိဖးဒိၣ်အဃိ သဝီဖိသ့ၣ်တဖၣ်ပျံၤဝဲလၢအကလဲၤဆူအတၢ်ဖံးတၢ်မၤအလီၢ်န့ၣ်လီၤ. ခီဖျိလၢပ ဘၣ်ဃ့ၢ်ဘၣ်ဟးအဃိ ပလဲၤဖံးတၢ်မၤတၢ်လၢပတၢ်လုၣ်အီၣ်နီၢ်ခိသးသမူအဂီၢ်တချုးလၢၤဘၣ်န့ၣ်လီၤ. သဝီဖိသ့ၣ်တဖၣ် ပျံၤဝဲ ဒိၣ်မးလၢ ကျိဖးဒိၣ်သ့ၣ်တဖၣ်ကလီၤတဲၤလၢအသဝီပူၤန့ၣ်လီၤ.” ဒီၤ ခး---, သဝီဖိပိာ်မုၣ်တဂၤ အိၣ်လၢ က---သဝီ, တဲဝဲ “ပတ မၤဘၣ်တၢ်ဘျ့ဘျ့ဆှီဆှီ လၢပတၢ်လုၢ်အီၣ်နီၢ်ခိသးသမူအဂီၢ်ဘၣ်န့ၣ်လီၤ. ထီဘိန့ၣ်ပဘၣ်ယိၣ်တၢ်လၢ မ့ၢ်တၢ်ဒုးကကဲထီၢ်အ ဆၢကတီၢ်ဖဲလဲၣ် ဒီး တၢ်ခးလီၤကျိဖးဒိၣ်ကကဲထီၣ်အဆၢကတီၢ်ဖဲလဲၣ်န့ၣ်လီၤ. ပဟးထီၣ်လၢတၢ်ချၢတဘူၣ်ဘၣ်န့ၣ်လီၤ. ပဘၣ် ယိၣ်တၢ်ဒီးပပျံၤတၢ်န့ၣ်လီၤ. ပတမံဘၣ်မူၤမူၤနီၢ်နီၢ်ဘၣ်န့ၣ်လီၤ. ပဘၣ်ယိၣ်လၢပကဘၣ်ဃ့ၢ်ကဒီးအသီတဘျီန့ၣ်လီၤ.”

သဝီဖိတနီၤနီၤ [က---သဝီဖိ] လဲဃ့ၢ်ဝဲ ဆူ န---သဝီ, ကၠဲးထိၣ်ကီၢ်ဆၣ်န့ၣ်လီၤ. [ဖဲအဝဲသ့ၣ်လဲၤတုၤဒီး] SAC သုးဖိအိၣ်လၢ ဝီ ကီၢ်ဆၣ်, ဘကိကီၢ်ဆၢသ့ၣ်တဖၣ်, ခးလီၤနါစီၤကျိဖးဒိၣ်ဆူ န---သဝီ, ဒီး သဝီဖိဘၣ်ဃ့ၢ်ကဒီးတဘျီန့ၣ်လီၤ. သဝီဖိတဖၣ်တဲ ဝဲ, တၢ်ကရၢ်ကရိလၢအဘၣ်ဃးဒီးတၢ်ဟ့ၣ်မၤစၢၤပှၤဂ့ၢ်ဝီတၢ်လိၣ်တဖၣ် ဟဲဟ့ၣ်မၤစၢၤပှၤသဝီဖိလၢအဘၣ် ဃ့ၢ်မှံဟးဖျိးသ့ၣ်တ ဖၣ်တအိၣ်နီတဖုဘၣ်န့ၣ်လီၤ. ဖဲလၢတၢ်ဒိးန့ၢ်တၢ်ဂ့ၢ်တၢ်ကျိၤအဆၢကတီၢ်, အါဒၣ်တက့ၢ်သဝီဖိလၢအဃ့ၢ်မှံဟးဖျိးသ့ၣ် တဖၣ်တ က့ၤဘၣ်ဒံးဆူအဟံၣ်ဒံးဘၣ် ခီဖျိလၢတၢ်အိၣ်သးတဂၢၢ်ကျၢၤဒံးဘၣ် ဒီး တၢ်ခးလီၤနါစိၤကျိဖးဒိၣ်အဃိန့ၣ်လီၤ. SAC ဒွဲၣ်အူပှၤ ဟံၣ်တဖျၢၣ် ဒီး လီၢ်ကဝီၤသဝီဖိတဖၣ်အတၢ်သူၣ်ထီၣ် ခံဖျၢၣ်န့ၣ်လီၤ.

ဖဲ လါယနူၤအါရံၤ ၂၁သီ, ၂၀၂၃နံၣ်န့ၣ်, SAC သုးဖိတဖၣ် ဒွဲၣ်အူထီၣ်ဝဲ ဟံၣ်တဖျၢၣ်ဒီး တၢ်သူၣ်ထီၣ်ခံဖျၢၣ်လၢ  ဆ---သဝီ, ဆံ ပၠီကရူၢ်, ကၠဲးထိၣ်ကီၢ်ဆၣ်, ဒူသထူၣ်ကီၢ်ရ့ၣ်န့ၣ်လီၤ. ပှၤသဝီတဂၤတဲဝဲ ဖဲ လါယနူၤအါရံၤ ၂၁သီ, ၂၀၂၃နံၣ်န့ၣ်, SAC ခီၣ်ချ့သုး ရ့ၣ်နီၣ်ဂံၢ် (၂၀၇) အသုးဖိတဖၣ်လၢ အိၣ်သူၣ်လီၤအသးဒီး ဟူးဂဲၤဖဲ  ဝါဒၣ်ကွ့တၢ်လီၢ်လၢ ခီၣ်ချ့သုးရ့ၣ်နီၣ်ဂံၢ် (၂၀၇) သုးက လၢၤ (အိၣ်သူၣ်လီၤအသးတၢ်လီၢ် ဒီး ဆ---သဝီ မ့ၢ်ဟးလၢခီၣ် န့ၣ် ကယံၤဝဲသၢဆံမံးနံး) န့ၣ်လီၤ. ဖဲတနံၤဃီန့ၣ်, SAC အသုးဖိ သ့ၣ်တဖၣ် ပံးဃာ်ကျဲတဖၣ်လၢ တၢ်ကလဲၤဆူ KNU တၢ်ပၢဟီၣ်ကဝီၤသ့ၣ်တဖၣ်ဒီး မၤပတုာ်ဝဲ သိလ့ၣ်ဒီး သိလ့ယီၢ်သ့ၣ်တဖၣ် တဟ့ၣ်ဒုအခွဲးလၢ ပှၤကလဲၤဝဲဘၣ်န့ၣ်လီၤ. SAC အသုးဖိသ့ၣ်တဖၣ် ပတုာ်ဝဲ သိလ့ၣ်, သိလ့ၣ်ယီၢ် ဒီတပျဲပှၤ လ့ၢ်ထီၣ်လ့ၢ်လိၤ နီတဂၤဘၣ်. SAC သုးဖိသ့ၣ်တဖၣ် ကီးပတုာ်ဝဲ ပှၤနီသိလ့ၣ်ယီၢ်ဖိ ဒီး ပှၤနီသီလ့ၣ်ဖိ လၢအလဲၤဖဲ ဝၢ်ကးကရူၢ်ဒီး ဆံပၠီကရူၢ်အ ဘၢၣ်စၢၤသ့ၣ်တဖၣ် ဒီးဟံးန့ၢ်ဝဲသဝီဖိအလီတဲစိသ့ၣ်တဖၣ်န့ၣ်လီၤ.  

ဖဲတနံၤဃီ, မုၣ်ဟါလီၤ သၢနၣ်ရံၣ်ဃၣ်ဃၣ်န့ၣ် SAC အသုးဖိသ့ၣ်တဖၣ် ဟးထီၣ်ဝဲလၢ ဝၢ်ဒၣ်ကွ့တၢ်လီၢ် ဒီးလဲဝဲဆူ ဆ---သဝီဒီး အဝဲသ့ၣ် စးထီၣ်ဟူးဂဲၤဝဲသုးအတၢ်ဟူးတၢ်ဂဲၤဖဲ ဟီၣ်ကဝီၤန့ၣ်လီၤ. ဖဲအဝဲသ့ၣ်စးထီၣ် သုးအတၢ်ဟူးတၢ်ဂဲၤအဆၢ က တီၢ်န့ၣ်, SAC ခီၣ်ချ့သုးရ့ၣ်နီၣ်ဂံၢ် (၂၀၇) အသုးဖိတနီၤလၢ အိၣ်သူၣ်လီၤအသးဖဲ ဝါဒၣ်ကွ့ဟီၣ်ကဝီၤအလီၢ်ခံသ့ၣ်တဖၣ် ခး လီၤနါစိၤကျိဖးဒိၣ်ချဲလၢ ဟီၣ်ကဝီၤအပူၤဒ်သိး ကမၤစၢၤဝဲဒၣ် အသုးဖိ လၢအလဲၤလီၤဝဲဆူ ဆ---သဝီသ့ၣ် တဖၣ်န့ၣ်လီၤ. ကျိဖးဒိၣ်ချဲတနီၤန့ၣ် လီၤတဲာ်ဝဲဆူ ဆ---သဝီအပူၤဒီး ပိၢ်ဖးဝဲဒၣ်န့ၣ်လီၤ. ဖဲသဝီအပူၤန့ၣ် အိၣ်ဝဲဒီး ကညီဒီကလုာ်တၢ် ထုးဖျဲးသုးမုၢ်ဒိၣ် အတၢ်သမံသမိးအလီၢ်န့ၣ်လီၤ. ကမျၢၢ်တၢ်ဒီသဒၢအသုး PDF အကရၢဖိသ့ၣ်တဖၣ်န့ၣ် အိၣ်ဝဲတပူၤဃီဒီး က ညီဒီကလုာ်တၢ်ထုးဖျဲးသုမုၢ်ဒိၣ် သ့ၣ်တဖၣ်လၢတၢ်သမံသမိးအလီၢ်န့ၣ်လီၤ. SAC အသုးဖိသ့ၣ်တဖၣ် အတၢ်ပညိၣ်လၢ အဟဲ ဟူးဂဲၤဖဲ ဟီၣ်ကဝီၤတတီၤအံၤ အပူၤန့ၣ် ကမၤဟးဂီၤကွံာ်ဝဲ ကညီဒီကလုာ်တၢ်ထုးဖျဲးသုးမုၢ်ဒိၣ် အတၢ်သမံသမိးအလီၢ်န့ၣ်လီၤ.

ဖဲ SAC အသုးဖိသ့ၣ်တဖၣ် လဲၤနုာ်တုၤဝဲဆူ ဆ---သဝီအပူၤဒီး ခီၣ်ချ့သုးရ့ၣ်နီၣ်ဂံၢ် (၂၀၇) အသုးဖိတနီၤလၢ အိၣ်လၢ တၢ်လီၢ် ခံသ့ၣ်တဖၣ် ပတုာ်ဝဲဒၣ် တၢ်ခးလီၤကျိဖးဒိၣ်ဒီး ဆှၢလီၤဝဲ အသုးဖိသ့ၣ်တနီၤလၢ ဆ---သဝီ ဒ်သိး ကမၤအါထီၣ်ဝဲ SAC သုးမုၢ် သံၣ်ဘိ အဂံၢ်အဘါန့ၣ်လီၤ. ဖဲ မုၢ်ဟါလီၤ ၄း၃၀ မံးနံးအဆၢကတီၢ်, SAC သုးဖိကအိၣ်အဂၤ လၢ ၁၀၀ဂၤ ဒွဲၣ်အူဝဲဒၣ် ဟံၣ်တ ဖျၢၣ် လၢအိၣ်ဘူးဒီး KNLA တၢ်သမံးသမိးအတြဲၤန့ၣ်လီၤ. အဝဲသ့ၣ်ဒိဝဲတၢ်ဂီၤသ့ၣ်တဖၣ်ဖဲအဝဲ သ့ၣ်ဒွဲၣ်အူဝဲဟံၣ်သ့ၣ်တဖၣ် လၢတၢ်မၤနီၣ်မၤဃါအဂီၢ်န့ၣ်လီၤ. ဟံၣ်လၢတၢ်ဒွဲၣ်အူအီၤအံၤ မ့ၢ်ဝဲ အူ ယ---အဟံၣ်, သဝီဖိတဂၤလၢအိၣ်လၢ မ---သဝီ,  ဆံပၠီက ရူၢ်ပူၤန့ၣ်လီၤ. အဝဲသ့ၣ် [SAC] ဒွဲၣ်အူစ့ၢ်ကီးဝဲ တၢ်ပာ်ဖှိၣ်သ့ၣ်မုၣ်ဒဲတဖျၢၣ် ဒီးမဲးတဲးလဲးအဒဲတဖျၢၣ် လၢအအိၣ်ဘူးဒီး အူ ယ---အဟံၣ်န့ၣ်လီၤ. အူ ယ---အဟံၣ်အံၤ ကလီၤလၢဝဲ စ့ပယီၤ ၂၀,၀၀၀,၀၀၀ကၠၣ်, [USD 9,523.80] န့ၣ်လီၤ. SAC သုးဖိတဖၣ် ဟးထီၣ်ကွံာ်ဝဲလၢသဝီပူၤ ဖဲအဝဲသ့ၣ်ဒွဲၣ်အူထီၣ်ကွံာ်ဝဲဟံၣ်တဖျၢၣ် ဒီးတၢ်သူၣ်ထီၣ်အဂၤခံဖျၢၣ်ဝံၤအလီၢ်ခံန့ၣ်လီၤ. လီၢ်ကဝီၤသ ဝီဖိသ့ၣ်တဖၣ်နာ်ဝဲလၢ SAC ဒွဲၣ်အူထီၣ်ဝဲသဝီဖိအဟံၣ်အံၤ မ့ၢ်လၢအဝဲသ့ၣ်ဆိကမိၣ်ဝဲလၢ ဟံၣ်တဖျၢၣ်အံၤဘၣ်ထွဲဒီး PDF သုးဖိအဟံၣ်န့ၣ်လီၤ.

SAC ဒွဲၣ်အူဝဲသဝီဖိတဖၣ်အဟံၣ်ဒ်အံၤအိၣ်ဝဲခံဘျီလံ, တချုးလၢတၢ်ကဲထီၣ်သးအံၤဒံးဘၣ် ဖဲကၠဲးထိၣ်ကီၢ်ဆၣ်ပူၤန့ၣ်လီၤ. တၢ် ကဲထီၣ်သးတဘျီအံၤ မ့ၢ်ဝဲသၢဘျီတဘျီလၢ SAC ဒွဲၣ်အူပှၤဟံၣ်သ့ၣ်တဖၣ် ဒီး တၢ်သူၣ်ထီၣ်အဂၤခံဖျၢၣ် လၢမ့ၢ်ဝဲပှၤသဝီဖိအတၢ် န့ၣ်လီၤ. ဖဲ လါအီၤကထိဘၢၣ် ၂၀၂၂နံၣ်န့ၣ်, SAC  ဒွဲၣ်အူဝဲ ဟံၣ်သ့ၣ်တဖၣ်လၢ ဧ---သဝီ, ဒီး ဝ---သဝီ, ပၠ့ကဒိကရူၢ်, ကၠဲးထိၣ် ကီၢ်ဆၣ်ပူၤန့ၣ်လီၤ. တၢ်ကဲထီၣ်သးလၢအပူၤကွံၣ်ခံဘျီန့ၣ်, တၢ်ဒွဲၣ်အူထီၣ်ဝဲ ဟံၣ်ခဲလၢၣ် ကအိၣ်လၢ ၁၇ဖျၢၣ် လၢသဝီခံဖျၢၣ် အံၤအပူၤန့ၣ်လီၤ.