ဖဲလါအ့ဖြ့ၣ် ၆ သီ ၂၀၂၃ နံၣ်, ဂီၤခီ ၇း၄၀ နၣ်ရံၣ်အခိၣ်အဃၢၤအဆၢကတီၢ်န့ၣ်, ထံကီၢ်တၢ်ပၢတၢ်ပြးကီၣ်ကးကရၢ (SAC) သုးပၢဆှၢတၢ်၀ဲၤလီၢ်ခိၣ်သ့ၣ်နီၢ်ဂံၢ် (8) အသုးလၢအအိၣ်ဖဲပနွဲၢ်ကျါသုးကလၢၤန့ၣ် ခးလီၤ၀ဲကျိဖးဒိၣ်ဆူကး သဒီးနံၤသ၀ီပူၤခံဖျၢၣ်, နိၣ်ပျၢၤပျုၢ်သ၀ီပူၤတဖျၢၣ်, ဒီးထံဖိသ့ၣ်ယဲၤသ၀ီပူၤတဖျၢၣ်န့ၣ်လီၤ. သ၀ီသၢဖျၢၣ်အံၤအိၣ်သူၣ် လီၤအသးလၢမီၢ်လ့ကရူၢ်, သထူၣ်ကီၢ်ဆၣ်, ဒူသထူၣ်ကီၢ်ရ့ၣ်အပူၤန့ၣ်လီၤ.  ကျိဖးဒိၣ်ချံလၢတၢ်ခးလီၤအီၤလၢကးသ ဒီးနံၤသ၀ီန့ၣ် ဘၣ်ဒိဟးဂီၤ၀ဲဟံၣ်တဖျၢၣ် ဒီးတၢ်သူတၢ်သၣ်အထူၣ်သ့ၣ်တဖၣ်န့ၣ်လီၤ. မ့မ့ၢ်လၢထံဖိသ့ၣ်ယဲၤသ၀ီပူၤ တခီ, ပှၤသ၀ီဖိဘၣ်ဒိ၀ဲခံဂၤ, မဲာ်တဲးလဲးဘၣ်ဒိတဒု, ဒီးဟံၣ်ဟးဂီၤ၀ဲလွံၢ်ဖျၢၣ်န့ၣ်လီၤ.