ဖဲလါဒံၤစဲဘၢၣ် ၂၁ သီ, ၂၀၂၂ နံၣ် ဂီၤခီ ၉း၀၀ နၣ်ရံၣ် အခိၣ်အဃၢၤန့ၣ် SAC ခီၣ်ချ့သုးရ့ၣ် ၃၄၀ လၢအ ဘၣ်တၢ်တီခိၣ်ရိၣ်မဲအီၤလၢသုးဒ့ခိၣ်ခံ မၠိ၀့န့ၣ်ခးလီၤ၀ဲ ၈၁ မမ ကျိဖးဒိၣ် အဖျၢၣ် (၂၀) ဘျဲၣ် ဆူပှဲၤပၤသ၀ီ, ချၢၣ်ခိၣ်သ၀ီ, ဒီးကၠီၤချံလိာ်သ၀ီအဃၢၤ, မးထီကရူၢ်, ဒွဲၣ်လိကီၢ်ဆၣ်, မုၢ်တြီၢ်ကီၢ်ရ့ၣ်အပူၤန့ၣ်လီၤ. ခီဖျိလၢ တၢ်ခးလီၤကျိဖးဒိၣ်အဃိ ပှၤဒီပုၢ်၀ဲၢ်မုၣ်လၢအအိၣ်လၢပှဲၤပၤသ၀ီခံဂၤဘၣ်၀ဲ ဒီးကျိဖးဒိၣ်အက့လၢအလီၤ တဲာ်ဘူး ဒီးအ၀ဲသ့ၣ်ဖဲလၢအ၀ဲသ့ၣ် လဲၤကျီသ့ၣ်မုၢ်လၢသ၀ီချၢအခါန့ၣ်လီၤ. အ၀ဲၢ်မုၣ်တဂၤလၢအသးနံၣ်အိၣ်၀ဲ ၁၆ နံၣ်န့ၣ် ဘၣ်ဒိဒီးပှၤလဲၤဆှၢအီၤဆူ SAC သုးတၢ်ဆါဟံၣ်န့ၣ်လီၤ. အပုၢ်ဒ့မုၣ်လၢအသးနံၣ်အိၣ်၀ဲ ၁၃ နံၣ်တဂၤတခီ  အကီာ်ဘိလၢအထွဲတကပၤဒီးအခီၣ်လ့ၢ်ခိၣ် လၢအထွဲတကပၤအဖီခိၣ်ဘၣ်ဒီးကျိက့ဒီးသံ၀ဲတဘျီဃီန့ၣ်လီၤ.