ဖဲလါအ့ဖြ့ၣ် ၂၂ သီ ၂၀၂၃ နံၣ် အနံၤန့ၣ်, ကညီဒီကလုၣ်တၢ်ထူၣ်ဖျဲၣ်သုးမုၢ်ဒိၣ် (KNLA) အသုးသ့ၣ်တဖၣ် ထီၣ်ခး၀ဲ ထံကီၢ်တၢ်ပၢတၢ်ပြးကီၣ်ကးကရၢ (SAC) အသုးကလၢၤလၢအမ့ၢ်၀ဲနီၢ်ကိဒီးယၢ်မၠိအီၣ်အသုးကလၢၤ လၢအအိၣ်လၢမူ ကီၢ်ဆၣ်အပူၤ ဒီးကၠိကိဒီးညီၢ်ကိအသုးကလၢၤ လၢအအိၣ်လၢလၢၢ်ဒိၣ်ကီၢ်ဆၣ်, ချၢၣ်လွံၢ်ထူၣ်ကီၢ်ရ့ၣ်အပူၤန့ၣ်လီၤ. ဖဲ လၢတၢ်ခးလိာ်သးကဲထီၣ်အဆၢကတီၢ်န့ၣ်, SAC အကဘီယူၤခးတၢ်ခံဘ့ၣ်ဟဲခးလီၤ၀ဲတၢ်ဘူးဒီးနယွဲပ့ၣ်သ၀ီ, ညီၢ်တါ သ၀ီ, ဒီးညီၢ်ကိသ၀ီ လၢအအိၣ်လၢအ့နဲၣ်ကရူၢ်, လၢၢ်ဒိၣ်ကီၢ်ဆၣ်အပူၤအဃိ, ကျီၢ်သံ၀ဲတဒု, ဘၣ်ဒိ၀ဲသၢဒု, ဒီးဒူဖိသ၀ီ ဖိလၢအအိၣ်လၢလီၢ်က၀ီၤဖဲန့ၣ်သ့ၣ်တဖၣ် ဘၣ်ဃ့ၢ်အိၣ်ကဒု၀ဲဆူတၢ်လီၢ်လၢအဂၤန့ၣ်လီၤ.