တၢ်ကဲထီၣ်သးအကလုာ်

[တၢ်မၤသံမၤဝီ, တၢ်မၤတရီတပါဒီးတၢ်မၤဆါပယွဲ] SAC သုးဖိသ့ၣ်တဖၣ်မၤသံဝဲသဝီဖိ (၅) ဂၤဒီးမၤတရီတပါဝဲပှၤမိၢ်ဒၢတဂၤ

တၢ်ကဲထီၣ်သးမုၢ်နံၤမုၢ်သီ

လါမ့ၤ ၁၉ သီ, ၂၀၂၄ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

• လၢၢ်ချီၣ်ကျီ, ထီဝၣ်လီၤကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်
• ကၠီဖၠၣ်တၢ်မၤအီၣ်ခုးအလီၢ်, ထီဝၣ်လီၤကရူၢ်
• တၢ်မၤအီၣ်ခုးအလီၢ်လၢအအိၣ်ဖဲက---သဝီ ဒီးဆ---သဝီအဘၢၣ်စၢၤ
• လ့ဖိထၣ်ကဝီၤ, ထီဝၣ်လီၤကရူၢ်

ၦၤလၢအတူၢ်ဘၣ်တၢ်အဂ့ၢ်အကျိၤ

မံၤ

နီၢ် ဂ---

စီၤထူလၢၢ်

ဟ---

နၣ်ခၠိၣ်

ဖါချၢၣ်ဖိ

သးနံၣ်

၃၆

၂၀

၅၀

၅၂

၆၀

မုၣ်/ ခွါ

မုၣ်

ခွါ

ခွါ

ခွါ

ခွါ

ကလုာ်

ကညီ

ကညီ

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

တသ့ၣ်ညါ

ထီၣ်ပှၢ်

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

ထူစံၣ်

မၤအီၣ်ခုး

မၤအီၣ်ခုး

မၤအီၣ်ခုး

မၤအီၣ်ခုး

တၢ်ဘူၣ်တၢ်ဘါ

ခရံာ်ဖိ

ဘူးဒး

ဘူးဒး

ဘူးဒး

ဘူးဒး

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

သဝီဖိ

သဝီဖိ

အိၣ်ဆိးဒူသဝီ

မ---သဝီ, ထီဝၣ်လီၤကရူၢ်

က---သဝီ, ထီဝၣ်လီၤကရူၢ်

ဆ---သဝီ, ထီဝၣ်လီၤကရူၢ်

မ---သဝီ, ထီဝၣ်လီၤကရူၢ်

မ---သဝီ, ထီဝၣ်လီၤကရူၢ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ခမရ နီၣ်ဂံၢ် ၅၅၇, ၃၃၉, ၃၁၁

[ SAC တၢ်တီခိၣ်ရိၤမဲအဖီလာ်]

ဖိဆံၣ်မုၢ်သုးကလၢၤ, ထီဝၣ်လီၤ ကရူၢ်, ကီးတရံးကီၢ်ဆၣ်

ဒုးယၤခိၣ်, မၠိမ့သူၤ (G3)

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ပှၤဃ့ၢ်အိၣ်ကမှံသဝီဖိလၢအအိၣ်ဖဲထီဝၣ်လီၤကရူၣ်ပူၤတဂၤတဲဘၣ် KHRG ပျီပူၤပှၤမၤတၢ်ဖိတဂၤဘၣ်ဃးတၢ်ကဲထီၣ်သးအံၤ, ဒီးပျီပူၤပှၤမၤတၢ်ဖိအံၤဆဲးကျၢဝဲလီၢ်ကဝီၤခိၣ်နၢ်တဂၤလၢအအိၣ်ဖဲမ---သဝီန့ၣ်လီၤ. ပျီပူၤပှၤမၤတၢ်ဖိအံၤမၤဝဲတၢ်ထံၣ်လိာ်သံကွၢ် ဒီးနီၢ်ဂ--- အဝၤစီၤအ---, နီၢ်ဘ--- လၢအမ့ၢ်ဆ---သဝီသးပှၢ်, ထီဝၣ်လီၤကရူၣ်, ဒီးသဝီဖိအဂၤခံဂၤလၢအအိၣ်ဖဲဆ---သဝီဒီး မ---သဝီလၢအသ့ၣ်ညါဝဲဘၣ်ဃးတၢ်ကဲထီၣ်သးအံၤန့ၣ်လီၤ. ပျီပူၤပှၤမၤတၢ်ဖိအံၤကတိၤသကိးစ့ၢ်ကီးတၢ်ဒီး (KNLA) သုးခိၣ် လၢအဟံးမူဟံးဒါလၢသမံသမိးကွၢ်ဝဲဟ--- ဒီးနီၢ်ဂ---အစိၣ်ဒီးတဲသကိးစ့ၢ်ကီးတၢ်ဒီးသဝီသးပှၢ်တဂၤလၢအအိၣ်ဖဲသ---သဝီ, သ---ကရူၢ်, နိၣ်တကီ, (ကြာအင်း) ကီၢ်ဆၣ်, ဒူပျာ်ယာ်ကီၢ်ရ့ၣ်အပူၤအံၤဒ်အမ့ၢ်ပှၤကတိၤကျိာ်ထံန့ၢ် SAC သုးဖိလၢအဘၣ်တၢ် ဖီၣ်ဃာ်အီၤသ့ၣ်တဖၣ်အဂီၢ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

တၢ်ဂ့ၢ်တၢ်ကျိၤအံၤဘၣ်တၢ်ပာ်ဂၢၢ်ပာ်ကျၢၤအီၤခီဖျိပျီပူၤပှၤမၤတၢ်ဖိသံကွၢ်သံဒိးဝဲနီၢ်ဂ---အဝၤစီၤအ---လၢအမ့ၢ်စ့ၢ်ကီးပှၤတဂၤလၢ အဖံးသကိးမၤသကိးတၢ်လၢအမါအတၢ်သံတဘျီအံၤန့ၣ်လီၤ. တကးဒ်ဘၣ်ပျီပူၤပှၤမၤတၢ်ဖိအံၤသံဒိးသံကွၢ်စ့ၢ်ကီးနီၢ်ဘ---လၢ အမ့ၢ်ဆ---သဝီသးပှၢ်, ဒီးဃ---သဝီဖိလၢအအိဖဲဆ---သဝီ, လၢအသ့ၣ်ညါဘၣ်ဃးတၢ်ကဲထီၣ်သးအံၤခီဖျိအဝဲသ့ၣ်ခံဂၤလၢာ်တဲ သကိးဘၣ်တၢ်ဒီးဟ---အဖိခွါလၢအဘၣ်တၢ်ဖီၣ်န့ၢ်အီၤဒီးဃ့ၢ်ပူၤဖျဲးကွံာ်တဂၤန့ၣ်လီၤ. ပျီပူၤပှၤမၤတၢ်ဖိအံၤသံကွၢ်သံဒိးစ့ၢ်ကီးမ---သဝီဖိတဂၤလၢအထံၣ်ဘၣ်ဝဲနီၢ်ဂ---အနီၢ်ခိက့ၢ်ဂီၤန့ၣ်လီၤ. ပျီပူၤပှၤမၤတၢ်ဖိအံၤကတိၤသကိးစ့ၢ်ကီးတၢ်ဒီး KNLA သုးခိၣ်လၢ အဟံးမူဟံးဒါလၢသမံသမိးကွၢ်ဝဲဟ--- ဒီးနီၢ်ဂ---အစိၣ်န့ၣ်လီၤ. ပျီပူၤပှၤမၤတၢ်ဖိအံၤတဲသကိးစ့ၢ်ကီးတၢ်ဒီးသ---သဝီသးပှၢ်န့ၣ် လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါမ့ၤ ၁၉ သီ, ၂၀၂၄ နံၣ်အနံၤန့ၣ် SAC ခီၣ်ချ့သုးရ့ၣ် (ခမရ - ၅၅၇, ၃၃၉ ဒီး ၃၁၁) အသုးဖိလၢအိၣ်ဆီလီၤအသး ဖဲဖိဆံၣ်မုၢ်သုးကလၢၤ, ဖိဆံၣ်မုၢ်သဝီ, ထီဝၣ်လီၤကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်သ့ၣ်တဖၣ်ဖီၣ်န့ၣ်ဝဲသဝီဖိ (၂) ဂၤ, ဒီးမၤသံဝဲ (၅) ဂၤပာ်ဃုာ်ဒီးပှၤမိၢ်ဒၢတဂၤဖဲအဝဲသ့ၣ်ပညိၣ်လဲၤဝဲဆူယိၤကီၢ်ဒီးကီၢ်ပယီၤကီၢ်ဆၢအဆၢကတီၢ်န့ၣ်လီၤ. တၢ်နာ်ဝဲ လၢသုးဖိသ့ၣ်တဖၣ်အံၤဃ့ၢ်ထီၣ်ကွံာ်ဝဲလၢဖိဆံၣ်မုၢ်သုးကလၢၤအပူၤအံၤဖဲကလုာ်ဒူၣ်ဖီၣ်စုကဝဲၤခးအီၤဝံၤအလီၢ်ခံန့ၣ်လီၤ.

ဖဲလါမ့ၤ ၂၀ သီ, ၂၀၂၄ နံၣ်အနံၤန့ၣ် KNLA သုးဖိသ့ၣ်တဖၣ်ဖီၣ်န့ၣ်ဝဲ SAC သုးဖိလၢအအိၣ်ဟဲလၢဖိဆံၣ်မုၢ်သုးကလၢၤလၢအ ဘူးဒီးဖိဆံၣ်မုၢ်သဝီ, ဒီးသံကွၢ်သံဒိးဝဲတၢ်မနုၤသ့ၣ်တဖၣ်လၢ SAC သုးဖိတဖၣ်မၤတ့ၢ်ဝဲဖဲလါမ့ၤ ၁၉ သီ, အနံၤလဲၣ်န့ၣ်လီၤ. KNLA သုးဖိဒီး SAC သုးဖိလၢတၢ်ဖီၣ်န့ၣ်အီၤသ့ၣ်တဖၣ်ဟဲက့ၤခီဖျိဝဲကျဲဖဲမ---သဝီ, ထီဝၣ်လီၤကရူၢ်, ကီးတရံးကီၢ်ဆၣ်ဒီးမ---သဝီဖိတဖၣ်ထံၣ်ထွဲဝဲလၢ SAC သုးဖိ (၅၂) ဂၤဘၣ်တၢ်ဖီၣ်န့ၣ်အီၤလၢ KNLA သုးဖိတဖၣ်န့ၣ်လီၤ. ကညီဒီကလုာ်စၢဖှိၣ်ကရၢ KNU ခိၣ်နၢ်တဖၣ်စံးဘၣ်သ--- သဝီသးပှၢ်လၢအအိၣ် ဖဲသ--- ကရူၢ်, နိၣ်တကီကီၢ်ဆၣ်တဂၤအံၤလၢကကဲန့ၣ်အီၤပယီၤပှၤ ကျိာ်ထံတၢ်ဖိဒ်အဝဲမ့ၢ်ပှၤလၢအကတိၤပယီၤကျိာ်သ့ဂ့ၤဂ့ၤတဂၤဖဲအဝဲသ့ၣ်သံကွၢ်သံဒိးဝဲ SAC သုးဖိအဆၢကတီၢ်န့ၣ်လီၤ. တၢ် သံကွၢ်သံဒိးဝဲ SAC သုးဖိသ့ၣ်တဖၣ်ဖဲတၢ်ဘါယွၤသရိာ်အပူၤလၢအအိၣ်ဖဲက---သဝီ, ထီဝၣ်လီၤကရူၢ်ပူၤန့ၣ်လီၤ. လၢခံ KHRG ပျီပူၤပှၤမၤတၢ်ဖိဒိးန့ၣ်ဘၣ်ဝဲတၢ်ဂ့ၢ်တၢ်ကျိၤအံၤလၢသဝီသးပှၢ်အအိၣ်န့ၣ်လီၤ.

တၢ်ကဲထီၣ်သးလၢအဘူးဒီးလၢၢ်ကျီသဝီ, ထီဝၣ်လီၤကရူၢ်

၁. စီၤထူလၢၢ်အတၢ်သံ

နီၢ်ဘ---လၢအမ့ၢ်ဆ---သဝီ, ထီဝၣ်လီၤကရူၢ်, ကီးတရံးကီၢ်ဆၣ်, ဒူပျာ်ယာ်ကီၢ်ရ့ၣ်သဝီသးပှၢ်တဂၤအတၢ်မၤနီၢ်မၤဃါအပူၤပာ် ဖျါထီၣ်ဝဲ SAC သုးဖိတဖၣ်ဟးထီၣ်ဝဲလၢဖိဆံၣ်မုၢ်သုးကလၢၤဒ်သိးကလဲၤဝဲဆူယိၤကီၢ်ဒီးကီၢ်ပယီၤကီၢ်ဆၢန့ၣ်လီၤ. ဖဲ SAC သုး ဖိတဖၣ်လဲၤလၢကျဲဒီးလဲၤတုၤဝဲဖဲလၢၢ်ကျီသဝီ, ထီဝၣ်လီၤကရူၢ်အဆၢကတီၢ်, ဘၣ်သဂၢၢ်လိာ်သးဒီးသဝီဖိပိာ်ခွါ (၃) ဂၤအိၣ်ဘှံး ဝဲဖဲခုးဒဲအပူၤန့ၣ်လီၤ. ကမျၢၢ်ဖိလၢအမ့ၢ်ဟ---တဂၤအသးနံၣ်အိၣ်ဝဲ ၅၀ နံၣ်ဒီးအဖိခွါလၢတၢ်တသ့ၣ်ညါအမံၤဒီးသးနံၣ်ဘၣ်တ ဂၤဒီးစီၤထူလၢၢ်လၢအသးနံၣ်အိၣ်ဝဲ ၂၀ နံၣ်တဂၤန့ၣ်လီၤ. စီၤထူလၢၢ်န့ၣ် မ့ၢ်ပှၤသဝီဖိတဂၤလၢအအိၣ်ဟဲလၢက--- သဝီ, ထီဝၣ် လီၤကရူၢ်ဒီးမ့မ့ၢ်ဟ---ဒီးအဖိခွါန့ၣ်အိၣ်ဟဲလၢဆ---သဝီ, ထီဝၣ်လီၤကရူၢ်န့ၣ်လီၤ. သဝီဖိ (၃) ဂၤန့ၣ်အိၣ်ဘှံးဝဲဖဲခုးဒဲပူၤဒီးအီၣ် သကိးတကွံသၣ်ဖဲအဝဲသ့ၣ်မၤတၢ်လၢခုးပူၤဝံၤအလီၢ်ခံန့ၣ်လီၤ. ဖဲစီၤထူလၢၢ်ထံၣ်ဝဲပယီၤသုးဖိဟဲဘူးထီၣ်ဒီး, အဝဲစံၣ်လီၤလၢ ဒဲပူၤဒ်သိးကဃ့ၢ်ပူၤဖျဲးသးအဂီၢ်န့ၣ်လီၤ. ဖဲပယီၤသုးဖိတဖၣ်ထံၣ်လၢအဝဲကျဲးစၢးဃ့ၢ်ကွံာ်အဃိဘၣ်တၢ်ခးအီၤဒီးကွံာ်အီၤလၢစု ကွံာ်မ့ၢ်ပိာ်ခံဖျၢၣ်ဖဲအဝဲသ့ၣ်အိၣ်တၢ်အလီၢ်န့ၣ်လီၤ. ဖဲန့ၣ်အဝဲဘၣ်ဒိဝဲဖဲအသးနါပှၢ်တထံၣ်, အခီၣ်ဒ့တကပၤတထံၣ်ဒီးသံကွံာ် ဝဲဖဲတၢ်ပျီပူၤန့ၣ်လီၤ. သဝီဖိလၢအအိၣ်ဖဲဆ---သဝီသ့ၣ်တဖၣ်ထံၣ်ဝဲစုကွံာ်မ့ၢ်ပိၢ်လၢအတပိၢ်ထီၣ်ဘၣ်တဖျၢၣ်ဖဲအဝဲသ့ၣ်လဲၤ ကွၢ်ဝဲတၢ်ကဲထီၣ်သးအလီၢ်ဒီးန့ၣ်ဘၣ်က့ၤဝဲဝဲစီၤထူလၢၢ်အစိၣ်န့ၣ်လီၤ.

ဟ--- ဒီးအဖိခွါလၢတၢ်တသ့ၣ်ညါအမံၤဘၣ်တဂၤဃ့ၢ်ပူၤဖျဲးအသးတဘူၣ်ဘၣ်ဒီးအိၣ်တ့ၢ်ဖဲစံၣ်ဒဲပူၤအဃိ, SAC သုးဖိတဖၣ်ဖီၣ် န့ၣ်အီၤဒီးဘၣ်တၢ်မၢဆူၣ်အီၤလၢကလဲၤပိာ်အဝဲသ့ၣ်အခံလၢယိၤကီၢ်ဒီးကီၢ်ပယီၤကီၢ်ဆၢန့ၣ်လီၤ. ဖဲအဝဲသ့ၣ်လဲၤလၢကျဲအဆၢက တီၢ် SAC သုးဖိတဖၣ်တဲဝဲဟ---အဖိခွါလၢအဝဲသ့ၣ်ကမၤသံအီၤခီဖျိအဝဲတနၢ်ပၢၢ်ဝဲပယီၤကျိာ်ဒ်သိးအဝဲသ့ၣ်ဒီးမၤပိာ်ထွဲဒ်အဝဲ သ့ၣ်မၤလိာ်အသိးဘၣ်န့ၣ်လီၤ. ဘၣ်ဆၣ် SAC သုးဖိအကျါတဂၤအသးတလီၤပလိာ်လၢကမၤသံအီၤဘၣ်အဃိအဝဲဘၣ်တၢ်ပာ် မူဒ်အီၤန့ၣ်လီၤ.

တၢ်ကဲထီၣ်သးဖဲကၠီဖၠၣ်တၢ်မၤအီၣ်ခုးအလီၢ်လၢက---သဝီဒီးဆ---သဝီအဘၢၣ်စၢၤ, ထီဝၣ်လီၤကရူၢ်

၁. နါခၠိၣ်ဒီးဖါချၢၣ်ဖိအတၢ်သံ

ဟဲခီဖျိသးလၢသဝီသးပှၢ်နီၢ်ဘ---လၢအအိၣ်ဖဲဆ---သဝီ, ဒီးဃ---သဝီဖိတဂၤလၢအအိၣ်စ့ၢ်ကီးဖဲဆ---သဝီအပူၤအံၤ, မ့ၢ်ပှၤလၢ အသ့ၣ်ညါဝဲတၢ်ကဲထီၣ်သးအံၤခီဖျိအဝဲသ့ၣ်တဲသကိးတၢ်ဒီးဟ---အဖိခွါဘၣ်ဃးတၢ်ကဲထီၣ်သးလၢ SAC သုးဖိတဖၣ်ခးသံဒီး မၤဆါပယွဲဝဲသဝီဖိခံဂၤလၢကျဲဖဲအဝဲသ့ၣ်လဲၤဝဲဆူယိၤကီၢ်ဆၢဖဲလါမ့ၤ ၁၉ သီ, ၂၀၂၄ နံၣ်အနံၤန့ၣ်လီၤ. ဟ---ဒီးအဖိခွါန့ၣ်ဘၣ် တၢ်မၢန့ၢ်ဆူၣ်ဒ်အီၤလၢ SAC သုးဖိတဖၣ်လၢကပိာ်အဝဲသ့ၣ်အခံန့ၣ်လီၤ. သဝီဖိလၢအမံၤမ့ၢ်နါခၠိၣ်ဒီးဖါချၢၣ်ဖိခံဂၤအံၤအိၣ်ဝဲလၢ မ---သဝီ, ထီဝၣ်လီၤကရူၢ်, ကီးတရံးကီၢ်ဆၣ်အပူၤန့ၣ်လီၤ.

နါခၠိၣ်န့ၣ် ဘၣ်တၢ်ခးသံအီၤလၢကျဲဖဲအဝဲလဲၤဆှၢတၢ်အီၢ်ဒီးခီဂာ်ဝဲကၠီဖၠၣ်တၢ်မၤအီၣ်ခုးအလီၢ်, ထီဝၣ်လီၤကရူၢ်အဆၢကတီၢ်န့ၣ် လီၤ. လီၢ်ကဝီၤသဝီဖိလၢအအိၣ်ဖဲမ--- သဝီလၢအထံၣ်န့ၢ်ဝဲနါခၠိၣ်အစိၣ်အံၤ, ထံၣ်စ့ၢ်ကီးဝဲအခီၣ်, ဒီးအကိာ်ဘိန့ၣ်ကၢ်သဘှံး ကွံာ်ဝဲခီဖျိတၢ်ခးအီၤအဃိန့ၣ်လီၤ. လီၢ်ကဝီၤသဝီဖိသ့ၣ်တဖၣ်အံၤနာ်စ့ၢ်ကီးဝဲဒၣ်လၢနါခၠိၣ်အံၤဘၣ်တၢ်ခးသံအီၤလၢ SAC သုးဖိ လၢအဟဲခီဂာ်ဘၣ်တၢ်လီၢ်ဝဲအံၤန့ၣ်လီၤ.

ဖါချၢၣ်ဖိအံၤဘၣ်တၢ်တီၢ်သံအီၤလၢကျဲမုၢ်ဖီခိၣ်, ဖဲက--- သဝီဒီးဆ--- သဝီအဘၢၣ်စၢၤတၢ်မၤအီၣ်ခုးအလီၢ်, ထီဝၣ်လီၤကရူၢ်န့ၣ် လီၤ. စှၤသီဝံၤအလီၢ်ခံဖဲလါမ့ၤ ၂၁ သီ, ၂၀၂၄ နံၣ်အနံၤန့ၣ်လီၢ်ကဝီၤသဝီဖိလၢအအိၣ်ဖဲမ---သဝီတဖၣ်ထံၣ်န့ၢ်ဝဲဖါချၢၣ်ဖိအမိၢ် ပှၢ်လၢကျဲမုၢ်ခိၣ်ဖဲဘီန်ထၣ်တၢ်လီၢ်, ထီဝၣ်လီၤကရူၢ်, လၢအအိၣ်ဘူးဒီး IDP ပှၤဃ့ၢ်အိၣ်ကမှံအလီၢ်တတီၤဖဲယိၤဒီးကီၢ်ပယီၤ ကီၢ်ဆၢဖဲအဝဲသ့ၣ်လဲၤဖံးတၢ်မၤတၢ်လၢဆ--- သဝီ, တၢ်မၤအီၣ်ခုးတၢ်လီၢ်န့ၣ်လီၤ. ပှၤသဝီဖိလၢထံၣ်ဝဲဖါချၢၣ်ဖိအစိၣ်လၢကျဲမုၢ် ခိၣ်အံၤနၢ်ဟူဝဲလၢ SAC သုးတဖၣ်လဲၤခီဘၣ်တၢ်လီၢ်ဝဲအံၤဒီးနာ်ဝဲလၢဖါချၢၣ်ဖိအံၤကျဲးစၢးဃ့ၢ်ပူၤဖျဲးအသးလၢ SAC သုးဖိတဖၣ် အဃိဘၣ်တၢ်တီၢ်အီၤတုၤလၢအသံန့ၣ်လီၤ. ခီဖျိလၢလါမ့ၤ ၂၀၂၄ နံၣ်တၢ်ကိၢ်ဆူၣ်အဃိဖါချၢၣ်ဖိအံၤအစိၣ်ထီၣ်ပူးလီၤကလဲ ဝဲဒီးသဝီဖိလၢအထံၣ်န့ၢ်အီၤသ့ၣ်တဖၣ်ဆၢတဲာ်သကိးဝဲလၢကဒွဲၣ်အူကွံာ်ဝဲအစိၣ်လၢတၢ်ပျီပူၤန့ၣ်လီၤ.

တၢ်ကဲထီၣ်သးဖဲလ့ဖိထၣ်တၢ်လီၢ်, ထီဝၣ်လီၤကရူၢ်

၁. ဟ--- အတၢ်သံ

နီၢ်ဘ---လၢအမ့ၢ်ဆ---သဝီသးပှၢ်တဂၤအံၤတဲအါထီၣ်ကဒီးဝဲ, ဖဲလၢ SAC သုးဖိ, ဒီးဟ---ဃုာ်ဒီးအဖိခွါလၢအဘၣ်တၢ်ဖီၣ်အီၤ တဖၣ်လဲၤတုၤဝဲဒၣ်ဖဲလ့ဖိထၣ်တၢ်လီၢ်အဆၢကတီၢ်, တၢ်ဒုးကဲထီၣ်ဝဲဒၣ်လၢ SAC သုးဖိတဖၣ်ဒီး KNLA သုးပာ်ဖှိၣ်ဒီး PDF သုး ဖိတဖၣ်အဘၢၣ်စၢၤဖဲကျဲမုၢ်ခိၣ်, တၢ်လီၢ်လၢအဘူးဒီးထံကျိၤဘိန့ၣ်လီၤ.  ဖဲ KNLA ဒီး PDF သုးဖိတဖၣ်ခးအဝဲသ့ၣ်အဆၢက တီၢ်, SAC သုးဖိတဖၣ်ထုးဖးအသးဒီးဃ့ၢ်အိၣ်ခူသူၣ်ဝဲဒၣ်န့ၣ်လီၤ. ဖဲန့ၣ် ဟ--- အဖိခွါဂုၤလီၤအသးကယီကယီလၢဟီၣ်ခိၣ်လိၤ ဒ်သိးကအိၣ်ခူသူၣ်ဝဲဖဲထံကျိၤဘိအပူၤဘၣ်ဆၣ်မ့မ့ၢ်လၢအပၢ်တဂၤအိၣ်ဝဲဒီး SAC သုးဖိတဖၣ်ဒီးတမၤတၢ်နီတမံၤလၢကဃ့ၢ် အိၣ်ခူသူၣ်အဂီၢ်ဘၣ်န့ၣ်လီၤ. ဖဲဟ---အဖိခွါအိၣ်ခူသူၣ်ဝံၤအလီၢ်ခံ, SAC သုးဖိတဖၣ်တထံၣ်လၢၤအီၤဘၣ်အဃိအဝဲသ့ၣ်ခးသံ ကွံာ်ဝဲဟ---ဒီးပာ်တ့ၢ်ကွံာ်ဝဲဖဲတၢ်လီၢ်လၢထံကျိၤဘိအိၣ်တၢ်အလီၢ်န့ၣ်လီၤ.

ဖဲလၢ SAC သုးဖိတဖၣ်ဟးထီၣ်ကွံၥ်ဒီးတၢ်ဒုးပတုၣ်ကွံၥ်အဆၢကတီၢ်န့ၣ်, ဟ---အဖိခွါမံနီၤအိၣ်ဒ်ဒၣ်လၢဟီၣ်ခိၣ်လိၤဒီးဖဲန့ၣ် KNLA ဒီး PDF သုးဖိတဖၣ်ကိးအီၤလၢကဟဲဃီၤဆူအအိၣ်လၢကတဲဖျါအဝဲသ့ၣ်လၢအမ့ၢ်သုးဖိမ့တမ့ၢ်သဝီဖိဧါန့ၣ်လီၤ. အဝဲ တဲဖျါထီၣ်ဝဲလၢအမ့ၢ်ဒၣ်သဝီဖိဒီးဖဲန့ၣ်တဘၣ်တၢ်မၤသံအီၤလၢ KNLA ဒီး PDF သုးဖိတဖၣ်ဘၣ်န့ၣ်လီၤ.

၂. နီၢ်ဂ--- အတၢ်သံ

စီၤအ--- ဒီးအမါနီၢ်ဘ--- န့ၣ်မ့ၢ်ပှၤအိၣ်ဟဲအခီၣ်ထံးခီၣ်ဘိလၢဖၣ်အၣ်ကီၢ်ရ့ၣ်န့ၣ်လီၤ. ဘၣ်ဆၣ်အပူၤကွံာ် ၃ နံၣ် ဖဲ ၂၀၂၁ အနံၣ် န့ၣ်, အဝဲသ့ၣ်သုးလီၢ်သုးကျဲဆူမ--- သဝီ, ထီဝၣ်လီၤကရူၢ်ပူၤဒီး ပှ့ၤန့ၢ်ဝဲတၢ်သူၣ်တၢ်ဖျးအလီၢ်ဖဲန့ၣ်န့ၣ်လီၤ. ဟဲခီဖျိသးလၢ စီၤအ--- အတၢ်ပာ်ဖျါအပူၤ, သဝီဖိအံၤသူၣ်လီၤဝဲနွဲၣ်သ့ၣ်လၢအတၢ်သူၣ်တၢ်ဖျးအလီၢ်, ဘၣ်ဆၣ်ခီဖျိအဝဲအိၣ်တဆူၣ်ဘၣ်အဃိ သူၣ်ဝဲတဝံၤခဲလၢာ်ဘၣ်န့ၣ်လီၤ. ဖဲအဝဲအိၣ်တဆူၣ်ပှဲၤထီၣ် (၃) သီ, ကဘၣ်ဖဲလါမ့ၤ ၁၆ သီ, အနံၤဒီးအဝဲစံးဘၣ်အမါနီၢ်ဘ---လၢအအိၣ် ဒီးအဟုးအသး (၃) လါတဂၤဒ်အံၤ “ယအိၣ်တသ့လၢၤဘၣ်. ယကဘၣ်လဲၤလၢလ--- တၢ်ဆါဟံၣ်လၢအအိၣ်ဖဲ ထီဝၣ်လီၤကရူၢ် ပူၤအံၤ, မ့တမ့ၢ်ဘၣ်ဒုယကသံလီၤ”. ဖဲန့ၣ်အဝဲဒီးအမါအၢၣ်လီၤလိာ်အသးလၢကလဲၤဆိဝဲဒီး အမါကလဲၤပိာ်စိၢ် က့ၤအီၤလၢခံန့ၣ်လီၤ. ခီဖျိလၢအဝဲအိၣ်တဆူၣ်နးမးအဃိ, အဝဲၢ်ခွါအဒိၣ်တဂၤလဲၤဆှၢအီၤလၢတၢ်ဆါဟံၣ်န့ၣ်လီၤ. ဖဲအဝဲလဲၤ တုၤလၢတၢ်ဆါဟံၣ်အဆၢကတီၢ်, အဝဲတဲဘၣ်အဝဲၢ်ခွါလၢကဟဲဆှၢန့ၢ်အီၤအမါန့ၣ်လီၤ. လၢတၢ်န့ၣ်အဃိအဝဲၢ်ခွါ က့ၤကဒါက့ၤဆူမ--- သဝီဒ်သိးက ဟဲဆှၢန့ၣ်အီၤအမါန့ၣ်လီၤ.

ဖဲလၢအဝဲၢ်ခွါဟဲက့ၤတုၤလၢစီၤအ---အဟံၣ်အဆၢကတီၢ်န့ၣ်, စီၤအ---အဖိတဂၤတဲဘၣ်အီၤလၢအမိၢ်လဲၤပိာ်စိၣ်အပၢ်လၢလ---တၢ်ဆါဟံၣ်ဒီးအသကိးလဲၤဆှၢအီၤလၢသိလ့ၣ်ယီၣ်လံန့ၣ်လီၤ. လၢတၢ်န့ၣ်အဃိစီၤအ---အဝဲၢ်ခွါက့ၤကဒါက့ၤဆူတၢ်ဆါဟံၣ်ဒီး တဲဘၣ်အီၤလၢအတထံၣ်အနီမုၢ်ဖဲအက့ၤတုၤလၢဟံၣ်အဆၢကတီၢ်ဘၣ်ခီဖျိအနီမုၢ်ဟးထီၣ်လၢဟံၣ်လံအဃိန့ၣ်လီၤ. ဘၣ်ဆၣ် နီၢ်ဂ---အံၤဟဲလၢတၢ်ဆါဟံၣ်တတုၤနီတဘျီဒ်ဘၣ်န့ၣ်လီၤ. စီၤအ---အံၤအသွံၣ်နီၣ်ဂံၢ်လီၤဝဲဒၣ်တုၤလၢ, ၈၀/၄၀ ဖဲလၢအဝဲနၢ် ဟူအဝဲၢ်ခွါတဲဘၣ်အီၤလၢအမါလီၤမၢ်လၢဟံၣ်ပူၤအဆၢကတီၢ်န့ၣ်လီၤ. တၢ်သံကွၢ်လၢကသံၣ်သရၣ်မုၢ်သံကွၢ်အီၤသ့ၣ်တဖၣ်န့ၣ် အဝဲစံးဆၢဝဲတဘၣ်ခဲလၢာ်လၢၤဘၣ်န့ၣ်လီၤ. အဝဲစံးဝဲ “ယဆိက့နးဒိၣ်မးဒီးယဘၣ်မံလီၤလၢတၢ်ဆါဟံၣ်လီၢ်မံခိၣ်န့ၣ်လီၤ. ယမါန့ၤ လီၤမၢ်ဒီးယဘၣ်ကိၢ်ဘၣ်ဂီၤတၢ်လၢယဖိဒီးယဖိဒိၣ်ခွါခံဂၤအဂီၢ်ဒိၣ်မးခီဖျိအဝဲသ့ၣ်ကဘၣ်အိၣ်ဒၣ်လၢအကစၢ်ဒီးပှၤတ အိၣ်ကွၢ်ထွဲအဝဲသ့ၣ်နီတဂၤဘၣ်န့ၣ်လီၤ”. ဖဲစီၤအ--- ဒိးန့ၢ် (IV) ကသံၣ်ထံလီၤတဝၣ်ဃၣ်ဃၣ်ဝံၤအလီၢ်ခံန့ၣ်အဝဲတဲဝဲကသံၣ် သရၣ်မုၣ်လၢကဟးထီၣ်လၢတၢ်ဆါဟံၣ်ပူၤဒီးကလဲၤဃုက့ၤအမါန့ၣ်လီၤ. ဖဲန့ၣ်အဝဲနၢ်ဟူဝဲလၢလ---သဝီဖိတဖၣ်တဲဘၣ်အီၤ လၢကျဲအံၤဘၣ်တၢ်တြီတံာ်ဃာ်အီၤလၢ KNU ခိၣ်နၢ်သ့ၣ်တဖၣ်န့ၣ်လီၤ. ဒီးဖဲန့ၣ်အဝဲလဲၤဆူသရၣ်ဒိၣ်တဂၤအဟံၣ်လၢအအိၣ် ဖဲလ---သဝီလၢအညီနုၢ်ထံၣ်လိၣ်အသးလၢသရိၣ်ပူၤတဂၤအအိၣ်, ဒီးတဲပၠးန့ၢ်ဝဲအတၢ်ဂ့ၢ်တၢ်ကျိၤသ့ၣ်တဖၣ်န့ၣ်လီၤ. သရၣ်ဒိၣ် တူၢ်လိာ်ခီၣ်ဆၢအီၤလၢအဟံၣ်ဒ်သိးကမံဝဲဖဲန့ၣ်တနၤဒီးလဲၤဃုက့ၤအမါနီၢ်ဂ---လၢမုၢ်ဆ့ၣ်ထီၣ်တနံၤန့ၣ်လီၤ. ဖဲန့ၣ်အဆၢက တီၢ်အဝဲၢ်ခွါဟဲက့ၤလံလၢအဟံၣ်တချုးတၢ်တြီတံာ်ဃာ်ကျဲဘၣ်န့ၣ်လီၤ. ဖဲလၢမုၢ်နၤအဆၢကတီၢ်ဒၣ်လဲၣ်န့ၣ်အဝဲမံဝဲတန့ၢ်ဘၣ်, ခီဖျိအဝဲဘၣ်ကိၣ်ဘၣ်ဂီၤတၢ်ဒီး, ဆိကမိၣ်တၢ်အဃိန့ၣ်လီၤ.

တုၤမုၢ်ဆ့ၣ်ထီၣ်အသီတနံၤဒီးစီၤအ---ဟဲက့ၤကဒါက့ၤဆူတၢ်ဆါဟံၣ်ဒီးကသံၣ်သရၣ်မုၣ်တဂၤတဲဘၣ်အီၤလၢအသ့ၣ်ညါဘၣ် က့ၤဝဲပိၥ်မုၣ်လၢအအိၣ်ဒီးအဟုးအသးတဂၤဘၣ်တၢ်ခးသံအီၤလၢပယီၤသုးသ့ၣ်တဖၣ်န့ၣ်လီၤ. ဖဲန့ၣ်စီၤအ---န့ၣ်တဆၢမုၢ်လၢ် ဝဲလၢကမ့ၢ်အမါဘၣ်န့ၣ်လီၤ. ဖဲကျဲအိးထီၣ်ဒီးအဝဲက့ၤဝဲဆူအဟံၣ်ဃုာ်ဒီးလ---သဝီဖိတဂၤန့ၣ်လီၤ. ဖဲအဝဲဟဲက့ၤတုၤလၢ အဟံၣ်အဆၢကတီၢ်ထံၣ်ဝဲသဝီဖိဘူးတံၢ်လိာ်သးလၢတၢ်တသ့ၣ်ညါအမံၤဒီးအသးနံၣ်ဘၣ်တဂၤဒီးသံကွၢ်၀ဲ“ယမါအိၣ်ဖဲလဲၣ်” ဒီးအတၢ်စံးဆၢအီၤလၢ“ ပအိၣ်ခိးနၤဖးယံၣ်လံလၢပကတဲဘၣ်နၤဘၣ်ဃးတၢ်ဂ့ၢ်ဝဲအံၤ” ဒီးဖဲန့ၣ်အတၢ်တဲဒုးသ့ၣ်ညါက့ၤအီၤတၢ် မနုၤလၢအဟဲကဲထီၣ်အသးဒီးအမါသ့ၣ်တဖၣ်လဲၣ်န့ၣ်လီၤ.

ဟဲခီဖျိသးလၢစီၤအ---ဘူးတံၢ်တဂၤစံးဝဲ, ဖဲလါမ့ၤ ၁၉ သီ, အနံၤဖဲလၢနီၢ်ဂ---တိာ်ပာ်ဝဲလၢအကလဲၤအိၣ်က့ၤအဝၤလၢတၢ်ဆါ ဟံၣ်ဒီးထံၣ်လိာ်အသးဒီးအသကိးခွါတဂၤလၢအဟဲတုၤဖဲဧ---သဝီ, ဖဲယိၤကီၢ်တခီပၤဒ်သိးကမာ်လိာ်ဝဲတူၢ်ရ့ၣ်သၣ်အဂီၢ်န့ၣ် လီၤ. ဧ---သဝီန့ၣ်အိၣ်သူၣ်လီၤအသးဘူးဒီးလ---တၢ်ဆါဟံၣ်န့ၣ်လီၤ. ဒီးဖဲန့ၣ်အဝဲအၢၣ်လီၤဝဲနီၢ်ဂ---လၢကလဲၤဆှၢဝဲဒီးဖဲန့ၣ်ဒိး ပိာ်ထီၣ်ဝဲအခံန့ၣ်လီၤ. ဖဲလၢအဝဲသ့ၣ်လဲၤလၢကျဲအဆၢကတီၢ်န့ၣ်, ပယီၤသုးတဖုလၢအဖီၣ်ဃၣ်ဝဲဟ---ဒီးအဖိခွါသ့ၣ်တဖၣ် ကိးပတုၣ်အဝဲသ့ၣ်န့ၣ်လီၤ. ဒ်တၢ်ဟဲကဲထီၣ်သးလၢနီၢ်ဘ---ပာ်ဖျါထီၣ်ဝဲသ့ၣ်တဖၣ်အသိး, SAC သုးဖိတဖၣ်မၤသံဝဲဟ---ဖဲတၢ်ဒုးကဲထီၣ်အဆၢကတီၢ်ဒီးမ့မ့ၢ်အဖိခွါတဂၤဃ့ၢ်အိၣ်ခူသူၣ်အဃိအိၣ်မူဘၣ်ဝဲန့ၣ်လီၤ. စီၤအ---အဘူးအတံၢ်စံးဝဲလၢအဝဲ သ့ၣ်ခးသံစ့ၢ်ကီးဝဲနီၢ်ဂ---ဖဲတၢ်ဒုးကဲထီၣ်အဆၢကတီၢ်ဒီးမ့မ့ၢ်လၢသိလ့ၣ်ယီၣ်ကစၢ်တဂၤကျဲးစၢးဃ့ၢ်ပူၤဖျဲးကွံာ်အသးန့ၣ်လီၤ.

ဟဲခီဖျိသးလၢသဝီဖိပိာ်မုၢ်လၢအအိၣ်ဖဲမ---သဝီလၢတၢ်တသ့ၣ်ညါအမံၤဒီးအသးနံၣ်ဘၣ်တဂၤပာ်ဖျါထီၣ်ဝဲအသိး, ပယီၤသုးဖိ တဖၣ်ခးဝဲနီၢ်ဂ---အဟၢဖၢ (၃) ထံၣ်အဃိအဝဲသံဝဲန့ၣ်လီၤ. အဝဲဒၢန့ၢ် (၃) လါန့ၣ်လီၤ. သဝီဖိပိာ်မုၢ်တဂၤတဲစ့ၢ်ကီးဝဲလၢအ ဝဲဘၣ်တၢ်ထံၣ်န့ၢ်အီၤဖဲတၢ်လီၢ်လၢအဘၣ်စီၣ်လၢအဘူးဒီးထံကျိၤဘိဖဲတၢ်ဒုးကဲထီၣ်အလီၢ်ဒီးကျိဘၣ်အီၤအလီၢ်အိၣ်အါမးန့ၣ်လီၤ.

KNLA သုးခိၣ်တဂၤသမံသမိးကွၢ်ဝဲဟ--- ဒီးနီၢ်ဂ--- အစိၣ် ဖဲတၢ်ကဲထီၣ်သးအလီၢ်ဒီးစံးဝဲ, တချုးလၢတၢ်ကဲထီၣ်အသးဒံး ဘၣ်န့ၣ် SAC သုးဖိအကျါတဂၤမၤတရီတပါဝဲနီၢ်ဂ---န့ၣ်လီၤ. လၢခံ SAC သုးဖိလၢအဘၣ်တၢ်ဖီၣ်န့ၢ်အီၤဒီးထံၣ်ထွဲဝဲပှၤမၤတရီ တပါ တၢ်အကျါတဂၤအၢၣ်လီၤအတၢ်ကမၣ်ဒ်ပှၤကျိာ်ထံတၢ်ဖိလၢအမ့ၢ်သ---သဝီသးပှၢ်အံၤတဲဖျါထီၣ်ဝဲဆူ KHRG အိၣ်န့ၣ်လီၤ. ဖဲတၢ် ဒုးကဲထီၣ်အဆၢကတီၢ်န့ၣ် SAC ခးဝဲနီၢ်ဂ---အဟၢဖၢ ၃ ထံၣ်ဒီးမၤသံကွံၥ်ဝဲန့ၣ်လီၤ. SAC သုးဖိတဖၣ်ကွံၥ်လီၤဝဲစုကွံၥ် မ့ၣ်ပိၢ် ခံဖျၢၣ်လၢအဘူးဒီးအီၤဖဲတချုးအဝဲသ့ၣ်ဟးထီၣ်ဒ်ဘၣ်အဆၢကတီၢ်န့ၣ်လီၤ. ဘၣ်ဆၣ်ခီဖျိလၢစုကွံၥ်မ့ၣ်ပိၢ်တဖျၢၣ်န့ၣ်လီၤ တဲာ် ယံၤဒီးအီၤတစဲး, ဒီးအဂၤတဖျၢၣ်န့ၣ်တပိၢ်ဖးဘၣ်အဃိအစိၣ်တဟးဂီၤဘၣ်န့ၣ်လီၤ. ဒ်နီၢ်ဘ---ဒီးစီၤအ---အဘူးအတံၢ်ပာ် ဖျါထီၣ်ဝဲအသိး, ဟ--- န့ၣ်, ဘၣ်တၢ်ခးသံအီၤဖဲတၢ်ဒုးကဲထီၣ်အဆၢကတီၢ်စ့ၢ်ကီးန့ၣ်လီၤ, ဘၣ်ဆၣ်မ့မ့ၢ်အဖိခွါတခီဃ့ၢ်အိၣ်ခူ သူၣ်ဝဲအဃိအိၣ်မူဘၣ်ဒံးဝဲဒီး, မ့မ့ၢ်နီၢ်ဂ---အသကိးတဂၤဃ့ၢ်ပူၤဖျဲးအသးန့ၣ်လီၤ.

နီၢ်ဂ---အဝၤစီၤအ---ဘၣ်အိၣ်လီၤတဲာ်တ့ၢ်က့ၤဝဲဒီးအဖိ (၄) ဂၤအံၤန့ၣ်လီၤ. အဝဲထံၣ်ဘၣ်တၢ်ကီတၢ်ခဲသ့ၣ်တဖၣ်အါမးဖဲအမါတ အိၣ်လၢၤဘၣ်အလီၢ်ခံန့ၣ်လီၤ.  အဝဲအသူၣ်လီၤဘှံးသးလီၤတီၤဒိၣ်မးလၢတၢ်ကဲထီၣ်သးအံၤအဃိ, တကးဒ်ဘၣ်အဝဲဘၣ်အိၣ်ဒ် ဒၣ်လၢတၢ်ကူဆါယါဘျါအသးအဆၢကတီၢ်န့ၣ်လီၤ. ဖဲလါအီးကထိဘၢၣ်၂၀၂၄ နံၣ်ဒၣ်လဲာ်န့ၢၣ်အဝဲတူၢ်ဘၣ်ခီၣ်ဘၣ်ဒ်တၢ်အံၤ န့ၣ်လီၤ. အဝဲဒိးသမံသမိးအသးလၢ  KHRG ပျီပူၤပှၤမၤတၢ်ဖိအအိၣ်တသ့ဘၣ်ခီဖျိလၢအဝဲကဘၣ်လဲၤခီဖျိတၢ်ဆၢကတီၢ်လၢ အကီအခဲဒီးသူၣ်လီၤဘှံးသးလီၤတီၤဒိၣ်မးအဆၢကတီၢ်န့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤဒိးသံကွၢ်တၢ်ဖိ (၃) ဂၤလၢအမ့ၢ်နီၢ်ဂ--- အဝၤစီၤအ---, နီၢ်ဘ--- လၢအမ့ၢ်ဆ---သဝီ, ထီဝၣ်လီၤကရူၢ်သဝီသးပှၢ်, ဃ--- လၢအအိၣ်ဟဲလၢလ--- သဝီ, ထီဝၣ်လီၤကရူၢ်သ့ၣ်တဖၣ်အံၤမ့ၢ်ပှၤလၢအသ့ၣ်ညါဘၣ်ဃးတၢ်ကဲထီၣ်သးဒီးဟ့ၣ်တၢ်ပျဲလၢ KHRG က သူဝဲတၢ်ဂ့ၢ်တၢ်ကျိၤအံၤန့ၣ်လီၤ.