English
ကညီကျိာ်
မြန်မာ
ပသးခုလၢ ပထုးထီၣ်ဘၣ်ကဒီးလံာ်တၢ်ကစီၣ်ပှဲၤထီၣ်ဝဲ ၂၂ ဝီတဝီန့ၣ်လီၤ. လံာ်တၢ်ကစီၣ်အံၤ ဘၣ်တၢ်ကွဲးအီၤတနံၣ်ခံဘျီ န့ၣ်လီၤ. လံာ်တၢ်ကစီၣ်လၢ အဘၣ်တၢ်ကွဲးအီၤခဲအံၤတဘ့ၣ်အံၤ ဘၣ်တၢ်ဟံးန့ၢ် တၢ်ဂ့ၢ်တၢ်ကျိၤ စးထီၣ်ဖဲလါစဲးပထ့ဘၢၣ် ၂၀၂၃ နံၣ် တုၤ လါဖ့ၤဘြူၤအါရံၤ ၂ဝ၂၄ နံၣ် အပူၤန့ၣ်လီၤ. ဘၣ်ဆၣ်နကထံၣ်ဘၣ်တၢ်ဂ့ၢ်တၢ်ကျိၤ, တၢ်ကဲထီၣ်သးလၢအပူၤကွံာ်တနီၤ လၢဘၣ်တၢ်ကွဲးပာ်ဖျါအီၤအိၣ်ဝဲ မ့ၢ်လၢတၢ်ဂ့ၢ်တၢ်ကျိၤသ့ၣ်တဖၣ်အံၤ ဘၣ်တၢ်ဒိးန့ၢ်ဘၣ်အီၤလၢ ယဲၢ်လါအတီၢ်ပူၤအဆၢကတီၢ်ပူၤအဃိန့ၣ်လီၤ.
KHRG အလံာ်တၢ်ကစီၣ်တဘ့ၣ်အံၤ မ့ၢ်ဝဲဒၣ်တၢ်ကွဲးပာ်ဖှိၣ်တၢ်ကစီၣ်လၢအအိၣ်ဟဲလၢကညီကီၢ်ရ့ၣ်နွံဘ့ၣ်အပူၤဒီး လၢတၢ်ကွဲး တဖၣ်အကျါ တၢ်မၤဘၣ်ဒိပှၤဂ့ၢ်ဝီခွဲးယာ်တခါစုာ်စုာ် အတၢ်ဂ့ၢ်ကီသ့ၣ်တဖၣ် လၢကီၢ်ရ့ၣ်ကိးဘ့ၣ်ဒဲးအပူၤ အိၣ်ဝဲဒၣ်ဒီး အတၢ်လီၤပလိာ် လိာ်သး ဒီးတၢ်လီၤဆီလိာ်သး အိၣ်ဝဲအါမးအဂ့ၢ်န့ၣ် မ့ၢ်တၢ်လၢပကြၢးသ့ၣ်ညါဘၣ်စ့ၢ်ကီးန့ၣ်လီၤ.
လံာ်တၢ်ပာ်ဖျါတဘ့ၣ်အံၤအပူၤ ပာ်ဖျါထီၣ်ဝဲ ကဘီယူၤသုးဟဲခးလီၤတၢ်, တၢ်ဖီၣ်န့ၢ်ဆူၣ် ဒီး တၢ်မၤအၢမၤနး, ပယီၤသုးမီၤစိရိၤအတၢ်ဘိးဘၣ်ရၤလီၤဘၣ်ဃး တၢ်ကစးထီၣ်သူဝဲ ၂၀၁၀ နံၣ် ကမျၢၢ်အတၢ်နုာ်လီၤသုးသဲစးတၢ်ဘျၢ, တၢ်ကူၣ်ဘၣ်ကူၣ်သ့ဒီးတၢ်အိၣ်ဆူၣ်အိၣ်ချ့တၢ်အိၣ်သးလၢကညီကီၢ်စဲၣ်အပူၤ, တၢ်မၤသံမၤဝီ ဒူဖိသဝီဖိတဖၣ်, တၢ်သူဟီၣ်လာ်မ့ၣ်ပိၢ်, သုးအတၢ်ဟူးတၢ်ဂဲၤ, တၢ်ဟံးန့ၢ်ဆူၣ်, တၢ်ဒွဲၣ်အူဟံၣ်ဃီ, ဒီးတၢ်မၤတံာ်တာ်လၢတၢ်လဲၤထီၣ်က့ၤလီၤ, ဒီး တၢ်ခးလီၤကျိဖးဒိၣ်သ့ၣ်တဖၣ်န့ၣ်လီၤ. လၢလံာ်တၢ်ကစီၣ်တဘ့ၣ်အံၤအပူၤ ဖဲလၢတၢ်ကွဲးဖျါထီၣ်သဝီဖိအကလုၢ်အဆၢကတီၢ် လၢသဝီဖိအတၢ်ဘံၣ်တၢ်ဘၢအဂီၢ် ပကွဲးလီၤဘၢက့ၤ သဝီအမံၤဒီး သဝီဖိအမံၤ လၢလံာ်မဲာ်ဖျၢၣ်ဒ်အမ့ၢ် က..., ခ..., ဂ... သ့ၣ်တဖၣ် ဒ်သိးတၢ်သုတသ့ၣ်ညါလၢ အမ့ၢ်မတဂၤ ဒီးအအိၣ်ဆိးလီၢ်ကျဲဖဲလဲၣ်တဂ့ၤအဂီၢ်န့ၣ်လီၤ.
လၢခံကတၢၢ် ပနာ်လၢပှၤဖးတၢ်ဖိသ့ၣ်တဖၣ် ကသ့ၣ်ညါ ဘၣ်တၢ်မၤဘၣ်ဒိပှၤဂ့ၢ်ဝီခွဲးယာ် အတၢ်အိၣ်သးလၢ ကီၢ်ပယီၤမုၢ်ထီၣ်ကလံၤ ထံးအပူၤဒီး ပနာ်စ့ၢ်ကီးလၢပှၤဖးတၢ်ဖိသ့ၣ်တဖၣ် ကပလၢၢ်ဘၣ်ဝဲ သဝီဖိလၢအအိၣ်လၢကီၢ်ရ့ၣ်တဘ့ၣ်စုာ်စုာ်အပူၤအတၢ်တူၢ်ဘၣ်တဖၣ်န့ၣ်လီၤ.
ဖဲလါမ့ၤ ၂၀၂၄ နံၣ် လံ၁်တၢ်ကစီၣ်ရၤလီၤလၢ ကညီဂ့ၢ်၀ီခွဲးယ၁်ကရူၢ်ထုးထီၣ်အီၤ ၂၂ ဘျီတဘျီန့ၣ် နဒိးန့ၢ်ဖးအီၤဖဲ PDF ပူၤသ့လံန့ၣ်အဲၣ်ဒိးဟ့ၣ်ဒုးသ့ၣ်ညါန့ၣ်လီၤ.
Print:
