တၢ်ကဲထီၣ်သးအကလုာ်

ထံကီၢ်တၢ်ပၢတၢ်ပြးကီၣ်ကးကရၢ (SAC) ခးလီၤနါစိၤကျိဖးဒိၣ်ချံ

တၢ်ကဲထီၣ်သးမုၢ်နံၤမုၢ်သီ

လါအီကူး ၂၂ သီ ဒီး ၂၆ သီ, ၂၀၂၃ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ကဝီၤဒ့ ခ--- လၢသၤတီၤကၠံဝ့ၢ် ဒီး အ--- သဝီ, ဟီၣ်ကဝီၤလီၤဆီလၢ ဒီၣ်ဖးခိၣ်ကီၢ်ဆၣ်, တီအူကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

နီၢ်ဂ---

နီၢ်ဒ---

နီၢ်င---

မၣ်စ---

သးနံၣ်

တသ့ၣ်ညါ

တသ့ၣ်ညါ

တသ့ၣ်ညါ

၄၈ နံၣ်

မုၣ်/ ခွါ

ပိာ်မုၣ်

ပိာ်မုၣ်

ပိာ်ခွါ

ပိာ်မုၣ်

ကလုာ်

ကညီ

ကညီ

ကညီ

တသ့ၣ်ညါ

ထီၣ်ပှၢ်/သဘျ့

ထီၣ်ပှၢ်

ထီၣ်ပှၢ်

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

တသ့ၣ်ညါ

တသ့ၣ်ညါ

တသ့ၣ်ညါ

တသ့ၣ်ညါ

တၢ်ဘူၣ်တၢ်ဘါ

ခရံာ်ဖိ

ခရံာ်ဖိ

ခရံာ်ဖိ

တသ့ၣ်ညါ

တၢ်ဟံမူဒါ/ လီၢ်လၤ

သဝီဖိ

သဝီဖိ

သဝီဖိ

သဝီဖိ

အိၣ်ဆိးဒူသဝီ

ကဝီၤဒ့ ခ--- သၤတီၤကၠံဝ့ၢ်

ကဝီၤဒ့ ခ--- သၤတီၤကၠံဝ့ၢ်

ကဝီၤဒ့ ခ--- သၤတီၤကၠံဝ့ၢ်

အ--- သဝီ, ဟီၣ်ကဝီၤလီၤဆီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

စုကဝဲၤဒိၣ်သုးရ့ၣ် (တသ့ၣ်ညါနီၣ်ဂံၢ်)

ဘယ့ၣ်နီၤတၣ်မၠိၣ်သုးကလၢၤဖဲ သၤတီၤကၠံဝ့ၢ်

တသ့ၣ်ညါ

တသ့ၣ်ညါ

တသ့ၣ်ညါ

ခီၣ်ချ့သုးရ့ၣ် (LIB) နီၣ်ဂံၢ် (၃၀၄)

ယ့ၤတၤရှ့ၤဝ့ၢ်, ပကိကီၢ်ခီ

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ကညီဒီကလုာ်စၢဖှိၣ်ကရၢ (KNU‌) ပၢၤကီၢ်တဂၤလၢ ဒ့လိာ်မုၢ်လါထၣ်ဟီၣ်ကဝီၤ, ဒီၣ်ဖးခိၣ်ကီၢ်ဆၣ်, တီအူကီၢ်ရ့ၣ်ဒုးသ့ၣ်ညါ KHRG ပျီၤပူၤပှၤမၤတၢ်ဖိတဂၤ ဘၣ်ဃးတၢ်ကဲထီၣ်သးအဂ့ၢ်တၢတခါန့ၣ်လီၤ. ဝံၤအလီၢ်ခံ ဖဲလါနိၣ်ဝ့ဘၢၣ် ၂၉ သီ, ၂၀၂၃ နံၣ်န့ၣ် ပျီၤပူၤပှၤမၤတၢ်ဖိထံၣ်လိာ်သးဒီးလီၢ်ကဝီၤသဝီဖိတဂၤလၢအထံၣ်ထွဲတၢ်ကဲထီၣ်သးဒီး ပှၤလၢအဟံၣ်ဟးဂီၤခီဖျိတၢ်ခးလီၤ ကျိဖးဒိၣ်ချံအဃိဒီး မၤတၢ်ထံၣ်လိာ်သံကွၢ်ဒီးအီၤန့ၣ်လီၤ. ဖဲတၢ်ကဲထီၣ်သးအဆၢကတီၢ် သဝီဖိတဂၤန့ၣ်အိၣ်လၢတၢ်ကဲထီၣ်သး အလီၢ်အဃိ အသ့ၣ်ညါတၢ်ကဲထီၣ်သးအဂ့ၢ်န့ၣ်လီၤ. KHRG ပျီပူၤပှၤမၤတၢ်ဖိတဂၤ ဆဲးကျိးဒီးလီၢ်ကဝီၤသဝီဖိတဂၤလၢ ဒီၣ်ဖးခိၣ်ကီၢ်ဆၣ်, တီအူကီၢ်ရ့ၣ် ခီဖျိလီတဲစိဒီး ထၢဖှိၣ်တၢ်ဂ့ၢ်တၢ်ကျိၤဘၣ်ဃး တၢ်ကဲထီၣ်သးခံခါတခါအဂ့ၢ်န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပျီၤပူၤပှၤမၤတၢ်ဖိ ပာ်ဖှိၣ်တၢ်ဂ့ၢ်ဘၣ်ဃးတၢ်ကဲထီၣ်သးတၢတခါလၢ ပှၤတူၢ်ဘၣ်တၢ်အနီၢ်ကစၢ်တဂၤအအိၣ်ဒီး သဝီဖိအဂၤတတဖၣ်လၢတၢ်ကဲထီၣ်သးအလီၢ်အဃိ တၢ်ဂ့ၢ်တၢ်ကျိၤတဖၣ်အံၤမ့ၢ်ဝဲ အမ့ၢ်အတီန့ၣ်လီၤ. လၢန့ၣ်အမဲာ်ညါ ပျီၤပူၤပှၤမၤတၢ်ဖိ လဲၤလၢတၢ်ကဲထီၣ်သးအလီၢ်ဒီး ဃုသ့ၣ်ညါတၢ်ကဲထီၣ်သးအဂ့ၢ်န့ၣ်လီၤ. ဘၣ်ဃးတၢ်ကဲထီၣ်သးအဂ့ၢ်ခံခါတခါန့ၣ် လီၢ်ကဝီၤ သဝီဖိလၢ (အတဲသကိးဘၣ်တၢ်ဒီး ပိာ်မုၣ်တဂၤ လၢအတူၢ်ဘၣ်တၢ်ဘၣ်ဒိဘၣ်ထံးတချုးလၢအသံဒံးဘၣ်) တဂၤဟ့ၣ် KHRG တၢ်ဂ့ၢ်တၢ်ကျိၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

တၢ်ကဲထီၣ်သးတၢတခါ

ဖဲလါအီကူး ၂၂ သီ, ၂၀၂၃ နံၣ် ဟါခီ (၈:၃၀) အဆၢကတီၢ် ထံကီၢ်တၢ်ပၢတၢ်ပြးကီၣ်ကးကရၢ (SAC) သုးဖိတဖၣ် ခးလီၤနါစိၤ ကျိဖးဒိၣ်ချံသၢဖျၢၣ်လၢ သၤတီၤကၠံဝ့ၢ်, ဒီၣ်ဖးခိၣ်ကီၢ်ဆၣ်, တီအူကီၢ်ရ့ၣ်န့ၣ်လီၤ. ကျိဖးဒိၣ်ချံတဖၣ်အကျါ တဖျၢၣ်န့ၣ်လီၤတဲာ်လၢ သၤတီၤကၠံဝ့ၢ် ကဝီၤခ--- အပူၤဒီး ပိၢ်ဖးထီၣ်ဝဲန့ၣ်လီၤ. မ့ၢ်လၢ တၢ်ခးလီၤကျိဖးဒိၣ်အဃိ သဝီဖိသၢဂၤအဟံၣ်ဟးဂီၤဒီး ကျဲလၢဟံၣ်ကပၤသဝီဖိသူအီၤစ့ၢ်ကီး ဟးဂီၤကွံာ်ဝဲန့ၣ်လီၤ. ဟံၣ်ကစၢ်လၢအဟံၣ်ဟးဂီၤတဖၣ်မ့ၢ်ဝဲ နီၢ်ဂ---, နီၢ်ဒ--- ဒီး စီၤင--- တဖၣ်န့ၣ်လီၤ. ကျိဖးဒိၣ်ချံအဂၤတဖျၢၣ်န့ၣ်လီၤတဲာ်လၢ ဟီၣ်ကဝီၤလၢ ဝ့ၢ်ချၢန့ၣ်လီၤ. SAC သုးတဖၣ်အံၤအိၣ်သူၣ်လီၤအသးလၢ စုကဝဲၤဒိၣ်သုးရ့ၣ်လၢ ဘယ့ၣ်နီၤတၣ်မၠိၣ်သုးကလၢၤဖဲ သၤတီကၠံဝ့ၢ်န့ၣ်လီၤ. လီၤဂာ်လၢ SAC ခးလီၤကျိဖးဒိၣ်ချံ မ့ၢ်လၢအဝဲသ့ၣ် နၢ်ဟူတၢ်ပိၢ်ထီၣ်သီၣ်လၢ သၤတီၤကၠံဝ့ၢ်ကျဲတဘိအပူၤအဃိန့ၣ်လီၤ. သၤတီၤကၠံဝ့ၢ် ကဝီၤဒ့ ခ--- ဆူဘယ့ၣ်နီၤတၣ်မၠိၣ် သုးကလၢၤန့ၣ် ဘၣ်လဲၤဒိးသိၣ်လ့ၣ်ယီၢ် ကအိၣ်အမံးနံး (၃၀) န့ၣ်လီၤ.

သဝီဖိလၢအဟံၣ်ဟးဂီၤ ခီဖျိတၢ်ခးလီၤကျိဖးဒိၣ်ချံတဂၤန့ၣ် ဖဲ SAC ခးလီၤနါစိၤကျိဖးဒိၣ်ချံအဆၢကတီၢ် အတအိၣ်လၢသၤတီၤကၠံပူၤဘၣ်အဃိ အတဘၣ်ဒီးကျိဖးဒိၣ်ချံဘၣ်န့ၣ်လီၤ. သဝီဖိအဂၤခံဂၤလၢအဟံၣ်ဟးဂီၤန့ၣ် ဖဲ SAC ခးလီၤကျိဖးဒိၣ်ချံအဆၢကတီၢ် အိၣ်ခူသူၣ်လၢအဝဲသ့ၣ် အဟံၣ်ဖီလာ်အဃိ တဘၣ်ဒီးကျိဖးဒိၣ်ချံဘၣ်န့ၣ်လီၤ.    

ဖဲလါအီကူးဒီး လါစဲးပထ့ဘၢၣ် ၂၀၂၃ နံၣ်အပူၤ SAC သုးတဖၣ်ခးလီၤကျိဖးဒိၣ်ချံလၢ သၤတီၤကၠံဝ့ၢ်ပူၤ ခဲအံၤခဲအံၤန့ၣ်လီၤ. တၢ်ခးလီၤကျိးဖးဒိၣ်ချံဒ်အံၤကဲထီၣ်သး တနွံတဘျီ မ့တမ့ၢ် တနွံခံဘျီန့ၣ်လီၤ. ဖဲလါ အီကူး ၂၂ သီန့ၣ် ခီဖျိလၢ SAC ခးလီၤနါစိၤကျိဖးဒိၣ်ချံအဃိ သဝီဖိလၢအအိၣ် သၤတီကၠံဝ့ၢ် ကဝီၤခ--- ပူၤတဖၣ် ပျံၤတၢ်လၢအဝဲသ့ၣ်တၢ်ဘံၣ်တၢ်ဘၢအဂီၢ်သနာ်က့ တၢ်ခးလီၤကျိဖးဒိၣ်ချံဒ်အံၤကပတုာ်သးအဂီၢ်သဝီဖိတဖၣ်မၤတၢ်တသ့နီတမံၤဘၣ်န့ၣ်လီၤ.တၢ်ခးလီၤကျိဖးဒိၣ်ချံကဲထီၣ်သးတဘျီအံၤန့ၣ်သဝီဖိတၢ်ဘၣ်ဒိဘၣ်ထံးဒီးတၢ်သံတၢ်ပှၢ်တအိၣ်ဘၣ်ဒီး ဆၣ်ဖိကီၢ်ဖိ တၢ်ဘၣ်ဒိဘၣ်ထံးဒီးတၢ်သံတၢ်ပှၢ်တအိၣ်စ့ၢ်ကီးဘၣ်န့ၣ်လီၤ. လၢန့ၣ်အမဲာ်ညါ ကၠိတဖၣ်ဒီး တၢ်ဘါယွၤသရိာ်စ့ၢ်ကီးတၢ်ဘၣ်ဒိဘၣ်ထံးတအိၣ်ဘၣ်န့ၣ်လီၤ.

တၢ်ကဲထီၣ်သးခံခါတခါ

ဖဲလါအီကူး ၂၆ သီ, ၂၀၂၃ နံၣ် ဟါခီ (၄) နၣ်ရံၣ်ဃၣ်ဃၣ်န့ၣ် SAC ခီၣ်ချ့သုးရ့ၣ် (LIB) နီၣ်ဂံၢ် (၃၀၄) သုးဖိတဖၣ် ခးလီၤနါ စိၤကျိဖးဒိၣ်ချံ ၁၂၀ မမ သၢဖျၢၣ်လၢ အ--- သဝီ, ဟီၣ်ကဝီၤလီၤဆီ, ဒီၣ်ဖးခိၣ်ကီၢ်ဆၣ်အပူၤန့ၣ်လီၤ. LIB နီၣ်ဂံၢ် (၃၀၄) အံၤ အိၣ်သူၣ်လီၤအသးလၢ ယ့ၤတၤရှ့ၤဝ့ၢ်, ပကိကီၢ်ခီ (ဒီး ဘၣ်မနုၤအဃိအအိၣ်လၢ ဒီၣ်ဖးခိၣ်ကီၢ်ဆၣ်လဲၣ်န့ၣ် လီၢ်ကဝီၤသဝီဖိတဖၣ်တသ့ၣ်ညါဘၣ်). ကျိဖးဒိၣ်ခံဖျၢၣ်လီၤတဲာ်လၢ သဝီဃၢၤဒီး ကျိချံအဂၤတဖျၢၣ်လီၤတဲာ်လၢ အ--- သဝီပူၤလၢ အဘူးဒီး မၣ်စ--- သးနံၣ်အိၣ် (၄၈) နံၣ် ဖဲအဟးလၢသဝီကျဲပူၤအဆၢကတီၢ်န့ၣ်လီၤ. ဖဲအဟးလၢကျဲပူၤအဆၢကတီၢ် ကျိဖးဒိၣ်ချံလီၤတဲာ်ပိၢ်ဖးထီၣ်အက့အခီဘၣ်အဟၢဖၢဒီး အခိၣ်လီၢ်ခံတကပၤန့ၣ်လီၤ.

တၢ်ကဲထီၣ်သးဝံၤအလီၢ်ခံ ကမျၢၢ်တၢ်ဒီသဒၢသုး (PDF) ကသံၣ်သရၣ်တဂၤ ဒီး ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA) ကသံၣ်သရၣ်တဂၤ ကူစါယါဘျါအဝဲအတၢ်ဘၣ်ဒိဘၣ်ထံးန့ၣ်လီၤ. ဝံၤအလီၢ်ခံ (တနံၤဃီအတီၢ်ပူၤ) ပှၤလဲၤဆှၢအီၤဆူတီအူတၢ်ဆါဟံၣ်န့ၣ်လီၤ. လၢခံတနံၤ ဖဲလါအီကူး ၂၇ သီ, ၂၀၂၃ နံၣ်န့ၣ် ခီဖျိလၢအဘၣ်ဒိနးနးကလဲာ်အဃိ အသံလၢတၢ်ဆါဟံၣ်န့ၣ်လီၤ. ဖဲလါအီကူး ၂၇ သီ, ၂၀၂၃ နံၣ်န့ၣ် ပှၤက့ၤစိာ် မၣ်စ--- အသံစိၣ်လၢအ--- သဝီပူၤဒီး ဘၣ်တၢ်ခူၣ်လီၤအီၤလၢ သဝီ တၢ်သွၣ်ခိၣ်န့ၣ်လီၤ. မၣ်စ--- အဝၤသံလၢအပူၤကွံာ်နံၣ်တဖၣ်ဒီး အအိၣ်တ့ၢ်ဒီးအဖိလွံၢ်ဂၤန့ၣ်လီၤ. ပှၤတူၢ်ဘၣ်တၢ်အဟံၣ်ဖိဃီဖိတဒိးန့ၢ်ဘၣ် ကျိၣ်စ့တၢ်ဆီၣ်ထွဲမၤစၢၤအါန့ၢ်ဒံး တၢ်မၤဘူၣ် ၂၀၀,၀၀၀ ကၠးလၢ PDF ဒီး KNLA ဟ့ၣ်လီၤန့ၣ်ဘၣ်.

SAC ခးလီၤကျိဖးဒိၣ်ချံတဘျီအံၤအဃိ သဝီဖိတနီၤအကျီၢ်ဘၣ်ဒိဒီး သ့ၣ်ထူၣ်တနီၤဟးဂီၤဝဲန့ၣ်လီၤ. လီၢ်ကဝီၤသဝီဖိ တဂၤပာ် ဖျါထီၣ်ဝဲလၢ SAC ခးလီၤနါစိၤကျိဖးဒိၣ်ချံလၢသဝီပူၤခဲအံၤခဲအံၤအဃိ သဝီဖိအါဂၤဘၣ်ဃ့ၢ်မှံဟးဖျိးဝဲန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

သဝီဖိတဖၣ်လၢအအိၣ်လၢ သၤတီၤကၠံဝ့ၢ်ဒီး သဝီဖိတဂၤလၢအတဲသကိးတၢ်ဒီး မၣ်စ--- အဟံၣ်ဖိဃီဖိဟ့ၣ် KHRG အခွဲးလၢကရၤလီၤတၢ်ဂ့ၢ်တၢ်ကျိၤအံၤန့ၣ်လီၤ.