ဟီၣ်က၀ီၤတၢ်ပာ်ဖျါဖုၣ်တဘ့ၣ်အံၤ ပာ်ဖျါဝဲ တၢ်ကဲထီၣ်အသးဖဲ ကီးတရံးကီၢ်ဆၣ်, ဒူပျ၁်ယ၁်ကီၢ်ရ့ၣ် ဖဲလါဖ့ၤ ဘြူၤအါရံၤ ၂၀၂၂နံၣ် န့ၣ်လီၤ. ဖဲလါဖ့ၤဘြူၤအါရံၤ ၁၈သီ,  ၂၀၂၂ နံၣ်န့ၣ်,တၢ်ခးတပျုၢ်တပျီၤကျိဖးဒိၣ်ချံအဆၢကတီၢ်ကျိချံအက့ပိၢ်ဖးထီၣ်ဘၣ်၀ဲပိ၁်မုၣ်တဂၤလၢအအိၣ်ဖဲ အ---သ၀ီ, မီမၣ်ယွၤသ့ၣ်ကရူၢ်, ကီးတရံးကီၢ်ဆၣ်ဖဲအစုဒုၣ်အထွဲတကပၤနးနးကလဲ၁်ဒီးသံ၀ဲတဘျီဃီန့ၣ်လီၤ. ခီဖျိလၢတၢ်ဒုးလိာ်သးဒီး တၢ်ခးတပျုၢ်တပျီၤကျိဖးဒိၣ်ချံ ကဲထီၣ်သးကွ့ၢ်ကွ့ၢ်အဃိ သ၀ီဖိလၢအအိၣ် အ---သ၀ီတဖၣ်ဒီး သ၀ီအဂုၤအဂၤတဖၣ် ဘၣ်ဃ့ၢ်အိၣ်ကမှံ၀ဲန့ၣ်လီၤ.[1]

 

 

ဖဲ လါဖ့ၤဘြူၤအါရံၤ ၁၇သီ, ၂၀၂၂နံၣ်န့ၣ် ထံကီၢ်တၢ်ပၢတၢ်ြပးကီၣ်ကးကရၢ (SAC) သုး (တသ့ၣ်ညါသုးရ့ၣ်နီၣ်ဂံၢ်) လဲၤတလၢဆူ အ---သ၀ီ,  မီမၣ်ယွၤသ့ၣ်ကရူၢ်,  ကီၢ်တရံးကီၢ်ဆၣ်,  ဒူပျ၁်ယ၁်ကီၢ်ရ့ၣ်လၢ အအိၣ်ဖဲ ကညီဒီကလု၁် တၢ်ထူၣ်ဖျဲးသုးမုၢ်ဒိၣ် (KNLA) တၢ်ပၢဟီၣ်က၀ီၤပူၤန့ၣ်လီၤ. လၢတၢ်န့ၣ်အဃိ တၢ်ဒုးကဲထီၣ်လၢ KNLA ဒီး SAC သုးအဘၢၣ်စၢၤ ဖဲ ဂီၤခီ ၈း၀၀ နၣ်ရံၣ် ဖဲတနံၤဃီအတီၢ်ပူၤန့ၣ်လီၤ.

ဖဲလါဖ့ၤဘြူၤအါရံၤ ၁၈သီ,  ၂၀၂၂နံၣ် ဂီၤခီ ၉း၀၀ နၣ်ရံၣ်အဆၢကတီၢ် တၢ်ဒုးကဲထီၣ်အသီတဘျီလၢ KNLA ဒီး SAC သုးအဘၢၣ်စၢၤဖဲ အ---သ၀ီ, မီမၣ်ယွၤသ့ၣ်ကရူၢ်ပူၤန့ၣ်လီၤ. ဖဲမုၢ်နံၤ၀ဲန့ၣ်ဂီၤခီအဆၢကတီၢ် သ၀ီဖိတဂၤလၢ အမံၤမ့ၢ် နီၢ်ပူၣ်တ့ၤ, သးနံၣ် ၄၁ နံၣ် လၢအအိၣ် အ---သ၀ီ ဘၣ်ဒီးကျိဖးဒိၣ်ချံပိၢ်ဖးထီၣ်အက့အခီ ဖဲတၢ်ခးတပျီၤကျိ ဖးဒိၣ်ချံအဆၢကတီၢ်န့ၣ်လီၤ (သုးဖီၣ်စုက၀ဲၤဖဲလဲၣ်တဖုလဲၣ်န့ၣ်တသ့ၣ်ညါဘၣ်).  (ကျိဖးဒိၣ်ချံအက့ဖျိးဘၣ် အကံၢ် လ၁်ပူၤဒီး ဘၣ်ဒိအသွံၣ်ကျိၤမိၢ်ပှၢ်နးနးကလဲ၁်န့ၣ်လီၤ). အ၀ဲဘၣ်ဒိဒီးကျိဖးဒိၣ်ချံအက့အံၤ၀ံၤ သံ၀ဲတဘျီဃီန့ၣ်လီၤ.

ဖဲမုၢ်နံၤ၀ဲန့ၣ် အ၀ဲသ့ၣ်အဒီမါ၀ၤခံဂၤလၢၤ, လၢအဘၣ်ဃ့ၢ်အိၣ်ကမှံတ့ၢ်လံစးထီၣ်လၢ လါဖ့ၤဘြူၤအါရံၤ ၃သီ,  ၂၀၂၂နံၣ်န့ၣ် က့ၤနုာ်၀ဲဆူအသ၀ီပူၤ (အဖိတပၣ်ဃုာ်ဘၣ်) လၢကဒုးအီၣ်အဆၣ်ဖိကီၢ်ဖိတၢ်အီၣ်အခါ တၢ်ခးလီၤ တပျီၤ၀ဲကျိဖးဒိၣ်န့ၣ်လီၤ. ဆၢကတီၢ်ဖဲန့ၣ် အ၀ၤလဲၤစၢဃ၁် ကျီၢ်ဖဲအဟံၣ်ကပၤ၀ံၤဒီး က့ၤဃီၤဆူအဟံၣ်မဲ၁်ညါန့ၣ် လီၤ. အမါစ့ၢ်ကီးဘုၣ်လီၤအထိးဆၣ်၀ံၤ က့ၤဃီၤဆူဟံၣ်လီၢ်ခံဖၣ်ကပူၤန့ၣ်လီၤ. ဖဲန့ၣ်အဆၢကတီၢ် ကျိဖးဒိၣ်ချံလီၤ တဲ၁်လၢအဟံၣ်ခီၣ်ထံး ပိၢ်ဖးထီၣ်ဒီး အက့အခီဖျိးဘၣ်အီၤ ဒီးသံ၀ဲန့ၣ်လီၤ. သန၁်က့အ၀ၤတဘၣ်တၢ်နီတမံၤဘၣ်. ဖဲမုၢ်နံၤ၀ဲန့ၣ် တၢ်အိၣ်သးဖျါလၢအဂ့ၤထီၣ်အဃိ သ၀ီဖိလၢ အဃ့ၢ်အိၣ်ကမှံတဖၣ် က့ၤလၢသ၀ီပူၤဒ်သိးကဒုးအီၣ် အ၀ဲသ့ၣ်ဆၣ်ဖိကီၢ်ဖိ တၢ်အီၣ်န့ၣ်လီၤ.

ခီဖျိလၢတၢ်ဒုးတၢ်ယၤအဃိ သ၀ီဖိအိၣ်လၢ အ--- သ၀ီ ၀--- သ၀ီ ဟ--- သ၀ီ ဒီး တ--- သ၀ီ ဖဲကီၢ်တရံးကီၢ်ဆၣ် ဘၣ်ဃ့ၢ်အိၣ်ကမှံ၀ဲန့ၣ်လီၤ. ဖဲတၢ်ဒုးကဲထီၣ်လၢ သုးဖီၣ်စုက၀ဲၤခံဖုအဘၢၣ်စၢၤ အဆၢကတီၢ် ထဲဒၣ်ပှၤသးပှၢ်တနီၤ အိၣ်တ့ၢ်လၢဒူသ၀ီပူၤန့ၣ်လီၤ. ပိ၁်မုၣ်လၢအသံတဂၤအံၤ အ၀ၤဒီးအဖိယဲၢ်ဂၤ (အဖိ အဂၤတဂၤအိၣ်လၢကီၢ်ကၠီၣ် တဲၣ်) အိၣ်လၢ သီခါဖၠၢ်လၢကီးတရံးကီၢ်ဆၣ်ပူၤ တပူၤဃီဒီးပှၤသ၀ီဖိအဂၤန့ၣ်လီၤ. လၢသီခါဖၠၣ်ပူၤ သီခါဖးဒိၣ် ကတဲ၁်ကတီၤ၀ဲတၢ်အီၣ်တၢ်အီလၢ သ၀ီဖိလၢ အဟဲဃ့ၢ်အိၣ်ကမှံဖဲသီခါဖၠၣ်တဖၣ်အဂီၢ်န့ၣ်လီၤ.

ခဲအံၤ  SAC သုးတဖၣ်နုာ်လီၤအိၣ်၀ဲလၢ အ---သ၀ီ လၢသ၀ီဖိတဖၣ်အဟံၣ်ပူၤဒီး သီခါဖၠၣ်ပူၤအဃိ ကဲထီၣ်တၢ်လီၤ ဘၣ်ယိၣ်လၢသ၀ီဖိတဖၣ် ကက့ၤဆူအဟံၣ်အဂီၢ်န့ၣ်လီၤ. သ၀ီဖိလၢအဘၣ်ဃ့ၢ်အိၣ်ကမှံလၢ သ၀ီလွံၢ်ဖျၢၣ်န့ၣ် အဲၣ်ဒိးက့ၤဆူဟံၣ်လံန့ၣ်လီၤ. သန၁်က့ လၢအ၀ဲသ့ၣ်သ၀ီပူၤ တၢ်ဘံၣ်တၢ်ဘၢတအိၣ်ဒံးဘၣ်အဃိ သ၀ီဖိတဖၣ် က့ၤဃီၤဆူသ၀ီ ပူၤတဘူၣ်ဒံးဘၣ်.

Thu, 31 Mar 2022

Footnotes: 

[1] တၢ်ဂ့ၢ်တၢ်ကျိၤလၢ လံာ်ပာ်ဖျါတဘ့ၣ်အံၤအပူၤန့ၣ် တၢ်ဒိးန့ၢ်ဘၣ်အီၤဖဲ လါဖ့ၤဘြူၤအါရံၤ ၂၀၂၂ နံၣ် အပူၤန့ၣ်လီၤ. ဘၣ်တၢ်ဆှၢ ဟ့ၣ်ထီၣ်အီၤလၢ လီၢ်ကဝီၤၦၤမၤသကိးတၢ်တဂၤ ဖဲဒူသထူၣ်ကီၢ်ရ့ၣ်အပူၤ လၢအဘၣ်တၢ်သိၣ်လိအီၤ လၢကညီဂ့ၢ်ဝီခွဲးယာ် ကရူၢ် KHRG လၢကမၤနီၣ် မၤဃါတၢ်မၤဘၣ်ဒိၦၤဟီၣ်ခိၣ်ဖိခွဲးယာ်အတၢ်အိၣ်သးတဖၣ် ဖဲလီၢ်ကဝီၤပူၤန့ၣ်လီၤ. ၦၤတူၢ်ဘၣ် တၢ်တဖၣ်အမံၤႇ တၢ်ဂီၤဒီး အိၣ်ဆိးလီၢ်ကျဲ လီၤတံၢ်လီၤဆဲးတဖၣ်န့ၣ် တၢ်မၤလီၤဘၢအီၤ လၢအဝဲနီၢ်ကစၢ် တၢ်ဘံၣ်တၢ်ဘၢ အဂီၢ်န့ၣ်လီၤ. တၢ်ဂ့ၢ်တၢ်ကျိၤလၢ တၢ်ကွဲးၡဲပၠးအါထီၣ်အီၤ ဖဲပနိကဝီၤအပူၤန့ၣ် မ့ၢ်ဝဲဒၣ် KHRG အတၢ်ကွဲးၡဲထီၣ်တၢ်ဂ့ၢ် တၢ်ကျိၤန့ၣ်လီၤ.
Print:Print:

ဆက်စပ်ဖတ်ရှုရန်

ဒူးပလာခရိုင် နောက်ဆုံးရဒေသတွင်းသတင်းတို- လက်နက်ကိုင်တပ်ဖွဲ့များ ၏ လက်နက်ကြီးရမ်းသမ်းပစ်ခတ်မှုအတွင်း အမျိုးသမီးတစ်ဦး သေဆုံး (၂၀၂၂ခုနှစ်, ဖေဖော်ဝါရီလ)
ဒူးပလာယာခရိုင် နောက်ဆုံးရဒေသတွင်းသတင်းတို - နို့တကောမြို့နယ်တွင် လက်နက်ကြီးရမ်းသန်းပစ်ခတ်မှုနှင့် မြေမြှုပ်မိုင်းပေါက်ကွဲမှု (၂၀၂၂ ခုနှစ်၊ ဇွန်လမှ စက်တင်ဘာလအထိ)