အခင်းဖြစ်ပွားမှုအမျိုးအစား

အရပ်သားများအားသေနတ်ဖြင့်တိုက်ခိုက်မှုကြောင့် ထိခိုက်ဒဏ်ရာရရှိခြင်း

အခင်းဖြစ်ပွားသည့်နေ့ရက်

၂၀၂၁ ခုနှစ်၊ မေလ ၂၈ရက်နေ့

အခင်းဖြစ်ပွားသည့်နေရာ (ကျေးရွာ၊ မြို့နယ်၊ ခရိုင်)

ခလယ်လွီထူခရိုင်၊ မူးမြို့နယ်၊ ဖ---ကျေးရွာအုပ်စု၊ ဟ---ကျေးရွာ 

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

စောဘ---

စောအ---

အသက်

၂၇

၃၆

ကျား/မ

ကျား

ကျား

လူမျိုး

ကရင်

ကရင်

မိသားစုရှိ/မရှိ

ရှိ

မသိ

အလုပ်အကိုင်

မသိ

မသိ

ကိုးကွယ်သည့် ဘာသာ

မိသိ

မသိ

နေရပ် ရွာအမည်

ခလယ်လွီထူခရိုင်၊ မူးမြို့နယ်၊ ဖ---ကျေးရွာအုပ်စု၊ ဟ---ကျေးရွာ

ခလယ်လွီထူခရိုင်၊ မူးမြို့နယ်၊ ဖ---ကျေးရွာအုပ်စု၊ ဟ---ကျေးရွာ

ပြစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်

ရာထူး

စစ်ကြောင်း၊တပ်ရင်း၊တပ်မ

အခြေစိုက်သည့်နေရာဒေသ

အထက်အရာရှိ အမည်

-

-

ခြေလျင်တပ်ရင်း အမှတ် #၇၅

-

ဒုတပ်ရင်းမှူးဇော်ဝင်းနိုင်

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

 KHRG သတင်းကောက်ခံသူတစ်ဦးမှ သေနတ်ဖြင့်ထိခိုက်ဒဏ်ရာရရှိသူ (စောဘ---) ၏မိသားစုဝင် တစ်ဦးအားတွေ့ဆုံမေးမြန်းမှုပြုလုပ်ခဲ့သည်။

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြ လိုပါသနည်း။ ၎င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

ဤသတင်းကိုပေးသောသူသည် ထိခိုက်ဒဏ်ရာရသူအားဆေးရုံသို့ ပို့ဆောင်ပေးသူဖြစ်ပါသည်။

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

ဤမှုခင်းသည် ၂၀၂၁ခုနှစ်၊ မတ်လ ၂၈ရက်နေ့တွင် ခလယ်လွီထူခရိုင်၊ မူးမြို့နယ်၊ ဖ---ကျေးရွာအုပ်စု၊ ဟ---ကျေးရွာတွင် ဖြစ်ပွားခဲ့ပါသည်။ တပ်မတော်တပ်သားတစ်စုမှ ဒေသခံရွာသားနှစ်ဦးဖြစ်သည့် အသက် ၃၆နှစ်၊ စော အ---နှင့် အသက် ၂၇နှစ်အရွယ်ရှိ စောဘ--- တို့အား သေနတ်ဖြင့်စတင်ပစ်ခဲ့သည်။ ထိုသို့ပစ်ခတ်ချိန်၌ ၎င်းတို့နှစ်ဦးလုံးသည် တဲထဲ၌အတူတူရှိနေခဲ့ကြသည်။ အဆိုပါတပ်မတော်တပ်သားများသည်ခြေလျင်တပ်ရင်း အမှတ် (၇၅) မှဖြစ်ကြပြီး ဒုတပ်ရင်းမှူးဇော်ဝင်းနိုင်မှဦးဆောင်သည်။ နောက်ပိုင်းတွင် ၎င်းတို့မှရွာသားများကို ကရင်အမျိုးသားလွတ်မြောက်ရေးတပ်မတော် (KNLA) တပ်သားများဟုယူဆကာ ပစ်ခတ်ခဲ့ခြင်းဖြစ်ကြောင်း ထွက်ဆိုခဲ့ကြသည်။ 

အခင်းဖြစ်ပွားသောနေရာနှင့် ကားလမ်းမကြီးသည် ခြေလျင်ဖြင့်သွားမည်ဆိုပါက တစ်နာရီသာကြာမည်ဖြစ်သည်။ စောဘ--- ၏ ဖခင်ဖြစ်သူ စော---စ သည် ၎င်း၏တဲသို့လာရာလမ်းတွင် သေနတ်ပစ်သံကိုကြားကာ ထွက်ပြေးသွားခဲ့သည်။ စောစ--- သည် သေနတ်ပစ်သံငြိမ်သက်သွားသည့်အချိန်တွင် သူ၏တဲသို့ပြန်သွား ခဲ့သည်။ ထိုသို့ရောက်ရှိချိန်တွင် အခင်းဖြစ်ပွားသည့်နေရာ၌ သွေးများနှင့် စောအ---မှ ချုံပုတ်ထဲတွင်ဝင်ပုန်း နေသည်ကိုတွေ့ခဲ့သည်။ စောအ--- ၏ ဒူခေါင်းတွင် ကျည်ဆံတစ်တောင့်ထိမှန်သွားသောကြောင့် အဝေးသို့ ထွက်ပြေးနိုင်ခြင်းမရှိတော့ပေ။  စောစ---မှ ၎င်းအား ရွာသို့ပြန်ခေါ်သွားခဲ့ပြီးနောက် ရွာသားများမှ စောအ--- ကိုကျောက်ကြီးမြို့အထွေထွေဆေးရုံးသို့ပို့ဆောင်ပေးခဲ့ကြသည်။ ယခု စောဘ---ဖြစ်သူမှာ ပျောက်ဆုံးနေပါ သည်။ ၎င်းသည် မည်သည့်နေရာ၌ရှိသည် သို့မဟုတ် အသက်ရှင်နေသည်ကို မည်သူကမျှ မသိကြပါ။ ၎င်း၏ လွယ်အိတ်နှင့် ဖိနပ်မှာလည်း အခင်းဖြစ်ပွားသည့်နေရာတွင် မရှိတော့ပါ။ 

စောစ---သည် ညနေ ၄း၀၀ နာရီတွင် ဆေးရုံသို့ဆေးကုသမှုခံယူရန်ရောက်လာခဲ့ပါသည်။ သို့သော် ညနေ ရး၀၀ နာရီတွင် တပ်မတော်တပ်သားများသည် ၎င်း၏ ဆေးကုသမှုခံယူရာနေရမှ ခေါ်ဆောင်သွားခဲ့ကြ သည်။ ဒေသခံရွာသားတစ်ဦးမှ KHRG အားဤကဲ့သို့ပြောခဲ့သည်။ “စောအ--- ဒူးခေါင်းမှာရတဲ့ဒဏ်ရာ ကတော်တော်ပြင်းတယ်။ ကုသမှုပြီးသွားရင်တောင် သူနောက်တစ်ခါလမ်းပြန်လျှောက်နိုင်တော့မှာမ ဟုတ်ဘူး။ သူနာပြုက စစ်တပ်ဆေးရုံကိုဆက်သွယ်ခဲ့ပြီး တပ်မတော်စစ်သားများတွေကနေ သူကိုလာ ခေါ်သွားခဲ့တယ်။ သူရဲ့ဖုန်းကိုဆက်သွယ်လို့မရတော့ဘူး။ မြန်မာစစ်တပ်က သူတို့ရဲ့ဖုန်းကိုသိမ်းလို့ သူနဲ့စကားပြောလို့မရတော့ဘူး။ သူကိုခေါ်သွားပြီးတဲ့နောက်မှာ သူနဲ့တစ်ကြိမ်ထဲ ဖုန်းပြောခွင့်ရခဲ့တယ်။ စောဘ--- အကြောင်းနဲ့ပတ်သက်ပြီးဘာမှ မကြားတော့ဘူး။ လုံခြုံရေးကြောင့် ခရီးသွားလာရေးကန့်သတ်လိုက် တည်းက သူကိုကျွန်တော်တို့ရှာလို့မတွေ့တော့ဘူး။” 

၎င်း၏ ထင်မြင်ယူဆချက်အရ တပ်မတော်တပ်သားများသည် စော အ--- အား အခင်းဖြစ်ပွားသည့်ကိစ္စ မပေါက်ကြားရန်အတွက် ခေါ်ဆောင်သွားခြင်းဖြစ်ကြောင်းဆက်လက်ရှင်းပြခဲ့သည်။ “တပ်မတော်က ဒီသ တင်းကို မပေါက်ကြားစေချင်ဘူးလို့ထင်တယ်။ ဒါက ဟိုအရင်တုန်းကဖြစ်ခဲ့သလိုမျိုးပဲလေ။ ကျတော့်ရဲ့ ဝမ်းကွဲငါးမျှားပြန်လာတဲ့အချိန်မှာ တဲထဲမှာသူတစ်ယောက်ထဲရှိနေတယ်။ မြန်မာစစ်တပ်က သူ့တဲကိုသွားပြီး စာတစ်စောင်ချန်ထားခဲ့တယ်။ စာထဲမှာ ‘သူကိုကုသဖို့ခေါ်သွားတယ်။’ သူကိုကြိုးစားပြီးရှာပေမဲ့ မတွေ့သေးဘူး။”

ရွာသားသို့မဟုတ် လူ့အခွင့်အရေးချိုးဖောက်ခံရသူသည် ဤသတင်းကိုအသုံးပြုရန်ခွင့်ပြုပါသလား။ မည်ကဲ့ သို့သောနည်းလမ်းဖြင့် အသုံးပြုခွင့်ပေးသည်ကိုဖော်ပြပေးပါ။

စောဘ--- ၏ မိသားစုဝင်တစ်ဦးမှ ဤအချက်အလက်များကိုအသုံးပြုရန်ခွင့်ပြုချက်ပေးထားပါသည်။