ကညီဂ့ၢ်ဝီခွဲးယာ်ကရူၢ်ထီဒါဝဲ တၢ်မၢဆူၣ်လၢတၢ်ကထုးလီၤကွံာ်ကလုာ်ဒူၣ်ခိၣ်နၢ်လၢအအဲၣ်လီၤကလုာ်တဖၣ် အတၢ်ဂီၤစိး ပျၤအဂ့ၢ်အံၤန့ၣ်လီၤ. ကညီဂ့ၢ်ဝီခွဲးယာ်ကရူၢ် ဃ့ထီၣ်ကီၢ်ပယီၤအပှၤန့ၢ်စိန့ၢ်ကမီၤဒီး သုးမုၢ်သံၣ်ဘိတဖၣ်လၢကဟ့ၣ်ကလုာ် ဒူၣ်တၢ်ခွဲးတၢ်ယာ်လၢကပၢၤဃာ်ဒီး မၤလဲၤထီၣ်လဲၤထီအဝဲသ့ၣ်အတၢ်စံၣ်စိၤတဲစိၤ ဒ်တၢ်ပာ်ဖျါထီၣ်အီၤလၢ ၂ဝ၁၅ ကလုာ် ဒူၣ်ခွဲးယာ်တၢ်ဒီသဒၢသဲစးတၢ်ဘျၢအပူၤအသိးန့ၣ်လီၤ.

ဖဲ လါယူနူၤအါရံၣ် ၃ သီ ၂ဝ၂၁ နံၣ်, အနံၤန့ၣ်ကညီပှၤတဝၢလၢအိၣ်လၢ ဘဲကယဲာ်သဝီၤပူၤ, အ့ၣ်ယၣ်ဝဒံၣ်ဟီၣ်ကဝီၤပူၤ တဖၣ်ႇ ဘၣ်တၢ်မၢဆူၣ်အဝဲသ့ၣ်လၢ ကထုးလီၤကွံာ်ဝဲဒၣ်ကညီခိၣ်နၢ်လၢအဲၣ်လီၤကလုာ်ဒီး ထံကီၢ်, စီၤဘၣ်အူကၠံအတၢ် ဂီၤစိးပျၤ လၢသဝီပူၤန့ၣ်လီၤ. တၢ်ဂီၤစိးပျၤအံၤအခီၣ်ထံးခီၣ်ဘိဘၣ်တၢ်ပာ်လီၤအီၤဖဲႇ လါအီကူာ် ၂ဝ၂ဝ နံၣ်အတီၢ်ပူၤ, ဝံၤအ လီၢ်ခံန့ၣ်လီၢ်ကဝီၤကမျၢၢ်ဖိတဖၣ်ဘၣ်ကွၢ်ဆၢၣ်မဲာ်ဒီး ကီၢ်ပယီၤပဒိၣ်ဒီးသုးမုၣ်ဒိၣ်ပှၤန့ၣ်စိန့ၣ်ကမီၤတဖၣ်အတၢ်ဆီၣ်သနံး လၢကထုးလီၤကွံာ်ဝဲတၢ်ဂီၤစိးပျၤအံၤန့ၣ်လီၤ. ဒူဖိသဝီဖိတဖၣ်သူၣ်ပျံာ်သးဖုးဝဲလၢတၢ်ကဟံးန့ၣ်အဝဲသ့ၣ်ဂ့ၢ်ဝီလီၤတံၢ်လီၤ ဆဲးအဃိ, လၢခံကတၢၢ်ဘၣ်လူၤပိာ်မၤထွဲဝဲဒၣ်န့ၣ်လီၤ.

တၢ်သဘံၣ်သဘုၣ်ဒ်အံၤသ့ၣ်တဖၣ်ကဲထီၣ်စ့ၢ်ကီး အသးလၢကညီဂ့ၢ်ဝီခွဲးယာ်ကရူၢ်ဟူးဂဲၤအဟီၣ်ကဝီၤပူၤစ့ၢ်ကီးန့ၣ်လီၤ. ဖဲ လါဖ့ၣ်ဘြူၤအါရံၤ ၂ဝ၁၈ ဒီး လါဖ့ၣ်ဘြူၤအါရံၤ ၂ဝ၁၉ နံၣ်အဆၢကတီၢ်, ပယီၤသုးဂ့ၢ်လိာ်ထီဒါဝဲလၢတၢ်ကဆီလီၤပာ်လီၤ ဝဲစီၤဘၣ်အူကၠံတၢ်ဂီၤစိးပျၤဖဲ ဒူပျာ်ယာ်ကီၢ်ရ့ၣ်အပူၤန့ၣ်လီၤ. တၢ်အံၤဒုးအိၣ်ထီၣ်ဝဲတၢ်တူၢ်ဘၣ်လၢ အဘၣ်ဃးဒီးတၢ်တ တုၤသိးထဲသိးလၢကညီဒူဖိသဝီဖိသ့ၣ်တဖၣ်အကျါ, ဒီးမၤလီၤစှၤအဝဲသ့ၣ်အတၢ်နာ်လၢ တၢ်မုာ်တၢ်ခုၣ်အတၢ်လဲၤကျဲအ ပူၤ, လၢအအၢၣ်လီၤလၢကဟဲစိာ်န့ၣ်တၢ်တုၤသိးထဲသိးလၢ ကလုာ်ဒူၣ်ဖိသ့ၣ်တဖၣ်အကျါန့ၣ်လီၤ.

 ဒ်န့ၢ်အသိးစ့ၢ်ကီး, လၢဆၢကတီၢ်အခဲအံၤကီၢ်ပယီၤပှၤန့ၢ်စိန့ၢ်ကမီၤသ့ၣ်တဖၣ် စးထီၣ်သူၣ်ထီၣ်ဆီလီၤဆူၣ်ဝဲဒၣ်ကီၢ်ပယီၤ သုးခိၣ်ကျၢၢ်အီၤဆါတၢ်ဂီၤစိးပျၤလၢ ကလုာ်ဒူၣ်ဆံးတဖၣ်ဟီၣ်ကဝီၤပူၤဝးဝးလၢတအိၣ်ဒီးကလုာ်ဒူၣ်ဆံးတဖၣ်အတၢ်တူၢ် လိာ်, တၢ်ဘၣ်သးဘၣ်န့ၣ်လီၤ. ဖဲလါဖ့ၣ်ဘြူၤအါရံၤ ၂ဝ၁၉, ပယီၤပၢၤကီၢ်တဖၣ်သူဝဲတၢ်စုဆူၣ်ခီၣ်တကးဒ်သိးကမၤလီၤ ပြံလီၤပြါဝဲတၢ်ပာ်ဖျါတၢ်ဘၣ်သး, တၢ်လီၢ်ဖဲပှၤပာ်ဖျါထီၣ်သးအိၣ်လၢအကထိတဖၣ် အကထိပာ်ဖှိၣ်ထီၣ်သးဒ်သိးဒီး က ထီဒါဝဲတၢ်ကသူၣ်ထီၣ်ဆီလီၤဝဲအီၤဆါတၢ်ဂီၤစိးပျၤဖဲ ကယါကီၢ်ဆၣ်လၢတၢ်မုာ်တၢ်ခုၣ် အပူၤန့ၣ်လီၤ.

လၢတၢ်န့ၢ်အဃိႇ ကီၢ်ပယီၤပဒိၣ်ဒီးသုးမုၢ်သံၣ်ဘိသ့ၣ်တဖၣ် တြီဝဲကညီပှၤတဝၢတဖၣ်လၢ အသုတဟ့ၣ်တၢ်ယူာ်ယီၣ်ဆူ အဝဲသ့ၣ်တၢ်စံၣ်စိၤတဲစိၤတၢ်ပာ်ဖျါ, တကတီၢ်ဃီပာ်လီၤဆူၣ်ဝဲတၢ်ပနီၣ်လၢ အဘၣ်ဃးဒီးပယီၤလုၢ်လၢ်ထူသနူဒီးတၢ်စံၣ် စိၤတဲစိၤလၢကလုာ်ဒူၣ်တၢ်လီၢ်န့ၣ်လီၤ.

ကီၢ်ပယီၤမ့ၣ်အဲၣ်ဒိးသူၣ်ထီၣ်ဝဲ ဖဲၣ်ဒရၢၣ်ကီၢ်စၢဖှိၣ်အမ့ၢ်အတီဖဲ တၢ်လီၢ်လၢကလုၣ်ဒူၣ်သ့ၣ်တဖၣ်ကအိၣ်လၢတၢ်ဃူတၢ်ဖှိး အပူၤန့ၣ် ကီၢ်ပယီၤကြၢးမၤလီၤတံၢ်ဝဲအထံဖိကီၢ်ဖိခဲလၢာ်ကဘၣ်အိၣ်ဒီး တၢ်ခွဲးတၢ်ယာ်တုၤသိးထဲသိးဘၣ်ဃးဒီး အတၢ်စံၣ် စိၤတဲစိၤအဂံၢ်ထံးန့ၣ်လီၤ. ကညီဂ့ၢ်ဝီခွဲးယာ်ကရူၢ်သဆၣ်ထီၣ်ကီၢ်ပယီၤပဒိၣ်လၢ ကမၤဂ့ၤထီၣ်, ကဒီသဒၢဒီးပာ်ကဲတၢ်ခွဲး တၢ်ယာ်လၢအအိၣ်ကွဲးသးလၢ ကလုာ်ဒူၣ်ခွဲးယာ်တၢ်ဒီသဒၢသဲစးတၢ်ဘျၢအပူၤဒီး ကဘၣ်ပတုၤကွံာ်တၢ်မၤတံာ်တာ်ကလုာ် ဒူၣ်ဖိသ့ၣ်တဖၣ်အတၢ်မၤလၤကပီၤအဝဲသ့ၣ်တၢ်စံၣ်စိၤတၢ်န့ၢ်သါဒီး တၢ်ပာ်ဖျါန့ၣ်လီၤ.

တၢ်ဆဲးကျိး

၁. နီၢ်ထူထူ - +၆၆ (ဝ) ၈၇ ၂ဝ၅ ၁၈၅၆
၂. စီၤနၤဒၣ်ဆူ - +၉၅ (ဝ) ၉၇၇ ၆၇၅ ၃၇၉ဝ