ရုပ်ရှင်မှတ်တမ်း ကြည့်ရှုု့ရန်

အချိန်ကြာမြင့်နေပြီဖြစ်တဲ့ ပြည်တွင်းစစ်ပွဲတွေကြောင့် ကရင်ပြည်နယ်၊ မြိုင်ကြီးငူဒေသက ဒုက္ခသည်စခန်းတွေမှာ နေရပ်မပြန်နိုင်ကြသေးတဲ့ ရာချီတဲ့မိသားစုဝင်တွေအနေနဲ့ အခက်အခဲတွေကြုံတွေ့နေရတယ်လို့ ကရင်လူ့အခွင့်အရေးအဖွဲ့(KHRG) ထံကသိရပါတယ်။

တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချူပ် (NCA) လက်မှတ်ရေးထိုးထားပေမဲ့လည်း မြန်မာပြည်အရှေ့တောင်ပိုင်းက တိုင်းရင်းသားဒေသခံတွေကတော့ အကြမ်းဖက်ပဋိပက္ခတွေ၊ ပြင်းထန်တဲ့စစ်ဘက်ဆိုင်ရာလှုပ်ရှားမှုတွေနဲ့ မြေမြှုပ်မိုင်းအန္တရာယ်တွေကို မကြာခဏဆိုသလိုကြုံတွေ့နေကြရပါတယ်။

ပြည်တွင်းရွှေ့ပြောင်းနေထိုင်ခြင်းကို စောင့်ကြည့်လေ့လာနေတဲ့ (IDMC) အဖွဲ့ရဲ့ခန့်မှန်းချက်အရ တိုက်ပွဲတွေနဲ့ အကြမ်းဖက်မှုတွေကြောင့် မြန်မာနိုင်ငံက ပြည်သူ (၆၃၅,၀၀၀) ဦးဟာ သူတို့ရဲ့ အိုးအိမ်တွေကို စွန့်ခွာပြီး တခြားနေရပ်တွေဆီကို ပြောင်းရွှေ့နေထိုင်နေကြရတယ်လို့ သိရပါတယ်။