တၢ်ကဲထီၣ်သးအကလုာ်

တၢ်ဖီၣ်ဒုးဃာ် ဒီး တၢ်မၤလီၤမၢ်ဆူၣ်

တၢ်ကဲထီၣ်သးမုၢ်နံၤမုၢ်သီ

လါအ့ဖြ့ၣ် ၂၅ သီ, ၂၀၂၃ နံၣ်

လါအီကူး ၂၀၂၃ နံၣ် (မုၢ်နံၤမုၢ်သီလီၤတံၢ်တသ့ၣ်ညါဘၣ်)

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ထံကီၢ်တၢ်ပၢတၢ်ပြးကီၣ်ကးကရၢ (SAC) ပယီၤသုးခီၣ်သုးရ့ၣ် (ခလရ) နီၣ်ဂံၢ် (၇၃) တၢ်သမံသမိးတြဲၤဖဲ စယၣ်ကၠံတီၤခၠါကရူၢ်, ထီတထူၣ်ကီၢ်ဆၣ်, တီအူကီၢ်ရ့ၣ်

စွ့ၤကၠီကိကွဲၣ်သ့ၣ်သဝီ, စယၣ်ကၠံတီၤခၠါ ကရူၢ်, ထီတထူၣ်ကီၢ်ဆၣ်, တီအူကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

မီၤအ---

မၣ်ဘ---

ကိၤစ---

သးနံၣ်

၃၄ နံၣ်

၃၄ နံၣ်

တသ့ၣ်ညါ

မုၣ်/ ခွါ

ပိာ်ခွါ

ပိာ်မုၣ်

ပိာ်ခွါ

ကလုာ်

ပယီၤ

ပယီၤ

ပယီၤ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

ကျးပှၤဆါတၢ်

ကျးပှၤဆါတၢ်

ပှၤထူစံာ်

တၢ်ဘူၣ်တၢ်ဘါ

ဘူးဒး

ဘူးဒး

ဘူးဒး

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

အိၣ်ဆိးဒူသဝီ

ဟ--- သဝီ, စယၣ်ကၠံတီၤခၠါကရူၢ်

ဟ--- သဝီ, စယၣ်ကၠံတီၤခၠါကရူၢ်

ဟ--- သဝီ, စယၣ်ကၠံတီၤခၠါကရူၢ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

စယၤသဲၣ်ခဲၤ

သုးစကီၤ

ခီၣ်သုးရ့ၣ် (ခလရ) နီၣ်ဂံၢ် (၇၃)

စယၣ်ကၠံတီၤခၠါကရူၢ်

တသ့ၣ်ညါ

မၠ့ၣ်ထူဆီၤ

သုးစကီၤ

ခီၣ်သုးရ့ၣ် (ခလရ) နီၣ်ဂံၢ် (၇၃)

စယၣ်ကၠံတီၤခၠါကရူၢ်

တသ့ၣ်ညါ

အီၤကိၤဝံ

ကီၢ်ရ့ၣ်ပၢၤကီၢ်ခိၣ်ခံ (နယ်ထိန်း)

စယၣ်ကၠံပၢၤကီၢ်ဝဲၤလီၢ်

စယၣ်ကၠံတီၤခၠါကရူၢ်

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

KHRG ပျီပူၤပှၤမၤနီၣ်မၤဃါတၢ်မၤဘၣ်ဒိပှၤဟီၣ်ခိၣ်ဖိခွဲးယာ်တဂၤ လဲၤထံၣ်လိာ်သးဒီး ကိၤစ--- အကၠီ အူဒ---လၢအမ့ၢ်စ့ၢ်ကီး ဟ---သဝီ, စယၣ်ကၠံတီၤခၠါကရူၢ်, ထီတထူၣ်ကီၢ်ဆၣ် ပှၤတီခိၣ်ရိၢ်မဲတၢ်တဂၤ ဒီး ဒီၤလ--- လၢအမ့ၢ် မီၤအ--- အမိ ဒီး မၣ်ဘ--- အမံၤပှၢ်ပိာ်မုၣ် ဘၣ်ဃးတၢ်ဖီၣ်ဒုးဃာ်မၤလီၤမၢ်ဆူၣ်ကဲထီၣ်သးအဂ့ၢ်သ့ၣ်တဖၣ်အံၤန့ၣ်လီၤ.   

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ကိၤစ---အကၠီ အူဒ--- လၢအမ့ၢ် ဟ--- သဝီပှၤတီခိၣ်ရိၢ်မဲတၢ်, ဒီၤလ--- လၢအမ့ၢ် ပှၤတူၢ်ဘၣ်တၢ်အမိ ဒီး မၣ်ဘ--- အမံၤပှၢ် ပိာ်မုၣ် ပာ်ဖျါထီၣ်တၢ်ဂ့ၢ်တၢ်ကျိၤသ့ၣ်တဖၣ်အံၤန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

တၢ်ဖီၣ်ဒုးဃာ် မီၤအ--- ဒီး မၣ်ဘ---ဖဲ လါအ့ဖြ့ၣ် ၂၀၂၃နံၣ်အဂ့ၢ်-

ဖဲလါအ့ဖြ့ၣ် ၂၅ သီ, ၂၀၂၃ နံၣ်န့ၣ် ဟ---သဝီ, စယၣ်ကၠံတီၤခၠါကရူၢ်, ထီတထူၣ်ကီၢ်ဆၣ် သဝီဖိ (၂) ဂၤလၢအမ့ၢ် မီၤအ--- (၃၄ နံၣ်) ဒီး အမါ မၣ်ဘ--- (၃၄ နံၣ်) လဲၤပှ့ၤတၢ်ဖိတၢ်လံၤလၢစယၣ်ကၠံဝ့ၢ်ပူၤလၢကဟဲက့ၤဆါဝဲအဂီၢ်န့ၣ်လီၤ. ဖဲအဝဲသ့ၣ်ဟဲက့ၤလၢ ကျဲအခါ ထံကီၢ်တၢ်ပၢတၢ်ပြးကီၣ်ကးကရၢ (SAC) ခီၣ်သုးရ့ၣ် (ခလရ) နီၣ်ဂံၢ် (၇၃) တၢ်သမံသမိးတြဲၤဖဲ စယၣ်ကၠံတီၤခၠါ ကရူၢ်ပူၤအခါ SAC ပယီၤသုးဖိသ့ၣ်တဖၣ် သမံသမိးအဝဲသ့ၣ် ဒီး ဖီၣ်တံၢ်ဃာ်အဝဲၣ်သ့ၣ်န့ၣ်လီၤ. (ပှၤလၢအစံးဆၢတၢ်ထံၣ်လိာ် သံကွၢ်တၢ်တဖၣ်ပာ်ဖျါထီၣ်ဝဲလၢ) ပှၤလၢအဖီၣ်ပှၤဒီမါဝၤ (၂) ဂၤအံၤမ့ၢ် SAC ပယီၤသုးခီၣ်သုးရ့ၣ် (ခလရ) နီၣ်ဂံၢ် (၇၃) အသုး ခိၣ် သုးစကီၤ သဲၣ်ခဲၤ ဒီး သုးစကီၤ မၠ့ၣ်သူဆီၤ, ဒီး စယၣ်ကၠံပၢၤကီၢ်ဝဲၤဒၢး ကီၢ်ရ့ၣ်ပၢၤကီၢ်ခိၣ်ခံ (နယ်ထိန်း) အီၤကိၤဝ့ သ့ၣ်တ ဖၣ်အံၤ (မ့ၢ်လၢအပူၤကွံာ်န့ၣ် ပှၤမၤကမၣ်တၢ် (၃) ဂၤအံၤ ဖီၣ်ဒုးဃာ်စ့ၢ်ကီးသဝီဖိအဂၤဖၣ် ဒီး သုးရ့ၣ်လၢအဟူးဂဲၤဖဲ တၢ်ကဲ ထီၣ်သးဟီၣ်ကဝီၤပူၤသ့ၣ်တဖၣ် အိၣ်ဒၣ်ထဲ ခီၣ်သုးရ့ၣ် (ခလရ) နီၣ်ဂံၢ် (၇၃)တဖုအံၤဧိၤအဃိ)န့ၣ်လီၤ.

လီၢ်ကဝီၤသဝီဖိသ့ၣ်တဖၣ် ပာ်ဖျါထီၣ်ဝဲလၢပာ်ဖျါထီၣ်ဝဲလၢ SAC ပယီၤသုးတဖၣ် ဖီၣ်ဒုးဃာ်ကွံာ်ပှၤဒီမါဝၤ (၂)ဂၤအံၤမ့ၢ်လၢ အဝဲသ့ၣ်ပာ်ဒ့ၣ်ပာ်ကမၣ်အဝဲသ့ၣ်လၢအအိၣ်ဒီး တၢ်စဲးကျိးစဲးကျၢဒီး လီၢ်ကဝီၤတၢ်ဒီသဒၢကမျၢၢ်သုး (PDF)အဃိန့ၣ်လီၤ. အဝဲ သ့ၣ်လဲၤပှ့ၤတၢ်ဖိတၢ်လံၤလၢကဆါဝဲအဂီၢ်ဘၣ်ဆၣ် SAC ပယီၤသုးတဖၣ် ပာ်ဒ့ၣ်ပာ်ကမၣ်အီၤလၢအဆှၢန့ၢ် PDFသုးတၢ်အီၣ်တၢ် အီန့ၣ်လီၤ.

ပှၤလၢအလဲၤခီဘၣ် ခီၣ်သုးရ့ၣ် (ခလရ) နီၣ်ဂံၢ် (၇၃)တၢ်သမံသမိးတြဲၤပာ်ဖျါထီၣ်ဝဲလၢ အဝဲသ့ၣ်ထံၣ် မီၤအ--- အသိလ့ၣ်ယီၢ် အိၣ်လၢတၢ်သမံသမိးတြဲၤဝဲအံၤအမဲာ်ညါန့ၣ်လီၤ. (စးထီၣ်လၢတၢ်ကဲထီၣ်သးဝံၤအလီၢ်ခံ ပှၤဒီမါဝၤ (၂) ဂၤအံၤ လီၤမၢ်ကွံာ်ဝဲ) အဃိ သဝီဖိသ့ၣ်တဖၣ် သ့ၣ်ညါလီၤတံၢ်လၢ SAC ပယီၤသုးတဖၣ် ဖီၣ်ဒုးဃာ်အဝဲသ့ၣ်လံန့ၣ်လီၤ.  ဘၣ်ဆၣ် SAC ပယီၤသုး တဖၣ် တဒုးသ့ၣ်ညါသဝီဖိတၢ်ဂ့ၢ်တၢ်ကျိၤဘၣ်ဃး ပှၤဒီမါဝၤ (၂) ဂၤအံၤအဂ့ၢ်နီတမံၤဘၣ်န့ၣ်လီၤ. ဖဲ KHRG ပျီပူၤပှၤမၤနီၣ် မၤဃါ တၢ်မၤဘၣ်ဒိပှၤဟီၣ်ခိၣ်ဖိခွဲးယာ်တဂၤ သံကွၢ်အူဒ--- (ဟ---သဝီခိၣ်နၢ်တဂၤ)အံၤ ဘၣ်ဃးပှၤဒီမါဝၤ (၂) ဂၤအံၤအဂ့ၢ်ခါ အဝဲစံးဆၢဝဲလၢ အနာ်ဝဲလၢ SAC ပယီၤသုးတဖၣ် ဖီၣ်ဒုးဃာ်, မၤဆါပယွဲ ဒီး မၤသံကွံာ်အဝဲသ့ၣ်လံန့ၣ်လီၤ. (အူဒ--- ဆိက မိၣ်လၢ ပှၤဒီမါဝၤ (၂)ဂၤအံၤ မ့ၢ်ပှၤမၤဆါတၢ်ပှ့ၤတၢ်ဖိအဃိ SAC ပယီၤသုးတဖၣ် နာ်ဝဲလၢအဝဲသ့ၣ်လဲၤဆါန့ၢ်တၢ်လၢ PDF သုးတဖၣ်အအိၣ်န့ၣ်လီၤ. လၢတၢ်ဂ့ၢ်ဒ်အံၤအဃိ SAC ပယီၤသုးဖိတဖၣ်ဖီၣ်ဒုးဃာ်, မၤဆါပယွဲ ဒီး မၤသံကွံာ်အဝဲသ့ၣ်န့ၣ်လီၤ.)

တၢ်ကဲထီၣ်သးဝံၤအလီၢ်ခံ မီၤအ--- အမိကွၢ်ဆၢၣ်မဲာ်ဘၣ်ဝဲ တၢ်လုၢ်အီၣ်နီၢ်ခိသးမူတၢ်ဂ့ၢ်ကီသ့ၣ်တဖၣ်န့ၣ်လီၤ. စးထီၣ်လၢ တၢ်ဖီၣ်ဒုးဃာ်ကဲထီၣ်ဝံၤအလီၢ်ခံ အဝဲဆဲးကျိး အဖိခွါ ဒီး အဒဲၣ်မုၣ်တန့ၢ်ဘၣ်အဃိ အဝဲဘၣ်ယိၣ်စ့ၢ်ကီးတၢ်လၢအဖိဂီၢ်န့ၣ်လီၤ.

တၢ်ဖီၣ်ဒုးဃာ် ကိၤစ---ဖဲလါအီကူး ၂၀၂၃နံၣ်

ဖဲလါအီကူး (တသ့ၣ်ညါသီ) ၂၀၂၃ နံၣ်န့ၣ် SAC ပယီၤသုးဖိတဖၣ် ဖီၣ်ဒုးဃာ် ဟ--- သဝီဖိ ကိၤစ--- ဖဲ စယၣ်ကၠံစွ့ၤကၠီကိ ကွဲၣ်သ့ၣ်သဝီ, စယၣ်ကၠံတီၤခၠါကရူၢ်, ထီတထူၣ်ကီၢ်ဆၣ်ပူၤ ဖဲကိၤစ--- ဒီးအဟံၣ်ဖိဃီဖိသ့ၣ်တဖၣ် ဟးလၢကျဲ ဒ်သိးကလဲၤဃ့ၢ် အိၣ်ကဒုးဆူတၢ်ဃ့ၢ်မှံဟးဖျိးလီၢ်တတီၤအဂီၢ်န့ၣ်လီၤ.  (ဖဲ SAC ပယီၤသုးဖိတဖၣ်ဖီၣ်ဒုးဃာ် ကိၤစ--- ဝံၤအလီၢ်ခံ အဝဲဘၣ်အိၣ် လီၤဖးကွံာ်ဒီးအဟံၣ်ဖိဃီဖိ ဃုာ်ဒီးအမါ မၣ်က---န့ၣ်လီၤ.) ကိၤစ---- လၢအမ့ၢ် ဟ---- သဝီသးပှၢ် အူဒ----အဒ့ခွါသဒါ ဒီး မ့ၢ် မၣ်က--- အဝၤန့ၣ်လီၤ. ပှၤလၢအဖီၣ်ဒုးဃာ် ကိၤစ---အံၤမ့ၢ် SAC ပယီၤသုးခီၣ်သုးရ့ၣ် (ခလရ) နီၣ်ဂံၢ် (၇၃) အသုးခိၣ် သုးစ ကီၤ သဲၣ်ခဲၤ ဒီး သုးစကီၤမၠ့ၣ်သူဆီၤ, ဒီး စယၣ်ကၠံပၢၤကီၢ်ဝဲၤဒၢး ကီၢ်ရ့ၣ်ပၢၤကီၢ်ခိၣ်ခံ (နယ်ထိန်း)အီၤကိၤဝ့ သ့ၣ်တဖၣ်အံၤ န့ၣ်လီၤ. (ပှၤလၢ အထံၣ်ထွဲတၢ်ကဲထီၣ်သးမ့ၢ် မၣ်က--- ဒီး ပာ်ဖျါထီၣ်တၢ်ဂ့ၢ်သ့ၣ်တဖၣ်အံၤဆူ သဝီသးပှၢ် အူဒ---အိၣ်န့ၣ် လီၤ.) SAC ပယီၤသုးတဖၣ် ပာ်ဒ့ၣ်ပာ်ကမၣ် ကိၤစ--- လၢအတၢ်စဲးကျိးစဲးကျၢအိၣ်ဒီး PDFသုးတဖၣ်အဃိ ဖီၣ်ဒုးဃာ် ဒီး မၤသံ ကွံာ်အီၤန့ၣ်လီၤ. (အူဒ--- နာ်ဝဲလၢ SAC ပယီၤသုးတဖၣ် မၤသံကွံာ်အပုၢ် မ့ၢ်လၢ အူဒ---အနီၢ်ကစၢ် မ့ၢ်လီၢ် ကဝီၤသုးဖီၣ်စုကဝဲၤ ကရူၢ်ဖိ (တပာ်ဖျါမံၤဘၣ်) ဒီး SAC ပယီၤသုးတဖၣ် ပာ်တ့ၢ်အီၤလၢပှၤမံၤဟးဂီၤစရီပူၤလံအဃိန့ၣ်လီၤ. လၢတၢ်န့ၣ်အဃိ အူဒ--- နာ်ဝဲလၢ SAC ပယီၤသုးတဖၣ် ဖီၣ်အီၤတန့ၢ်အဃိ ဖီၣ်အပုၢ်ခွါ အူစ---အံၤန့ၣ်လီၤ. အါန့ၢ်အန့ၣ် ဖဲလၢSAC ပယီၤသုးတဖၣ် ဖီၣ်သဝီဖိတဖၣ်လံန့ၣ် တၢ်တထံၣ်က့ၤပှၤသ့ၣ်တဖၣ်အံၤနီတဘျီလၢၤဘၣ်အဃိ အူဒ--- နာ်ဝဲလၢ အပုၢ်ခွါ အူစ---အံၤသံလံ န့ၣ်လီၤ.)

(ဖဲတၢ်ဖီၣ်ဒုးဃာ်ကဲထီၣ်အခါ) ကိၤစ--- အမါ မၣ်က--- အိၣ်ဒီးဟုးသး (၈) လါအကတီၢ် ဒီး ကွၢ်ဆၢၣ်မဲာ်ဘၣ်ဝဲ တၢ်ကီတၢ်ခဲ လၢအတၢ်လုၢ်အီၣ်နီၢ်ခိသးသမူပူၤန့ၣ်လီၤ. အဝဲဘၣ်ဂုာ်ကျဲၤစၢးကွၢ်ထွဲက့ၤ အဖိ (၅) ဂၤသပှၢ်ပှၢ် ဒီး ဒိးန့ၢ်ဘၣ်တၢ်ဆီၣ်ထွဲမၤစၢၤ လၢအဘူးတံၢ်သ့ၣ်တဖၣ်အအိၣ်န့ၣ်လီၤ. စးထီၣ်မုၢ်တနံၤလၢ တၢ်ဖီၣ်ဒုးဃာ် ကိၤစ--- အံၤန့ၣ် အဟံၣ်ဖိဃီဖိပာ်ဖျါထီၣ်ဝဲလၢ အသံလံန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ဟ---- သဝီသးပှၢ် အူဒ--- (လၢအမ့ၢ် ကိၤစ---အကၠီ) ဒီး မီၤအ--- အမိ လၢအမ့ၢ်စ့ၢ်ကီး မၣ်ဘ--- အမံၤပှၢ်ပိာ်မုၣ် ဟ့ၣ်အခွဲးလၢ ကသူတၢ်ဂ့ၢ်တၢ်ကျိၤသ့ၣ်တဖၣ်အံၤန့ၣ်လီၤ.