အခင်းဖြစ်ပွားမှုအမျိုးအစား

မတရားဖမ်းဆီးခြင်းနှင့် အတင်းအဓ္ဓမအစဖျောက်ခြင်း

အခင်းဖြစ်ပွားသည့်နေ့ရက်

၂၀၂၃ ခုနှစ်၊ ဧပြီလ ၂၅ ရက်

၂၀၂၃ ခုနှစ်၊ ဩဂုတ်လ (ရက်အတိအကျ မသိရှိရ)

အခင်းဖြစ်ပွားသည့်နေရာ (ခရိုင်၊ မြို့နယ်၊ ကျေးရွာ အုပ်စု၊ ကျေးရွာ)  

တောအူးခရိုင်၊ ထောတထူမြို့နယ်၊ ဇရပ်ကြီးတောင်ခြမ်းကျေးရွာအုပ်စုရှိ နိုင်ငံတော်စီမံအုပ်ချုပ်ရေးကောင်စီ (SAC) ခြေလျင်တပ်ရင်း (ခလရ) အမှတ် - ၇၃ ၏ စစ်ဆေးရေးဂိတ်

တောအူးခရိုင်၊ ထောတထူမြို့နယ်၊ ဇရပ်ကြီးတောင်ခြမ်းကျေးရွာအုပ်စု၊ ရွှေကျောင်းကုန်းကွက်သစ်ကျေးရွာ

စော်ကားခံရသူ(ရာဇဝတ်မှုကျူးလွန်ခံရသူ)၏ ကိုယ်ရေးအကြောင်းအရာအပြည့်အစုံ

အမည်

မောင်အ---

မဘ---

ကိုဆ---

အသက်

၃၄ နှစ်

၃၄ နှစ်

မသိရှိရ

ကျား/မ

ကျား

မ

ကျား

လူမျိုး

ဗမာ

ဗမာ

ဗမာ

အိမ်ထောင် ရှိ/မရှိ   

ရှိ

ရှိ

ရှိ

အလုပ်အကိုင်

ဈေးရောင်း

ဈေးရောင်း

လယ်သမား

ကိုးကွယ်သည့် ဘာသာ

ဗုဒ္ဓဘာသာ

ဗုဒ္ဓဘာသာ

ဗုဒ္ဓဘာသာ

ရာထူးအဆင့်

ရွာသား

ရွာသား

ရွာသား

နေရပ် ရွာအမည်

ဇရပ်ကြီးတောင်ခြမ်းကျေးရွာ အုပ်စု၊ ဃ--- ကျေးရွာ

ဇရပ်ကြီးတောင်ခြမ်းကျေးရွာ အုပ်စု၊ ဃ--- ကျေးရွာ

ဇရပ်ကြီးတောင်ခြမ်းကျေးရွာ အုပ်စု၊ ဃ--- ကျေးရွာ

ပစ်မှုကျူးလွန်သူ၏ကိုယ်ရေးအကြောင်းအရာအပြည့်အစုံ

အမည်

ရာထူး

စစ်ကြောင်း၊ တပ်ရင်း၊ တပ်မ

အခြေစိုက်သည့်နေရာ ဒေသ           

အထက်အရာရှိ အမည်

ဆရာသက်ခိုင်

တပ်ကြပ်ကြီး

ခြေလျင်တပ်ရင်း (ခလရ) အမှတ် - ၇၃

ဇရပ်ကြီးတောင်ခြမ်းကျေးရွာအုပ်စု

မသိရှိရ

မြင့်ထူးဇော်

တပ်ကြပ်ကြီး

ခြေလျင်တပ်ရင်း (ခလရ) အမှတ် - ၇၃

ဇရပ်ကြီးတောင်ခြမ်းကျေးရွာအုပ်စု

မသိရှိရ

အောင်ကိုဝင်း

ဒုနယ်မြေတာဝန်ခံ နယ်ထိန်း

ဇရပ်ကြီးရဲစခန်း

ဇရပ်ကြီးတောင်ခြမ်းကျေးရွာအုပ်စု

မသိရှိရ

(၁) ဤသတင်းအချက်အလက်မှတ်တမ်းပြုစုပုံတစ်ဆင့်ချင်းကို ရှင်းပြပါ။

KHRG သတင်းစုဆောင်းသူတစ်ဦးသည် မတရားဖမ်းဆီးခံရခြင်းအဖြစ်အပျက်နှင့် ပတ်သက်၍ ကိုဆ--- ၏ အစ်ကို ဖြစ်သူ ထောတထူမြို့နယ်၊ ဇရပ်ကြီးတောင်ခြမ်းကျေးရွာအုပ်စု၊ ဃ--- ကျေးရွာ၏ အုပ်ချုပ်ရေးမှူး ဦးဒ--- ကိုဆက်သွယ် မေးမြန်းခဲ့သည်။ မောင်အ--- ၏မိခင်နှင့် မဘ--- ၏ ယောက္ခမဖြစ်သူ ဒေါ်ဟ--- ကိုလည်း ဆက်သွယ်မေးမြန်းခဲ့သည်။

(၂) ဤသတင်းကိုပေးသောသူတို့သည် ဤသတင်းအချက်အလက်များမှန်ကန်ကြောင်း မည်သို့ဖော်ပြလိုပါသနည်း။ ၎င်းတို့တစ်ဦးချင်းစီ၏ ရှင်းပြချက်(များကို) ရေးမှတ်ပေးပါ။

ကိုဆ--- ၏အစ်ကိုဖြစ်သူ ဃ--- ကျေးရွာအုပ်ချုပ်ရေးမှူး ဦးဒ--- နှင့် ပစ်မှုကျူးလွန်ခံရသူများ၏ မိခင်နှင့်ယောက္ခမ ဖြစ်သူ ဒေါ်ဟ-- တို့က ဤသတင်းအချက်အလက်များကို ပေးခဲ့ပါသည်။

အခင်းဖြစ်ပွားပုံ အသေးစိတ်ကို ပြည့်စုံစွာ ရေးသားဖော်ပြပေးပါ။

၂၀၂၃ ခုနှစ်၊ ဧပြီလတွင်ဖြစ်ပွားသော မောင်အ--- နှင့် မဘ--- တို့၏ ဖမ်းဆီးခံရခြင်း

၂၀၂၃ ခုနှစ်၊ ဧပြီလ ၂၅ ရက်နေ့တွင် ထောတထူမြို့နယ်၊ ဇရပ်ကြီးတောင်ခြမ်းကျေးရွာအုပ်စု၊ ဃ--- ကျေးရွာ၏ ရွာသားဖြစ်သူ အသက် (၃၄) နှစ်အရွယ် မောင်အ--- နှင့် သူ၏ဇနီးဖြစ်သူ အသက် (၃၄) နှစ်အရွယ် မဘ--- တို့သည် စျေးရောင်းရန်ကုန်ပစ္စည်းအချို့ကို ဇရပ်ကြီးမြို့သို့ သွားရောက်ဝယ်ယူခဲ့သည်။ ၎င်းတို့၏အပြန်လမ်းတွင် ဇရပ်ကြီး တောင်ခြမ်းကျေးရွာအုပ်စုရှိ နိုင်ငံတော်စီမံအုပ်ချုပ်ရေးကောင်စီ (SAC) ခြေလျင်တပ်ရင်း (ခလရ) အမှတ် - ၇၃ ၏ စစ်ဆေးရေးဂိတ်တွင် စစ်ဆေးခံရ၍ ဖမ်းဆီးခံခဲ့ရသည်။ (အင်တာဗျူးဖြေဆိုသူများ၏ရှင်းပြချက်အရ) ဇနီးမောင်နှံ နှစ်ဦးကို ဖမ်းဆီးသူမှာ (ခလရ) အမှတ် - ၇၃ မှ တပ်ကြပ်ကြီး သက်ခိုင်၊ တပ်ကြပ်ကြီး မြင့်ထူးဇော်နှင့် ဇရပ်ကြီးရဲစခန်း မှ ဒုနယ်မြေတာဝန်ခံနယ်ထိန်း အောင်ကိုဝင်း တို့ဖြစ်သည်ဟုယုံကြည်ကြသည်။ (အဘယ်ကြောင့်ဆိုသော် ပြစ်မှုကျူး လွန်သူ (၃) ဦးသည် ယခင်ကတည်းကပင် ရွာသားများကို ဖမ်းဆီးလေ့ရှိပြီး (ခလရ) အမှတ် - ၇၃ သည်လည်း ထိုနယ် မြေတွင်လှုပ်ရှားသည့် တစ်ခုတည်းသော တပ်ရင်းဖြစ်သည်။)

ရွာသားများ၏အဆိုအရ ၎င်းတို့ ဇနီးမောင်နှံကို SAC မှ ပြည်သူ့ကာကွယ်ရေးတပ်ဖွဲ့ (PDF) နှင့် ချိတ်ဆက်မှုရှိသည်ဟု စွပ်စွဲပြီး SAC စစ်သားများ၏ ဖမ်းဆီးခြင်းကိုခံခဲ့ရသည်။ ၎င်းတို့ရောင်းချရန်အတွက် ကုန်ပစ္စည်းများကိုသာ ဝယ်ယူခဲ့ သော်လည်း PDF များထံ ရိက္ခာများ ထောက်ပံ့ပေးသည်ဟု စွပ်စွဲခံခဲ့ရသည်။ (ခလရ) အမှတ် - ၇၃ ၏  စစ်ဆေးရေးဂိတ် မှ ဖြတ်သွားဖြတ်လာသူများသည် စစ်ဆေးရေးဂိတ်ရှေ့တွင် မောင်အ--- ၏ ဆိုင်ကယ်ကိုတွေ့ခဲ့သည်။ ထို့ကြောင့် ရွာသားများက မောင်အ--- နှင့် မဘ--- တို့ ဇနီးမောင်နှံအဖမ်းခံရကြောင်း သေချာသိသွားသည်။ (အကြောင်းမူကား ထိုအဖြစ်အပျက်ဖြစ်ပွားပြီးချိန်မှစ၍ မောင်အ--- နှင့် မဘ--- တို့ ဇနီးမောင်နှံမှာ ပျောက်သွားကြသည်။) ဖမ်းဆီးခံရ ပြီးသည့်အချိန်မှစ၍ SAC မှ ၎င်းတို့နှစ်ဦးနှင့်ပတ်သက်သည့် သတင်းအချက်အလက်တစ်စုံတစ်ရာ ပေးခဲ့ခြင်းမရှိပေ။ KHRG သတင်းစုဆောင်းသူမှ ဇနီးမောင်နှံနှစ်ဦး၏ လက်ရှိအခြေအနေနှင့် ပတ်သက်၍ ဃ-- ကျေးရွာအုပ်ချုပ်ရေးမှူး ဖြစ်သူ ဦးဒ--- ကို မေးမြန်းသောအခါ ဇနီးမောင်နှံနှစ်ဦးအား ဖမ်းဆီးခံရပြီး ညှဉ်းပန်းနှိပ်စက်သတ်ဖြတ်ခြင်း ခံရသည်ဟု ယူဆကြောင်း ဦးဒ--- က ပြန်လည်ဖြေကြားခဲ့သည်။ (အဘယ်ကြောင့်ဆိုသော် ဦးဒ--- က ၎င်းတို့ဇနီးမောင်နှံနှစ်ဦးသည်  ကုန်သည်များဖြစ်သည့်အားလျော်စွာ PDF စစ်သားများထံ ကုန်ပစ္စည်းများရောင်းချနေသည်ဟု SAC က ယုံကြည်ကြသည်ဟု ထင်မြင်သည်။ SAC အတွက် ၎င်းတို့ကို ဖမ်းဆီးရန်၊ ညှဉ်းပန်းနှိပ်စက်ရန်နှင့် သတ်ဖြတ်ရန်အတွက် အကြောင်းပြချက်တစ်ခု ဖြစ်နိုင်ကြောင်း ဦးဒ--- က ဆက်လက်ပြောပြခဲ့သည်။)

အခင်းဖြစ်ပြီးနောက် မောင်အ--- ၏ မိခင်မှာ စားဝတ်နေရေး အခက်အခဲနှင့် ရင်ဆိုင်ရသည်။ အဖမ်းခံရသည့်အချိန်မှစ၍  သူ၏သားနှင့် ချွေးမကို ဆက်သွယ်၍မရသောကြောင့် စိတ်ပူနေခဲ့ရသည်။

၂၀၂၃ ခုနှစ်၊ ဩဂုတ်လတွင်ဖြစ်ပွားသော ကိုဆ--- ၏ ဖမ်းဆီးခံရခြင်း

၂၀၂၃ ခုနှစ်၊ ဩဂုတ်လတွင် (ရက်အတိအကျမသိရှိရ) ဃ--- ကျေးရွာ၏ရွာသားဖြစ်သူ ကိုဆ--- သည် ၎င်း၏ မိသားစုဝင် များနှင့်အတူ ပြည်တွင်းစစ်ပြေးဒုက္ခသည်များ (IDPs) စခန်းသို့ သွားနေချိန်တွင် SAC စစ်သားများက ၎င်းကို   ထောတထူမြို့နယ်၊ ဇရပ်ကြီးတောင်ခြမ်းကျေးရွာအုပ်စု၊ ရွှေကျောင်းကုန်းကွက်သစ်ကျေးရွာတွင် ဖမ်းဆီးခဲ့သည်။ (ဖမ်းဆီးခံရချိန်တွင် ကိုဆ--- သည် ၎င်း၏ဇနီးဖြစ်သူ မဂ--- အပါအဝင် အခြားမိသားစုဝင်များနှင့် ကွဲသွားကြသည်။) ကိုဆ--- သည် မဂ--- ၏ခင်ပွန်းဖြစ်၍  ဃ--- ကျေးရွာအုပ်ချုပ်ရေးမှူး ဦးဒ--- ၏ အငယ်ဆုံးညီလေးလည်းဖြစ်သည်။ (မျက်မြင်သက်သေကြုံတွေ့ရသော မဂ--- မှ ဦးဒ--- ထံတင်ပြချက်အရ) ကိုဆ--- ကို ဖမ်းဆီးသူများမှာ SAC (ခလရ) အမှတ် - ၇၃ မှ တပ်ကြပ်ကြီး သက်ခိုင်၊ တပ်ကြပ်ကြီး မြင့်ထူးဇော်နှင့် ဇရပ်ကြီးရဲစခန်းမှ ဒုနယ်မြေတာဝန်ခံနယ်ထိန်း အောင်ကိုဝင်း တို့ဖြစ်သည်။ (တင်ပြချက်များအရ) SAC သည် ကိုဆ--- ကို PDF များနှင့် အချိတ်အဆက်ရှိသည်ဟု စွပ်စွဲ၍ ဖမ်းဆီးသတ်ဖြတ်ကြသည်။ (ဦးဒ--- က ၎င်းသည် (အမည်မဖော်ပြသော) တော်လှန်ရေးတပ်ဖွဲ့၏ အဖွဲ့ဝင် ဖြစ်ကာ SAC တို့၏ နာမည်ပျက်စာရင်းတွင်ပါဝင်နေသောကြောင့် SAC  က ၎င်း၏ညီလေးကို သတ်သည်ဟု ယုံကြည် သည်။ SAC များက ၎င်းကို မဖမ်းဆီးနိုင်သောကြောင့် ၎င်း၏ညီလေးကို ဖမ်းဆီးခဲ့သည်ဟု ယုံကြည်သည်။ ထို့အပြင် ၎င်း၏ညီလေး သေဆုံးသွားပြီးဟု ယူဆသည်။ အဘယ်ကြောင့်ဆိုသော် SAC သည် ယခင်ကတည်းကပင် ရွာသားများ ကို ဖမ်းဆီးလေ့ရှိပြီး ဖမ်းဆီးခံရသောရွာသားများကို နောက်ထပ်တစ်ကြိမ် မြင်တွေ့ရခြင်းမရှိတော့ပါ။)

(ကိုဆ--- ဖမ်းဆီးခံရချိန်တွင်) ကိုဆ--- ၏ ဇနီးဖြစ်သူ မဂ--- သည် ရှစ်လကိုယ်ဝန်လွယ်ထားရပြီး စားဝတ်နေရေး အခက်အခဲများနှင့် ရင်ဆိုင်ရသည်။ မဂ--- သည် သူ၏ ကလေး (၅) ယောက်ကို မပံ့ပိုးနိုင်သောကြောင့်  သူ၏ဆွေမျိုး များထံမှ ကူညီပံ့ပိုးမှု ရရှိသည်။ ကိုဆ--- ဖမ်းဆီးခံရသည့်နေ့မှစ၍ သူ၏မိသားစုများက ကိုဆ--- သေဆုံးသွားပြီး ဖြစ်ကြောင်း ကြေညာခဲ့သည်။

ရွာသားသို့မဟုတ် လူ့အခွင့်အရေးချိုးဖောက်ခံရသူသည် ဤသတင်းကိုအသုံးပြုရန်ခွင့်ပြုပါသလား။ မည်ကဲ့သို့သော နည်းလမ်းဖြင့် အသုံးပြုခွင့်ပေးသည်ကိုဖော်ပြပေးပါ။

ကိုဆ--- ၏အစ်ကိုဖြစ်သူ ဃ--- ကျေးရွာအုပ်ချုပ်ရေးမှူး ဦးဒ---၊ မောင်အ--- ၏မိခင်နှင့် မဘ--- ၏ ယောက္ခမဖြစ်သူ ဒေါ်ဟ--- တို့သည် ဤအချက်အလက်များကို အသုံးပြုရန် ခွင့်ပြုခဲ့သည်။