တၢ်ကဲထီၣ်သးအကလုာ်

SAC ခးလီၤကျိဖးဒိၣ်ချံအဃိ သဝီဖိဘၣ်ဒိသၢဂၤ

တၢ်ကဲထီၣ်သးမုၢ်နံၤမုၢ်သီ

လါအီးကထိဘၢၣ် ၂၂ သီ, ၂၀၂၃ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ဂ--- သဝီ, ငပၠီတီကရူၢ်, ကၠဲးထိကီၢ်ဆၣ်, ဒူသထူၣ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤဃ---

နီၢ်င---

နီၢ်ဆ---

သးနံၣ်

၄၁ နံၣ်

၃၂ နံၣ်

၄၄ နံၣ်

မုၣ်/ ခွါ

ပိာ်ခွါ

ပိာ်မုၣ်

ပိာ်မုၣ်

ကလုာ်

ကညီ

ကညီ

ကညီ

ထီၣ်ပှၢ် / သဘျ့  

ထီၣ်ပှၢ်

ထီၣ်ပှၢ်

ထီၣ်ပှၢ်

တၢ်ဖံးတၢ်မၤ

တၢ်သူၣ်တၢ်ဖျး

တၢ်သူၣ်တၢ်ဖျး

တၢ်သူၣ်တၢ်ဖျး

တၢ်ဘူၣ်တၢ်ဘါ

ဘါသီခါ

ဘါသီခါ

ဘါသီခါ

တၢ်ဟံးမူဒါ/ လီၢ်လၤ

သဝီဖိ

သဝီဖိ

သဝီဖိ

အိၣ်ဆိးဒူသဝီ

ဂ--- သဝီ

ဂ--- သဝီ

ဂ--- သဝီ

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

ခီၣ်ချ့သုးရ့ၣ် (ခမရ) နီၣ်ဂံၢ် (၂)

အိၣ်ဟဲလၢသထူၣ်ဝ့ၢ်  သုးကလၢၤ, အိၣ်ဆီ လီၤသး တစိၢ်တလီၢ်ဖဲ လဲၣ်ပဲၤပ့ၤသုးက လၢၤ လၢအိၣ်ဖဲ ဂ--- သဝီ

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

လီၢ်ကဝီၤခိၣ်နၢ်တဂၤ (တၢ်ဘံၣ်တၢ်ဘၢအဃိ တပာ်ဖျါထီၣ်မူဒါလီၢ်လးဘၣ်) ဒုးသ့ၣ်ညါဆိဘၣ်ဃးဒီးတၢ်ဂ့ၢ်တၢ်ကျိၤအံၤန့ၣ်လီၤ. ဝံၤအလီၢ်ခံ KHRG ပျီပူၤပှၤမၤတၢ်ဖိ လဲၤလၢ ပှၤတူၢ်ဘၣ်တၢ်အဟံၣ်ဒီး မၤတၢ်ထံၣ်လိာ်သံကွၢ်ဒီး စီၤဃ--- ဒီး နီၢ်င--- န့ၣ်လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

လၢတၢ်ထံၣ်လိာ်သံကွၢ်အပူၤ ပှၤတူၢ်ဘၣ်တၢ်ဖိ ခံဂၤ ပာ်ဖျါထီၣ်တၢ်ဂ့ၢ်တၢ်ကျိၤအံၤလၢ အနီၢ်ကစၢ်န့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါ အီးကထိဘၢၣ် ၂၂ သီ ၂၀၂၃ နံၣ် ဂီၤခီ ၇ နၣ်ရံၣ်ဃၣ်ဃၣ်န့ၣ် ထံကီၢ်တၢ်ပၢတၢ်ပြးကီၣ်ကးကရၢ (SAC) ခီၣ်ချ့သုးရ့ၣ် (LIB) နီၣ်ဂံၢ် (၂) အိၣ်ဟဲလၢ သထူၣ်ဝ့ၢ်သုးကလၢၤ အိၣ်ဆီလီၤသး တစိၢ်တလီၢ်ဖဲ လဲၣ်ပဲၤပ့ၤသုးကလၢၤလၢ အအိၣ်ဖဲ ဂ--- သဝီပူၤန့ၣ် ခးလီၤကျိဖးဒိၣ်ချံ (၈၁) မမ လၢဟီၣ်ကဝီၤအပူၤဒီး ကျိဖးဒိၣ်ချံတဖျၢၣ်န့ၣ်လီၤတဲာ်လၢ ဂ--- သဝီ, ငပၠီတီကရူၢ်, ကၠဲးထိကီၢ်ဆၣ်, ဒူသထူၣ်ကီၢ်ရ့ၣ် လၢကညီဒီကလုာ်စၢဖှိၣ်ကရၢ (KNU) တၢ်ပၢဟီၣ်ကဝီၤအပူၤန့ၣ်လီၤ. ခီဖျိလၢ SAC ခးလီၤကျိဖးဒိၣ်ချံအါဖျၢၣ်အဃိ သဝီဖိတဂၤလၢအမံၤမ့ၢ် စီၤဃ--- လဲၤအိၣ်ခူသူၣ်လၢ အဟံၣ်ဖၢလာ်န့ၣ်လီၤ. ဖဲန့ၣ်အဆၢကတီၢ် ကျိဖးဒိၣ်ချံတဖျၢၣ် လီၤတဲာ်ဘၣ်အဟံၣ်ဖီခိၣ်ပိၢ်ဖးထီၣ်ဒီး ဘၣ်ဒိစီၤဃ--- ဃုာ်ဒီး ပိာ်မုၣ်ခံဂၤလၢ အအိၣ်ခူသူၣ်လၢဟံၣ်ဖၢလာ်န့ၣ်လီၤ.ပှၤလၢအဘၣ်ဒိ ခဲလၢာ်အိၣ်သၢဂၤန့ၣ်လီၤ. ပှၤပိာ်မုၣ်ခံဂၤလၢ အဘၣ်ဒိန့ၣ်မ့ၢ်ဝဲ နီၢ်င--- ဒီး နီၢ်ဆ--- န့ၣ်လီၤ.

ဖဲနီၢ်င--- ဟးဟ့ၣ်နီၤလီၤလံာ်ကွဲမုာ် (လၢတၢ်သံမူးအဂီၢ်) အဆၢကတီၢ် အနၢ်ဟူကျိဖးဒိၣ်ချံသီၣ်ဒီး လဲၤအိၣ်ခူသူၣ်လၢ စီၤဃ--- အဟံၣ်ဖၢလာ်ဒီး အဘၣ်ဒိတပူၤဃီဒီး စီၤဃ--- န့ၣ်လီၤ. ဒ်န့ၣ်အသိး ဖဲနီၢ်ဆ--- အိၣ်ခိး သိလ့ၣ်လၢကလဲၤဆူကၠဲးထိဝ့ၢ်အဆၢကတီၢ် အနၢ်ဟူကျိးဖးဒိၣ်ချံသီၣ်ဒီး လဲၤအိၣ်ခူသူၣ်လၢ စီၤဃ--- အဟံၣ်ဖၢလာ်န့ၣ်လီၤ. အဝဲဘၣ်ဒိတပူၤဃီဒီး နီၢ်င--- ဖဲန့ၣ်လီၤ.

ကျိဖးဒိၣ်ချံပိၢ်ဖးထီၣ်အက့အခီ ဘၣ်နုာ်လီၤလၢ စီၤဃ--- အစုထွဲဒီး အဃံကၢ်ဝဲန့ၣ်လီၤ. ကျိဖးဒိၣ်ချံအက့အခီဘၣ်နီၢ်င--- အစုထွဲ ဘၣ်ဆၣ် တဘၣ်ဒိ နးနးကျံးကျံးဘၣ်န့ၣ်လီၤ. နီၢ်ဆ--- န့ၣ်ကျိဖးဒိၣ်ချံအက့အခီဘၣ်ဒိအခိၣ်သၣ်ဃံဒီး အသးသမူအတၢ်လီၤဘၣ်ယိၣ်အိၣ်ဝဲန့ၣ်လီၤ. လီၢ်ကဝီၤသဝီဖိတဖၣ် ဆှၢသဝီဖိလၢအဘၣ်ဒိသၢဂၤအံၤလၢ (SAC) ကၠဲးထိတၢ်ဆါဟံၣ်န့ၣ်လီၤ. သနာ်က့ ကၠဲးထိတၢ်ဆါဟံၣ်အံၤ တၢ်ကူစါယါဘျါတၢ်ပီးတၢ်လီတအိၣ်လၢလၢလီၢ်လီၢ်လၢ ကကူစါယါဘျါစီၤဃ--- ဘၣ်အဃိ တဒုးထီၣ်အီၤတၢ်ဆါဟံၣ်ဖဲန့ၣ်ဘၣ်ဒီး ဘၣ်တၢ်ဆှၢခီက့ၤအီၤဆူ (SAC) သထူၣ်တၢ်ဆါဟံၣ်န့ၣ်လီၤ. ဖဲလါယနူၤအါရံၤ ၂၀၂၄ နံၣ်န့ၣ် စီၤဃ--- အံၤအတၢ်ဘၣ်ဒိဘၣ်ထံးတကိညၢ်လီၤဒံးဘၣ်န့ၣ်လီၤ.

ဖဲစီၤဃ--- ဒိးကူစါယါဘျါသးလၢတၢ်ဆါဟံၣ်အဆၢကတီၢ်, အဒိးန့ၣ်ဘၣ် ၁၅၀,၀၀၀ ကၠးလၢ လီၢ်ကဝီၤပှၤဂ့ၢ်ဝီတၢ်တိစၢၤမၤ စၢၤကရူၢ်ခံဖုအအိၣ်န့ၣ်လီၤ. တၢ်ကဲထီၣ်သးဝံၤအလီၢ်ခံ စီၤဃ--- ပာ်ဖျါထီၣ်ဝဲလၢ “အဝဲသ့ၣ် (SAC သုးဖိတဖၣ်) မ့တခး လီၤကျိဖးဒိၣ်ချံဒ်အံၤလၢၤဘၣ်ဒု ကဂ့ၤဒိၣ်မး. ခဲအံၤ အဝဲသ့ၣ်ကခးလီၤတၢ်အခါဖဲလဲၣ်န့ၣ်ပတသ့ၣ်ညါဘၣ်အဃိ ပမံတဘူၣ် ဘၣ်.” အဝဲပာ်ဖျါထီၣ်စ့ၢ်ကီးဝဲလၢ “စးထီၣ်လၢယဘၣ်ဒိန့ၣ် ယလဲၤမၤတၢ်တကဲလၢၤဘၣ်ဒီး ကဲထီၣ်တၢ်တၤတၢ်လၢ ယတၢ်လုၢ် အီၣ်နီၣ်ခိသးသမူအဂီၢ်န့ၣ်လီၤ.”

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤလၢအစံးဆၢတၢ်တဖၣ်မ့ၢ် ပှၤတူၢ်ဘၣ်တၢ်လၢ အလဲၤခီဖျိ တၢ်မၤဘၣ်ဒိၣ်ပှၤဂ့ၢ်ဝီခွဲးယာ်ဒီး အဝဲသ့ၣ်ခံဂၤလၢာ်ဟ့ၣ်တၢ်ပျဲလၢ ကသူတၢ်ဂ့ၢ်တၢ်ကျိၤအံၤ ဒ်တၢ်လိၣ်အိၣ်အသိးန့ၣ်လီၤ.