တၢ်ကဲထီၣ်သးအကလုာ်

[တၢ်ခးပှၤကမျၢၢ်ဖိ] ပှၤသဝီဖိတဂၤအစုဘၣ်းဒိခီဖျိ SAC သုးသ့ၣ်တဖၣ်ခးအီၤဖဲအဝဲလဲၤ တၢ်အဆၢကတီၢ်န့ၣ်လီၤ.

တၢ်ကဲထီၣ်သးမုၢ်နံၤမုၢ်သီ

လါအီးကထိဘၢၣ် ၃၀သီ, ၂၀၂၃ နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ကးလံၣ်ခံ (ခိၣ်ခွာ်) သုးကလၢၤ, ဝီၢ်လူကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤက---

သးနံၣ်

(၃၅) နံၣ်

မုၣ်/ ခွါ

ခွါ

ကလုာ်

ကညီ

ထီၣ်ပှၢ် / သဘျ့  

ထီၣ်ပှၢ်

တၢ်ဖံးတၢ်မၤ

မၤအီၣ်မုၢ်ဆ့ၣ်မုၢ်ဂီၤ

တၢ်ဘူၣ်တၢ်ဘါ

ခရံာ်ဖိ

တၢ်ဟံးမူဒါ/ လီၢ်လၤ

• [ပှၤသဝီဖိ]

အိၣ်ဆိးဒူသဝီ

ခ---သဝီ, ဝီၢ်လူကရူၢ်, နိၣ်တကီကီၢ်ဆၣ်, ဒူပျာ်ယာ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ /သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

SAC ခီၣ်ချ့သုးတြိၤ (တမ-၄၄), သုးခိးကီၢ်ဆၢ (BGF) သုးရ့ၣ် နီၣ်ဂံၢ်-၁၀၂၃, သုးကဝီၤ (နီၣ်ဂံၢ်-၄)

ကးလံၣ်ခံ (ခိၣ်ခွာ်) သုးကလၢၤ

သုးခိၣ် အဲၣ်ထူ, သုးခိၣ်ဒိၣ် ဝါဆှံတါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

[KHRG ပျီပူၤပှၤမၤတၢ်ဖိတဂၤ] သ့ၣ်ညါဘၣ်ဝဲတၢ်ကဲထီၣ်သးအံၤလၢ ပှၤသဝီဖိလၢ ဃ---သဝီ, နိၣ်တကီကရူၢ် ပှၤလၢ[အအိၣ် ဖဲကးလံၣ်ခံသုးကလၢၤဖဲတၢ်ကဲထီၣ်သးအဆၢကတီၢ်ဒီး] လဲၤဆှၢဝဲပှၤတူၢ်ဘၣ်တၢ်ဖိတဂၤအံၤ [, ဖဲအ ဘၣ်ဒိဝံၤအလီၢ်ခံ] န့ၣ် လီၤ. [လၢန့ၣ်ဝံၤအလီၢ်ခံ, ပျီပူၤပှၤမၤတၢ်ဖိ မၤဝဲတၢ်ထံၣ်လိာ်သံကွၢ်ဒီး ပှၤသဝီဖိအဂၤတဂၤလၢ အထံၣ်ထွဲတၢ်ကဲထီၣ်သးအံၤ, လၢအမံၤမ့ၢ် စီၤဂ---, ဒီး အဝဲမ့ၢ်စ့ၢ်ကီးပှၤတူၢ်ဘၣ်တၢ်တဂၤအံၤအတခွါန့ၣ်လီၤ.]

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

ပျီပူၤပှၤမၤတၢ်ဖိတဂၤမၤဝဲတၢ်ထံၣ်လိာ်သံကွၢ်ဒီး စီၤဂ---, ပှၤသဝီဖိတဂၤလၢအလဲၤခီဖျိဘၣ်စ့ၢ်ကီးတၢ်ကဲထီၣ်သးတခါ အံၤ, ဒီး [မၤလီၤတံၢ်စ့ၢ်ကီးဝဲတၢ်ဂ့ၢ်တၢ်ကျိၤအံၤခီဖျိတၢ်ထံၣ်လိာ်သံကွၢ်] ပှၤတူၢ်ဘၣ်တၢ်အတခွါန့ၣ်လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲလါအီးကထိဘၢၣ် ၃၀သီ, ၂၀၂၃ နံၣ်န့ၣ်, ပှၤသဝီဖိလၢအအိၣ်လၢ ခ---သဝီ, ဝီၢ်ရ့ကရူၢ်, နိၣ်တကီကီၢ်ဆၣ်, ဒူပျာ် ယာ်ကီၢ်ရ့ၣ်ပူၤ, သ့ၣ်တဖၣ်လဲၤတီဆါဝဲဃၢမံၤတံၢ်ဒီးသိလ့ၣ်ခံခိၣ်ဆူ မီၣ်လမၠဲၣ်ဝ့ၢ်န့ၣ်လီၤ. တချုးလၢအဝဲသ့ၣ်လဲၤထီၣ်ဆူ [ကးလံၣ်ခံ (ခိၣ်ခွာ်)]တၢ်လူၢ်ခိၣ် ဖဲ [BGF သုးရ့ၣ်နီၣ်ဂံၢ်-၁၀၂၃, သုးကရူၢ်နီၣ်ဂံၢ်-၄, ဒီး SAC ခီၣ်ချ့သုးတြိၤ နီၣ်ဂံၢ်-၄၄ အသုးကလၢၤအိၣ်သူၣ်လီၤသးအလီၢ်] ဒံးဘၣ်အခါန့ၣ်, အဝဲသ့ၣ်လဲၤခီဂာ်ဘၣ်ဝဲသိလ့ၣ်တခိၣ် လၢအဟဲက့ၤဘၣ်န့ၣ်လၢကျဲ ဖဲန့ၣ်ဒီးသံကွၢ်အဝဲသ့ၣ်လၢမ့ၢ်အလဲၤ[ခီဂာ်ကးလံၣ်ခံသုးကလၢၤ]န့ၢ်ဧါတန့ၢ်ဧါန့ၣ်လီၤ. တၢ်န့ၣ်ဝံၤအလီၢ်ခံ, အဝဲသ့ၣ်လဲၤဝဲဆူ ညါတုၤအလဲၤတုၤလၢ [သုးကလၢၤ] တၢ်သမံသမိးအလီၢ်တစုန့ၣ်လီၤ. ပှၤသဝီဖိတဂၤ, စီၤဂ---, လၢအအိၣ်လၢ ခ---သဝီ, ဝီၢ်လူကီၢ်ဆၣ်, တဲဘၣ် ကညီဂ့ၢ်ဝီခွဲးယာ် KHRG လၢ “အနီၢ်ကီၢ်န့ၣ်, ပအိၣ်ခိးအဝဲသ့ၣ် [SAC ဒီး BGF အသုးသ့ၣ်တဖၣ်] လၢ ကဟဲ[ဆူတၢ်သမံသမိးအလီၢ်] ဒီး ဟံးန့ၢ်တၢ်အိၣ်ခိးတြဲၤအပှ့ၤ (အခိအသွဲ) န့ၣ်လီၤ. စှၤမံးနံးဝံၤအလီၢ်ခံ, ပှၤတဟဲထၢတၢ်အ ခိနီတဂၤဘၣ်. ဝံၤအလီၢ်ခံ ပဘံးသီၣ်ထီၣ်သိလ့ၣ်အကွဲၤ [ဒ်တၢ်မၤသီၣ်ထီၣ်တၢ်ဟ့ၣ်ပလီၢ်ကလုၢ်အသိး], ဘၣ်ဆၣ်ပှၤတဟဲနီ တဂၤဘၣ်. ယဆိမိၣ်ဒုတၢ်အံၤဒုတၢ်အိၣ်သးတဂ့ၤလၢၤဘၣ်[တၢ်ကဘၣ်ကဲထီၣ်သးတမံၤမံၤ], အဃိယက့ၤဃီၤဆူသိလ့ၣ် အိၣ်ဒီး နီထီၣ်သိလ့ၣ်န့ၣ်လီၤ. ဖဲပနီထီၣ်သိလ့ၣ်[တၢတခိၣ်] ကတလၢဝဲတၢ်အိၣ်ခိးတြဲၤဖဲအခီၣ်ယီၢ် (၆၀), [(၁၈) မံထၢၣ်] ဃၣ်ဃၣ်န့ၣ်, အဝဲသ့ၣ်[SAC အသုးဖိသ့ၣ်တဖၣ်] ခးပှၤ[ဒီးကျိ]န့ၣ်လီၤ.”

လၢတၢ်ကဲထီၣ်သးတခါအံၤ, ပှၤသဝီဖိ သးနံၣ် (၃၅) နံၣ်, စီၤက---, လၢအအိၣ်လၢ ခ---သဝီတဂၤဘၣ်ဒိဝဲန့ၣ်လီၤ. ဖဲလၢ [သိလ့ၣ်တၢတခိၣ်န့ၣ်လဲၤတလၢကွံာ်တၢ်သမံးသမိးတြဲၤလံအဆၢကတီၢ်, ဒီး သိလ့ၣ်ခံခိၣ်တခိၣ်န့ၣ်အိၣ်ဒံးဒၣ်ဖဲ တၢ်သမံသ မိးအတြဲၤ] ဘၣ်ဖဲလၢ စီၤက--- ဘူးကအိးထီၣ်သိလ့ၣ်အပဲတြီအခါ, SAC အသုးလၢအအိၣ်ဖဲတၢ်လူၢ်ဒီခိၣ်သုးကလၢၤတဖၣ် ခးအီၤန့ၣ်လီၤ. တၢ်ခးအီၤဘၣ်ဖဲအစုထွဲတကပၤဒီးအဝဲလီၤဃံၢ် (လီၤတဲာ်) ဝဲဖဲတၢ်သမံသမိးတြဲၤအမဲာ်ညါန့ၣ်လီၤ. [ဖဲပှၤခး ဘၣ်ပှၤတူၢ်ဘၣ်တၢ်ဖိတဂၤအံၤဝံၤအလီၢ်ခံ ပှၤသဝီဖိလၢအအိၣ်လၢ ဃ---သဝီ, နိၣ်တကီကရူၢ်, နိၣ်တကီကီၢ်ဆၣ်တဂၤ, လဲၤ ဆှၢပှၤတူၢ်ဘၣ်တၢ်ဖိတဂၤအံၤဒီးသိလ့ၣ်ယီၢ်ဆူ (DKBA) သုးအတၢ်သမံသမိးအတြဲၤလၢအအိၣ်စီၤစုၤဒီး SAC သုးကလၢၤတ ယံာ်တဘူးဘၣ်န့ၣ်လီၤ.] တၢ်န့ၣ်ဝံၤအလီၢ်ခံ, DKBA သုးခိၣ် သုးခိၣ်န့ၤလၣ်, လဲၤဆှၢပှၤတူၢ်ဘၣ်တၢ်ဖိတဂၤအံၤဆူ ဆ့းကၠံဝ့ၢ် တၢ်ဆါဟံၣ်န့ၣ်လီၤ. စီၤဂ--- တဲဒုးသ့ၣ်ညါပှၤလၢ, “အဝဲ[စီၤက---] ပာ်လီၤအစုဖဲသိလ့ၣ်အပဲတြီန့ၣ်လီၤ. ဖဲတၢ်ခးတၢ်အီၤအ ဆၢကတီၢ်, ပှၤနီသိလ့ၣ် [ခံခိၣ်တခိၣ်] တဂၤန့ၣ်စံးဝဲလၢအဝဲတသ့ၣ်ညါလီၤတံၢ်ဝဲဘၣ်လၢမ့ၢ်အကဘၣ်နီ သိလ့ၣ်လၢကလဲၤ တၢ်ဆူညါအဂီၢ်ဧါ မ့တမ့ၢ် တဘၣ်လဲၤဘၣ်ဧါန့ၣ်လီၤ. , မ့ၢ်လၢကျဲလီၤဘံအဃိ, ပှၤနီသိလ့ၣ်ဖိတဂၤန့ၣ်မၢဝဲ စီၤက---စံၣ်လီၤ လၢသိလ့ၣ်ပူၤဒ်သိးကတီဃာ်သိသ့ၣ်အပၣ်လၢသ့ၣ်ကုးန့ၣ်လီၤ. ဖဲလၢအဝဲဘၣ်ဒိတဘျီဃီန့ၣ်, [ပှၤသဝီတဂၤလဲၤဆှၢအီၤဆူ DKBA တၢ်သမံသမိးတြဲၤလၢအစီၤစုၤယံာ်ဒီး ကးလံၣ်ခံသုးကလၢၤစှၤမံးနံးတဖျၢၣ်န့ၣ်ဒီး] ပဃ့တၢ်မၤစၢၤလၢ[DKBA] သုးဖိ တဂၤအအိၣ်န့ၣ်လီၤ. ပှၤကမျၢၢ်ဖိလၢအအိၣ်[ဘူးဖဲန့ၣ်သ့ၣ်တဖၣ်]လဲၤဆှၢအီၤဆူ[တၢ်ဆါဟံၣ်]တဘူၣ်ဘၣ်, ခီဖျိအဝဲသ့ၣ်တ သ့ၣ်ညါလီၤတံၢ်ဝဲလၢ မ့ၢ်အမ့ၢ်စုနၢသၢဘိ [ကမျၢၢ်တၢ်ဒီသဒၢသုး (PDF)]အပှၤ, DKBA , ဒီး မ့တမ့ၢ် ကညီဒီကလုာ်စၢဖှိၣ် (KNU) ဘၣ်န့ၣ်လီၤ. အနီၢ်ကီၢ်တခီ, ပမ့ၢ်ဒၣ်ပှၤကမျၢၢ်ဖိလီၤ. ပဃ့တၢ်မၤစၢၤလၢ DKBA  သုးဖိတဂၤအအိၣ်ဒီး အဝဲဆဲးကျိးန့ၢ် က့ၤပှၤဒီးအသုးဒ့ခိၣ်န့ၣ်လီၤ. အဆၢကတီၢ်ဖဲန့ၣ်န့ၣ်, ဘၣ်လၢသုးဒ့ခိၣ်, နဲၣ်ကျါ ဒီး န့ၤလၣ်, ဟဲဃီၤဆူ [DKBA တၢ်သမံသမိး လီၢ်] န့ၣ်လီၤ. အဃိအဝဲသ့ၣ်[သုးဒ့ခိၣ်ခံဂၤန့ၣ်] လဲၤဆှၢအီၤဆူ [ဆ့းကၠံ] တၢ်ဆါဟံၣ်န့ၣ်လီၤ.”

ဖဲလၢပှၤတူၢ်ဘၣ်တၢ်ဖိတဂၤအံၤလဲၤတုၤဆူတၢ်ဆါဟံၣ်တကတီၢ်ဃီန့ၣ်, ဆူၣ်ချ့ပှၤမၤတၢ်ဖိတဂၤဟဲဃီၤဝဲတဘျီဃီန့ၣ်လီၤ. မ့ၢ်လၢပှၤတူၢ်ဘၣ်တၢ်ဖိတဂၤအံၤဘၣ်ဒိဒီးကျိချံအဃိ, အဝဲကဘၣ်ဒိဝဲ အ့ၣ်(ၡ်)ရ့ (ဓါတ်မှန်), ဘၣ်ဆၣ်ဖဲဆ့းကၠံတၢ်ဆါဟံၣ် န့ၣ်ကူစါအီၤတန့ၢ်ဘၣ်န့ၣ်လီၤ. ပှၤတူၢ်ဘၣ်တၢ်ဖိတဂၤအံၤမံဝဲဖဲဆ့းကၠံတၢ်ဆါဟံၣ်တနၤန့ၣ်လီၤ. စီၤဂ---စံးစ့ၢ်ကီးဝဲလၢ, “ပ ကိးသိလ့ၣ်လၢအဆှၢပှၤဆါဆူတၢ်ဆါဟံၣ်, ဘၣ်ဆၣ်ပှၤမၤတၢ်လၢပှၤဆှၢပှၤဆါဆူတၢ်ဆါဟံၣ်သ့ၣ်တဖၣ် လဲၤဆှၢပှၤတူၢ်ဘၣ် တၢ်ဖိတဂၤအံၤတဘူၣ်ဘၣ်. အသီတနံၤန့ၣ်, [DKBA] သုးဒ့ခိၣ်အ့န့ဝဲပှၤမၤတၢ်လၢပှၤဆှၢပှၤဆါလၢတၢ်ဆါဟံၣ်တဖုန့ၣ်အ လိၤဒီးစံးအဝဲသ့ၣ်လၢ 'သုလဲၤဆှၢပှၤသုးဖိဘၣ်ဒိသ့ၣ်တဖၣ်ခီဒုဘူၣ်ဒၢး, သုလဲၤဆှၢပှၤကမျၢၢ်ဖိလၢအဘၣ်ဒိခီတဘူၣ်' န့ၣ်လီၤ. တၢ်န့ၣ်ဝံၤအလီၢ်ခံဘျီ, ပဒိးလဲန့ၢ်သိလ့ၣ်လၢအဂၤတခိၣ်, ဒီး ပှၤတူၢ်ဘၣ်တၢ်တဂၤအံၤဘၣ်တၢ်လဲၤဆှၢအီၤ[ဆူမီၣ်လမၠဲၣ်] န့ၣ် လီၤ.”

ပှၤတူၢ်ဘၣ်တၢ်ဖိတဂၤအံၤဘၣ်တၢ်လဲၤဆှၢအီၤဆူမီၣ်လမၠဲၣ်ဝ့ၢ် ဖဲလါအီးကထိဘၢၣ် ၃၁သီ, ၂၀၂၃ နံၣ်, ဒီးဒိးကူဆါယါဘျါအ သးဖဲ မီၣ်လမၠဲၣ်တၢ်ဆါဟံၣ်န့ၣ်လီၤ. [ဖဲလါနိၣ်ဝ့ဘၢၣ် ၂၀၂၃ နံၣ်န့ၣ်] အဝဲတစံၣ်လီၤဘၣ်တၢ်ဆါဟံၣ်ဒံးဘၣ်န့ၣ်လီၤ. ပှၤတူၢ် ဘၣ်တၢ်ဖိတဂၤအံၤအဖိအိၣ် (၂) ဂၤ, ဒီး အမါအိၣ်စ့ၢ်ကီးဒီးဟုးသး[ဒၢ] န့ၣ်လီၤ. ပှၤတူၢ်ဘၣ်တၢ်ဖိတဂၤအံၤမ့ၢ်ပှၤလၢဘၣ်လုၢ် အီၣ်အဟံၣ်ဖိဃီဖိန့ၣ်လီၤ. လၢတၢ်န့ၣ်အဃိ, ဖဲအဝဲဘၣ်ဒိဝံၤအလီၢ်ခံ, အဟံၣ်ဖိဃီဖိသ့ၣ်တဖၣ်ထံၣ်ဘၣ်ဝဲတၢ်ကီတၢ်ခဲ, ဒီးအ ဝဲသ့ၣ်လဲၤအိၣ်လဲၤဆိးက့ၤဆူ င---သဝီ, ပိယ့ကရူၢ်, ကီးတရံးကီၢ်ဆၣ်, ဒီးလဲၤအိၣ်လဲၤဆိးဝဲဒီးအမါမိၢ်ပၢ်အအိၣ်န့ၣ်လီၤ. ပှၤတူၢ်ဘၣ်တၢ်ဖိအဟံၣ်ဖိဃီဖိတဒိးန့ၢ်ဘၣ်တၢ်မၤစၢၤဆီၣ်ထွဲ[လၢတၢ်ကရၢကရိအအိၣ်နီတဖုဒံးဘၣ် ဖဲလါနိၣ်ဝ့ဘၢၣ် ၂၀၂၃ နံၣ်အခါနံၣ်] န့ၣ်လီၤ.

တၢ်ကဲထီၣ်သးအံၤဝံၤအလီၢ်ခံ, ပှၤသဝီဖိသ့ၣ်တဖၣ်လ့ၣ်လိၤလၢကျဲတဘိန့ၣ်အပူၤတဘူၣ်လၢၤဘၣ်. စီၤဂ--- စံးစ့ၢ်ကီးဝဲလၢ “မ့ၢ်သ့မ့ၢ်ဘၣ်န့ၣ်, ယတအဲၣ်ဒိးသူ ဒီးဟးထီၣ်က့ၤလီၤလၢကျဲတဘိအံၤလၢၤဘၣ်. ဒ်လဲၣ်ဂ့ၤန့ၣ်, ကျဲလၢပလဲၤထီၣ်က့ၤလီၤညီ အိၣ်ဒၣ်ထဲကျဲတဘိအံၤလီၤအဃိပကဘၣ်သူဝဲကျဲတဘိအံၤလီၤ. ပလ့ၣ်လိၤဘူၣ်ဒၣ်ထဲလၢပှၤလ့ၣ်လိၤအိၣ်မ့ၢ်အါမးလီၤ.” ပှၤ သဝီဖိသ့ၣ်တဖၣ်တအဲၣ်ဒိးဟးထီၣ်က့ၤလီၤလၢကျဲတဘိအံၤဘၣ်, ဘၣ်ဆၣ်လၢအဝဲသ့ၣ်တၢ်လုၢ်အီၣ်နီၢ်ခိသးသမူအဂီၢ်ဘၣ် သူဝဲကျဲတဘိအံၤန့ၣ်လီၤ.

မ့ၢ်ၦၤလၢအတူၢ်ဘၣ်တၢ်တဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပကသူ တၢ်ဂ့ၢ်အံၤလၢကျဲဒ်လဲၣ်.

ပှၤသဝီဖိလၢတၢ်မၤတၢ်ထံၣ်လိာ်သံကွၢ်ဒီအီၤဘၣ်ဃးတၢ်ကဲထီၣ်သးအံၤသ့ၣ်တဖၣ်, ဟ့ၣ်တၢ်ပျဲလၢတၢ်ကရၤလီၤတၢ်ဂ့ၢ် တၢ်ကျိၤအံၤန့ၣ်လီၤ.