တီအူကီၢ်ရ့ၣ် - ကဘီယူၤခးလီၤတၢ်

ဖဲလါမ့ၤ ၂ သီ ၂၀၂၃ နံၣ် မုၢ်ဟါလီၤ ၅ နၣ်ရံၣ်န့ၣ်, (SAC) အကဘီယူၤခံဘ့ၣ်န့ၣ် ဟဲတ့ၢ် လီၤမ့ၣ်ပိၢ် သၢဖျၢၣ်လၢ (ကျွဲလမ်း) သဝီ န့ၣ်လီၤ. ၀ံၤဒီး လဲၤခးလီၤကဒီးတၢ်ဆူ သယဲၣ်တါသဝီ ဒီး ဘိမတံသဝီ, ထီတထူၣ်ကီၢ်ဆၣ်, တီအူကီၢ်ရ့ၣ်န့ၣ်လီၤ.

ခီဖျိလၢ ကဘီယူၤဟဲခးလီၤတၢ်အဃိ (ကျွဲလမ်း) သဝီန့ၣ် သဝီဖိ သံဝဲ သၢဂၤ, ဘၣ်ဒိဝဲ သၢဂၤဒီး သဝီဖိဟံၣ် ခံဖျၢၣ် ဘၣ်ဟးဂီၤဝဲဒၣ် န့ၣ်လီၤ. တကးဒံးဘၣ် မၤဟးဂီၤဝဲ ဘိမတံသဝီ တၢ်မၤလိကၠိ ဒီး သဝီဖိဟံၣ်တနီၤလၢ သယဲၣ်တါသဝီန့ၣ်လီၤ.