ဖဲလါဖ့ၣ်ဘြူၣ်အါရံၣ် ၁၅ သီ ၂၀၂၂ နံၣ် မုၢ်နၤ ၁၁:၃၀ နၣ်ရံၣ်အဆၢကတီၢ်န့ၣ် SAC အကဘီယူၤဒုးသုးသၢဘ့ၣ်ဟဲတ့ၢ် လီၤ၀ဲမ့ၣ်ပိၢ်ဃုဖျၢၣ်လၢ ထီးထံပၢၤခိၣ်ဟီၣ်က၀ီၤ, ပ့က့ကရူၢ်, လူၤသီကီၢ်ဆၣ်, မုၢ်တြီၢ်ကီၢ်ရ့ၣ်အပူၤန့ၣ်လီၤ. ကဘီယူၤ အတၢ်ဟဲခးလီၤတၢ်တဘျီအံၤ ဘၣ်ဒိဟးဂီၤ၀ဲတၢ်သူၣ်ထီၣ်နွံဖျၢၣ် ဒ်အမ့ၢ်တၢ်မၤလိကၠိတီၤဒၢး, ကၠိတၢ်ပာ်ကီၤတၢ်အီၣ် အလီၢ်, သ၀ီဖိအဟံၣ်ဒီးတၢ်ဆါတၢ်ပှ့ၤအကျးန့ၣ်လီၤ. တၢ်ခးလီၤတၢ်တဘျီအံၤကၠိဖိတၢ်ဘၣ်ဒိဘၣ်ထံးတအိၣ်ဘၣ် ခီဖျိ လၢသ၀ီဖိသ့ၣ်တဖၣ်ဘၣ်တၢ်ဟ့ၣ်ဒုးပလီၢ်ဆိအီၤလၢလီၢ်က၀ီၤပှၤဘၣ်မူဘၣ်ဒါသ့ၣ်တဖၣ် ဒီးအ၀ဲသ့ၣ်ဃ့ၢ်အိၣ်က ဒုဆိဆူတၢ်လီၢ်အဂၤန့ၣ်လီၤ.