တၢ်ကဲထီၣ်သးအကလုာ်

တၢ်ခးလီၤနါစိၤကျိဖးဒိၣ်အဃိကဲထီၣ်တၢ်ဘၣ်ဒိဘၣ်ထံး

တၢ်ကဲထီၣ်သးမုၢ်နံၤမုၢ်သီ

လါယူၤ ၂၂သီ, ၂၀၂၂နံၣ်

တၢ်ကဲထီၣ်သးတၢ်လီၢ်တၢ်ကျဲ (သဝီ, ကရူၢ်, ကီၢ်ဆၣ်, ကီၢ်ရ့ၣ်)

ဖ---သဝီ မဲးပြံးခံကရူၢ် ဘံလ့ကီၢ်ဆၣ် ဒူသထူၣ်ကီၢ်ရ့ၣ်

ၦၤလၢအတူၢ်ဘၣ်တၢ်တဂၤအဂ့ၢ်အကျိၤ

မံၤ

စီၤ အ---

နီၢ် ဆ---

သးနံၣ်

၂၀ နံၣ်

၁၇ နံၣ်

မုၣ်/ ခွါ

ခွါ

မုၣ်

ကလုာ်

ကညီ

ကညီ

ဟံၣ်ဖိဃီဖိ အိၣ် / တအိၣ်   

တအိၣ်

တအိၣ်

တၢ်ဖံးတၢ်မၤ

N/A

N/A

တၢ်ဘူၣ်တၢ်ဘါ

ဘါသီခါ

ဘါသီခါ

တၢ်ဟံမူဒါ/ လီၢ်လၤ

သဝီဖိ

သဝီဖိ

အိၣ်ဆိးဒူသဝီ

ဖ---သ၀ီ မဲးပြံးခံကရူၢ် ဘံလ့ကီၢ်ဆၣ် ဒူသထူၣ်ကီၢ်ရ့ၣ်

ဖ---သ၀ီ မဲးပြံးခံကရူၢ် ဘံလ့ကီၢ်ဆၣ် ဒူသထူၣ်ကီၢ်ရ့ၣ်

ၦၤလၢအမၤအၢပယွဲတၢ်တဂၤအဂ့ၢ်အကျိၤ

မံၤ                    

လီၢ်လၤ

သုးကျိၤ/ သုးရ့ၣ် / သုးတြိၤ

အိၣ်သူၣ်လီၤသးလီၢ်ကျဲ §သုးကလၢၤ

အခိၣ်အမံၤဒီးလီၢ်လၤ

တသ့ၣ်ညါ

တသ့ၣ်ညါ

SAC ခီၣ်ချ့ သုးရ့ၣ်နီၢ်ဂံၢ် ၄၀၄ အိၣ်လၢ ခီၣ်ချ့သုးတြိၤ နီၢ်ဂံၢ် ၄၄ အစုဒုၣ်တီၤဖီလာ်

 မဲးပြံးခံသုးကလၢာ် (အိၣ်တစိၢ်တလီၢ်ဖဲစံကိတီၤတၢ်လီၢ်)

တသ့ၣ်ညါ

၁. ၡဲပၠးၦၤနဟံးန့ၢ်တၢ်ကဲထီၣ်သးတခါအံၤ တဆီဘၣ်တဆီတက့ၢ်.

ကညီဂ့ၢ်ဝီခွဲးယာ်ကရူၢ်(KHRG) မၤတၢ်ထံၣ်လိာ်သံကွၢ် ဒီးဒိးန့ၢ်ဘၣ်တၢ်ဂ့ၢ်တၢ်ကျိၤလၢလီၢ်ကဝီၤသဝီခိၣ်နၢ်ခံဂၤအအိၣ်န့ၣ် လီၤ.

၂. ကွဲးနီၣ်ၦၤလၢဟ့ၣ်တၢ်ဂ့ၢ်အံၤတဂၤစုာ်စုာ်သ့ၣ်ညါ တၢ်ဂ့ၢ်အံၤအမ့ၢ်အတီလၢကျဲဒ်လဲၣ်.

လီၢ်ကဝီၤသဝီခိၣ်နၢ်ခံဂၤလၢကညီဂ့ၢ်ဝီခွဲးယာ်ကရူၢ် (KHRG) မၤတၢ်ထံၣ်လိာ်သံကွၢ်အံၤထံၣ်ထွဲဝဲဒၣ်တၢ်ကဲထီၣ်သးအံၤ န့ၣ် လီၤ.

ပာ်ဖျါတၢ်ကဲထီၣ်သးအဂ့ၢ်အကျိၤလၢလၢပှဲၤပှဲၤတက့ၢ်.

ဖဲ လါယူၤ ၂၂သီ, ၂၀၂၂နံၣ် မုၢ်ဟါလီၤ ၄:၁၀ မံးနံးအဆၢကတီၢ် ထံကီၢ်တၢ်ပၢတၢ်ပြးကီၣ်ကးကရၢ (SAC) ခီၣ်ချ့သုးရ့ၣ်နီၢ်ဂံၢ် ၄၀၄ အိၣ်လၢ ခီၣ်ချ့သုးတြိၤ နီၢ်ဂံၢ် ၄၄ အစုဒုၣ်တီၤဖီလာ် သုးဖိတဖၣ်လၢအအိၣ်ဖဲမဲးပြံးခံသုးကလၢာ် ဘၣ်ဆၣ်သနာ်က့ လဲၤအိၣ်ဝဲတစိၢ်တ လီၢ်ဖဲစံကိတီၤတၢ်လီၢ်လၢအအိၣ်ဘူးဒီး ဖ---သဝီ တဖုန့ၣ် ခးလီၤနါစိၤဝဲကျိဖးဒိၣ် (60mm) တထံၣ်ဆူ ဖ---သဝီ မဲးပြံးခံကရူၢ် ဘံ လ့ကီၢ်ဆၣ် ဒူသထူၣ်ကီၢ်ရ့ၣ်ပူၤ ဒီးဘၣ်ဒိဝဲသဝီဖိခံဂၤန့ၣ်လီၤ.

ဖဲမုၢ်ဟါလီၤ ၄:၁၀ မံးနံးဆၢကတီၢ်န့ၣ် နီၢ် ဆ---လၢအသးနံၣ်အိၣ် ၁၇နံၣ်တဂၤ အခိၣ်သၣ်ဃံဘၣ်ဒိဝဲဒီ SAC အကျိဖးဒိၣ် က့ဖဲအဝဲလုၢ်ထံလၢကမျၢၢ်ထံကမါကပၤဖဲသဝီပူၤန့ၣ်လီၤ. စီၤ အ---လၢအသးနံၣ်အိၣ် ၂၀နံၣ်တဂၤစ့ၢ်ကီး အကံၣ်ဒုၣ်လၢ အထွဲတကပၤဘၣ်ဒိဝဲဒီကျိဖးဒိၣ်က့နးနးကလဲာ်န့ၣ်လီၤ. စီၤ အ--- ဒီး နီၢ် ဆ---ခံဂၤအံၤ ဘၣ်ဒိဝဲဒၣ် ဘၣ်ဆၣ်သနာ် က့အဝဲသ့ၣ်သးသမူတၢ်လီၤဘၣ်ယိၣ်တအိၣ်ဝဲဒၣ်ဘၣ်န့ၣ်လီၤ. ဖဲတၢ်ကဲထီၣ်သးဝံၤအလီၢ်ခံတနံၤန့ၣ် အဝဲသ့ၣ်ခံဂၤလၢာ် ဘၣ်တၢ် လဲၤဆှၢအဝဲသ့ၣ်ဆူ ကညီဆူၣ်ချ့မၤစၢၤဝဲၤကျိၤ (KDHW) အတၢ်ဆါဟံၣ်လၢအအိၣ်လၢ လ---သဝီ မးလ့လၢၢ်ကရူၢ် ဒွဲၣ်လိ ကီၢ်ဆၣ်မုၢ်တြီၢ်ကီၢ်ရ့ၣ်ပူၤ လၢတၢ်ကူဆါယါဘျါအဂီၢ်န့ၣ်လီၤ. နီၢ် ဆ---ဘၣ်ဒိဝဲတနးဒိၣ်ဒိၣ်ဘၣ်အဃိ အဝဲဘျါက့ၤ ချ့ဝဲဒၣ် န့ၣ်လီၤ. မ့မ့ၢ် စီၤ အ---တခီ ကူဆါအသးလၢတၢ်ဆါဟံၣ်တလါဝံၤဒီ ခဲအံၤန့ၣ်ဘျါက့ၤဝဲဒၣ်လံန့ၣ်လီၤ.

မ့ၢ်ၦၤလၢအတူၢ်ဘၣ်တၢ်ဖၣ် ဟ့ၣ်ၦၤတၢ်ခွဲးတၢ်ယာ်လၢပကသူတၢ်ဂ့ၢ်တၢ်ကျိၤတခါအံၤဧါ, ဟ့ၣ်ၦၤတၢ်ခွဲးတၢ်ယာ်လၢ ပက သူတၢ်ဂ့ၢ်အံၤလၢကျဲဒ်လဲၣ်.

လီၢ်ကဝီၤသဝီခိၣ်နၢ်ခံဂၤအံၤဟ့ၣ်အခွဲးလၢ ကညီဂ့ၢ်ဝီခွဲးယာ်ကရူၢ် (KHRG) ကသူဝဲတၢ်ဂ့ၢ်တၢ်ကျိၤအံၤန့ၣ်လီၤ.